سهر الآباء .. هل تؤيدينه؟؟؟

مرحبا جمانه

الصراحه انا زوجي يسهر معايه الين الساعه 12 اذا مارقدت يطلع الصاله وساعات اذا تمت اتصيح

يحاول يهديها ويمسكها عني شوي

واذا مارقدت اجلب في القنوات والا ايب المسباح وايلس استغفر الين ماتنام

قوووووووووووه

بالنسبه لي انا وزوجي نتعاون يعني اذا قام البيبي فالليل انا ابدل الحفاظه وهو يبرز المرضاعه
ويدفيها له طبعا انا ارضعه ولين نام البيبي نرجع ننام انا وزوجي مره ثانيه

انا الحين في اجازة وضع يعني ماعرف اشلون بكون ايام الدوام بس الله يسهلها وبعدين ولدي مايقوم
في الليل اعطيه مرضاعه قبل مانام على الساعه 1 او 2 ويقوم الساعه 6 او 7 الصباح
لين الحين ماتعبت معاه وانشالله دوم جذيه الله يحفظه لي

هلا ام سعودي... مرحبا مليار..

اي والله .. خوش فكرة هذي الاستغفار بوسط الليل...

مشكورة الغالية على تنويرج الموضوع :)

مشكووره الغاليه جمانه على هالموضوع الحلو...

عني انا من تصيح بنتي شليتها ورضعيتها وبدلت لها بامبرز ...اذا نامت زين اما اذا تمت اتصيح اشلها بسرعه الغرفه الثانيه او الصاله مب عشان ابوها لا عشان اخوها ما يقوم لانه ارقاده وايد خفيف بعكس ابوهم ...واذا تمت اتصيح وما رضت تسكت وابوها ما عليه دوام الصبح اصحيه واخليه يشلها شوي وانا ارتاح شوي...

الله يحفظ لج سلطان يا قطر قيرل.. ويسخر لج ريلج .. الله يهديه يارب وما يتغير عليج..
للاسف اباء كثيرين يتركون الجمل بما حمل للام.. بكل بساطة يقولون .. الياهل مسؤلية الام !

ان شاءالله ترجعين الشغل وسليطين يصير هادي وما يساهر لج بالليل..

مرحبا
موضوع حلو صراحه زوجي ماله دخل في البيبي من بعيد او قريب وقت النوم ههههههههههه
كلشي ولا تخربين نومه يمكن ما وراي دوام ولا شي ما اطلب من زوجي ياخذ البيبي
عادة مااطلع من الغرفه لان مايصير فوضى واذا تم سهران اصفحح في المجلات او في القنوات او افكر شو اسوي الغداء يوم ثاني هههههههه

القيوانيه...

الله يسلمج هذا من طيبج...

بالفعل .. انا اسوي ساعات مثل حركتج.. اطلع الصالة.. بس ساعا ت ما يفيد..لأنه ينتبه لصوت الباب وانا طالعة ويقعد.. :(

انا بصراحة عجبوني الاجانب... يخلون رياييلهم يسهرون معاهم مهما كانت الظروف...
يسهرون وي بعض
ويرقدون وي بعض
مافيها ههههههههههه

مشكورة الغالية على تنويرج المووضوع

لا ااااااااااااااااا اله الا الله

الله يعينج بصراحة جميله المحي !

ماعندي تعليق اكثر :ss:

حلو موضوعج ام حسين.

أنا أول ما ولدت نور ، صرت ما اشتغل يعني صرت اسهر الحالي اغلب الايام ، وبصراحة يكسر خاطري اني ازعجه وهو عليه دوام من الصبح ، فأطلع انا الغرفة الثانية الى ان تستقر وتنام، بس لو ما كان عليه دوام عادي ياخذها عني وقت اللي يقدر.

السلام عليكم ورحمة الله وبركاته

عارفة يا جمانـــة ...هذا كمان يعتمد على عمر الطفل

يعني أول ما ينولد...أيام ما ينام ساعتين و يصحى...إلا تحتاجي مساعدة...

و منكم عرفت إنه الواحدة لازم تخلي زوجها يشاركها...و صرت فعلا أصحيه أقول له بس خذ مريم شويه أروح أغسل وجهي...تعبت...و الحمد لله كان متعاون...

صحيح مرات يطنش...بس يكفيني التجاوب منه و عدم النرفزة...

لكن الحين الحمد لله مريم كبرت...و صارت ممكن تدخل تنام معانا لحد الصبح...و لو عندي دوام الصبح و هو دوام الشيفت بعد الظهر عنده و عايز يسهر...مرات ياخذها معاه لحد ما ينعسوا هم الإثنين و يدخلوا يناموا بعدي...

عارفة...كل هالأشياء تتحدد بنظام البيت...و نظام الأب و الأم مع بعض...و علاقتهم بالطفل...و أيضا عمر الطفل...

شكرا يا أم حسين :)

موضوع حلو وقلب علي المواجع هههههههههه
انا بالاتنين انا اللي اسهر معاهم وما زالت شام مغلبتني بنومها

وانا ما بصحي زوجي لانو هو بيكون حاسس علينا بس بطنش او ما بسمع منو غير تتتتتتتتتتتتت

نادرا نادرا بمحمود كان يصحى وياخده مني بحجة انه هو عنده دوام الصبح وانا بنام للضهر
فتلاقوني بها الليل اما على النت او التلفزيون

فعلا اذا الاب بنّّّى فالأم جنّى

أكبر قلب:
حلو موضوعج ام حسين.

صرت ما اشتغل يعني صرت اسهر الحالي اغلب الايام ، وبصراحة يكسر خاطري اني ازعجه وهو عليه دوام من الصبح ، فأطلع انا الغرفة الثانية الى ان تستقر وتنام، .

انا مثلك .....:shy:

على فكره اذا الزوج قام وساعدج وعانا معاج يحس بالمسؤوليه اكثر
انا لان زوجي يقوم ويتعب والله لين اروح بيت اهلي مايعرف ينام كل شوي يقوم

الله يعطيكم العافيه

[line]

ام نمووووووري

انا بصراحه اذا صحت بنتي بالليل اخليها تصيح الين تزعج ابوها ويصحى ويتنكد هههههههههههههههه

واذا عنده دوام بكره لأن يوم عنده دوام ويومين لا اروح واخليه ينام وإذا ماعنده بكره الا النوم اخليه يسهر معي عشان يحس كيف الأطفال مزعجين ومايزعجني على الثاني

واحيان يسوي نفسه طيب وياخذها بالنهار ويخليني نايمه كمكافئه عشان البارح خليته نايم وطلعت بدون ازعاج ويطلب غدا ويصحيني

يا حليلكم

انا ما عندي عيال بس لو صار عندي

احس يكسر خاطري اذا قعد معاي

لو محلكم اكيد بخليه ينام

هذا رايي بس لين ذاك اليوم

يحلها الف حلال يمكن يتغير الامر

ويصير هو اللي يسهر وانا انام ههههههههههه

الله يعينكم

زوجي نادرا ما يسهر وياي احيانا يتكرم ويشلها واحيانا اموت من التعب ويعاندني ومايساعدني اتم سهرانه وياها لين ترقد شو اسوي ما في فاليد حيله

هلا بأم حسين،، موضوع حلو...
بالنسبة لولدي، ماشاء الله عليه ماعذبني بالنوم كان ينام ومايصحى غير مرة او مرتين بالليل وعودته مافي حليب بالليل غير الماء،، كان مايتأخر بالنوم..
لما كان له شهور ماكان يعرف له زين، بس لما كبر شوي قام ياخذه عني وأنام شوي ونتناوب في الموضوع.. طبعا هذا لأن ولدي كان هادئ (بس مو الحين مطلع لنا قرون، حتى خواتي مو متحملينه بالبيت).

موضوع حلو

بالنسبة لأبوا العيال
عندي 2 عبدالعزيز ومحمد الله يخليهم
حمودي 5 شهور .. وهاي المرحلة عارفينها مرحلة عدم النوم والسهر الطويل
الحمدلله يساعدني ويشيل اليهال اذا كنت مع واحد اغير حفاظة
يتولى هو الثاني

بس الله يعافيكم
زوجي عنده الدسك في ظهرة ورقبته
يعني ساعات ما يقدر
يسوي سيء

ومع هذا يخليه واحد من الاولاد عنده ويساعدني

فالله يهديهم يا رب

ولازم يعني نراعي الازواج

في بعض الاحيان

لاني هاي وظيفة النساء والحرمة اقدر واصبر بكثير من الرجل

فمثلا احيانا زوجي يقول كيف البس بامبرز وانتو عارفين اليهال ما يقعد يلتف يمين ويسار
مرة لبس الولد بالمقلوب

فاعذرة وايد

والله المستعان

بالطبع أؤيد سهر الاباء ومساعدة الام ..

يوم بولدي الكبير ما انسحبت من الجامعه واخذت لي اجازة وبعدين رجعت وكان يساعدني ما شا الله ونتناوب في السهر لما كبر .. بس الحين في ولادتي الثانية انا انسحبت من الجامعه وصار يكسر خاطري زوجي وما احب اصحيه الا في الحلاات النادرة مثل ان اكون مريضة او تعبانه او في ليالي الاجازات واعطيه ولده قريب الصبح وانام لي شوي الى الساعه 9 او 10 ..


حلو ان الزوج يساعد زوجته في هالشي واصلا احس انه بيحب ولده وبيتعلق به اكثر .. زوجي اذا اخذ ولدي الليل يقعد يلاعبه على عكسي انا اللي ما يكون لي نفس بالليل حق هالشي :shy: