خطيبي عازمني نطلع بس ؟؟

انا رايى انك متخرجيش معاه لانك بكدا هتعصى والدتك ز يمكن يكون اختبار لكى و ربنا يوفقك

والله راي من راي البنات
حتى لو كنتوا مالجين وعادتكم ما تسمح انج تظهرين معاه بره البيت
لا تسوين هذا الشي وتعصين اهلج
وخلج ثقيله ويحس انج فعلا ما تسوين شي من ورا اهلج حتى لو كان حلال
وانتى عارفه بتقاليدكم طبعا لازم يكونون اهلج يدرون والله يوفقج

أنا الشوق:
والله انا مادري وش اقول
مادام هو زوجج فانتي خلاص حلاله
ومادري ليش الناس يحرمون الشي على نفسهم وهو حلال
وبعدين الصراحه سالفة الاختبار ماتدش العقل، اذا انتو كنتوا خلاص مالجين فعلى اي اساس يختبرج؟؟ يختبرج ان انتي بتطلعين مع زوجج او تلاقينه؟؟ والله غريبه وتضحك بعد
بس اذا كنتوا مش مالجين فهذا شي ثاني
وانا عندي مافيها شي اذا طلع معاج بس مادام انتو عاداتكم جذي
فلا حول ولا قوة الا بالله

هذا بعد رايي بالموضوع .... في احد عاقل يختبر زوجته وحلاله اذا بتطلع معاااه ؟؟؟؟؟؟؟؟؟
بس مو معناته اني اشوف انج تطلعين دون رضى امج شي مقبووول,,,لاطبعا لازم هي راضية وهو لازم يعرف برضاها ومافي شي بالسر

استغرب منج اشلون ادورين الاعذار لنفسج علشان ما تحسين انج سويتي شي غلط , صحيح هو مو غلط من ناحية الدين لكن من ناحية العادات والتقاليد غلط واكبر غلط وانتي عارفة هالشي اكثر من غيرج عشان جذيه قاعده ادورين لج مبررات واعذار للشي اللي سويته واللي تبين تسوينه

من كلامج مبين انج قبيلية ترا حرام اللي تسوينه بأهلج عطوج ثقة بس انتي ما قدرتيها ولا احترمتيها تخيلي بس موقف ابوج لو درى انج سويتي هالشي من وراه !!!!!!!!!!!!

انتي اهلج سامحين لج تشوفينه واييج يعني مالج عذر, اش بتفرق قعدتكم في البيت عن قعدة الكوفي شوب
صدقيني الحين اهتزت صورتج جدامة لأنج خنتي ثقة اهلج وفي باله الحين انج بالمستقبل مستحيل تحافظين على بيته وتصونينه

والله حاز بخاطري اللي سويتيه حاطه نفسي مكان اهلج اتخيل اش بتكون ردة فعلي

احترمي هلج وخلي خطيبج يحترم عادات اهلج لأنه اساسا ما خطب عندكم الا عارف هلج وعاداتهم والا ما كان طلب نسبهم

يمكن اكون قاسية بردي بس لأني ما ابيج تعيدين هالشي مرة ثانية

اشكر كل ردود البنات :shy:

انا الحمد لله عاقله بس هاي المشكله لما بدويه تاخذ لها واحد حضري يشوف كل شي عادي :gum:

جات من الله وتكنسلت الطلعه لانه انشغل بشغل بسويه وبيسافر اصلن انا هلي مايبونه لا يجيني البيت ولا اشوفه برا يعني رافضين يشوفني وايد وانا اقول لاموي اني بديت اتمللل كله تلفونات

ومشكورين ياخواتي ادري محد بيصنحني ويخاف علي اكثر منكم بس حسيت نفسي اني قاعده امشي وراء عواطفي بس الوحدة لما تحب ماتفكر بالي تسويه صح ولا غلط وغير جذيه هو زوجي حلالي هو يقولي انا متزوجينعلى سنه الله ورسوله ومانسوي شي غلط

لاني اول بنت تتزوج في العايله من بعد شباب فصايره الكل يتفلسلف علي من الاهل بس ان شاء الله خير

ادعووووووووولي انه الله يوفقنا ويرزقنا بالذريه الصالحه ان شاء الله :shy:

موفقة حبيبتي والله يعجل بزواجكم إن شاءالله

شوفي حبيبتي


كل وحدة تمشي على الي هي تربت عليه ...


اهلج جي طريقتهم امشي على طريقتهم...


يعني انا ماقولج انا مقتنعه من الي يسونه اذا هو ريلج .. بس في نفس الوقت هم في وجهة نظرهم انه هل شي استر لج ز يحافظ عليج لانه يمكن يسمعون سوالف بنات غير الي نامت ويا ريلها قبل العرس ولا انفصلت في الخطوبة و السبه شاف انها جريئة ولي ولي ..


امشي على الجو المحاط فييج و كل ديره لها عاداتها و تقاليدها .... صدق الدين ماحرم ... بس دام اهلج جي .. خلاص فديتج .. و في النهايه حطي في بالج دووم هذا الافضل لج .. لا تبينين لريلج حتى لو ما كان يخترج .. انج تسوين اشيه من وره ظهر امج ...

بالعكس قوليله حتى لو انا حلالك و احنا مانسوي شي غلط امي ماتضره و رضا الرب من رضا الوالدين .. انا مالي قلب اسوي هل شي من وراها .. انت ا1ا تبي اقنعها انا حاولت ماطاعت ... و انشالله اذا الله ماكتب يوم نعرس انشالله بتشبع مني


شوفي شلون بتكبرين في عينه ... بيحسج عاجل و كفوو ثقة .. الريال يمكن الحين مايحط باله لكن لا تصيده معاج مشكلة مايعوووق يتصيد لج اغلاط و يبده يتشكك .. فليش من الين تحطين نفسج فس مواقف؟؟؟

الله يوفقج انشالله

شوفي حبيبتي الشي الي انتي خايفة منه لا تقربين صوبة كلششششششششششششششششش
انتبهييييييييييييييي ترى كثير بنات سووها وطاح الفاس بالراس

انا من راي الاخوات تغلي عليه وقولي بعدين بنشوف بعض بالعكس جذي بيشتاق لك اكثر وقدمو العرس واما موضوع انه ايام الخطبه احلى من ايام الزواج فانا اقول انه البدايه هي اللي تكون احلى ايام كانت خطبه ولا زواج بالعكس الزواج يمكن يكون احلى لانكم بتكونون متزوجين بعد العرس تقدرون تسوون اي شي وايام زواجك الاولي حتكون احلى واحلى وحتعوضون ايام الخطبه ولو رحتي معاه مجمع ورجعتي البيت بعدها من ورا اهلك ما حتحسين نفسك مستانسه حتحسين نفسك متضايقه لانك خنتي ثقه اهلك والله يرده لك فالسلامه ونفرح فعرسكم قريب ان شالله .

امممم
تبين الصراحه ... غريبه سالفته ...
بس تحملي والله..
مو كل حضري ترى يسوي جذي..:)

اجلي الطلعه وياه لبعد الملجه مب الحين

عزيزتي

اول شي صحيح هو حلال وريلج ومو حرام .. لكن عادات وتقاليد

وقبل العادات والتقاليد ،، انتي صج مرته لكن انتي لين الحين في بيت اهلج وانتي لين الحين مسؤوليتهم يعني تمشين على شورهم

شغله ثانيه وهي ،، انج تشوفين انج تسوين شي من ورا امج عشان ريلج شي عادي لأنه ريلج وما بيفكر بطريقه ثانيه مثلاً انتي مابتسوين شي من دون شوره

لكن ماتضمنين انه يفكر انج مثل ماسويتي شي من دون رضى امج عشانه ..

ممكن تسوين شي من دون رضاه ومن وراه عشان خواتج امج ،، رفيجاتج ؟؟!!

ممكن يقول هالبنت اللي تبيه تسويه بدون خوف "لاتنسين خوفج من ان حد يشوفج او اهلج يدرون" وبدون علم اهلها ،، بغض النظر كونه زوجج ،، لكن قدرتي ،، تضمنين انه ما يفكر انج قدرتي تسوين هالشي من قبل .. اكرم عليج طبعاً فلا تحطين نفسج موضع شك

نرجع للعادات والتقاليد ،، هي يمكن تختلف لكن مب وايد

وصدقيني الكل عنده مب عدله الوحده تطلع مع خطيبها ..

حتى لو كل الناس يدرون او اهلها يرضون ،، لكن المجتمع بشكل عام ما يتقبلها

حتى لو كانوا اهل بعد مب عدله ،، يزورها في البيت ان شاء الله يتم لين نص الليل لكن طلعه لا ..

آخر شي حبيت اعلق على نقطه ذكرتيها

ان اصعب شي بدويه تاخذ حضري

فديتج اما انج فاهمه الحضري بطريقه غلط ..

او انج تبين توهمين نفسج وان الحضري عنده عادي هالشي

انا حضريه واقولها لج ،، هالشي مايصير عندنا ومب متعارف عليه

لكن لما تحبين توهمين نفسج ان اللي تسوينه صح لا تعلقينها على شي ثاني

تقدرين تقولين ريلي جذي تفكيره ،، لكن لا تقولون الحضر جذي ويبون جذي

التعميم غلط فديتج ،، كأنج فاهمه او تحاولين تفهمين غيرج ان الحضر كل شي عندهم عادي !!!!!!!

وان البدو هم اللي عندهم حدود وممنوع .. لكل طرف طريقة تفكير وحدوووووود ..

في النهايه قبل مارسل الرد انتبهت ان اهلج مايبون حتى انه يجي البيت

يعني مو بس مايبونج تطلعين معاه ،، بالمره مايبونج تشوفينه

ابشري عيل بنظرة خطيبج لج ..

سامحيني على صراحتي لكن من حرقة قلبي عليج

وانتي مثل ماقلتي عن روحج عاقله ،، لا تخلين ريلج ياخذ فكره ثانيه عنج من ورا هالحركه

وفي النهايه حتى لو كان الحضري عادي عنده هالشي ،، او نفرض ان ريلج انسان متفتح ونظرته غير عن باقي الريايل

صدقيني توصل عند حريمهم وستوووووب ،، يصير التفكير شي ثاني

لا تطلعين لانك انت قلتي له امي ما ترضى

و هي ولية امرك و تكذبين عليها و الخ الخ الخ


الرجال عقولهم زي السحالي يفكرون بسطحية

فلا تطلعين

يا حلوه مبين انه اختبار
بيشوف
هل لكلام امج وابوج قدر عندج ولا لا!!
وهذا يعكس علاقتكم بالمستقبل
هل راح تسمعين كلامه بعدين ولا لا!
فهمتي اختي؟!

قوليله بالحرف
مادام اني في بيت اهلي
اكل من اكلهم لهم الشور والطاعه

اختي في الله انصحك لوجهه تعالى مادمت موجودة في بيت اهلك فالاجوب عليك احترامههم
خاصة أنهم لايقبلون هذا الشي ء فلاتضعي نفسك في موقف انتي غنية عنه ثم لماذا تطيلون
فترة الخطبة عجلوا بالزواج وصدقيني ان احترامك لكلام اهلك سيرفع شأنك عاليا ثم لماذا الخروج
من وراء أهلك ألا يطرح في بالك سؤالا؟
تقولين انك بدوية أنا حضرية قطرية وهذا الشيء غير مقبول عندنا
وشكرا

الغاليــه دام امج مب رااضيه خلاااص ...

رضى الاهل اهم شي ..

وانتي شووفي امج وقوليلها اذا بتروحين معانا ..

مثل ما قالن الاخوات ..

صح ان فتره الملجه حلووه ..

بس من رايي اجلى الطلعه لين يووم العرس احلــى واحلــى ..

وربي يووفقج الغاليه ..

رأيي لا توافقين.....
ما راح أقولج أن هذا اختبار ....
بس ممكن يحدد وايد أشياء في حياتج......
إذا عرف أنج كذبتي على أمج عشان تسوين اللي تبينه، باجر دايما بيشكك في مصداقيتج... وبيحط في باله أن الكذب سهل عندج.......
والسموحة...

السلام عليكم
انا اشوف السالفه فيها اهل ورضاهم وانا اقلج ارضي اهلج لان هم عارفين مصلحتج وبعدين فهميه الغاليه ان الاهل من عاداتهم مايخلونا نطلع لين نتزوج بس

مرحبا اختي يمكن ردي جا متاخر :) بس يعني حابه اعلق .. دامج قطريه شوفي اراء القطريات . ومب قصورن في الاخرين ولكن عاداتنا في قطر تختلف عن باقي الدول .. ومب مساله حضر وبدوو وانا بدويه ورجلي حضري ولكن ماطلعت معاه برا من يوم ملك علي .. يعني السالفه سالفه عادات فقط .. الله يوفقج انشاء الله وتركدي شوي .. ولاحقه خير لاحقه على الغثا والحنه:) لاتتسعجلين ااسالي المجربات :)