متى وكيف ألبي رغبة زوجي ... الظروف ما تسمح

الله يعينج اختي بس لو سرير البنوته عليه (ستاره) ماعرف شو يسمونها مثل سراير الاميرات
علشان اذا هي نايمه ما تشوف شي !!
او مثل ما قالوا ... نيميها بالصاله و بعدين ارجعي اخذيها للغرفه.. ها اسهل حل

السلام عليكم

عذرا لتدخلي مع ان الموضوع مو من شغلي لاني مو متزوجة وعذرا مرة ثانية ..طبعا انا ما قرات كل الردود ..بس حبيت أقول لك تعليق بسيط على شغلة انذكرت هنا ويمكن الاغلب غافل عنها البعض يقول حطي ستارة طيب الستارة تمنع النظر فقط ..أنا سمعت من فترة ومن احد المشايخ واسمحي لي على هذي الجملة .. لما الزوجين يكونو ...يفضل ان الطفل ما يسمع حتى انفاسهم مو بس يشوف أشكالهم والطفل الصغير حتى ولو كان عمره شهر ممكن يخزن اللي يشوفه وبعدين لما يكبر يظهر المخزون كله بشكل ثاني ...واعذريني مرة ثانية لتدخلي وتطفلي لان ما لي شغل بهذي السوالف والمفروض ما اتكلم فيها بس الله يشهد اني اردت ان الفت انتباهكم وبس ..وإن شاء الله ربي يفرجها عليكم ويوسعها عليكم وتجي تبشرينا عن بيتكم الواسع الله يفتحها بوجيهكم ..والسموحة مرة ثانية

نصيحتي دام الشقة صغيرة ماله داعي الخدامة

اعتقد هذا انسب حل

اوه سوري مادريت انك موظفة الله يعينك وادعي من ربك يفرجها عليكم وتاخدون بيت ملك

اختي عندي لج حلين

الحل الاول تاخذين الخدامه لبيت اهلج

يعني الخدامه الصبح تكون عندج والمسا ترقد عند اهلج
والعيال ياخذون غرفتها


والحل الثاني

لو عندج بلكونه ممكن تسدينها وتخلينها غرفه للاطفال وتحطين فيها سرير طابقين لان اكيد المساحه ماراح تكفي لسريرين

بتقولين لي ماقدر احط اسمنت وطابوق

شوفي ممكن تحطين حدايد على طول البلكونه من برا يعني يصير مثل السجن وبعدين تجيبين خشب وتسدين البلكونه وبهالطريقه تصير غرفه للعيال

الله يفتحها عليكم ويرزقكم الرزق الحلال ويوسع عليكم عيشتكم

اختي بيتك صغيير يعني ماله داعي للشغالة وبكذة انتي ممكن تخلي غرفة الغسيل لبنتك وتاخذي راحتك مع زوجك

انا عندي لك حل
الا وهو
اذا مطبخك كبير خلي الشغاله تنام فيه و خلي الغرفه الثانيه للعيال انا سافرت مره عمل لزوجي وسكنت شقه مفروشه لمدة 4اشهر فسويت الحركه هذي و احس انه حل معقول
او على قوله اختي دروب المحبه اذا عندك بلكونه سويها زي ما قالت بس خليها للشغاله مو للعيال

لي رجعه

ان شاء الله

بفكر لك

لان بصراحه الله يعينك وييسر لك امورك

:)

هههههههههههههههههههههههههههههههههه

شــر البليـه مايضـحك

سمعينى يا غنااتى انتى

اناا عندى لـج الحل،،،



تخلين البشكااره تنام بالمطبخ و اليهاالوو بالغرفه الثاانيه وانتى بغرفتج برووحج
والصاله على وضعهاا

وبجذى تكونين بغرفه واليهالوو بغرفه والبشكاره تنام بالمطبخ



هذاا و الله الى عندى وربى يعينــج

ويفرجهــاا عليـج

ايه والله فكرة ان الشغاله في المطبخ حلوه وايد
عاد لاتقولين الشغاله تكسر خاطرج لان شوفي في ديرتهم هم وين ينامون
والحل الثاني اللي عجبني بعد الستاره في الصاله
وايد اعرف ناس حاطين ستاره في الصاله ويكون شكلها حلو تفتحينها وقت ماتقعدون فيها وفي الليل تسكرينها على العيال ومو لازم تحطين اسره حق اليهال فيها عشان يكون عندكم مساحه حق القعده
بس وقت النوم تفرشين لهم
وهذا عندي انسب حل ، وحتى البلكونه ترى طريقة حلوه

هلا اختي..

ممكن تتفقين مع شركة مواصلات تاكسي يودون الخدامه لج فليل واييبونها الصبح بيت هلج...ليش متعبه نفسج وريلج تودونها واتييبونها....اعرف وايد بنات يسوون نفس الشي..

أبدا أبدا اختي ما انصحك اتنيمي الشغالة بالمطبخ أول شئ حرام وثاني شئ هي إنسانة وعامليها بمثل ما تحبي الناس يعاملوك يعني ترضيها أتروحي عند حد وينيمك بالمطبخ؟؟؟؟؟؟؟؟؟؟؟؟؟؟؟؟؟؟؟ظ وخاصة أنك تأتمنيها على عيالك أنا أقولك ما دام أنتي أتخلي عيالك معاها أنتي وزوجك فضي غرفتكم مال النوم وعطوها أياها.

تصدقي موضوعك شدني ما أدري ليش وما برتاح لحد ما تقولي لنا انك طبقتي شئ من حلولنا.



كنت بقترح عليك أنكم أتسكرو الصالة وا|تخلوها غرفة نوم لكم وغرفتكم الحالية هي اللي تقلبوها مجلس لكن صادفتني مشكلة الحمام يعني ما يصلح غرفة نوم بلا حمام.

البنات ما شاء الله عطوكي حلول كثيرة بس أختي انتبهي ان يكون على حساب الطرف الأضعف في الموضوع وهي الشغالة......أنا مع رأي اختنا ريحانة القلوب الشغالة انسانة مثلها مثلنا مو لانها فقيرة وفي بلدها يمكن تنام في مكان اسوأ اني أخليها تنام بالمطبخ ولا أشحططها كل يوم تشتغل في بيتي طول اليوم وفي الليل أوديها بيت أهلي أو أهل زوجي وهناك شدراني يمكن بعد يشغلونها والمسكينة حرام ما ترتاح الا لين حطت راسها على المخدة......ديننا الاسلامي ورسولنا وصانا بالأجير ولا ننسى انها مغتربة بعيدة عن أهلها جاية تدور لقمة عيشها فلا نزيد عليها احنا بعد ......

وأختي أنا أشوف مدام اتأمنين على أولادك وتخلينهم من الصبح لحد ما ترجعين من الشغل مع الشغالة فليش ما تخلينهم معاها ينامون بنفس الغرفة في الليل.......الي بتسويه معاهم بالليل تقدر تسوي بالنهار وانتي غايبة.......وبعدين ممكن تخلين الجهاز الي يخلونه للأطفال في غرفتهم وتكون السماعة في غرفتكم مفتوحة طول الليل ولو واحد منهم قعد أو صاح تسمعينهم.....

انتبهي اختي وعاملي الشغالة أحسن معاملة مو بس علشان انها انسانة مثلنا ولكن ايضا لأن أولادك معاها .......اذا أسأتي معاملتها ممكن تحط الحرة فيهم وكل يوم نسمع قصص من هذا القبيل.... لكن اذا انتي وزوجك وأولادك عاملتوها معاملة حسنة وحسستوها انها وحده منكم بتحطكم بعيونها وما بتضر أولادك ابدا

وسامحينا....

هلا أختي الله يكون في عونج

أختي فكري في زوجك مش بس العيال.. إن شاء الله ما بيصير شي كل الناس عايشة في شقة أنا كنت عايشة في شقة وعندي ثلاث عيال وخدامة غرفة لي وغرفة للعيال والخدامة تنام معاهم وكنت ما خذه الأسرة الطابقين وبعد من تحت تنفتح تصير سرير حق الخدامة والصغيرون معاي بالغرفة لما زوجي يكون مش موجود بس. وينام مع أخوانه لما يكون موجود.

أختي إذا خايفة على عيالج من الخدامة مع إني أشوف أفضل إنها تنام مع العيال. خليها تنام بالصالة وبالنسبة لدخول زوجك بالليل خذي البارتشن إلى يسمونه برافان متوفر دايما في الاثاث الصيني سكري فيه عليها أو مثل ما قالو لج البنات حطي ستارة صدقيني يسوي شغل


والاقتراح الثاني:

بعد ما تخلص الخدامة مدتها جيبي خدامة بالساعة تسوي شغلها وتتوكل على الله وما تنام عندج

بس أنا شخصيا أفضل الرأي الأول...


ونصيحة لا تحولين حياتج إلى جحيم لأنج قاعدة تصعبين الأمور على نفسج وعلى زوجك

بسطيها وتنازلي شوي الله بيسهل عليج وبيرزقكم أفضل من هذه الشقة إن شاء الله

الحل الوحيد حبيبتي هو تبطلين الخدامه تطلعيها من البيت وانتي الشقه صغيره يعني مابحاجه الى خدامه والكوي ودي عند ابو المكوى اللي يكوي هدام الناس عامه وبتلك الحاله هتفضي غرفه عندج خليها للأطفال بلاش خدامه هو فين المكان علشان تجيبي خدامه أصلا هو فين الشغل علشان تجيبي خدامه هي غرفتي ياحبيبتي نضفيها انتي شيرادلها وخلاص

حطي بارتشن من الستاير الرومانسية اللي تجي على السرير تلقيها بسيتي بلازا اذا عندكم بالامارات...
او حطي لكم دوشج " فراش " من الصوب الثاني من السرير عشان ما تبينون

ونومي عيالك من بدري شوي...
والله يهنيك

والله مش هقدر اقولك اى حاجة الا ربنا يفك كربك ويوسع رزقكم

ويهديلك الحال انتى وزوجك ويحافظ عليكم وعلى عيالكم

ربنا ييسرلكم امركم

آآآآآآآمييييييييييييييين

حبيبتي
دام بيتك صغير ليش الخدامه ...

وانا برايي اذا بغتوا تستانسون شيلي بنتك وخليها عند الشغاله يعني لين تخلصو ورجعيها معك ...يعني شغله ساعتين بالكثير ماتوقع فيها شي

بصراااحه كل الافكار الي جت براسي قالوها البنات وما قصروووو
اختاري انت وزوجك الي يرضيك منها
ممكن تحطي باتشكن خشب متحرك للشغاله في اخر الغرفه وتسير كأنها غرفه ضغيرة للشغال
بس فترة الليل وتخلي غرفه الكوي لاولادك واشتري سرر بطريقه تناسب صغر المساحه
وكمان وقت ما تبغى ترتاحي انت وزوجك خلي الشغالة معاهم ما اتوقع انها بتفرق
مو انتي موظفه يعني بتتركي اولادك معاهم بالنهار ماراح تفرق الساعتين دي اعتبري نفسك
بالشغل .....
الله يسهللك امرك