الجــزء ال20 من تجهيـزات عرايس قطـــــ2006-2007ــــر

ما شاء الله عليكم بنوتات و عرايس ..

و الله يتمم لكم على خير ..

:

عندي ملاحظة بخصوص الكوش .. إذا بتتعاملون مع ماسيس مب شرط تاخذون كوش جديدة ..

إذا شفتي كوشة اطلعت مرتين و لا 3و لا حتى أكثر و عاجبتج اخذيها و غيري فيها و بتطلع لج

كأنها جديدة و لج أنتي بروحج ..

أنا أذكر على حجزي القديم عند ماسيس قبل لا أغير .. الكوشة الي كنت باخذها مب جديدة ..بس قلت له يحط لي القماش اللي فيها من نفس مفارش الطاولات + المناظر اللي في الخلفية يصغرهم .. و الله إنها كانت بتطلع شي بس الحمد لله على كل حال :)

و بخصوص اكسوتيكا .. الفلبيني يشرف على تنفيذ الكوشة يوم العرس .. انا يوم عرسي كنت قايلة له كوشة خطوبة هو بنفسه جا و ركبها و أشرف عليهم بعد .. عيل لو قايلة له عرس شبيسوي !!

:

ذكرتوا الورق اللي ينحط في الكبتات !! يبي لي منه ^_^

ولا تنسون الكور المعطرة رهيبة .. ريحتها تلبق في الثياب ..

:

عنود الغيد ..

يا حركااات يا أنتي .. ما شاء الله عليج و على أفكارج :)

بخصوص شنطة السفر ..

هاذي هي القائمة ,, و اللي أنا خذته معاي :

بالنسبة لشنطة السفر :
- ملابس عملية .
- عبايتين + الشيل . ( عباية للمطار و لبستها كم مرة هناك + عباية سادة و تفننت بالشيل .. تقدرون تاخذون 3 إذا حابين ) .
- ملابس داخلية ( أطقم ) + لا تنسين الأقطان .
- بيجامات .
- قمصان نوم ( 15 تقريباً أو على حسب المدة اللي بتقعدينها ) .
- تي شيرتات + بديات .
- تنانير + بناطيل .
- ربطات شعر .
- فوط ( وحدة للشعر - للجسم - فوط صغيرة للمناطق الحساسة بدال الفاين و بتلقونها في مذركير ناعمين و حلوين خخخ ) .
- اوتي بخار ( أشوفه مب ضروري لأنج ممكن تطلبينه )
- أداوت الحمام : فرشاة - معجون - شامبو - شاور جل - كريمات الجسم - ليفة - قفازات .
- أدوات الحف ( مكينة أو أوراق الواكس ) .
- مقص .
- علبة خياطة صغيرة .
- فاين معطر .
- فاين عادي .
- معطرات الفم .
- سائل التعقيم ( الأنتي باكتيريال ) :: ممكن تاخذينه بدال الفاين المعطر .
- فوط العناية اليومية ( الكير فري )
- فوط الدورة .
- سجادة الصلاة + الأذكار + مصحف صغير .
- كاب الشعر إذا مب حابة تغسلين شعرج ( عادة تلقينه في الفنادق ) .
- مشابيص و ربطات الشعر .
- عطوراتج ( عطرين بس أو واحد كفاية + عطر عربي ) .
- مزيل العرق .
- الأحذية .
- شنطة يد إضافية .
- الكاميرا ( ضرووووورية )
- كريم مرطب + واقي للشمس + مناديل إزالة المكياج .
- بندول + لزقة جروح + كمادة لووول بس جد وحدة احتاجتها و هي مسافرة و عيز ريلها ما بغى يلقاها + فازلين .
- لزقة عادية ( عشان تلزقين بها الشامبو و الصابون وقت ما بتعودين ) أو بتلقين في الجمعية أكياس بلاستك اللي تتسكر من فوق بتنفعج و بتكون مرتبة .
- إكسسوارات عادية + الدبلة + ساعة أو ساعتين .
- مشط .
- سشوار + جل + موس .

:

كل هالأشيا خذتها معاي .. و الحمد لله الحمد لله ما احتجت لشي زيادة + ريلي استانس عسى ما يلتفت يبغي الحاجة الا يلقاها عندي لووول :shy:

:

عدد الشناط يعتمد .. أنا وديت معاي وحدة .. و شفت وحدة في المطار مودية طقم شناط ( 5 أو 6 ) بأحجام مختلفة و مبين عليها عروس ^_^

ثااااانكس دحدووووووحة و غالية ياقطر على مساعدتكم لنا ^_^

بنات باسألكم سؤال خطير توه جاي على بالي!!!!!

قاعة الدانة .. كم دقيقة يبيلي من البوابة لين الكوشة؟؟
عشان اضبط الزفة !!
اذا كان المشي متوسط يعني مب سريع ولا بطيء حده

انطر اجابتكم

من 10 - 20 في هالحدود ما تحتاجين أكثر ..

أو شوفي زفتج شكثر مدتها .. و ضبطي مشيتج عليها .. فهمتيني اشلون ؟

انا المقطع اللي المفروض امشي عليه 8 دقايق وربع

شكلي بااركض خخخ ^_^

هههههههههههه تخيلي

و الله أنا أشوفها شوي .. امممم زين ما تقدرين تمدينها شوي ؟ يعني تضيفين لها حركة أو

مقطع يتكرر ؟

السلام عليكم
انا حابه اعرف احسن مكان او احسن وحده في السعوديه تحط مكياج وتساريح
وشكرا

شموخ عنّادي:
السلام عليكم ورحمة الله وبركاته


صباحكم عسل

بغيت اقول لكم تروحون BHS عندهم قمصان نوم روووووووعه واسعارهم وايد مناسبه والله بعضهم على 70 و90 و150 وفي من نفس الموديل كذا خيار القصير والطويل والبنطلون والشورت مع علاقاتهم نفس القطعه

وفي مثل التي شيرت الطويل حق النوم موديلات حلوه


وبجامات الشتويه بس ما خذت انا من النوع اللي ما احب اشتي

بس عندهم وايد موديلات من الشتوي اللي له جيب عند البطن تحطين يدج :)

بس حبيت افيدكم لاني خميت اغلب الموديلات وطلع لي بسعر قميص نوم واحد من شدو واحلى منه يعني فيهم حركات بسيطه مب مثل شدو كلهم نفس الموديل:angry: :angry:

مساء الخير

شخباركم ....... حبيبتي وين مكان اللي تتكلمين عنه .. ومشكورة ياقلبي ماتقصرين..


بنات أنا شفت بسوق الأحمد محل جدام بانتين اللي تحت اسمه اصايل (مو متأكده )عنده قمصان نوم طويلة حلوة الصراحة عجبوني وتقريباً مشابه لقميص نوم شفت بنعومي على 1000 وشي في اللون الأبيض والبيج والسكري .. خذيت 2 الواحد على 500 وشي ..<< حبيت أقولكم بس

شكراً بنااااات

sara_daloo3a:
مشكورين بنات عالردود


بس محل رويال فلاور انا رحته وماعجبني شي والله .........مافي اشياء حلوه كلش ..وبعدين اقوله يعطيني كتالوج عطاني كتالوج من مجلات مقصص صور وحاطهم وعقب طلعلي كم صوره من الكمبيوتر ولا عجبني شي :( ......... يمكن اسوي الطاولات عندهم اعتقد الطاولات عندهم احلى من الكوش ولا اشرايكم ؟؟

من هو ؟؟ كان طلبتي مدام خوله هي أم الفنااتك بتطلع لج صووور واايد ........ مادري والله شلون كوشهم فالفتره الاخيره بس الي شفته قبل حلو

noor3:
ابغي اعرف يابنات .. عندنا خطوبه قريب وان حاجزه ميرا.. في بنات يقولون حلو وبنات يقولون لا ..

قولولي الله يخليكم ؟؟ انا مابغي اطلع شيفه

لاتحاتيـــــــــــن انشالله بيكون حلو بس هم قالوا بودرتها مب حلوه فنبهيها على هالشي

احترت في اسمي:
بنت الغالي "

بس حبيت اقولج شي

صج انا انا مااعرفج معرفة شخصية وماعرفت الا من المنتدى وزادت معرفتي فيج بعد خطوبتي ودخولي للموضوع هذا

والله اني حبيتج من كل قلبي واتمنى لج كل الخير والله يعطيج على قد نيتج
والله انج بجد محرجه الكل بعطفج وحبج وخوفج ومساعدتج للكل
الواحد قبل لايسال يشوف جوابك
وتبحثين وتدورين جنه الشي لج

واحسج جنج ام الكل ( تعالي كم عمرك ) ؟؟
الله يخليج ويكثر من امثالج واهني امج وابوج فيج والله يخليج لهم ويخليهم لج صج صج عرفو يربون ماشاء الله
والله يرزقج بالزوج الصالح اللي يقدرج ويسعدج وان شاء الله نخدمج بالافراح وقريب بعد ...

تحياتي القلبة والاخوية لج ..

يابعــــــــــــــــد عمري انتي والله صيحتيني >> حساسه البنت ......

اول شي انا 22 سنه :shy: :shy: ثاني شي والله يا احترت في اسمي ماتتصورين شلون صرتوا جزء من حياتــي وصارت متعتي وراحتي اني اساعد وارد واجاوب بالي اعرفــه لاني احسكم مثل خواتي واكثر ومعرفتنا لوهي في انترنت لكنها تتوطد يوم بعد يوم وانشالله تدووم يارب وماتقطعونا بعد ماتتزوجووون ....... تسلميــــــــــــــــــــــن عالدعاوي الحلوه الي اعتبرها شرف وفخر لي من وحده طيبه مثلـــــــج ...... واااي خلاص صج دمعت عيني ...... احبكم في الله

فديته والله:
هلا والله يا بنات يا حلوات

الله يعطيكم العافيه حبيباتي وماتقصرووون

حبيت اقول لكم عرسي تاريخ 28/2/2007 :shy:

متى ابتدي بنظام تنظيف البشره والعنايه بالشعر و الحمام المغربي ؟؟؟

شوفي غلاتي انا بالنسبه لتنظيف البشره ماأيده الا اذا كنتي محتاجه ......يعني مره وحده قبل العرس كفايــه وهالكلام قالته دكتوره لوحده اعرفها ....... يعني اذا انتي ماتعانين من مشاكل في بشرتج لاتسوين تنظيف داايم بس قبل العرس ب 10 ايام ... الحمامت المغربيه والاهتمام بالجسم تبدينه من الحين طبعــا... ( لي موضوع متكامل عن هالشي وانشالله انزله هاليومين) ...

فديته والله:
]

وحبيت اعرف وش الاشياء اللي اخذها من الجمعيه والاشياء الالكتورنيه

<<<< شكلي بشتري من الحين وبحطه عالجنب لاني خلصت تجهيزاتي :gum:

الحمد لله

والله يوفقكم يااارب

اشياءا لجمعيه لا خليها لبعدين لان الكريمات وغيره حلاتها تكون فررش ........ اما الالكترونيه طبعا عادي اخذيها متى ماحصلت لج فرصه ......

&الورد&:
صباااااااح الخير لبنات أهل الخير شحالكم ,, وحشتوني برشه >>>استويت مغربية
عندي وووووووووووووووايد اسئلة اتمنى انكم تجاوبوني اممم ابدأ ممنوع السؤال عن الزفات الغنائيه والشي الثانية انا عرسي ان شاء الله في بدا
عرسي ان شاء الله في بداية 3 اروح احجز كوشتي من الحين لاني ابيها من ماسيس تعجبني كوشه
ووووووبس يعطيكم العافية .. اتمنى اشوف ردودكم على استفساراتي ..

صبااح الورد مع ان عندي مسا :shy:

بالنسبه لسؤالج الاول شيكي الخاص بارد عليج وسوري اني حذفتـــه بس لان ممنوع السؤال عن الزفات ...... والكوشه انتي قصدج عاجبتج كوشه وتبينها ؟؟ اذا عاجبتج كوشه خلاص احجزيها بس اذا بتدورين انتظري لاخر هالشهر لانه باقي على عرسج وقت

بنات دام فتحتوا قلوبكم انا بعد ابي اقولكم شي والله انا واااااااااااااااايد مستانسه وياكم واحاول كثر ما اقدر اساعدكم

باللي اقدر عليه مع اني متزوجه من سنه ونص تقريبا بس ادخل واقرى ردودكم واحاول اساعدكم لاني حبيتكم

من كل قلبي يمكن بحياتي ما لقيت صديقات وايد وفيات عندي الصراحه 3 صديقات هم اعز صديقات عندي

وانتوا يا بنات كملتوا عليهم صرتوا جزء من جدولي اليومي لازم ادخل واكتب واقرى واساعد باللي اقدر عليه

الله يوفقكم كلكم بس اهم شي مو تتزوجون وتقطعونا لازم تدخلون دايما وتطمنونا على اخباركم

شموخ عنّادي:
السلام عليكم ورحمة الله وبركاته


صباحكم عسل

بغيت اقول لكم تروحون BHS عندهم قمصان نوم روووووووعه واسعارهم وايد مناسبه والله بعضهم على 70 و90 و150 وفي من نفس الموديل كذا خيار القصير والطويل والبنطلون والشورت مع علاقاتهم نفس القطعه

وفي مثل التي شيرت الطويل حق النوم موديلات حلوه


وبجامات الشتويه بس ما خذت انا من النوع اللي ما احب اشتي

بس عندهم وايد موديلات من الشتوي اللي له جيب عند البطن تحطين يدج :)

بس حبيت افيدكم لاني خميت اغلب الموديلات وطلع لي بسعر قميص نوم واحد من شدو واحلى منه يعني فيهم حركات بسيطه مب مثل شدو كلهم نفس الموديل:angry: :angry:

تسلميــــــــــــــــن لنا يامراسلة اللاند مارك لهذا اليوم :shy:

انا بعد اخر مره شفت في حنيفر سيكرت بجامات شتويه حلووه تصلح لعرايس لانها (دلعه عند الصدر ) ماتنفع لبنوته >> كان خاطرها فيهم

اختي غاليه يا قطر قريت ردج بالنسبه لتجهيز شنطتج لشهر العسل اغراضج حلوة

بس شويه ناقصه انا مرة سافرت بالشتا لمده اسبوع وشريت 5 جاكيتات وحسيتهم ما يكفون

لانج هناك راح تبدلين 3 مرات مره بالصبح ومرة العصر ومرة بالليل او على الاقل مرتين باليوم

تحتاجين جاكيتات اكثر شوي

وحاولي تشترين القمصان الصوف الطويله شوي انا شريت من المحل اللي بالاند اول ولاحد على ايدج اليسار شفتي وين

مس سكستي بيكون على ايدج اليمين صح ؟؟ هذا المحل على ايدج اليسار بتلاقين عنده جاكيتات صوف خفيفه

تلبسينها تحت الجاكيتات اللي شاريتهم انتي عشان يوم تدخلون مطعم راح ياخذون جاكيتج فتكونين لابسه شي

مستور ودافي وراقي من تحت الجاكيت

وبالنسبه للصاندل لا لا تاخذين معاج لان الصنادل موضه الصيف والابوات موضه الشتا مو حلو ما تكونين على الموضه

وبالنسبه لللابوات اشتري الابوات الطويله اللي لين الركبه عشان ما تبردين

واشتري الهيلاهوب الثقيل ترى برد موووووووووووووووت

واشتري اللفافه حق رقبتج حطيها من تحت الشيله وخليها تنزل من على الجنبين تعطيج استايل حلو وتدفي بعد

والبناطلين حاولي تشترين البناطلين اللي شوي قصار لحد نهايه الريل قبل القدم عشان ماتتبلل بالمطر واللغلاغه على قولتج

ههههههههههههههههههههههه

وبس موفقه اختي

RoO7 QtR:

وانا اشهـــــــد .. عسى ربي يوفقها ويهنيها ويرزقها الي في بالها .. ماشالله عليها ماتقصر اخت للكل فديتها ..

فديتـــــــج روحو .......تسلمين حبيبتي وانتي بعد ويانا من البدايات جعل ربي يوفقج

غالية ياقطر:
بنت الغالي
انا مع الكلام اللي نقال والله والنعم فيج والله يرزقج بالزوج الصالح ونفرح فيج يارب

لاخــــــلا ولاعدم يالغاليه .........ربي يوفقج حبيبتي تسلميـــــــــــن :shy: :shy:

الليازي:

:up: واللهـ صدقتيـ أختيـ [ أحترتـ في إسميـ ] فيـ كلـ كلمهـ قلتيها :up:

فديييتج يابنانيتوو :smile: اللهـ يوووفقج يالغاليــــهـ ويرزقج بالزوج الصالح الليـ يسـعدج

طوووووووولـ العمر إن شاللـهـ :smile:


:flower: :flower:

يزووووويه قلبي انتي ....... تسلمين والله اخجلتوني ودعاويكم ......اغلى هديه بالدنيا هالدعاوي الطيبه من خوات غاليات وتلووموني اني احبكم :shy:

&الورد&

اصبري لين بعد عيد الأضحى و عقب شوفي الكوش و احجزي اللي تبين منها ..

بس لا تروحين الحين تو الناس على عرسج ..

:

شموخ عنّادي

اممم بخصوص بي اتش اس .. و الله أنا من فترة شايفة بيجاماتهم و كانت تهبّل ..

مادري ليش راح عن بالي .. أنا أدور بيجامات << ذبحها البرد خخخ