متى وكيف ألبي رغبة زوجي ... الظروف ما تسمح

الله يهنيكم يارب


وفكره الستاره الرومنسيه واجد عجبتني



أفكر أسويهااااا




أختي سحايب ترا اني عندي ولد وماشالله مجنني ومنغص على الرومانسيه



بالرغم انه واحد لكن هو من النوع اللي يقعد لما يسمع اي صوت أو حركه



وماعندي لا غرفه ثانيه ولا شغاله



وهذا زوجي يقولي اليوم عندنا واحد ومومخلينا ناخذ راحتنا


بكره لما بيجي الثاني شمنسوي

والله صادقه يا أحلى شهد

كنت بوضعج قبل شهور و لما و لدت صارت المصيبه و توهقنا

الحمد لله و الله العيال حلوين بس بعد في نفس الوقت الرياييل صعبين لو ما ذبحتي عمرج علشان راحتهم بيدورونها برع البيت

من جذي ودي بس يسافر بعد كم يوم الف و ادور على محلات الديكور والمفروشات و اركب هالستاره الومانسيه

ان شاء الله الاقيها

فكرت اسوي بطرف الصاله كورنر ديكور و يكون له ظهر احط الخادمه فيه على اساس انه ركن معدل و خلف الخشب اركب باب صغير و اسوي غرفة للخادمه
بس كل هالترتيبات اول ما يسافر بدرسها ان شاء الله

ممتازة فكرتك اخت سحايب الي توصلتيها
تحطي هالستارة في الصالة يعني تعملي ركن صغير للخدامه وأولادك تخليهم في الغرفه الثانيه شي حلوو كتير
والأحلى ان شاء الله لما يرجع زوجك حيلاقي التغير والرومانسيه

قريب ان شاء الله ادعولي

حطية جدول اعمال للاسبوع الياي زوجي بيسافر السبت الفجر لمدة 3 أسابيع

و فكرة اقدم على اجازه ثلاث ايام اسوي فيها لفه كبيره على محلات الديكور و عقب بنفذ الفكره اللي بتطلع في راسي ان شاء الله و اللي بقدر انفذها

بركب في الحجره الستاره الرمانسيه و بسوي ركن للخدامه في طرف الصالة لو مكان صغير يكفي لسرير و دولاب بس
و تراها باقي اليوم مع الاطفال بالشقه

و بغير الجلسه اللي بالصاله و قطعة السجاده
و الجلسه الجانبيه اللي بالصاله بنجدها و بحطها بالغرفه الثانيه عشان تكون غرفة جلوس و غرفة اطفال في نفس الوقت :)

ادعولي الله يخليكم اقدر انفذ المخطط اللي في بالي
و اسعد زوجي اول ما يرجع

يا رب تسعدى وتتهنى انتى وزوجك وينولك كل الى بتتمنيه وتحلمى بيه.....وان شاء الله هتسوى كل الى يحل المشكلة اثناء سفر زوجك ويعجبه ما قمتى به ويرجعهولك بالسلامة وتقضى احلى ليلة رومانسية قولى امييين.

حلوه افكارج وعجبتني التطورات الاخيره

عالاقل رتبتي امورج شوي

وبغيت اقولج تقدرين تشغلين قران او موسيقى هادئه فالبيت

وسالفة اجازة ال3 ايام وفريها وخليها لين يجي زوجج فال3اسابيع بتكون عندج ايام فراغ وايد

غير الويك اند

,
,,

الله يوفقج حبيبتي ^^ فكره حلوه

الله يسعدج انتي وريلج ..آآآمين..

,,
,

فديتكم و الله

صدق صدق خوات بمعنى الكلمه

خوات لم تلدهم امي :)


ان شاء الله بسويلكم البوم شقتي قبل و بعد و تفرحون بالتغييرات ان شاء الله مثل ما بيفرح بها زوجي ان شاء الله

السلام عليج....
فعلا مثابره و ما تقولين لا للمستحيل....
المهم الله يعطيج القوة والعافيه.....وان شاء الله المخططات هذي ما تروح بلاش....وانا اول وحده بصراحه ....انتظر صور القبل والبعد للشقه...
فرحينا ....(r)


[glint][glint]موفق حبيبتي[/glint][/glint]

زييييين

اتمنى لك ويكندااااات سعييييييدهـ

حبوبه ..
دام انه انتي عندج شقة صغيره ..
وعندج اثنينه من اليهال
ليش بعد تبين الخدامه !!
انتي رووحج اهتمي بشقتج ونظفيها واهتمي بعياالج الا هم اثنينه وصغاريه يعني مستحيل اتخلينهم عند الشغااله ..
لكن لو ما شي شغاله بالعكس اكثر بترتااحين
لانه الشقه صغيره وتقدرين انتي عليها
ثاني شي :: انتي عندج يهال صغار واكيد ما بتخلينهم ويا الشغاله
يعني كل شي مقدور عليه بدوون الشغااله ..
يعني لو سارت الشغاله
بتكون الغرفه الثاانيه للصغااريه
وانتو بتكونون روحكم .. وبتاخذين راحتج اكثر ببيتج يوم الشغاله بتكون محد
بتقدرين تلبسين وتكشخين

والسمووحه هذا رايي
وان شاء الله قدرت افيدج بشي ..


اختج ..

سحايب دبي ننتظر الاخبار الحلوة يا عمري
مع امنياتي لك بليالي دافئة مع زوجك

الله يفرجها عليكم و يرزقكم بالبيت الواسع ...اللهم آمين

الله يسعدك مع زوجك
ان شاء الله وادعي لي اتزوج بالزوج الصالح اللى يسعدني
والله يهنيج حبيبتي الله يفرجها عليكم ان شاء الله
وتعيشي ليالي دافئه مع زوجك والله لا يغير عليكم ونتتظر اخبار حلوه منج
والبنات ماشاء الله عليهم ماقصروا

هاه بشري حياتي وش سويتي

فرحتني التطورات والله يخلي لك زوجك وعيالك ...يارب وعقبال ماتبشرينا ببيت العمر

[glow=6699FF][blink][glint][/glint][/blink][/glow]

الله ييسر امورج حبيبتي
بخصوص نصيحتي لج لو ماكنتي تشتغلين اشوف الشغاله مالها داعي وصدقيني يمكن في البدايه شوي تتعبين لكن مع الوقت بتتعودين على شغل البيت واليهال
واكيد تسمع تالي الليل بعض الاصوات وعاد بروحها مودره ريلها من سنه والحبيبه الله يعينها تسمعكم.....
ولو كنتي تشتغلين تقدرين تحطينهم في حضانه...
الاقتراح الثاني
لو كان في الشقه بلكونه تقدرين تقولين للنجار يسكرها لج بطريقه مرتبه وتستغلينها للشغاله
او تاخذين للصاله الكنبه اللي تنفتح وتستوي سرير وتنومين بنتج في الصاله
وتاخذينلكم تلفزيون صغير تسهرين انتي وريلج عليه في غرفة النوم

واتمنى لج في النهايه ليالي سعيده ورومانسيه مليئه بالطمئنينه وراحة البال بعيدا عن حد سمع والا حد شاف.....
والرضا بالمكتوب اجمل ما في الوجود

هلا و الله بالحلوين
انتوا تسالون عني و انا غارقه في عالم الأفكار اسوي مخطط زوجي بيسافر السبب و يالسه احط المخطط


1- بتصل في سيدار يسوون لي غرفه في الصاله للخدامه
2- برتب الغرفه الثانيه للعيال و بسويلهم غرفة نوم و بخلي للكوي ركن فيها
3- بغير غرفة النوم و بسوي فيا ستاره رومانسيه
4- شريت اطقم من زيوت المساج و كريمات الجسم بالنكهات المختلفه
5- بجرد دولاب قمصان النوم تيأة للغرفه الجديده علشان نعيش حياتنا من أول و جديد
6- بغير في تصميم الصاله شوي و بحاول اسوي افكار تخلي الصاله اوسع لانه بتضيق بمجرد انا حطينا فيها ركن للخدامه


ادعولي و الله ايدي على قلبي ابغيه يسافر علشان ابتدي و ما ابغيه يشافر عشان بيطول هالمره قريب الشهر

متحمسه واااااايد احسن انه صدق بيستانس على التغييير

امس كان في خاطره و العيال نايمين تخيلوا شو سويت
ظلمت الغرفه مليون في الميه و ولعت نور خفيف تحت غطا السرير عشان جو خاص في الظلام
يقول اتخيل عمري في صحرا و في خيمه ههههههههههههه

ان شاء الله ما بنعود لهاي الذكريات المؤلمه


ادعولي و لو حد عنده افكار بعد قولولي انا بعدني اكون الفكره استعدادا للانطلاق القوي الاسبوع القادم