والله تعبت منه!!

الله يعينك ويسهل امورك يارب

ويفك كربتك ياحي ياقيوم :(


بصراحه حالتك صععععععبه الله يعينك الوحده مننا وش تحتاج اكثر

من ان زوجها يهتم فيها ويداريها :(

لا حول ولا قوه إلا بالله :(

هــــلا حبوبه ..
انزين ليش هو ما يهتم فيج ؟؟
خبريني انتووو قبل الزواج كنتوو تعرفون بعض والا زواج تقليدي والا غصب والا شو السالفه ؟؟
همم لانه بالنسبه لي الوضع موول هب طبيعي بالمــــــــــره خاصه انج انتي عرووس يديده ؟؟
اتمنى تبينين الاسباب اكثر عسب اعرف كيف ارد ع الموضوع ؟؟

اختج ..

تعرفين انا بعدني ما عرست .. قريب بنكمل 6 شهور من ملجنا و عرسنا بيكون في اخر سبعه .. اخر مره شفته عقب العيد باسبوع و من عدها ما شفته .. لانه قال خلاص احسن لنا ما نشوف بعض لين العرس !!!
و انا تبين الصدق زعلت و تظيجت لانه جوفي كم باقي عن العرس .. غير انه اصلا ما كان ايي وايد... و ما نتكلم وايد في التلفون .. صح لازم يوميا يكلمني بس شوي و يسكر .. اول فتره تميت كله ابين له اني مشتاقه له و ولهانه عليه بس عقب قلت اذا انا الحين عودته اني انا دايما الي ابدا بيتعود على هالشي و بتلعوز عقب العرس .. بس قويت قلبي عنده ابين له انه عادي و اني لاهيه بالزهاب و عندي اشياء اهتم فيها و جي .. صح اني اتم اصيح لاني ما اقدر اتحمل بس مب عنده و لا اخليه يدري باللي صاير فيني و الله تعبت نفسيا .. بس عقب تم هو اللي يقولي انه مشتاق و يقولي كلام يبا يطلع مني كلمه شوق بالغصب مب قادر .. بس ارحمه مرات لوول
من اسبوع تقريبا قال بيي اسلم على اهلج .. قلت له انزين حياك الله .. قال مابا اشوفج خلاص قلنا ماشي شوفه .. قلت له اوكي و اصلا لو قلت تبا تشوفني ما بطلع لك مستحيل .. قال لييييييييييييييييييييييش .. ابا اشوفج و ما ادري شو .. قلت له لا خلاص شو نلعب .. حسسته انه اللي سواه و قاله ظايقني ..
يعني لو تحاولين تقوين قلبج و خلي عمرج عااااااااادي كوول يوم تكلمينه .. خليه هو يربع وراج ..
انا قلت عن تجربتي قلت يمكن اشجعج .. ادري صعبه بس حاولي عشان ما تتعبين عقب ..
و الله يوفقج

الله يكون في عونك انا بعد لما يسافر زوجي اقعد على اعصابي وكئيبة وكل شوي ابكي بس مسألة الأتصالات حنا ما نتركها يمكن لان حنا متزوجين مدة اطول من مدتكم؟ ورجلي احتمال مب حاب يعور قلبه الرجال بعد اليه مشاعر صدقيني اختي ساعات يحزنون بس ما يبينون وهو اكيد مشتاق الك كثر ما انتي مشتاقة اليه انتي واصلي مسجات افضل

مشكورين خواتي ما قصرتو
كلمني من يومين بس جد ما قدرت اعطيهه ريج حلو
سألت عنه وعن دراسته بس
ما قلتله اي كلمة شوق
وهو مبين عليه انه حس باسلوبي بس ما علق

الله كريم

الله يهديكم اختي

الفراق صعب

انشاءالله تنقضي الايام بسرعة ويرجع لج ويعوضج

بالتوفيق اختي

الغـــ كله ـــلا:
السلام عليكم

خواتي شحالكن

بغيت افضفضلكم
مع اني احس خلاص ماشي حل لهالموضوع

انا صار لي شهر متزوجه وزوجي يدرس برع
تركني بعد زواجنا باقل من اسبوعين عشان الدراسه
صبرت وتحملت الفراق والمه
والوحده منكم تعرف قسوة دموع الشوق خاصه من عروس ما كملت اسبوعين

مرت الايام وصرت ما الاقيه بالتلفون الا بالغصب
يعني كل 3 او 4 ايام اكلمه كم دقيقه!!
والله تعبت منه
حاولت افهمه اني محاتجه له...وانه يحصل بدايل عن التيلفون كالماسنجر!!بس ماشي فايده
هو دايما يتحجج بانه مشغول بالدراسه!

انا فاهمه انه الدراسه شي مهم بس مب الاهم!!

والله استويت اكره دراسته !

اخر مره دقيت له يوم السبت اللي طاف وما رد عليي
ولا رد يتطمن عليي حتى بمسج!

مرضت من يومين وأجزت من الدوام وهو ما يعرف عني شي
والحين مخلتنه على راحته ...بشوف لين متى يعني

فارني هني وما يدري عني؟!

يعني مادري هل انا مبالغه في الموضوع ولا الوضع طبيعي؟!

طبيعي الريال ما يحن لزوجته خاصه اذا كانت عروس بعدها!!

لا تقولولي انتي اتصلي وانتي بادري
لانه قلت لكم كم مره اتصل وما يرد يتصل فيني
ولا مره رد على مسجاتي الا مره لما قلت له اني ابغيه ضروري!
ولا تقولولي صارحيه...تعبت وانا اقوله وزعلت منه كم مره...بس ماشي فايده...

ما ابغي اكون ثقيله عليه
ابغيه من خاطره يحس اني زوجته ومن واجبه يسأل عني!


تعرفون شو مسويه الحين!
اغلقت موبايلي
ما ابغي اسمع صوته
زعلانه منه هههههههههههههههههههههااااااااالقد!

حبيبتي ترااه كم شهر و بيرد

ما علييج منه


و عقب اذا ما بين شووقة

هييج لساعه حاسبييه

ببس الحيين
افهمي ظرووفة

الله يرده السلامه .
انتي مايصير تروحيله زيارة مثلا؟؟

اختي اذا انتي مخلصه دراستج روحي له

واذا تدرسين اعتذري عن الكورس ولحقيه

ربي يخليكم ويهدي قلوبكم حق بعض

كثري من الدعاء

وربي يجمعكم على خير

وطمنينا عليج يالغالية

مب قادره افهمه ابدا
ساعات يبغيني اروح
وساعات يقول لا كملي الامتياز وكسبي وظيفتج احسن
محتاره ومحيرني اكثر

الله يكون بعونج حبيبتي ...

طمنينا عليج ...

طمنينا عنج يالغاليه

يزاكم الله خير

الله يسر امرج و يفرج همج....

اللهم اجعله لها سكنا و اجعلها له سكنا...

و اجعل بينها و بينه مودة و رحمه...

الله يعينج الغاليه...

حاولي تنتقلين عنده...

و اذا رافض...

خلي ايمانج بالله...

اذكري الله دووووووم...

و انتبهي لنفسج الغاليه...

(( الياهل على ما تربينه و الريل على ما تعودينه ))

الله كريم