فينكوا يا بنات يا مصريات ؟؟؟؟؟ ( الجزء الثانى )

ناني فيبس:
اموله صباح الفل
ازيك يا قمر

على فكرة انا هنزل النهاردة ان شاء الله اركيديا هروح المحل بتاع الميك اب اللى قلتي عليه
معلش ممكن اسمه تاني يا امل ومكانه تقريبا

امل متعرفيش ماركة اي شادو بس اللى بيكون تقيل وبيلمع ؟؟؟؟؟؟؟؟؟

ننوستي، ان شاء الله تروحي و يعجبك المحل، هو اسمه Fortune فورتشن و حتلاقيه و انتي داخلة من الباب في المستوى العلوي جنب مغربي او بركة للبصريات دايما بانسى مين فيهم، هو محل كبير و شيك و فيه استاندات كلارينس و لانكستر و بوبا و جيفنتشي و اركانسيل و ريميل و حاجات كتير اوي. ماركة شادو تقيل و بلمعة مش حاقدر افيدك اوي بس خلي البنت هناك تفرجك على سيبيل و قوليلها طلبك عشان تقدر تساعدك، بس بلاش تطلبي تشوفي شادوهات جيفنتشي و لا لانكوم و الناس دي لانك حتلاقي اسعار نار اوي بصراحة خسارة في شادو. و بلاش شادوهات ريميل لانها خفيفة جداااااااااااا. حاسة انك ممكن تلاقي في سيبيل ان شاء الله

طالبة الجنة83:
صباح الخير عليكوا كلكوا
نانى وحشانى موت اخبارك اية و فين ام الشهداء وحشانى قوى
امل انا مش عارفة اشكرك ازاى على النصائح بتاعتك مرسى لكى جدا و جزاكى الله خير و جعله فى ميزان حسناتك ان شاء الله

صباح الفل يا طالبة الجنة، العفو يا بنتي احنا اخوات، و لو احتجتي اي نصايح في اي وقت على اي حاجة، ابعتيلي بس عالخاص و ملكيش دعوة. ربنا يسعدك يا رب و يهنيكي و يوفقك و يرزقك الذرية الصالحة.

و انت يا نانى قربتى تتجوزى و لا لسة ياله بقى عايزين نفرح فيكى

mmora:
alex ممكن اسالك عن احلى البرفانات والشامبو واسعارها من عندكم لانى عايزه اوصى ناس تجيبلى حاجات من هناك

ممكن طبعاً تسألي عنيا ليكي ، الشامبو عادي فيه في مصر كل الشامبوهات وبنفس السعر بس اللي هتلاقيه في مصر غالي اوي هيا الزيوت زي زيت الجدايل من عبد الصمد القرشي سعره الاول كان 30 ريال ودلوقتي 50 لانه اخد الايزو

ايه تاااني كمان عندك حمام كريم فاشكول سعره هنا رخيص اوي تقريبا ب 40 او اقل معلش انا باخد وبس وبنسى الاسعار بالظبط

البرفانات تحتلف من شخص للتاني ، لو عاوزه تجربتي فأنا بحب جادور من ديور ده عشقي وكمان سينما من ايف سان لوران كان حائز على جايزة احسن برفان 2005 عندك ميس شيري من ديور رررائئع و chance و كوكو مودموزيل من شانيل وفنتازيا من بريتني سبيرز ونزل منه الجديد الكحلي رااائع ، فيه كمان باريس من ايف سان لوران قدددديم اوي بس وهمي البرفنات دي كلها تقيله ومسائية

البرفنات الصباحية المنعشه فيه فيري اريسستبل من جيفنشي كان عندي خلصته في اقل من شهر :gum:
واللي قلت عنه قبل كده still من جينفر لوبيز
وبرفان باريس هيلتون الوردي
وانفي مي من جوتشي رررررررهيب
وعطري المنعش الررررررررررررائع من أيام الاعدادي وليا معاه ذكرييييات هو بليجر من ايستي لودر

ومتنسيش طبعاً اهم حاجه العطور العربية من هنا لان مش هتلاقي زي جودتها في مصر ، زي المسك ودهن العود والبخور والمعول والمخلطات العربية ولو عاوزه اسماءهم بالتفصيل قوليلي

معلش طولت انا ، اصل اختك مدمنة برفانات وعرفاهم نفففررررر نفررررر ولو عاوزه يا حبي التفاصيل اكتر وصورهم والاسعار واماكن بيعهم عنيا ليكي بس عالخاص علشان البنات ميضايقوش من لكي :shy:

amaladel:
صباح الفل يا اليكس

بصرة يا جميل، انا باموووووت في Still و عندي Glow كمان اللي هو اول واحد نزلته اصلا، بامووووت على ريحته، و منتظرة الست سارا ترضى عننا، انا لسه مسألتس في محلات سيتي ستارز و حاسة ممكن يكون نزل هناك، ربنا يسهل لما انزل قريب اشوفه كده

صباح الفل والورد يا قمري
بصرة يا أموله Still رهيب جايبه منه 2 لجهازي ونزلتهم مصر علشان مجيش جنبهم :shy: بضحك على ماما واديها الخاتم اللي بيجي معاه واقلها هديه مني وقفشتني في الاخر :gum:
Glow جميل برضه أبو سلسله ده جربته زمان

alex_bride:
صباح الفل والورد يا قمري
بصرة يا أموله Still رهيب جايبه منه 2 لجهازي ونزلتهم مصر علشان مجيش جنبهم :shy: بضحك على ماما واديها الخاتم اللي بيجي معاه واقلها هديه مني وقفشتني في الاخر :gum:
Glow جميل برضه أبو سلسله ده جربته زمان

ههههههههههههههههه ضحكتيني يا اليكس، بقى تخليها تقفشك برضه؟؟؟ لا و عاملالي ناصحة :gum: طيب لما تيجي بالسلامة بقى تديني واحد من ستيل هدية :shy: هههههههههههههههههههههه

ناني فيبس:
مورا يا قمر ازيك
انا عارفة انك هتقتليني عشان مش بسال عنك
بس والله انتي على طول في بالي وبحبك جدا :shy: :shy: بصي يا عسوله فرست مول دة مول تجاري جنب فندق الفور سيزون اللى في الجيزة عند حديقة الحيوان في شارع مراد
بس منصحكيش تشتري حاجة من هناك
لان كل المنتجات هناك سينيه يعني اصليه 100 % فابالتالي غاليه موت
بس روحي المكان حلو وتحفة والقعده اللى فيه ممتعه جدا وكمان هناك محمد الصغير ليه فرع وفي محل شيكولاتات يجنن وكمان محل كريستال عصفور هو مش محل اوي هو استاند بسيط

معظم البرفانات هتلاقيها في مزايا وفيسيز
على فكرة لو انتي قريبه من مصر الجديدة فتح مزايا هناك في شارع الاهرام اللى هو في محل جراند ستور

زعلانه منك اه اكيد بس مش لدرجة انى اقتتلك ومرسيه خالص على نصحيتك ليه:shy:

amaladel:
مورا الجميلة، يا صباح الورد، و ميرسي على سؤالك يا قمر، انتي كمان وحشتيني. و ناني ما شاء الله شرحتلك كل حاجة عن فرست مول شرح وافي

و اسمحيلي ارد على السؤال ده بالنيابة عن ناني، بارفان جينفير لوبيز كان واحد منهم ال 50 مل من 3 سنين ب 200 جنيه و التاني كان ب 300 او 350 مش فاكرة اوي، مش عارفة دلوقت بكام

مرسيه ليكى خالص يا اموله يا جميله انتى معلش يا جميل انا هتعبك معايا متعرفيش حاجهه تخلى الاسنان بيضه وكمان حاجه تخلى رائحة الفم حلوه على طول:shy:

alex_bride:
ممكن طبعاً تسألي عنيا ليكي ، الشامبو عادي فيه في مصر كل الشامبوهات وبنفس السعر بس اللي هتلاقيه في مصر غالي اوي هيا الزيوت زي زيت الجدايل من عبد الصمد القرشي سعره الاول كان 30 ريال ودلوقتي 50 لانه اخد الايزو

ايه تاااني كمان عندك حمام كريم فاشكول سعره هنا رخيص اوي تقريبا ب 40 او اقل معلش انا باخد وبس وبنسى الاسعار بالظبط

البرفانات تحتلف من شخص للتاني ، لو عاوزه تجربتي فأنا بحب جادور من ديور ده عشقي وكمان سينما من ايف سان لوران كان حائز على جايزة احسن برفان 2005 عندك ميس شيري من ديور رررائئع و chance و كوكو مودموزيل من شانيل وفنتازيا من بريتني سبيرز ونزل منه الجديد الكحلي رااائع ، فيه كمان باريس من ايف سان لوران قدددديم اوي بس وهمي البرفنات دي كلها تقيله ومسائية

البرفنات الصباحية المنعشه فيه فيري اريسستبل من جيفنشي كان عندي خلصته في اقل من شهر :gum:
واللي قلت عنه قبل كده still من جينفر لوبيز
وبرفان باريس هيلتون الوردي
وانفي مي من جوتشي رررررررهيب
وعطري المنعش الررررررررررررائع من أيام الاعدادي وليا معاه ذكرييييات هو بليجر من ايستي لودر

ومتنسيش طبعاً اهم حاجه العطور العربية من هنا لان مش هتلاقي زي جودتها في مصر ، زي المسك ودهن العود والبخور والمعول والمخلطات العربية ولو عاوزه اسماءهم بالتفصيل قوليلي

معلش طولت انا ، اصل اختك مدمنة برفانات وعرفاهم نفففررررر نفررررر ولو عاوزه يا حبي التفاصيل اكتر وصورهم والاسعار واماكن بيعهم عنيا ليكي بس عالخاص علشان البنات ميضايقوش من لكي :shy:

والله ياريت ده انتى تبقى عملتى فيه معروف وخدمه مش هنسهالك طول العمر ياريت تبعتيلى عالخاص وتقوليلى كمان فاشكول بيتباع فين بالظبط لان اللى بيدور عندكم مش لاقيه خالص:shy:

amaladel:
ههههههههههههههههه ضحكتيني يا اليكس، بقى تخليها تقفشك برضه؟؟؟ لا و عاملالي ناصحة :gum: طيب لما تيجي بالسلامة بقى تديني واحد من ستيل هدية :shy: هههههههههههههههههههههه

عنيا ليكي مش ستيل بس ، كلهم ميغلوش عليكي يا حبي ، بس انتي خلينا نشوفك انتي وحلموس :gum:

mmora:

مرسيه ليكى خالص يا اموله يا جميله انتى معلش يا جميل انا هتعبك معايا متعرفيش حاجهه تخلى الاسنان بيضه وكمان حاجه تخلى رائحة الفم حلوه على طول:shy:

أنا أرد عليكي لغاية ما اموله تيجي تنور الموضوع

تجيبي كربونات الصوديوم من الصيدليه وتغسلي بيها اسنانك بالفرشاه عادي بس استخدميها مره او اتنين في الشهر لانها ممكن تكون جامده شويه عالمينا

في كمان نبته معروفه بنشربها زي النعناع اسمها الميرمية وبتهدي احسن من النعناع ، هتلاقيها عند العطار تجففيها و تطحنيها وتخلطيها مع الملح وتبقا زي البودرة وبرضه تغسلي بيها الاسنان بالفرشاه عادي وشوفي لون اسنانك وريحتها من الميرميه وادعيلي

كمان عندك غسول بنت عذاري في ركنها رائع جداً بيطهر الفم وريحة منعشه

ودعواتك :shy:

mmora:
والله ياريت ده انتى تبقى عملتى فيه معروف وخدمه مش هنسهالك طول العمر ياريت تبعتيلى عالخاص وتقوليلى كمان فاشكول بيتباع فين بالظبط لان اللى بيدور عندكم مش لاقيه خالص:shy:

عنيا ليكي يا حبيبتي لاخدمة ولا حاجه احنا اخوات متقوليش كده هبعتلك عالخاص التفاصيل

صباح الخير يا بنات
اموله حبيبتي وحشتنيني
تعاليلي هنا بقى
انا رحت فورتشن :confused: :confused: :sad:
اولا الشادوهات معجبتنيش خالص ماعادا شادوهات من بوبا كانت حلوة بس مفيش الوان كتير الالوان محدودة جدا بس غاليه
اللون الواحد ب 89 جنيه
بس اللى كان هايل هو الاساس بتعهم عملين عليه عرض خاص وكمان عشان هما الوكيل الوحيد في مصر لبوبا منزلين سعره من 125 ل حاجة وسبعين بسسسسسسسسسس
خدت فكرة عن البرفانات عنده واسعارها بس طبعا مش كل حاجة كانت عنده الانواع المعروفة اوي بس ومش كلها

المهم خرجت من عنده ولفت في باقي المول انا وحبيبة قلبي روز عشان كانت معايا

ودخلنا محل تاني عندها ماركات اقل شويه نيفيا وبرجوا واماندا ولونا ماركتنا يعني المهم عجبتنا شدوهات من لونا واماندا بس لاسف الالوان اللى كنا عايزنها مكنتش كلها موجودة جبنا حاجات بسيطة بس
جبت شادو من لونا ب 20 جنيه

دخلنا محل تاني لقينا شادوهات بورجوا بصراحة جميله جدا جبنا منها هي وماركة تانيه كدة الشادو بتعها الوانه تجنن بس مش فاكرة اسم الماركة لانها طبعا هبله يعني عادي لما انسى اسمها هههههههههههههههههههههههههههههه

وبعدين لفينا تاني لقينا واحد عامل استاند كدة وواقف عنده ماركة بينكي زون الجديدة دي جبت منها روجات وجلوسات

يعني الحمد لله جبت الشادوهات والوانها اللى نفسي فيها بس طبعا لسه في حاجات تانيه هنجبها
لفينا لفينا وبردوا جبنا من ماركتنا المحليه :sad:
بس الحمد لله حاجات جميله لاني بجد استخسرت جدا ادفع 90 جنيه في لون شادو واحد

mmora:

مرسيه ليكى خالص يا اموله يا جميله انتى معلش يا جميل انا هتعبك معايا متعرفيش حاجهه تخلى الاسنان بيضه وكمان حاجه تخلى رائحة الفم حلوه على طول:shy:

مورا حبيبتي ازيك

بصي يا قمر في معجونين اسنان بصراحة انا مش بقدر استغنى عنهم ابدا وبجد هيعجبوكي جدا

كلوس اب الازرق
سنسوداين بالبيكنج صودا

هايلين بمعنى الكلمه

وكمان ياقمر انصحك قبل فرحك بأسبوعين تروحي عيادة اسنان وتعملي تنضيف اسنان مش غالي خالص في اماكن اعرف انه ب 40
بس بصراحة المكان اللى انا بروحوا بيعمله ب 150

ازيكوا يا بنات عاملين اية
نانى مبروك على الميك اب الجديد
امل حبيبة قلبى عاملة اية و حشانى و الله
الكس عاملة اية و البنات كلها عاملين اية

mmora بصى يا قمر انا اخوية بيستخدم نوع معجون هو زى السنفرة و بطعم الشيكولاتة بس بجد تحفة بيبيض السنان جدا انا لما اروح عند ماما هجبلك اسمة اوك

صباح الخير يا بنات يا ريت تقولولى أيه أحسن نوع كريم أساس وبودر جربتوه أنا سمعت نانيس سليم بتشكر فى كريم اساس اماندا يا ترى حد جربه؟

صباح الخير يا بنات يا ريت تقولولى أيه أحسن نوع كريم أساس وبودر جربتوه أنا سمعت نانيس سليم بتشكر فى كريم اساس اماندا يا ترى حد جربه؟ :think:

egyptiangirl:
صباح الخير يا بنات يا ريت تقولولى أيه أحسن نوع كريم أساس وبودر جربتوه أنا سمعت نانيس سليم بتشكر فى كريم اساس اماندا يا ترى حد جربه؟

طبعا مجربينه دة نص بنات مصر بتستخدمه هههههههههههههههههههههههه

بصي يا قمر لو بشرتك دهنيه يبقى مالكيش غير نوعين اساس

اماندا ب 45 جنيه

بوبا ب 125 جنيه وبالمناسبه انا لسه قايله ان فورتشن عامل عرض عليه فبقى بحاجة وسبعين يعني الحقي العرض

طالبة الجنة83:
ازيكوا يا بنات عاملين اية
نانى مبروك على الميك اب الجديد
امل حبيبة قلبى عاملة اية و حشانى و الله
الكس عاملة اية و البنات كلها عاملين اية

الله يبارك فيكي يا قمر
انتي اخبارك ايه

ياريت يا بنات تدعوا لامل ربنا ييسرلها حمله وتقوم بالسلامه عشان هي تعبانه شويه