سهر الآباء .. هل تؤيدينه؟؟؟

اما عن خروجي من الغرفه مو داائم لان زوجي مايتضاايق من صوت البيبي بالعكس

عاادي اذا بكي البيبي بالليل يشيله وينومه ويساعدني فيه لا ويقولى احيانا

اذا ماعنده نوم انتي نامي وانا بشيله انتي تعبتي في الولاده وانا بريحك منه بالليل

تسلمين ع الموضوووووووووووووع الجميل..

up!!!!

في الايام العادية .. لما وسام يقوم في الليل هو عادتا ما يقوم .. انا اللي اقوم ارضعه ويرجع ينام .. بس ايام اللي كان وسام يسهر كان يسهر معاي والله ... ولما يكون يوم الجمعة هو اللي يتولى امره بالليل لاني انا اليوم الثاني دوام وهو يوم السبت عنده عطله .. وهكذا

والحمد لله في نوع من المشاركة في الامر .. بس يكره يغير له حفاظة ... يعني يفضل يغسله او يعمله حليب بس الحفاظة لا ..

الموضوع يختلف معاي لاني ربة بيت الحين وما احب انه يسهر معاي لان عليه عمل

وما ينام الا في الليل واذا سهرته اكيد بيتعب في الدوام اجلس معاهم في غرفة الجلوس لين ينامو

اما لما كنت في الدوام كا يسهر معاي بولدي

مشكوره خيوو

بصراحه مسكين زوجي طول النهار في الدوام ماعنده وقت حق نفسه
يجي المغرب تعبان يتغدا ( طبعا هو غدا وعشا) ويوديني بيت اهلي ويرجع يصلي وينام لما ارجع بولدي اقعد معاه برا في غرفة الجلوس او اقعد وياه تحت مع عيالي لين يجي وقت نومه وانيمه واحيان افتك رجعتي من بيت اهلي ينام بالسياره علطول احطه بسريره.,.....
الحين فطمته بس لما كان يرضع زوجي يساعدني ويقوم احيانا عني يسويله الرضاعه
يعني طول النهار وياي يوم الاوف يطلعه ابوه ويتفرغ له ولاشغال البيت...
الله يعين........
بصراحه خسرت دراستي ماخلصت كليه لما ولدت جلست في البيت اعتني بولدي.. يعني ماجربت الوظيفه
والحمدلله

والله أنا من المؤيدييييييييييين له وبشده


المفروض الآباء يحسوا بزوجاتهم وبتعبهم


ولو اني العكس صراحه

لحد الآن أحاول في ابوها يسهر معاها ولو حتى خميس وجمعه على الأقل

والمحاولات باءت بالفشل مو راضي للحين كل عندي في النهار والليل


بس اللحين قاعده اسوي له نظام ان لازم ياخذها عني على الأقل فتره المغرب بعد الصلاة يوديها لعماتها أو أعمامها أو جدتها أم أبوها لاني خلاص ابتديت أتعب من الحاله اللي هي فيها توني فاطمتنها من اسبوعين ولله الحمد ولكن أخلاقها وتصرفاتها صارت كله عناد أحسها تسوي حركات كبار مو أطفال

والحمد لله بعد المحاولات ابتدى ياخذها يوم ويوم مو دائما وطبعا بعد الهدره والمحاضرات اللي اسويها له كل يوم

والحمد لله على كل حال

ومن ناحيه السهر قاعده احاول أخليه بالتناوب أو على الأقل ليلتين في الإسبوع لان فعلا أبتدأ جسمي يتعب وأحس نفسي بطيح من الدوخه والتعب

لازم يحس فيي وإلا بيشوفني طايحه عليه وماخذني المستشفى هههههههه


والله كل شيء جايز التعب إلي انا فيه مو قليل

الله يعينا ويهدي آباءهم

بكل صراحة ريلي يساعدني بوجوده، كون انه مب موجود الا بالويك اند
يشيل عياله يرقدهم وانا ارقد الصغير

او ياكلهم وانا اعتني بالصغير


بس بامانة يساعدني ويعرف كيف انا تعبانة من تربيتهم بروحي

الله يخليه يا رب

عن نفسي زوجي يساعدني والحمد لله
بس انا اللي اطلب منه ينام اذا عليه دوام يكسر خاطري
اذا سهررررته معاي..
وهو بس يشوفني سهرانه معاها وهي تصيح او تعبانه ما يجيه نوووم
يضل سهران ...
انا احب المساعده البسيطه من الزوج وانا اتولى الشغل الباقي
عشان الاجر والجنه من الله لااازم اتحمل..
والله يساعدنا على تربية اولادنا...

أنا بنتي عمرها 6 شهور وسالفة السهر والنوم

أحس أن زوجي مايعرف لها لأن بنتي لما تقوم طول الوقت ماتسكت ألا أذا رضعتها ف شو الفايدة أعطيها أياه فأخليه ينام بس ماأطلع من الغرفة أخليها يسمعها لما تصيح وتقوم

انا زوجي يتم جالس معاي لين يتعب يروح ينام وانا مااطالبه بسهر ورعاية ولدي لاني لازم اقدره بعد دوامه جدا متعب لان دوامه شوي بعيد والسواقة يبيلها تركيز يطلع من الساعة 5 الصباح ومايرد الا 6 المغرب

موضوع حلو للنقاش .. للرائعه جمانة !

طبعا انا من رأيي انه الام تحاول ترتب وقت نوم ولدها بشكل عاجل حتى ينتظم و تتخلص من السهر اللي يهدم الجسم .. !

لما يصير خلل بالكنترول ( مثلي ) و يسهر الطفل امه المسؤولة الاولى عن هالمشكلة و راح تضطر تسهر معاه ليما ينام ، لكن لما يكون الزوج صحيان و ماوراه نوم من وقت مبكر هو الأولى انه يسهر مع طفله ، لان الام تعبت من اليوم الطويل المتعب مع ولدها !


انا الحمدلله من لما كان ولدي رضيع صغير كان زوجي يصحى من نومه و ياخذه و انا انام لي شوي ، و احيانا يرد من دوامه بالنهار حتى يساعدني عليه لان ولدي كان متعب بشكل فضييع !

و الحين لما يسهر و يتعبني اضطر ان اخليه مع ابوه بغرفة النوم لحالهم و اطلع بالصالة و ينيمه بطريقته الخاصة !



الله يخليهم و يحفظهم لي !

هلا اختي موضوع حلو ووو
وانا اؤيد نوع من المساعدة اللي يقدر عليها
الزوج ..
انا ولدي يوم كان صغير عذبني كثيييير
من جهة النوم ولا البكاء طول الليل ...
فكان ياخذة مني احيانا لكن تبي الصراحة
كان يطلع معاه في غرفة ثانية
بس انا مااعرف انام وعلى كذا لازم اطلع
من الغرفة واطل عليهم ومرررة
لقيت الولد قاعد يلاعب وابوه نايم ههههه
اما الان عمرة اربع سنوات لما يشوفني
تعبااانة وابي انام ياخذة ويروح معاه بيت
اهلة او يجلس معاه في الغرفة الثانية ...
والله يعين عليهم يااارب ...
تقبلي تحياتي ...

انا صراحه من النوع اللي اترك زوجي ينام ولما ينامون العيال ادخل الغرفه