والله تعبت منه!!

الله يصبرج على فراقه ياختي...

اثجلي عليه.. واذا انتي ماتقدرين صبري عمرج...

هو بنفسه اذا ماشافج تتصلين بيشتاق وبيتصل...

مش يعني انج تقطعينه .. لاء اتصلي مرتين بالسبوع...

طرشي مسج يوم اليمعه... ومره بعد في الاسبوع...

اذا سالج انتي وينج.. قوليله انا وايد مشغووله..

وبعد ماحب اشغلك عن دراستك... واكون السبب

في انشغالك عن الدراسه...

بصراحه لو انا منج اخذ اجازه من الدوام واسافر له

والله العظيم ولا يحترق قلبي هالشكل وانا توني عروس

الله يعينج اختي

الله يعينج حبيبتي

والله يرده لج بسلامه حبيبتي

حبيبتي حاولي تعرفين الاسباب؟؟

ومادري عندي لج خطه ممكن تنفع معاه

ممكن تلمين اخوج بالموضوع وتشرحين له الموضوع
وخليه يتصل عليه ويسلم عليه ويقوله شدعوه ليش مادق فقلت انا ادق اسئلك عنك وعن دراستك
معنى اختي دايما اطمنى عليك وتقول كل يوم تكلمك وليش مقصر معانا

خليه يحس بالذنب خليه يحس بالتقصير

وان سئلج قوليله شقول حق اهلي انك تقعد بالاسابيع ماتكلمني
فظطريت اجذب عليهم

وان شاء الله هل حرمه تنفع معاه

تحياتي
بنت الكويت

غلا عمـــــري:
الله يعينج ويهنيج ... وان شاء الله يرد لج بسرعه ويرجع لج بالشووووق

ويعوض لج كل الايام اللي فاتت ..

واذا في سفره ثانيه ..ان شاء الله يآخذج ويااه ..

والسموحه حبيبتي .. لاني ما اقدر افيدج غير ادعي لج بالخيـر من قلبي والله :)

فمان الله

ما قصرتي حبيبتي غلا عمري
كم تسوى دعوتج لي
والله

alshegra:
اختي الغاليه صراحه انتي غلطتي انك ما رحتي معاه مهما كان السبب مفروض كنتي تقولين له عادي مش مهم سنه الامتياز ابغي اروح معاك لانه وايد صعب واحد يكون متزوج واحده من اسبوعين ويسافر عنها اعذري زوجك الحياه برا صعبه والدراسه تاخذ معظم الوقت اصلن غير غلاء المكالمات ويمكن هو من النوع اللي يكره يتكلم فالتلفون او عنده هالشي بيخليكم تتألمون او اي شي ويفضل انه تعدي المده ويرجع لك الله العالم شالاسباب انتي حاولي كل فتره وفتره تتصلين له وتسألين واشغلي وقتك وفالتوفيق.

اختي الحبيبه الشغرا

عارفه انه الدراسه صعبه والحياه اصعب
بس انا لي حقوق كزوجه
اذا زوجي ما راح يتطمن علي وعلى احوالي
اذا زوجي ما الاقيه وقت الضيق
الجأ لمن!!
ولو كانت المكالمات غاليه يا عمري ترى في بدائل! بس حتى البدائل ما منها فايده
الله واعلم بالجرح اللي بداخلي من جفوته لي!

رعبوووبة:
هلا الغاليه ...شوفيلج طريقه تسافرين و ياه ....

عل الاقل ما بيكون بالج مشغول

حتى خطوة السفر خلاني اتردد اني اخذها
خايفه يطنشني هناك عسب دراسته واندم اني سرت وياه
على الاقل هنه عندي امايه واهلي اتونس وياهم

احترت في اسمي:
الله يعنيج ويصبرج

ان شاء الله ازمة وتعدي وعلى قولته مشغول هالايام

وان شاء الله بيرجع وبيعوضج من الحب والحنان وبتضحكين ع هالايام ...

اللهم آمين
مشكوره حبيبتي

الـدان:
الله يصبرج على فراقه ياختي...

اثجلي عليه.. واذا انتي ماتقدرين صبري عمرج...

هو بنفسه اذا ماشافج تتصلين بيشتاق وبيتصل...

مش يعني انج تقطعينه .. لاء اتصلي مرتين بالسبوع...

طرشي مسج يوم اليمعه... ومره بعد في الاسبوع...

اذا سالج انتي وينج.. قوليله انا وايد مشغووله..

وبعد ماحب اشغلك عن دراستك... واكون السبب

في انشغالك عن الدراسه...

ثجلانه من اسبوع الحين !
وفاره التيلفون بعد

qshark:
بصراحه لو انا منج اخذ اجازه من الدوام واسافر له

والله العظيم ولا يحترق قلبي هالشكل وانا توني عروس

الله يعينج اختي

يا ريت لو بايدي
اللس ماسكني الفيزا
بعدها ما طلعت!

احلى_كويتيه:
الله يعينج حبيبتي

والله يرده لج بسلامه حبيبتي

حبيبتي حاولي تعرفين الاسباب؟؟

ومادري عندي لج خطه ممكن تنفع معاه

ممكن تلمين اخوج بالموضوع وتشرحين له الموضوع
وخليه يتصل عليه ويسلم عليه ويقوله شدعوه ليش مادق فقلت انا ادق اسئلك عنك وعن دراستك
معنى اختي دايما اطمنى عليك وتقول كل يوم تكلمك وليش مقصر معانا

خليه يحس بالذنب خليه يحس بالتقصير

وان سئلج قوليله شقول حق اهلي انك تقعد بالاسابيع ماتكلمني
فظطريت اجذب عليهم

وان شاء الله هل حرمه تنفع معاه

تحياتي
بنت الكويت

مشكوره الغاله
بجربها ان شاء الله
بس مو هاليومين
لانه حدي متوتره !

الملاب:
انا من رايي زين سويتي وسكرتي موبايلج مو عشان تقهرينه ولا شي لا لا
بس عشان يدق هو كم مره ويبدا ينشغل عليج وبعد فتره تفتحينه ويدق بيطير من الفرح انج رديتي عليه وبعدها ماراح يطنشج صدقيني واف مبارك العرس حبيبتي والله يوفقكم

مشكوره الملاب
ما قصرتي يالغاليه :)

يالله يعينج يا رب و يصبرج .. و يعلقه فيج أكثر و أكثر و يزيد شوقه و حبه لج و يسعدج يااااارب

ياختي ما ادري شو اقولج ادري اللي انتي فيه صعب و صعب واايد بعد لانه الحرمه عقب ما تعرس ما لها الا ريلها و من دونه تحس عمرها وحديه في هالدنيا .. عسى الله يفرج همج و ييسر امورج
أنا لو مكانج ما ادري شو بسوي .. انا بعد ما اعرف ازعل ظنتي الا بتم ادقله و ادقله مهما كان و احسسه اني مهتمه فيه لاني ما برتاح اذا حسيت عمري مقصره معاه .. بغض النظر عن هو كيف معاي .. بس صدق الواحد ما يقدر يتم يعطي و ما يلقى على الاقل اهتمام من الثاني ..

[grade="FF1493 FF1493 FF1493 FF1493"]..::..

,, حبيبتي انا اشوف انه لو تصارحين اخوكي مثل ما قالت وحده من الاخوات ,,

,, هذا هو الحل ولو شفتي انه ما فاد معاه يعني حسيتي انه ما قدم ولا أخر معاه .. معناه انه يمكن يكون ما يحبك او ما يبغاكي وقتها يصير لازم تدخل اهلك بالموضوع .. لانه بصراحه بنات الناس مو لعبه تتزوجها اسبوعين وتتركها!! الله يعينك حبيبتي ويهديكم حق بعض لو فيه الخير لكي وفيكي الخير له ,,
..::..

تحيــاتــي[/grade]

لا فدييتج ... انتي مو مبالغه بالموضوع و من حقج تتحسسين ... وودج شوي لو يحسسج بهتمامه لج لو خمس دقايق حتى


بس حبيبتي ماتدرين ... و احسن شي سويتيه خليته على راحته و ماعاتبتيه وايد ... اكييد بيتصل فيج و بيحس انه مقصر ... و انشالله كلها فترة مؤقته

اسأل مجرب ولا تسأل طبيب

انا يا قلبي جررررربت مثثثثثثلك بالضضضضبط

طبعا انا بعد ما اخذ زواجنا 8 شهور

يعني تعلقنا ببعض اكثر

سافر يدرس برا

وكانت الدراسه ماخذه كللل بااااله ..واحيانا اتصل وماايرد بالايام

ادري انه مشغول بالدراسه بس يعورني قلبي اذا ما دقيت

وبيني وبينك الاتصالات وااااااجد غااااااليه

اتوقع من كذا ما يرد او ما يتصل خاصه اذا كان يدرس على حسابه

يعني اعذريه يا قلبي

وهو اول ما يفضى بيدق عليك لا تتصلين فيه

خلاص هو ان شاء الله بيدق

الله يحنن قلبه عليج ويهنيكم ولا يفرقكم ابد

انا اشوف انج تفتحين موبايلج احسن لانه يمكن اذا اتصل عقب وعرف انج متعمده اتسكرين الموبايل فيمكن يحاتيج وعقب يعصب عليج وتكبر المشكله
حتى لو ماتبين تتصلين فيه خلي موبايلج مفتوح وسوي مثل ماقالت لج الاخت خلي اخوج يتصل فيه وانشاءالله الله يهديه ويخليه يهتم فيج

أقولج وظعج صراحه يخوف،،لأنه باديه عنده الجسوه ولامبالاه وعدم السؤال عنج والمسؤليه....وكانج الحين مب محتاجتنه وتقدرين تصبرين عنه....وبعدين ليش ماتفقتوا على كل هذه الامور....ولاهوبس يبغي يراوي الناس انه متزوج ؟!!،،والله اعلم به في الغربه شومسوي....ومافكر انج بتولهين عليه وانج بتحتاجينه....ومثل ماقالو البنات كلميه قبل وعقب عزمي على السفر ....ولاتتحسسين انه مايباج....سيري وقومي بوابج لين ماتوظح لج كل الصورة،،لأنه باين انه مافي تفاهم وحوار من الاساس....الله يهديه....كانه ماخذنج وحده حبر على ورق..والعياذبالله..

الله يسهللك ويصبرك يارب ..

ماألومك بنفسيتك .. لأنه حقيقي غصب عنك تزعلي وانت فاقدة الاهتمام من شخص معطيته كل الاهتمام

بس أنا متأكدة انه مغليك ولك معزة عنده .. لكن الواضح أنه من الأشخاص اللي عندها حياء زايد أو عدم احساس بأهمية توضيح المشاعر للطرف الآخر ..
وانتِ وضحتي انه هذا حاله بوقت الملكة .. يعني مو غريب عليه أو متغير عليك ..

وهذا شيء يطمن بالموضوع

تأكدي انه مشغول فعلاً وترا الدراسة مو شوي والله مع هم الغربة حتى لو الواحد فاضي يحس حالة مشغولة وماعنده وقت حق اي شيء .. لكن بنفس الوقت .. لك حق تعاتبينه ..

خلك على وضعك ولا تكلميه ابد لين يتصل عليك هو ..

وإذا قالك اي كلمة عتاب .. قوليله خفت أتصل بوقت مشغول وأزعجك ..

انتي ااذا كلمتيه سأليه قوليله بالله قوللي .. تفرح باتصالي ؟

اذا قالك ايه .. قوليله اجل ليه حارمني هالفرحة بيوم اشوف اتصالك !

مثلما تحب الناس تحبك وتهتم فيك .. ترا الناس بعد تبي من يحسسها بأهميتها بحياته ..

خليه يحس بتأنيب الضمير ..

وأول ماتقدرين تسافرين له روحيله إذا حاسة إنك مو متحملة الوضع .. مع اني انصحك تتحمليه وتخلصي سنة الإمتياز وبعدها عيشي حياتك ياقلبي .. كلها سنة وتهون إنشالله ..

والله يوفقك وييسر أمرك ..