الجــزء ال20 من تجهيـزات عرايس قطـــــ2006-2007ــــر

تسلمين الغلا ع الرد
خلاص عيل بتوكل على الله هي تجي البيت ؟؟ صح ! .. طرشي لي الرقم لاهنتي ^_^

اسمحيلي والله ماعرف المحل وين .. إن شاء الله البنات يفيدونج

عيــ المها ــون:
شخباركم بنات اليوم تعبت من قلب
رحت دفعت عربون ورحت جربيرا ابي مسكه مالقيت شي عجبني والحمدلله افتكيت خذت بطايق العرس والحمدلله جهز فستاني بس قلت باروح استلمه السبت واقايسه
اممم وبعد رحت خذت زل وستاير حق بيتنا ههههه امي وابوي لازم ياخذون راي على قولة امي تفاكريني وزيارات
قلت بكره باروح الاند اخذ لي بدله واشوف اذا ناقصني شي واكون سكرت باب مشترياتي بيبقى علي اكوي ثيابي وابخرهم بس اول باجيب لي الاكياس اللي اعلقهم فيهم عشان تعبي مايروح على الفاضي
ذكرووووني بنات اذا ناقصني شي سكتوا التواريخ مضيعه فيها احس عمري متوتره

الله يتمم لج على خير

ذكرتيني باختج ام شيوخ

سلمي عليها واااااااااااااايد وقوليلها وحشتينا

ودشي المسنجر عن التغلي

qatar123:
السلام عليكم ..

بنات الله يخليكم بغيت رقم الحناية زبيدة .. ونسرين .. عشان احجز عندهم ..

وو تنصحوني وين اسوي فستان الخطوبة ؟
اسويه اي لون ؟؟ شرايكم ؟

ومكياجي وشعري عند من ؟

ساااعدووني

رقم الحنايات

زبيده اطلبي صالون هيلتون

ونسرين اطلبي الفنون للحناء

مسجلين فالاستعلامات دايما اخذ منهم الارقام

وفستان الخطوبه حسب اللي تبينه لو تبين سعر معقول وموديل حلو عندج المناخ

واذا مايهمج السعر وتبين موديل راقي وفخم لاخر درجه عندج لابوم عند اللبنانيه روووعه

وعندج البرنسيسه موديلاتهم حلوه بعد

واللون

عندج الذهبي والفضي دارجين مع بعض

واذا تحبين ذهبي وبيج مثلا

الماروني احسه يطلع خياااالي لو انتي بيضه

الاخضر الملكي وايد راقي وحلو

بس ابتعدي عن الاخضر العادي احسه صار مستهلك لاخر درجه

الشعر عندج مرسيدس فنانه ولبنى بعد شغلها حلو

والمكياج سعاد القطريه او سعاد البلوشي رووووعه

عيــ المها ــون:
مبرووووووووووووووووووووك لقطر على الافتتاح
والله حفظ لنا محمد بن حمد فارسنا الاصيل امي تقول الملعب الكل يقول الله واكبر يوم ركب زين الله حفظه وبنات شرااااااايكم بالولد اللي طلع مع عادل الانصاري ولده ههههه احم احم هذا اخوي فديت قلبه انا
نجي حق موضوعنا بنات شرايكم في ام محمد للحمام المغربي زينه ولا لا

ويييي يحليله اخوج

الله يحفظه لكم انشالله

مشالله عليه يهبل اول ماطلع اقولهم الله يحفظه يهبل


وام محمد ماسمعت عنها

اذا تبين صالون يمدحون احاسيس

ترانيم قطر:
بنات حد يعرف شي عن القاعه الملكيه في ميعذر ؟؟

للاسف حبيبتي ماعرف

عنود الغيد:
احم احم ...

انا باقولج اللي امسويته بغرفتي :gum:
وإن شالله تفهمين على الشرح .. واتعجبج الأفكااار :shy:

طبعا أول شي لازم اتحطين في بالج الغرض من التواليت!!
يعني مرايه وعرض بس؟!!
ولا تبين اتمكيجيين واتسوين كلشي عليه!!!

عن نفسي امخليه الحووسه كلها بغرفة ملابسي!!
لأني عندي تسريحه بوسط الكبتات فيها عطوري ومكياجي وعدة الشعر ... الخ الخ

اللي بالغرفه امخليتها بس show
ولا ازيدج من الشعر بيت!!
ممنوع اللمس :bigsmile:

نجي للشرح (r)

تسريحتي مستطيله وفيها 3 مرايا
اللي بالنص ثابته وثنتين على الجوانب متحركااات
جهة اليسار أبجوره متوسطة الحجم تشبه اللي يم السرير

بالنص حاطه برواز صور بس شاله القزازه اللي فيه والخلفيه
يعني كنه صنيه بالنص بس بدوون قاعده
"وفارته بـ 45 درجه عن زاوية المرايه"
حاسبي من الزاويه لااتعور أحد!!!
مش شرط الزاويخ تكون برااا واجد
أهم شي انها تكون مايله عشان ماتعطي شكل جامد :gum:

ودخلت بالبرواز قطعة شموا خفيفه pink وعلى اطرافها
سلاسل بيج وذهبيه "فكرتي بس خدامتنا امسويته على المكينه" :bigsmile:
ملفوف على ضلع واحد من اضلاع البرواز والباقي مفروش على التسريحه
تلقين مثله في the one بس انا اضطريت اسوي لأن لون غرفتي صعب شوي :(

وبوسطه حاطه عطوراتي الفخمه اللي غراشهم جذابه
يمين ويسار بروازين مشابهين للي بالوسط فيهم صوري :gum:
وحواليهم تذكارات ماخذتهم من السفر..
وبراويز صغار 3 فيهم صور في مراحل مختلفه

وبسسسس :shy:
شرااايج؟!!! :smile:

ماااااااااقدر على الفناااتك والبنكي انا ...صج انج ذووووق

sara_daloo3a:
مرحبا بنات


بما انه عرسي شهر 4 قلت مابقى شي ولازم اجهز من الحين

حبيت اسألكم وين محل الفراشه ؟؟ ابي اروحله للفساتين

حجزت المكياج عند عبير

والشعر لبنى

اشرايكم ؟

باقيلي احجز الكوشه والطاولات ؟

ووووو خلصت من الخلطات وعطورات الفراش بس باقي العطور الفرنسيه هذي باخذهم من المطار لاني بروح مصر اخر هالشهر
وآخذ باقي اغراضي من اهناك

الفراشه فسلوى بس نسيت وين بالضبط ....... عبير اوكي ولبنى بعد ,,,,,,, الموشه والطاولات تو الناس لاتحجزين الحين بس اخذي افكار ....... وانشالله تتوفقين بسفرتج

تفاحه قطر:
احم احم


انا وصـــلت

ياااي شنو دبي تجنن مطر وخير بس اشتقت

لقطر مووووووووووت

لا وازيدكم من الشعر خصله بعد

انسرق جوالي هناك اهئ اهئ اهئ

خبركم مفهيه والله امشي وانسى خرايطي

زين ان امي وراي تلقط


والحمدلله خلصت تقريبن اغلبيه اغراضي

اممممم ماباقيلي الا طقم العرس وأكد حجوزاتي

وامممممممم وانشالله اليوم بقعد على اغراضي ارتبها

وبعطيكم بالديييتيلز المملل

بعدين ليش محد يتذكرني

ترى انا وشمعه جلاس قطر بعد في نفس اليوم 9\2

اممممممممم اشتقت لكم واجد

هههههههه بعد انتي وشمعه فنفس اليوم ....ربي يتمم لكم على خير .... ومن ثال محد يتذكرج بس احنا مب حافظيييييييييييييييييييييييييييييييين التواريخ فديتنا >> اهم شي الي تفدى عمرها

زين زين باقوا جوالج عشان يصير لج قلب >> داشه متسببه ههههههههه

فديتج تفاحه الحمدلله عالسلامه ونووورت قطر ........ وننظر الديتيلز :shy:

شمعه جلاس قطر:
تفوووووووووووح

ان شاء الله نطلع احلى عرايس

بس يقولج عرسنا حزه امتحانات .. الحمدلله ان يصادف يوم الجمعه

تدرون بنات كنت بسوي ليله الحنا في البيت .. بس بسبب الامتحانات والازعاج اللي بيسونه الطبالات حق الجلوه .. فقلت ماله داعي ازعج الفريج وعيالهم عليهم امتحانات << طيبه:D

وهاي تفاصيل ليله حناي

حجزت في فندق جنه الخليج القاعه احليوه وتصلح حق حنا
عدد المعازيم من 150-180 وطلبنا البوفيه ل100 بس
السبب .. << بنضيف على البوفيه بوفيه ثاني فيه اكل شعبي ( هريس-مضروبه-مرقوقه-برياني ربيان"مربين" )
الحلويات بلاليط-خنفروش-عقيلي-) حق 100 شخص

حجزت كوشه حنا خضرا .. ان شاء الله بقلب القاعه كلها خضرا
غلفت الفاين تغليف اخضر .. وبنحط على الطاولات تور اخضر+سله من السعف فيه مشموم(في الوسط)+ بيكون على الطاولات صحن مكسرات +قطع حلوى بحرينيه +صحنين نخي وصحنين باجلا غير عن القهوه والشاي

بلبس دراعه>> لاحظوا ان قلت دراعه .. خضرا فيها زري ذهبي وفوقه ثوب نشل
جهزت ذهب ليله الحنا مكون من 7خواتم 3 حق اليمين و4حق اليسار وجف ذهبي>> ( بو خاتم) مع مضاعد وطاسه ذهب وحزام ..<< طبعا مش ذهبي ذهب الوالده الله يطول عمرها .. وخلخال ..>> هاي الوحيد اللي لي

حجزت مكياج وشعر مكياج عند اشواق بس شرطت عليها يكون ناااعم عشان ما يخرب طلتي في العرس والشعر منى السودانيه ..

امممممممم
ايه حجزت لي حريم يسون لي ليله الجلوه ويغنون لي
امينه في معانيها هالله هالله

التوزيعات حنا داخل علب حلوه خشبيه+منظره (مرايه) صغيره مع معصار الحنا

وهاي شكل المرايه

كنت ما خذه 150 حبه من الهند بسعر خيالي .. تقريبا بريالين قطري او اقل .. يوم وصلت الدوحه 3 وحدات تقريبا منكسرات وبالصدفه لقيت مثلهم في لايف ستايل .. على 22 ريال الوحده .. شوفوا الفرق << اطريت اخذ عشان اساوي بالعدد

وقلت لثنتين حريم وحده تجي تخبز وتبيع خبز رقاق للي يبي .. والثانيه تصب اللقيمات للي يبي

وبس!!!!
واذا نسيت اي شي يا بنات نبهوني الصراحه ذاكرتي مييييييييييح


ربي يوفقكم

ماشالله عليج ........ يللا انشااااااالله تطلع مثل ماتبين واحلى .....بس ممكن رقم الي بيسوون القيمات والي بيغنون :shy:

تفاحه قطر:

شكلي من النوع اللي ينسون اسمهم بعد

ههههههه ذكرتيني بوحده الله يستر عليهــــــــا ...... اكلي زبيب كل يوم يقوي الذااااكره (r) (r)

غالية يا قطر محل H&M بتلقينه في الامارات مول

~*¤§شيخة البنات§¤*~:
هلا بنات الله يوفقكم إن شاء الله ^_^

بغيت وحده حق الحف ويكون حفها زيين لأني جربت كذا وحده بس مب لين هناك
بلييييز ردوا علي بسرعه خطوبتي في نهاية الأسبوع

مصري ولاهندي ؟؟؟

sara_daloo3a:
مرحبا بنات


بما انه عرسي شهر 4 قلت مابقى شي ولازم اجهز من الحين

حبيت اسألكم وين محل الفراشه ؟؟ ابي اروحله للفساتين

حجزت المكياج عند عبير

والشعر لبنى

اشرايكم ؟

باقيلي احجز الكوشه والطاولات ؟

ووووو خلصت من الخلطات وعطورات الفراش بس باقي العطور الفرنسيه هذي باخذهم من المطار لاني بروح مصر اخر هالشهر
وآخذ باقي اغراضي من اهناك

هلا سوسو

محل الفراشه بصفة جاك ديسانج والبتيل قبل البتيل بالضبط

واللي حجزتيهم اوكي خلج عليهم

الكوشه والطاولات شوفي ماسيس

واذا تبين شي ارخص بس مضمون عندج هذاك نسيت شسمه والله اللي عقب شيليز نسييت

بنات تعرفونه هذاك اللي دوم ياخذون منه حق الخطوبه

المهم هاي هو خخخ سوري بس جزء من الذاكره مفقود

مدار قطر:
اللي سألت عن مكياج شريفه المهندي

أنا شفت مكياجها على كذا عرووووس وايد حلو ودمج الألوان عندها يجنن

بنااااااااااااااااااااااااااااااااااااات ما رديتوا على:mad2: :mad2: :mad2: :mad2:
أم نعيم السودانيه

حفها زين والا لاااااا

حرام عليكم

أنا عروس على ابواب النهايه >>>> نهاية العزوبيه

لا مو زين بالمرة ..جسمي طلع حبوب حمر بعد ما شلت لي ..وحتي خواتي محد عجبه حفها ..بس هي شغلها عدل في السنفرة والدلكه ...موفقه ومبروووك ....

هلا بنت الغالي مافهمت عليج ؟؟
وشنو الفرق بينهم ؟؟

افتحوا H&M ... في دبي ؟؟؟ في امارات مول ؟

توووني ادري ....

مرحبا عرايس..

بس حبيت أفيدكم بخصوص تعطير الكبت والملابس اللي فيه, انا من كم يوم رحت لايف ستايل اللي في بوينت سنتر , اول ماتدخلون صوب الباب عند الورد المجفف, لقيت رول مثل الجلاد هو ورق, بالوان مختلفه يعني البنفسجي ريحه ورد والازرق ريحه مثل الليمون وهالشكل , المهم ماعرفت حق شنو ووين ينحط بس آخر شي اكتشفت انه ينفرش في الكبت تحت الثياب انا فرشته ولزقته عشان مايتحرك وبعدين حطيت عليه الثياب اللي تنطوي او تنصف في الكبت , اول ما افتح الكبت الريحه واااااااو وثيابي ريحتها فرش وحلوه , روحوا واخذوا الريحه اللي تعجبكم ترى فكره حلوه منها ريحه ومنها منظر لارضيه الكبت او الدروج او التواليت اللي عندج

يسلموووو عالفكره الحلوه

يبيلي اخذ منه

احب هالسوالف

ايه رايقه افتحوه في امارات مول, والله دبي صايره كأنها اوروبا كل محلات اوروبا فيها

نصيحه هالورق روعه روعه روعه

انا من زمان استخدمه..... وخصوصا اذا حطيتيه في الشنطة اذا بتسافرين تم الريحة فترة طويله

واحسن شي تحطينه في الدروج اللي بتحطين فيها الاندر وير .... وحطي الكور المعطره ومكعبات المسك وشوفي الريحه شلون تتم