السلام عليكم
شخباركم خواتي
انا راح ادخل بالموضوع على طوووول :sad:
انا صار لي تقريبن شهر ونص وانا وخطيبي ماخذني على بعض وايد كانه نعرف بعض من زمان والكل ملاحظ هاي الشي يقولون لي الي يشوفكم يقول تعرفون بعض من قبل :shy: لانه الحمدلله حسيت انه احنا اتفقنا مع بعض وايد
الحين المشكله انا خطيبي يبنا نطلع مع بعض وانا جسيت النبض عند اموي لقيتها رافضه الفكرة نهائيا :sad: بس احنا خطوبيتنا طويله وراح نتمللل حته اني قربت العرس
( للعلم انا بدويه بس احنا بيتنا شوي متحضر وخطيبي حضري )
انا من يومين تواعدت من خطيبي انا نشوف بعض في مجمع بس انا كنت مع وحدة من قريباتي وشفنا بعض وهاي قريبتي متزوجه وعصبت علي ليش تواعدينه المهم تركتها ورحت محل ثاني خطيبي جاني وقعدنا نسولف وبعدها رجعت لقريبتي قالت لي لو كان خطيبج قاعد يختبرج ويبي يشوفج يمكن هاي الحركه كانت اختبار لج المهم هو بعده طلب يقدم العرس
ادري الكلام مخربط بس شاسوي اصلن الفكرة واضحه ومثل ماهي لكم
الحين هو يبني اطلع معاة نروح نتفطر مع بعض ونشرب كوفي في مجمع المشكله قلت له اموي يمكن ماترضه قال لي عادي قولي لها انج تبين اغراض وانا عادي اقدر اروح ماعندي مشاكل بس انا خايفه انه هاي يكون اختبار لي ويبي يشوفني بانجح فيه ولالا ؟ او انه عادي يبي يطلع معاي انا قلت لاختي قالت لا تسوينها احنا عندنا هاي الشي مرفوض نهائيا
خطيبي يشوف هاي الشي عادي احنا متزوجين ومافيها شي لو طلعنا وانا واثقه 100 % منه بس انا خايفه من سالفه انه هاي الشي يكون اختبار لي وثاني شي خايفه حد يشوفنا مع بعض مع انه الكل يدري اني مخطوبه بس مايعرفون خطيبي لانه مش من العايله الحين الوعد في الويك اند وبعدها على طول بيطلع من المجمع بيسافر
هو ينتظر مني الجواب يوم الاربعاء ( احس انه فترت الخطوبه احلى فترة وخاطري استانس فيها قد ماقدر لانه بعد الزواج اكيد بيتغير هاي الشي )
مدري احس القرار صعب انا ابي هاي الشي وما ابيه في نفس الوقت محتاااااااااااارة ؟؟؟؟:cry:
ياليت الي مرت بتجربه مثلي تنصحني شاسوي ؟؟
خطيبي عازمني نطلع بس ؟؟
!
20-02-2007 | 10:32 AM
أ
20-02-2007 | 11:08 AM
انتي مخطوبه والا مالكه ...؟؟؟
بعدين اختي دام ان هالشي ممنوع عندكم خلااااص قولي مااقدر هو اكيد بيقدر ...واذا كان اختبار او لا النتيجه وحده ...انك ماتقدرين تطلعين وياه والله يوفقك اختي
بعدين اختي دام ان هالشي ممنوع عندكم خلااااص قولي مااقدر هو اكيد بيقدر ...واذا كان اختبار او لا النتيجه وحده ...انك ماتقدرين تطلعين وياه والله يوفقك اختي
ر
20-02-2007 | 11:33 AM
أنا أفضل أنك تسمعي كلام اهلك ولا تطلعي معاه أو تقابلية بالسر بدون علم أهلك.أول شئ لأن الرجال بحرهم واسع وقد يكون يبي يختبرك وثانيا أياني وأياك تستغفلي أهلك لأن حرام والله هم ما يبو غير مصلحتك أكيد.
أختي قدمو العرس أو إذا كنتو مالكين ليش ما يجي البيت عندكم.
اما إذا كانت خطوبة بس أنا أمنعك أختي نهائيا أنك اتقابليه أو أتكلمية لأن أولا وأخر سمعت البنت هي اللي تخترب.
أنتبهي لهاي النقطة
أختي قدمو العرس أو إذا كنتو مالكين ليش ما يجي البيت عندكم.
اما إذا كانت خطوبة بس أنا أمنعك أختي نهائيا أنك اتقابليه أو أتكلمية لأن أولا وأخر سمعت البنت هي اللي تخترب.
أنتبهي لهاي النقطة
M
20-02-2007 | 11:47 AM
لا ياقلبي انتبهي..ترا الرجال ماينعرف لهم حتى لو كنتي مالكه عليه..
انا عادي عندنا البنت تطلع مع زوجها بعد الملكه بس برضى اهلها وهو يدري ان اهلها راضين
تخيلي نفسك تواعدينه من ورا اهلك؟ليه وش حادك على الظلام وانتي حلال له لازم اهلك يدرون واذا رفضوا حاولي تقنعينهم واذا مااقتنعوا مره خلاص لا تروحين
بكرا يقولك مثل ماخنتي اهلك تخونيني انتبهي .. وبعدين صديقتك هذي معها حق مليون بالمية لاتسوين شي من ورا اهلك حتى هو بتصغرين بعينه مع الايام ومو حلوة بحقك بعد على وش مستعجلين صح انا معاك ان فترة الملكه احلى فتره بس عاد شتسوين ارضي بالواقع ولاتتهورين بشي بينعكس بشكل سلبي عليك..يعني مثلا
قولي لأمك نبغى نفطر بكوفي انا واياه وانتي معانا وخليها تروح معكم وهي تتمشى بالمجمع وانتم تفطرون وهي تروح وتجي عليكم ومع الايام بتتعود امك وبتثق اكثر وبتخليك تروحين معاه بلحالكم..
حتى هو من داخله بيستانس من امك وبشوف قد ايش هي حريصة على بنتها .. بس المهم انها تكون موجوده بنفس المكان فهمتي علي
والله يوفقك ويسعدك
انا عادي عندنا البنت تطلع مع زوجها بعد الملكه بس برضى اهلها وهو يدري ان اهلها راضين
تخيلي نفسك تواعدينه من ورا اهلك؟ليه وش حادك على الظلام وانتي حلال له لازم اهلك يدرون واذا رفضوا حاولي تقنعينهم واذا مااقتنعوا مره خلاص لا تروحين
بكرا يقولك مثل ماخنتي اهلك تخونيني انتبهي .. وبعدين صديقتك هذي معها حق مليون بالمية لاتسوين شي من ورا اهلك حتى هو بتصغرين بعينه مع الايام ومو حلوة بحقك بعد على وش مستعجلين صح انا معاك ان فترة الملكه احلى فتره بس عاد شتسوين ارضي بالواقع ولاتتهورين بشي بينعكس بشكل سلبي عليك..يعني مثلا
قولي لأمك نبغى نفطر بكوفي انا واياه وانتي معانا وخليها تروح معكم وهي تتمشى بالمجمع وانتم تفطرون وهي تروح وتجي عليكم ومع الايام بتتعود امك وبتثق اكثر وبتخليك تروحين معاه بلحالكم..
حتى هو من داخله بيستانس من امك وبشوف قد ايش هي حريصة على بنتها .. بس المهم انها تكون موجوده بنفس المكان فهمتي علي
والله يوفقك ويسعدك
r
20-02-2007 | 11:54 AM
ليش مكبرة المساله ؟؟
اجلي طلعاتج معاه .... وحافظي على قيمكم اقصد قيم عائلتج واتريي واكيد هو راح يفهم الوضع ويمكن تكبرين في عينه اكثر صح ؟؟؟؟ وبالتوفيييييييييييق
رووووووووز
اجلي طلعاتج معاه .... وحافظي على قيمكم اقصد قيم عائلتج واتريي واكيد هو راح يفهم الوضع ويمكن تكبرين في عينه اكثر صح ؟؟؟؟ وبالتوفيييييييييييق
رووووووووز
ب
20-02-2007 | 12:12 PM
كل عايله لها عاداتها وتقاليدها ولازم البنت تحترم وتقدر هالشي
بس انا من رايي
مادام انكم متزوجين ما فيها شي
منها تشوفون بعض وتتعرفون على بعض اكثر
وحتى لوكان يختبرج انتي طالعه معاه لانه زوجج (( مو خطيبج )) !!
يعني عـــــــادي لا عيب ولا حرام
اذا احد شافكم قوليله انه زوجج
ما في مشكله
بس انا من رايي
مادام انكم متزوجين ما فيها شي
منها تشوفون بعض وتتعرفون على بعض اكثر
وحتى لوكان يختبرج انتي طالعه معاه لانه زوجج (( مو خطيبج )) !!
يعني عـــــــادي لا عيب ولا حرام
خايفه حد يشوفنا مع بعض مع انه الكل يدري اني مخطوبه بس مايعرفون خطيبي لانه مش من العايله
اذا احد شافكم قوليله انه زوجج
ما في مشكله
ح
20-02-2007 | 01:01 PM
حبيبتي لا تردي عليه وتكذبي ع امك
ما يصير مو لحكاية اختبار او غيره انتي ما تعرفين ما هو داخل فكره
وهذا رائيي وانتي حرة
ما يصير مو لحكاية اختبار او غيره انتي ما تعرفين ما هو داخل فكره
وهذا رائيي وانتي حرة
$
20-02-2007 | 01:08 PM
الغاليــه دام امج مب رااضيه خلاااص ...
رضى الاهل اهم شي ..
وانتي شووفي امج وقوليلها اذا بتروحين معانا ..
مثل ما قالن الاخوات ..
صح ان فتره الملجه حلووه ..
بس من رايي اجلى الطلعه لين يووم العرس احلــى واحلــى ..
وربي يووفقج الغاليه ..
رضى الاهل اهم شي ..
وانتي شووفي امج وقوليلها اذا بتروحين معانا ..
مثل ما قالن الاخوات ..
صح ان فتره الملجه حلووه ..
بس من رايي اجلى الطلعه لين يووم العرس احلــى واحلــى ..
وربي يووفقج الغاليه ..
$
20-02-2007 | 01:12 PM
غاليتي..لا تطلعيين معاه ..تحمللللي إنزين وإن خذاج..وتزووجج وبعد الزواج بيقط عليج كلام كلش مب حلو.....يعني بذكرج بأيام الخطووووبه.....
أ
20-02-2007 | 01:20 PM
والله انا مادري وش اقول
مادام هو زوجج فانتي خلاص حلاله
ومادري ليش الناس يحرمون الشي على نفسهم وهو حلال
وبعدين الصراحه سالفة الاختبار ماتدش العقل، اذا انتو كنتوا خلاص مالجين فعلى اي اساس يختبرج؟؟ يختبرج ان انتي بتطلعين مع زوجج او تلاقينه؟؟ والله غريبه وتضحك بعد
بس اذا كنتوا مش مالجين فهذا شي ثاني
وانا عندي مافيها شي اذا طلع معاج بس مادام انتو عاداتكم جذي
فلا حول ولا قوة الا بالله
مادام هو زوجج فانتي خلاص حلاله
ومادري ليش الناس يحرمون الشي على نفسهم وهو حلال
وبعدين الصراحه سالفة الاختبار ماتدش العقل، اذا انتو كنتوا خلاص مالجين فعلى اي اساس يختبرج؟؟ يختبرج ان انتي بتطلعين مع زوجج او تلاقينه؟؟ والله غريبه وتضحك بعد
بس اذا كنتوا مش مالجين فهذا شي ثاني
وانا عندي مافيها شي اذا طلع معاج بس مادام انتو عاداتكم جذي
فلا حول ولا قوة الا بالله
ا
20-02-2007 | 01:29 PM
بالعكس اختي ..
انتي الحين لو ظليتي معه كل يوم تطلعون مكان قوليلي شو خليتي لبعد الزوااااج
انا انصحج تخلين كل الطلعات هذي لبعد الزواج لكن لو بديتوا من الحين تطلعون بعد الزواج بيكون شي روتيني ومب يديد عليكم
انتي الحين لو ظليتي معه كل يوم تطلعون مكان قوليلي شو خليتي لبعد الزوااااج
انا انصحج تخلين كل الطلعات هذي لبعد الزواج لكن لو بديتوا من الحين تطلعون بعد الزواج بيكون شي روتيني ومب يديد عليكم
&
20-02-2007 | 01:29 PM
تحملي
حتى لو كان زوجك
الزوج في باله شي واحد
دام خانت ثقة اهلها مستحيل تصوني,
ودام ناوية تكذبين على امك وهي اقرب الناس لك انسي ان يثق فيك بيوم
بيني له انك كبيرة و رأي اهلك يهمك دام انتي في بيت اهلك بس لين رحتي لبيته خذي راحتك محد له شور عليك
حتى لو كان زوجك
الزوج في باله شي واحد
دام خانت ثقة اهلها مستحيل تصوني,
ودام ناوية تكذبين على امك وهي اقرب الناس لك انسي ان يثق فيك بيوم
بيني له انك كبيرة و رأي اهلك يهمك دام انتي في بيت اهلك بس لين رحتي لبيته خذي راحتك محد له شور عليك
f
20-02-2007 | 01:39 PM
ادا انتو ملكتو خلاص اطلعي وياه
واعطي بيتكم خبر ترا بطلع افطر مع الرجال انتي مو مسويه حرام
المهم انه يكون عندهم خبر سواء رضو او لا
حاله غريبه بصراحه
انتي شوفي اللي يناسبك وسويه واللي يرضي تفكيرش وضميرش
انا سالفة اختبار مااعتقد
صفي النيه حبيبتي
بالتوفيق
واعطي بيتكم خبر ترا بطلع افطر مع الرجال انتي مو مسويه حرام
المهم انه يكون عندهم خبر سواء رضو او لا
حاله غريبه بصراحه
انتي شوفي اللي يناسبك وسويه واللي يرضي تفكيرش وضميرش
انا سالفة اختبار مااعتقد
صفي النيه حبيبتي
بالتوفيق
ق
20-02-2007 | 01:48 PM
لا تطلعين معاه انتي الخسرانه بالنهايه بعدين على اقل شي او كلمه بتقولينها بيقوول لج انتي ماقدرتي هلج بتقدريني انا
حاسبي حبيبتي
الله يوفقج ان شاء الله
حاسبي حبيبتي
الله يوفقج ان شاء الله
ه
20-02-2007 | 02:22 PM
نصيحتي لج حبيبتي انج ماتطلعين وياه لأنكم بعدكم مخطوبين ....خلي كل شي في وقته والطلعات بعد الزواج لاحقين عليها .....واسمعي كلام هلج وانتي مقتنعه لأنهم يبغون مصلحتج ....وقوليله مااقدر اطلع وياك من دون موافقة هلي...((الريال يحب البنت الثقيله )))
لازم تتغلين عليه .........
جذي لما توافقين على كل شي يقوله ومن دون شور هلج بحس انج سهلة ...
يعني لازم يكون لج راي ....جذي بيتعلق فيج اكثر ....وبيقدم العرس وبيترياه على احر من الجمر ....
هذي نصيحتي لج عن تجربه ..... لما كان خاطبني زوجي ( مع العلم انه ولد عمي ) كنت مااطلع وياه وماايلس وياه والريال متخبل ...وكنت مااكلمه الا في التلفون ....وأحيانا
وكل يوم احسه يتعلق فيني اكثر .....
والسموحه الغاليه والله يسعدكم
لازم تتغلين عليه .........
جذي لما توافقين على كل شي يقوله ومن دون شور هلج بحس انج سهلة ...
يعني لازم يكون لج راي ....جذي بيتعلق فيج اكثر ....وبيقدم العرس وبيترياه على احر من الجمر ....
هذي نصيحتي لج عن تجربه ..... لما كان خاطبني زوجي ( مع العلم انه ولد عمي ) كنت مااطلع وياه وماايلس وياه والريال متخبل ...وكنت مااكلمه الا في التلفون ....وأحيانا
وكل يوم احسه يتعلق فيني اكثر .....
والسموحه الغاليه والله يسعدكم
M
20-02-2007 | 02:37 PM
حبيبتي أسيرة قطر..
أنا من رايي إنك تاخذين رأي أمك عشان الله يوفقك.. وأمك أدرى بمصلحتك أنا ما أشكك بخطيبك بالعكس أنتي فهميه والله يوفقك معاه وشلي فكرة ان الايام بعد الزواج تكون غير بالعكس إن شاء الله تكون أيامكم كلها حلوة..
وممكن لو إن أمك مارضت بإمكانك تعزمينه عالفطور في البيت بيكون أريح لكم ويكون برضا الوالدة..
الله يوفقك حبيبتي ويسعدك ويتمم لك على خير..
أنا من رايي إنك تاخذين رأي أمك عشان الله يوفقك.. وأمك أدرى بمصلحتك أنا ما أشكك بخطيبك بالعكس أنتي فهميه والله يوفقك معاه وشلي فكرة ان الايام بعد الزواج تكون غير بالعكس إن شاء الله تكون أيامكم كلها حلوة..
وممكن لو إن أمك مارضت بإمكانك تعزمينه عالفطور في البيت بيكون أريح لكم ويكون برضا الوالدة..
الله يوفقك حبيبتي ويسعدك ويتمم لك على خير..
ب
20-02-2007 | 05:35 PM
حبيبتي أسيرهـ
لوقلتيلنا انه يبيج تطلعين وهلج موافقين ممكن اقولج اوكي طلعي
لكن انتي بتطلعين واهلج مايدرون .... وهو بعد يدري ان هالشي من وراهم
فانتبهي .....يمكن هالشي يأثر على شخصيتج جدامهـ حتى لوهو كان مايفكر بهالشي والقصد كله انه يقعد معاج
ومثل ماقالت مس قطر اعزميه عالبيت فالوقت الي يبيه مب شرط برا .... بالعكس في البيت اريح عالاقل اهلج يكونون راضيين بهالشي .....
يعني الحين لو سألج قوليله ماقدر اطلع بروحي امي ماترضى واان ماتعودت اسوي شي من وراهم شرايك تزورني انت افضل ؟؟
لوقلتيلنا انه يبيج تطلعين وهلج موافقين ممكن اقولج اوكي طلعي
لكن انتي بتطلعين واهلج مايدرون .... وهو بعد يدري ان هالشي من وراهم
فانتبهي .....يمكن هالشي يأثر على شخصيتج جدامهـ حتى لوهو كان مايفكر بهالشي والقصد كله انه يقعد معاج
ومثل ماقالت مس قطر اعزميه عالبيت فالوقت الي يبيه مب شرط برا .... بالعكس في البيت اريح عالاقل اهلج يكونون راضيين بهالشي .....
يعني الحين لو سألج قوليله ماقدر اطلع بروحي امي ماترضى واان ماتعودت اسوي شي من وراهم شرايك تزورني انت افضل ؟؟
أ
20-02-2007 | 05:44 PM
يبي اشوفج ايي البيت احنا ماعندنا وحده تطلع الا لما تتزوج
وحتا ايي البيت كانت صعبه
بس بعدين تقبلوا الوضع
افضل انج ماتطلعين
وحتا ايي البيت كانت صعبه
بس بعدين تقبلوا الوضع
افضل انج ماتطلعين
ا
20-02-2007 | 08:13 PM
لا تعاندين اهلج لانهم يبون مصلحتج
والصراحه واحد يخاف من كثر ما يسمع
والصراحه واحد يخاف من كثر ما يسمع
w
20-02-2007 | 09:13 PM
اجلي كل شئ لبعد العرس....................وحافظي على عاداتكم..................وصدقج ممكن يوصل الكلام لاهلج وتصيرلج مشاكل..................وتخيلي تكذبين على امك..............باجر اكيد بيشك فيك وبيقول هذي كانت تكذب على امها قبل اكيد اللحين راح تكذب علي..................مو حلوه في حقج حبيبتي