الوحـــم وعجايبه .. وكل وحده تجيب اللي عندها

مشكوره على الموضوع الحلو

انا حامل بالثالث ووحامي كل يوم بشئ
يوم برجر
يوم ايس كريم
يوم شيبس صيني يبيعونه رخيص بس مو تلقينه في كل مكان وبعد والله للحين ما كليته ونفسي فيه
يوم خبز عماني مع بيض وعسل
واكره الروائح ..ومرات اشم ريحة خايسة وزوجي يتمسخر يقول هذا اللي في بطنج يعملها وانتي بس تشميها.
وكل مرة اشم ايدي القاها خايسة اروح اغسلها بصابون ومرة ثانية اشمها بنفس الريحة ما دري ليش وكيف تجي هالريحة
هم زوجي قلت له لا يتعطر ولا شئ مخلتنه خايس والحمد لله انه شتاء يعني ما في عرق
وبعد اكره افتح الثلاجة واشوف منظر الاكل فيها اتلوع..
واكره ريحة البصل وهو ينطبخ واكره الصالونة ...ياي..والسمك بس احاول اني اكله عشان ما احرم الجنين فوايده
وبصراحة اكره ريحة بيت اهل زوجي حتى لو سوا بخور وجالسة بالغصب عندهم عشان زوجي..
مشتهية خبز عماني مع لحم مقلي ومصبرة نفسي عشان العيد قريب وبأكل هذي الاكلة يمي يمي..

انا الحمد لله وحامي كان خفيف نوعا ما .. اهم شي ان الترجيع عندي كان خفيف بس اللوعة 24 ساعة ..
الاشياء اللي اشتهيتها وايد .. كل يوم انط بشي ..
يوم فراولة ويوم جوافة ويوم اكل ايراني من شاطر عباس .. ومرة ورق عنب .. ومرة ملفوف محشي
ويوم ابي خيار معني قبل ما احبه ونادر ما اكله كنت اخذه واحط عليه ملح واكل بالخمس ست حبات ..
بس للاسف الشي الوحيد اللي ما حصلته هو الكنار ,., خاطري في كنار من قلب ..
:(
مافي في السوق واذا جاء يجي بدون طعم انا خاطري بكنار طازج من الشجر ..
امممممممممممممممممممم
وهل الايام خاطري في فقع .. :) ادري ان الوحام مفروض انتهي لاني بالرابع اللحين بس عذر شرعي لتلبية الطلبات :)

توحمت على بوظه الفراوله ويكون حامض اممممممممممممممممممممم لذيذ والمشكله اني درت الرياض كلها على بقالاتها وسوبرماركت واخيرا لقيت نوع زين

وهذا الكلام قبل لا اعرف اني حامل وشك في زوجي (( لا تكوني حامل ))

ههههههههههههههههه بصراحةة ونااسة
كل وحده لها شكل في الوحام

مرحبا خواتي اخبارك بخير دوم

انا سمعت عن الوحام بس ماتخيلته كذا مره

أولها بديت بترجيع مريع وبكثرة
صادني منه جفاف
تنومت بالمستشفى
وظليت آخذ أبر تخفف التقذيف
بعدها تطلعت من المشفى وبعد يومين
راجعه ونايمه عندهم حوالي السبوع والأكثر ودايما على المغذي

حمالي في الأشهره الأولى متعب مره

وظليت للهشر السادس ما آكل أي حاجه
إلا قبل كل وجبه آخذ حبوب لتخفيف اللوعه

وزني نزل كتير حوالي
15 كيلو
وبعد ما رجعت آكل زي الناس
كنت آكل التالي فقط
خيار ومينو وأكباس ولوز

ولكن ولله الحمد عدت المرحله على خير

وشكرا لكم

لكن سؤالي هو؟


هل في كل حمله تتوحم الوحده زي كذا وحام ؟؟

مهم تردو على سؤالي

آنه ما توحمت على شي :sad:

كان خاطري أشتهي شي غالي و ونادر عشان أشوف تفاعل زوجي معاي ،،

بس حسافة ،، غير تكرمون الترجيع ما شفت :sad:

و الحمد لله عدت على خيير :shy:

مرحبا



بجولكم عن خالتي الله يسلمها وحامها غير شكل كانت تتوحم الحمام يعني تاكل وتشرب وتجعد في الحمام استغفر الله حتى المسلسلات تتابعها في الحمام يعني حطولها تلفزيون داخل الحمام بس شو نسوي وحام؟؟؟؟؟؟:qaq:




وامي الله يسلمكم توحمت الثلج تاكل الثلج بالهبل بس يوم انجبت جابت بنت عصبية الله لايرويكم عمرها سنتين وتنازع الكل :angry:

:bigsmile: :bigsmile: :bigsmile: :dd: :dd: :smile: :smile: :D :smile: :D :smile: :up: :yes: :yes: :no: :no: :no: :no: :no: :no: :no: :no:

انا اتلوع جبدي من شي اسمه وحــــــــــــــــــام ههههههه من كثر ما تعبت في الشهر الثاني والثالث صدق والله شفت الويل والموت بعيوني كانت حالي يرثى لها من كثر ما ارجع ...ومن شدة الترجيع كنت ارجع دم والله كرهت حياتي وكرهت كلشي,

انا في بداية الشهر الرابع وبعدني اتوحم..
انا وحامي كان عالخوخ- والكمثره - معني كنت اكل وارجع بس بعد خاطري فيه والحين وقفت عنهم.

والحين خاطري في عنب اخضر من اطلع من الدوام بمر اشتري انشالله..


اكره شي اسمه رز - لحم - سمج - دجاج - سلطات ابكل انواعها التبوله - المحاشي ابكل انواعها ( ما احب هالاصناف ولا احب اشوفها ) نفسيتي تتعب صدق.

بس احب الخيار المخلل واااااااااااايد يوم اكله احس بشعور غريب ههههههه

وعلى فكره انا حاليا ا ما اروم اكل شي يعني وجبه فاليوم من كثر ما انا كله لايعه جبدي..وارجع

وزوجي دايما اشم فيه ريحه خايسه ههههههه هلك وانا اقوله ريحتك وسخه..وامس مرتين دخل عليه الغرفه من اشوفه ارجع ههههههههه جان يقول شو السالفه من ادخل الغرفه انتي اترجعين يحليله الله يعنه بس.

شوفو يا بنات يا امووورات

انا وحامي كان غريب شوي مو وااايد

طبعا لوعة الجبد الله لا يوريكم

وثاني شي كنت كارهه اتعرفون شو


( كارهه ان ريلي يبوسني ) واتصدقون صارلي كذا سنه من ما حملت وبعدني كارهه هالشي

بس حبيت السمك لاني ما كنت آكله قبل الوحام وكلته لما اتوحمت

وكنت احب الحواااامض واحب الفلفل الحااااااااااااااااااااااااااااااااااااااار الاخضر الصغير وما كنت احس بحرارته موووليه

وشو بعد ياربي

بس

سوسو الصغيره والله وحامج عن زوجج انا بعد نفس الشي تخيلي اني اصيح يوم يبوسني لو على راسي او خدي من يبوسني اتشوفين امسح بالكلينكس ولا اراعي شعوره ههههههه

بس ما قلتي شو يبتي بنت ولا ولد؟

انا ابصراحه قبل ما اعرف اني حال اتوحمت على كاكاو من الفواله .. وكان خاطري فيه .. والمنطقه اللي انا ساكنه فيها ما عندهم فرع الفواله ... ف لين يابولي اياه من منطقه ثانيه .. كان ذايب و معتفس .. وريلي ايقولي لا تاكلينه انا باجر بيبلج غيره .. عقيه ..

وانا لا الا آكله لو انه معتفس خخخخخخخخخخخ وعقب عرفت اني حامل :$


وابصراحه اللشي اللي صدق صدق كرهته من الخاطر .. الصالونه .. والدخون ... لدرجة اني في ارمضان كنت اصوم وافطر على عيش وروب بس .. مول مالي خاطر آكل شي ...

فلــه وناسه حلوه القصص
انا لين الحين ماحملت ،، بس ان شاء الله ماتوحم على شي مقرف