الوحـــم وعجايبه .. وكل وحده تجيب اللي عندها

السلام عليكم اخواتي
المرأه لها عجايب وغرايب ومنها ( الوحــــــم)

هذي بعض من قصص الوحم...

هذي قصة توحمت زوجته علي (رمل احمر رطب) ..:qaq:
و هالمسكين صارت حالته حاله وهو يدور علي هالرمل الاحمر الرطب، وتعرفون ما يوجد الا في الاودية خارج المدن ، المهم وصل هناك وصار يتردد بالمدام بشكل يومي لهذه الاماكن ، وبعدين مل من المشاوير وبعد المسافه الي هذه الاماكن ، وحبت تريحه المدام .. وقالت له موجود في دويرة بيع الاسمنت والبطحاء ، وهذا طبعا اقرب واريح له ،ايضا وصل الي الدويره وصار يتردد عليها وينزل المدام لكي تتمتع بوجبتها المحببه وهو جالس بالسياره ، الناس هناك انتبهو لصاحبنا ، وجاه واحد وتلكم عليه وقال له انت صار لك كم يوم وانت تتردد وتوقف سيارتك وتنزل منها حرمه وتجلس علي هالرمل؟؟ وبعدين تركب بالسياره وتمشون؟؟ ، انت وش عندك؟؟ ، بها المكان (انتم مجانين والا فيكم شئ لاسمح الله) .. طبعا صاحبنا احتار وش يرد عليه ويقول . بس تجرأ وقال له السبب ... صار يضحك صاحب المبسط .. بشكل ملفت وكلم الموجودين وصار الجميع يضحك ..... وحلف صاحبنا مايروح للمبسط ابدا.
وقالت له المدام والحل طيب .. انا حبيت اريحك من عنا المشاوير والتردد ودليتك علي هنا ، عطني حل تدرون وش سوي(( راح وشرا شحنة رمل احمر وكبها بالبيت عنده ومسألة يكون رطب مو مشكله قال لها ارشه لك باللي حق الحديقه كل ما حنيتي واشتقتي للوجبه الشهيه وريحنا من المشوره وضحك الناس علينا ، وتصير هالشحنه تسلية لعيالنا يلعبون فيها .. وانتي تاكلين منها ههههههه ))


وهذي وحده توحمت على رمل :)

اتوحمت على الرمل الناعم
و كان زوجها المسكين كل ماتشتهي تاكل رمل وداها للبر لأن ماشاءالله عليها عندها حاسة الذوق كويسه مرررررره يعني مو اي رمل والسلام لازم يكون ناعم وقعدت على هذي الحاله الين خلص وحمها على خير..


ووحده تتوحم على صابونه :sad:

كانت كل يوم تدخل الحمام ومعاها صابونتها
تقعد تفرك في الصابونه بالمويه لمن تصير لها رغوه محترمه وتخيلي انتي المنظر تاكل الرغوه وتمخمخ عليها وتطلع خلاص من الحمام هي وصابونتها بعد ماملت بطنها رغاوي صابون..
:qaq: :qaq: :qaq:
طبعا زوجها استغرب من موضوع الصابونه اللي تدخل بيها الحمام وتخرج بيها لانها ترفع الصابونه وماتحطها في الحمام على اساس مايستعملها احد غيرها هي للاكل ولما سألها استحت تقوله واتهربت من الموضوع باجابه مو مقنعه مرررره ........فكر زوجها و قرر يراقبها وفي يوم نسيت الحرمه المسكينه تقفل باب الحمام وهي بتاكل في رغوة الصابونه ودخل زوجها طبعا وانصدم من المنظر وفطس على نفسه من الضحك وحزن على حالها لانها كانت مررررره متحمسه وهي تاكل وطلع من الحمام واستحمل وحمها الغريب الين جابت النونو الصابوني:dd:

وهذي توحمت أخيس وحام :angry:

هذي قصه وحده يوم حملت وتقول ياريتها ماحملت مابغت تتوحم على شي غير (وانتو بكرامه)ريحة العرق من زوجها وتكرمون تقول كل ماطب المسكين البيت شلحته الفانيله وشمشمت ابطه والمسكين عجز معها بس مافي فايده ظلت كذا الى ان ولدت بذاك الخايس:down:


وحده توحمت على ............. فحــــم
ههههههههه كل فترة الوحم كانت تاكله
تخيلوا البيبي شلون بيطلع لونه؟؟؟؟؟؟



لاتنسون كل وحده تشارك بوحمها الغريب او قريبه لها مو مشكله :shy: