والله العظيم غصة في بلاعيمى هونوا علي..

الله يعينج يا نودو، والله عندك ضرة مو سهلة، بس انتي خليك اصعب من هالضرة.

وتصرفي مثل ما قالوا لك الاخوات بيوتي ومرموم، عاد اسمعي الكلام وخليكي كووول، تحملي شوي علشان خاطر الاخوات اللي انصحوج، بما انج استشرتيهم جربي تطبقين نصايحهم وادا ما نفع انت ادرى باهل زوجج واشلون تتعملي معاهم

الله ساعدك خيو و يكون بعونك و الله و أنا أقرأ انبطت شبدي!!!
و لما قلت يمكن يكنسلوا رديت هوائي............لأن من حقكش تسافري لوحدك مع زوجك بدون أي ارتباط بأحد...........لكن ويش تسوي؟ يالله عشان زوجك اتحملي
بس انصحك جهزي ليلة رومانسية و مو لازم بمبالغة......يعني أنوار هادئة ,شموع , ورود حمراء و خليك هادئة مع زوجك و لا تجيبي له طاري أهله و قولي له إن كان في ودك سفرة لوحدك و خلي الدمعة تلمع في عيونك (ها...مو تنزل) بس يلا أنت تفصل و أنا ألبس و حاولي تتفقي مع زوجك بوضع برنامج خاص فيكم لو سافروا معاكم أهله (على الأقل لكم طلعه يومياً لوحدكم) وخلي نيتك صافية و تكلي على الله..........و إن شاء الله يصير الي في بالك
و طمنينا لأننا على أعصبانا بعد..............تقبلي سلامي

الله يعينج عليهم
بس اختي اصبري وخذي زوجج بالسياسه وبالهداوه

أكبــــــــــــــر قلب : هي حاسة بالغيرة الشديدة احس لها بس والله العظيم انا من شهر العسل مو مسافرة يعنى صار 5 سنين حرام اسافر بروحى وانا كلش ما اقصد انى اسوى هالحركات بالعكس انا ودى اسافر معاهم واستانس بس مو سفرة طويلة سفرة تكون 3 الى 4 ايام يالله اتحمل وانا اعرف زوجى جدامهم يتغير علي يتفرعن يسوى روحه جدامهم ان يقعدنى بكف وينومنى بكف فانا اسافر علشان اسلوب زوجى يصير نفس الشي اش حادنى مع العلم ان امى قالت لي ليش الحين انتى خربتى صورتك جدام زوجك الحين يتوقع انك تكرهينهم ، انا فهمته انى ابي اسافر بروحى لأنى من زمان مو مسافرة وانا من النوع اللي عادي مع زوجى يعنى اتغشمر معاه ساعات غشمرة ثقيلة او مثلاً غشمرة بالطق طبعا اهله مستحيل يرضون انا اعامله جيذي عندهم انا قليلة ادب مع ولدهم وما احترمه وهو من النوع اللي يسمت روحه على جدامهم يعنى ما يعطينى ويه وايد وانا اتحاشى هالشي وانا اللي بقلبي على لسانى الشي اللي ما يعجبنى اقول له ما اخاف لكن زوجه اخوه السوسه تخاف ما تتجرأ تقول شي عنهم لأنها تخاف من اخوه ....... وانا ما قصروا فينى شفت الويل منهم بس بعد احترمهم وبعيدة عنهم وانا من النوع ما اقل ادبي عليهم بالعكس حاطتهم بعيونى لكن بصراحة ابي اكون بروحى حتى الطلعة اللي احصلها مع زوجى ليلة وحدة بالإسبوع اخوه السوسة قام يحشرها معانا يعنى انا طول الإسبوع ما اشوف زوجى ولا اتكلم معاه ولين ابي اطلع شوى معاه علشان انا اكون جدامه يعنى يكون لي انا ليلتها اخوه يحشرها في طلعتنا وما اقدر اقول لزوجى ما ابيه استحي .....
واختى نصايح البنات على عينى وعلى راسي انشالله بطبق كلامهم....

أختى خيال ملاك: ضكتينى ضحكتينى على هالفقرة اختى تصدقين الحين الموضوع صار عادي عندى سافرت او لا ...

الله ساعدك خيو و يكون بعونك و الله و أنا أقرأ انبطت شبدي!!!
و لما قلت يمكن يكنسلوا رديت هوائي............لأن من حقكش تسافري لوحدك مع زوجك بدون أي ارتباط بأحد...........لكن ويش تسوي؟ يالله عشان زوجك اتحملي.

انا فهمته بس خلاص لكن صار بقلبه انى ما احبهم على كيفه اذا مو راضي يفهم كيفه مو شغلي..

الحين انا الخوف من يوم الجمعة راح نروح بيت اهله اخاف اخوه يرد يفتح موضوع السفر ويعزم زوجى اهله ويقول لهم انشالله ،، ليحين هم على قائمة الإنتظار ...

وانا بروحى الى امس مترددة زوجى يبي يدفع للتذاكر بس انا اقول له اصبر لأن لين افكر بالموضوع الطيارة الله يعزكم يصيدنى اسهال وعوار بطن.......

اختى انسة فله انا ماخذته بالسياسة بس وقت الجد لين اشوف كل شي بيخترب على ما اقدر اسكت ابي شوى اغير من روحى جدام زوجى بالسفر ابي احسسه ان سافر مع انسانه ثانية الله يكتب لي انشالله ........

الله لا يبعد الضحكة عن وجهك إن شاء الله.....

الحين بعد كل هالصيحة وبتكنسلين .. كنتي قلتي له بكنسل عشان أهلك كنسلوا عشان ترتفع معنوياته شوي

أختي فكري شويه بريلج ومشاعره .. حرام والله كسر خاطري

ااممممممممم الله يعينج

انزين عندي حل

روحي معاهم و اول يومين قعدي بنفس الفندق
وبعدين حجزوا لكم فندق ثاني وخلي ريلج يقول لهم انه هو مارتاح فالفندق
وغيروا الفندق واذا قالوا لكم بنجي تعذروا ان مافي حجوزات

او قعدوا مع امه وابوه لين يشرف احوه وبعدين سافروا ولا تقولون لهم وين بتروحون وخلي ريلج هو اللي يعتذر لهم عشان يعرفون ان هو متضايق مو انتي

عادي خل يروحون معاج

خو انتي وريلج بغرفه بروحكم بتستانسين معاه وبتسوين جو ييبي قمصان وحركات
وسوي ليله وحركات بالحمام تنقعوه فيه انتي معاه عقب طلبو عشان بغرفتكم
وكلو مع بعض وستانسو وسولفو وعيشو يوومكن ليش مكدره على روحج
لي طلعتو طلعي معاهم عادي اوكي ما ينبلعون عادي
بس فكري انتي وقولي انا مع زوجي وبستانس عيشي حياتج والله هذيله لازقين لازقين وكسري عين اخوه اهو لو شايفج متضايقه بعند وبيزيد ازياده اما لمن يشوفج ريلاكس بيفج عنج
و مو شرط 24 ساعه معاهم طلعي نص اليوم معاهم وردو البيت عقب طلعو مره ثانيه تمشو وستانسي مع ريلج بس ولا تقولين حق احد بنطلع
عادي لاتنكدين على روحج عشانهم صدقيني راح تسنانسين

الله يعينش
اي سياسه هذا اللي تجي معاه
انتي نيتك طيبه واخو زوجك من تحت لتحت
وربك بيرد كيده في نحره
اهم شي زوجش ماعليش من احد
واللي كاتبه ربك بيصير
بس المفروض اهل زوجش ذوقيا مايجون معاكم
بيون يسافرو يسافرو من ماسكهم حبكت معاكم يعني
الله يعيش من جد حاسه فيش

انا لو مكانج ماروح مب عشان شي بس عناد في اخوه لان هو السبب
أما امه وابوه مالهم ذنب

وانتي حاولي تفهمين زوجج وقوليله يلمح حق اخوه ان تبون تسافرون بروحكم مافيها شي يعني اذا قاله

والله يعينج

لازم اختي تدورين على مفتاح لزوجك
الزوجة تقدر على زوجها بالحيل فقط
>>>>>>>>>>>>>>>وان كيدهن عظيم
بصراحة مو حرام الحيلة على الزوج
لانه هي الي تجيبه
والله يعينك

ما قصرتى اختى على دعوتك الحلوة .... أختى يارا اشكرك من كل قلب تقولين مفتاح اي مفتاح حق زوجى اللي ماخذينه ربعه عنى وين يعطينى مجال حق مفاتيح ادور له خليها على الله ،

أختى نوار ياربي من صجج مستحيل نبين شي جدام اخوه على طول رويتر حق امه ، فليش وهم يبون اشارة علي واخوه يعرف انى ما احب اسافر الا بروحى علشان كذا عمل هالخطة .......وانا خلاص برد قلبي عن السفرة.

fa6om الله يعينش
اي سياسه هذا اللي تجي معاه
انتي نيتك طيبه واخو زوجك من تحت لتحت
وربك بيرد كيده في نحره
اهم شي زوجش ماعليش من احد
واللي كاتبه ربك بيصير
بس المفروض اهل زوجش ذوقيا مايجون معاكم
بيون يسافرو يسافرو من ماسكهم حبكت معاكم يعني
الله يعيش من جد حاسه فيش

أختى شفتى حظى صدقتى زوجى ولا سياسة تجى معاه وانا ياعينى على روحى طيبة وخلوقة والكل يتمنانى بس هم مو عارفين قدرى اخوه من تحت لتحت أمين اختى ربي يرد كيده في نحره
المفروض هم اهله يستحون على دمهم يشوفونى من شهر العسل ما سافرت يخلونى اسافر لوحدى الحين .

أختى ضي الغروب ما نقدر نتركهم لازم نكون كلنا مع بعض بعد عيب ما يصير هم بيقطعون كل هالمسافة عشان يكونوا معانا اذا هم ما يستحون انا لازم اصير احسن منهم عشان عيالي .. بس متأكدة اذا سمعت شي من المرادم اللي يقطونها او معاملة زوجى جدامهم اعرف نفسي راح امد البوز طول السفرة ....

درب المحبة اختى ما يصير نتركهم بفندق هم واحنا بفندق ثانى انا استحى جيذي مهما كان هم جد وجدة وعم عيالي مو عشان شي عشان انا اصيلة ، وانا اعرف اذا سافروا معانا انا عشان زوجى اخليهم بعيونى انا طبعى جيذي عشان اهل زوجى اسوى المستحيل علشان ارضيهم وارضى زوجى بس عشان يبين بعينهم.

أختى سكون والله العظيم كل يوم انا بحالة لا يرثى لها وليحين ما شرينا التذاكر بس حجز عندنا وانا خايفة هالسفرة وايد صارت حنة عليها ... وانا وايد خايفة من الطيارة وايد فوق ما تتصورين اما اروح وارضى بالأمر الواقع لين اجلس بالطيارة والله اعلم شنو بيصير فينى او اكنسل واخسر هالسفرة وبعد ما راح سفرة الا شوفي متى لأن زوجى من النوع اللي يسافر واذا ما سافرت هو بيسافر ويقول انتى خسرتى هالسفرة والله اعلم متى بنقدر نسافر والله ليحين مترددة .......

انزين اقول اكنسل اروح دبي ، حجز اهله لازم بيحصولون حق دبي فلازم يحشرونها معانا ....

بس هالسفرة هم على الإنتظار حجوزات للردة ما في....

والله ما ارف شنو اسوى من فيكم تدلنى على حبوب قوية منومة....انام بالطيارة

أنت بعدك ضايعة وما خذيتي قرارك..

خلاص توكلي على الله وسافري ولا تفكرين وايد...

منحك الوسام تستاهلين اختى وانشالله للأمام دائماً والف مبروك لباقي البنات اللي حصلوا على الوسام يستاهلون وانشالله لللأحسن .......

انشالله راح اتخذ القرار خلال هاليومين بإذن الله .....

الله يصبرج على ما ابتلاج فيه

والله يعينج ..

بس خليني اقولج شيء

الخوات اللي قالوه لج تراهم ما قصروا وقالولج اللي يفيدج مب اللي يضرج

لان لو قلنا لج روحي وقولي لامه لا تجيون مابيكم تكونين دمرتي حياتج
او لو قلنا لا تسافرسن هم بيعرفون وبيزعلون ..

اكسبي زوجج ودوم دوري على اي شيء يرضيه وانتي ساعتها بتربحين

حببيه فيج وبتشوفين انه هو بيدور على الاماكن اللي تكونون فيها لوحدكم

الله يصبرج يارب ويفرج همج وكربج

أففففففففففففف

صج سخيف
أتاريه بيلحق كم عقب اسبوع عشان يستانس اهوه وزوجته من غيركم اسبوع
أبصم لج ان زوجته غيرانه منج واهيه الي توزه عليج

Beauty soul:
حبيبتي
انا ادري ان الموضوع صعب عليج , واقدر احس بيج
بس تدرين اخو زوجك يبي يخرب بينكم او يبي يسمك عليجا ي عيب
شوفي سووي زي الي انا اقولج اياه و ادري بتعانيين بس بتكسري راس اخو زوجك و بتكبرين في عيون زوجك
روحي برواقه الى زوجك و قولي اله حبيبي انا اسفه عصبت عليك , انا اهلك زي اهلي واحبهم زي مااحب اهلي بس كان خاطري اصير معاك لوحدنا في مكان بس خلاص اذا هذا الشي ضايقك جيب امك وابوك و فوق راسي انا من لي غيركم
هو بيقول هالكلام الى اخو زوجك وتأكدي
واضغطي على نفسك انك دائما تبتسمي و حسي بالسعاده واذا اضطريتي مثلي السعاده و سوي الي انتي تبيه !! اذا سمعتي منهم كمله تجرح طنشي و عامليهم بأحسن شي في الاخير بتكسبي زوجك و زوجك هو الي بيلاحظ اغلاطهم لان هو الحين مايقدر يلاحظ اغلاطهم
وزوجك هو الي بيبعد عنهم , بس انتي استعملي اسلوب احسن منهم و اكسريهم و خلي زوجك يشوف انهم خراطين او مايحبون الج الخير او او
صدقيني والله صعب الموضوع بس بتكسبي زوجك و الاهم بتكسريهم و بتكبري في عينهم ومابيقدرو يعاملوج الا باحترام و بيبطلو تدخل في حياتكم
الحين هم مستانسين يقولون اي شي نسوي الها تعصب او تتهازش مع زوجها بس لما ماتعطينهم الفرصه انتي تكسبي :)
وتحياتي

ونعم الراي

طيب حبيبتي اذا لقوا حجز

شرايج تعاندين وتقصرين سفرتكم هع هع

وتخلينه يعوضها لج بسفره ثانيه قصيره

يعني قوليله لو اسبوع دبي او اي مكان ثاني المهم بروحكم

ولاتعلمونهم الا قبل يومين قولوا لهم طقت براسنا فجأه

h127:
أففففففففففففف

صج سخيف
أتاريه بيلحق كم عقب اسبوع عشان يستانس اهوه وزوجته من غيركم اسبوع
أبصم لج ان زوجته غيرانه منج واهيه الي توزه عليج

لالا حرام لاتظلمينها

هي قالت ان زوجة اخوه مب راضيه تسافر مع زوجها لانها ماتبي تخرب عليهم وهي عارفه ان نودو تبي تسافر بروحها من جذي مب راضيه تروح

ها شو صار عزيزتي على السفر؟؟؟
وينننننك؟