والله العظيم غصة في بلاعيمى هونوا علي..

Beauty soul أختى شنو اسوى بعد اهوه ما يقدر يقول شي جدامهم بعدين يقولون عنه اهوه دياية زوجته ...يتفشل حقيرين.......

حبيبتي
وعسى ان تكرهوا شيئا وهو خيرا لكم
ماتدرين وش الخير فيه يمكن تكون روحتهم معاكم خير لك
صدقيني وعن تجربه اقولها لك
روحي وانبسطي من كل قلبك عاملي زوجك واهله بكل حب وحنان قدام اخوه بالذات
وخليك مثل النسمه تنعش اللي حواليها
واحيانا تصرفي مع زوجك كأنكم بروحكم حتى قدام اهله >>>>>>>يعني حركات بس على خفيف عادي تكونين ما تسوينها بالعاده قدام اهله
طبعا بيقول لك عيب او شي قولي له حبيبي ماعليه تخيلت ان احنا لحالنا ومن هالحركات اللي تذوبه
وتخليه حتى هو يتمنى لو كنتم لحلكم
بالطريقه ذي اخو زوجك راح يموت من القهر لأن زوجك ما راح يسمع له مره ثانيه واهل زوجك بيبحترمونك وبيحسون انهم خربو عليكم لان الكبار بالعاده ما ينتبهون لمطالب اللي اصغر منهم ولا يفهمونها لأن زمانهم عاداتهم غير
هذا غير انه زوجك ممكن يفاجئك بسفره تانيه لوحدكم كتعويض
ربي يسعدك ويقدرك على تحمل هالرحله وترى زوجك موذنبه لا تعاتبيه
اتمنى اني افدتك يالغاليه

nodoo:
اضغط على اعصابي انا لا شعوريا الشي اللي يضايقنى اسكت امد البوز واجلس اصيح انا طبعى جيذي حساسة واهوه منبهنى اذا بينت لهم شي راح يراوينى شغلي ......

شو ما تقدريــن ماما ..

مثل ما عندك اسلوب لزوجــك .. فاكيد لك اسلوب لعمتــك

اكيد عمتك طيبــة .. بس تدري كثير امهات هالشكل .. بس والله قلبهم طيب ..

حاولي .. وخلي الحساسيــة عنك في صوب ..

وبعديــن مثل ما شفت ان زوجك فاهــم وعارف ان هم راميــن نفسهــم عليكم

خلي قلبك اكبر .. وعقلك اكبر من عقلهــم ...

وادلــعي ويــاه ريلش .. واستــانسي ..

والله بيفك غصتــك اختي (سلامتك من كل شر)

لا تفكري .. وان شالله الله بيسهل دربــك

حبيبتي انا تفاعلت معاج واجد
بس صدقيني اخو زوجك هو السبب فلاتسمحي اله يهين زوجك و بالتالي زوجك ييفرغ غضبه فيج
احقريه و تجاهليه في كل طلعه
و خلي اهله يسافرو معاكم وحطيهم فوق راسج و خليهم بس يمدحوج و يطروج قدامه عشان يموت قهر ان ماقدر يخرب عليج بالعكس انتين كسبتي الكل
و صدقيني ادري مو سهل بس خلي هدفج انج تكسري عنطزه اخوه

حسبي الله ونعم الوكيل

المشكلة ياعزيزتي في اخو زوجك

والمثل يقول الحق العيار لباب بيته

انتي امشي معاهم عالخط اللي يبونه.. لين تكسبينهم وتكسرين عيون اخو زوجك

وان شاءالله بعدين بتقدرين تمشين امورج مثل ما تبين

بس ماراح ينفع العناد صدقيني.. وهدي اعصابج على زوجك وان شاءالله بتنحل الأمور

انتي الحين وايد منفعله .. طيبي النفس وخليج الأحسن .. وكل شي مأجوره عليه ان شاءالله

وتذكري اذا الله كاتب لهم يسافرون معاكم .. راح يسافرون.. واذا الله موكاتب لهم اكيد راح يصير شي يخرب عليهم السفره


والله يوفقج ان شاءالله

بس انتي روووووقي شوي

ياقلبي أنتِ غلطتي في ردة فعلك أنا ما ألومك في توترك من حماكِ
لكن هم كان المفروض يكون ردة الفعل من عندك ذكيه وتكسريين حماكِ وتكونين الأقوه

المفروض لما قالك أن أمه وأبوه بيجون معك كان قلتي حياهم الله لو ماتشيلهم الأرض بشيلهم بعيوني

وماكان له داعي أبداا تعصبين مع زوجك وتكبيرين المسئله
كان المفروض تقولين له .. كان بودي تكون السفره لوحدنا لكن دام هذي رغبتك راح أحطهم على عيني وعلى راسي
وباين أن زوجك ماخذ عنك فكره أنك تكرهيين أهله بسبب حماكِ ..!! ليه ماتثبتين العكس وتكسبين محبة زوجك وأهله وتقهرين حماكِ

في مواقف تتطلب التروي والحكمه بدل الصراخ لانها راح تدمر بدل ماتعمر

وربي يوفقك ياحياتي ويبعد عنك كل ضيق ويوسعها عليكِ يارب

ولكم فائق تقديري وإحترامي
دمتم بخير

انا من راي مملكة القلوب

انا قبل ما اتزوج تعلمت شغله.. اذا الزوجه صارت كلوووز مع اهل زوجها وضحك وسوالف الزوج يستااانس ويتحمل فيج اكثر ويحس انج تحبين اهله واايد

ولاتنسين يالغالية اذا انتي كسبتي عمتج وخليتيها في صفج باجر هذا الشي يكون في صالحج يعني راح تمدحج جدام زوجج وراح تخليج تكبرين في عيونه

بس انتي الله يهداج اللي بقلبج على لسانج الحياة لازم تجاملين عشان تقدرين تستمرين ..

اما بالنسبة لاخوه طنشيه وولا تطلعين معاهم حتى لو زوجج قال ماراح يطلعج اشتري سعادتج بدل المشاكل اللي من وراه
واذا اخوه قام يمزح ويتكلم معاج طنشيه حاولي تشغلين نفسج بسالفه ثانيه لاتعطينه فرصه ابد انه يستفزج لان اكيد اهو عارف نقطة ضعفج من جذي قاعد يستغلها يعني انتي ماتحبي اهله في نظرهم من جذي اخوه قال جدامج ان امه وابوه راح يسافرون معاكم وانتي بينتي انج متضايقه ..

بس حاولي تسوين لج برنامج مع زوجج يعني قعدي معاه وكلميه حاولي تفهمينه انج وايد تحبين اهله بس محبتج له خلتج تنفعلين بهذي الطريقه

والله يهدي زوجج ويسخره لج ودايما كثري من ... (( اللهم سخر لي زوجي ولين قلبه عليّ كما لينت الحديد لداود عليه السلام )

وطلبي الفرج من رب العالمين

ماعندي تعليق ع الموضوع........

بس تعليقي على الالفظاظ يا اختي العزيزة .......... ليش تتكلمين جذيه عن اهل زوجج..

مهما كان ومهما صار......... وحتى لو مضايقينك؟؟ مايصير الله يهديج بس..

........ هالخمة........ الحقيرين.......... السوسه...........

بصراحه وبدون زعل.............. البنت الاصيله ماتتلفظ بها الكلمات مهما كاان..


خففي من حساسيتك....... وجربي مرة تعامليهم زين.......... وبتصير الامور طيبه
لاني اشوف المشكله فيكي انتي.......... مش اهل زوجج


الله يحفظج

دلوعة أهلها ، ألوان سحرية ، الأميرة الحزينة ، Beaty SoulK. Business Girl ، مملكة القلوب خنفورة ، خواطر .

أولاً : آخر الأحداث اظاهر كنسلوا روحتهم معانا ليحين مو اكيد بس لأن حجز للجية ما في ......

وبعدين اختى خواطر انا بالعكس احبهم واحترمهم وبعد بعيدة عنهم يعنى اشوفهم مرة بالإسبوع لمدة ساعتين واسمع المرادم والأشياء السم اللي تنقص عيشتى ، ما تتصورون هاي انا بعيدة واشوف الويل منهم وبعدين اأخوه كنسل سفرته معانا لأن زوجته مسكينة تعرف انا ابي اسافر بروحى قالت له انت بتروح روح انا ما اجي معاكم البنية تبي تسافر مع زوجها ليش نروح نعكنن عليهم فكنسل هو لأن هي ما تبي تسافر وتخرب علي قالت يمكن اذا شافوا اخوه كنسل هم بعد يكنسلون ... وانا الله شاهد اشلون اعاملهم حاطتهم في عيونى لكن انقرصت منهم وايد وبالذات اخوه لين نطلع معاهم كل يريد يقهرنى مثلاً يقول لي انا اخوى مو مرتاح في زواجه معاك انا لازم ازوجه وحدة ثانيه تريحه ، وان اخوى اللي هو زوجى يخونك وعنده بنات كثيرين شنو تتوقعون يصير فينى انا ارد عليه عليه بالعافية اذا انا مو تارسة عينه خله يروح يتزوج شنو اقول لكم شنو اقول لكم خلونى ساكتة يا بنات ..... وبعدين لين قال اخوه زوجى ان عندى لك خبر بمليون دينار ان امى وابوى بيجون معاكم بالعكس انا بنفس الوقت قلت له هاي الساعة المباركة ان ما شالتهم الأرض تشيلهم عيونى بس عاد عقب استلمت زوجى بروحنا..... وبعدين تعرفون شنو يقول أخو زوجى حق امه ان انا افرق زوجى عن اخوه تخيلوا جدامى يقول لأمه يمه هاي زوجة اخوى تبي تفرقنى عن اخوى تخيلوا.......... سكتوا انتوا شنو تقولون عاد الحين شنو السالفة ان انا افكر اكنسل من خوفي من الطيارة تنصحونى اروح او لا.......

حبيبتي خواطر
هي البنت دخلت تشتكي ماقصدها شي , و الانسان ساعات القهر يطلع الي في قلبه ويستخدم كلمات مايقصدها !!
و بصراحه ماسوت شي عشان يصير غلطها !! من البدايه هي متحمله !!
الغلطه في اخو زوجها الي يأجج المشاكل !!
و تحياتي

السلام عليكم ورحمة الله وبركاته

هلا بيكي يا نودو...

شوفي أختي...كلنا تعرضنا لمثل هذه المواقف...

مش شرط على موضوع سفرة أو طلعة أو شيء...بس مرّت علينا مواقف مشابهة...

و الموقف لازم يعلمك...طبعا إنتي من حقك إنتي و زوجك تسافروا لوحدكم...تطلعوا و تنبسطوا...تتغدوا و تتعشوا في أي مطاعم...بدون ما تكونوا مرتبطين بأحد...فلان ما يحب هالأكل و فلان ما يحب هالمكان...

لكن...طالما زوجك معاكي...كنتي تقدري تلعبيها صح...

أول شيء ما تبيني لهم أبدا إنك متضايقة...بالذات أخو زوجك...لأنه هذا هدفه من الموضوع كله...و ما تجيبي سيرة الموضوع كله من قريب أو بعيد...و لا تتكلمي عن الحجز و لا شيء...و لو حتى هم فتحوا الموضوع و تكلموا فيه...خليكي ساكتة...غامضة يعني...علشان ما يعرفوا يفسروا رغبتك أو كرهك للموضوع...


ثاني شيء...قولي لزوجك يتعاون معاكي في هالموضوع...و قدامهم كلهم و هم قاعدين ...يقول لهم ( هذا في حالة إذا ما زبطت سفرتهم معاكم ) إنها بتتعوض السفرة الجاية...أو لما أخوه يسافر...أكيد بياخذهم معاه...و شوفي رة فعل أخوه...علشان يعرف إنه مثل ما يعمل في الناس ينعمل فيه...

لكن مش تيجي عن طريقك...خلي بالك...عن طريق زوجك...علشان ما حد يقول عليكي شيء...


و دايما خليكي إنتي و زوجك أمامهم وحدة واحدة ما يقدروا يخترقوها...يعني ما يقدروا يعرفوا عنكم شيء...هذا بيصعّب عليهم المهمة...لا هو يشتكي منك و لا إنتي تشتكي منه...و دايم مبسوطين و فرحانين أمامهم ( بدون تصنع ) حتى لو متخانقين...


و صدقيني...كل العائلات فيها هذه النماذج...بس عايزة شوية حنكة و خبرة في التعامل...

نودو
اعقلي وروحي وانتي ساكته هههههه
يكفي خوف
انا الخوافه من الطياره صار ودي اروح من الحماس مع وضعك خخخ

والله ما تتصورين ان انا اشلون احاسب معاهم واحاسب على مشاعرهم لكن هم سامحهم اللله لازم يضايقونى مع العلم انى بعيدة عنهم واحترمهم كثير بس اخوه يسمعهم كلام عنى غلط والأم تصدق ....... وانا بس خلاص اصلاً بروحى يمكن اهون ما اروح لأنى اخاف من الطيارة شنو اسوى بعد اذا لي معاهم نصيب اروح باروح اذا لا بعد شنو نسوى .....

بعد أذنك أخت نودو،، ودي أبريك من الموقف وماطلعك غلطانة مع أهل زوجك..

أن أعرف نودو معرفة شخصية وأنا أعلم كم تعاني من زوجها وأهله،، أخوه هذا مقتصدها في مواقف كثيرة ووده يفرق بينهم،، يعني المسكينة لا تلومونها لو طلعت منها كلمة بالغلط، أن أعرف أن هذه الكلمات ليست أسلوب للتفاهم والنقاش،، بس أحيانا الواحد تفلت أعصابه..

أحنا أخواتك نطلب منك تسافرين وتغيرين جو وتركي خوفك من الطيارة وأنبسطي على الآخر، وإذا صار وشرفوا أهل زوجك معاكم خليك كووووووول ولا كأنهم موجودين....

مشكورين واشكرك اختى رانيا على تعبيرك وموقفك معاي الحمدالله عندى شاهدة على اخلاقي مع اهل زوجى ما في داعى اقول .... واشكرك اشكرك من كل قلبي واشكر الأخت اسيرة قلبه وليحين ما ادرى اذا بسافر او لا لأن زوجى ينتظر الخبر الأكيد منى . وعلى فكرة أظاهر اهل زوجى بيكنسلون لأن زوجة أخوه ما تبي تسافر مع اخوه تقول انا ما اروح اخرب على زوجة اخوك مجنونة انا فأخوه كنسل واظاهر اهله بعد كنسلوا وامه اتصلت في زوجى وخاطرها تسافر معانا بنفس الوقت وتترجى زوجى ان يكنسل سفرتنا الى الصيف عشان نسافر جماعه الحين الله يحيينا بس زوجى ما رضى اظاهر قال لها انا مواعد زوجتى اسفرها الحين وعاد قامت تتكلم الحين عن ولدى اشلون لها قلب زوجتك تترك ولدها كل هالمدة قاعدة تشوش زوجى انزين اصلاً ولدى بيكون عند امى وبتهتم فيه اكثر منى ......

مشكورين واشكرك اختى رانيا على تعبيرك وموقفك معاي الحمدالله عندى شاهدة على اخلاقي مع اهل زوجى ما في داعى اقول .... واشكرك اشكرك من كل قلبي واشكر الأخت اسيرة قلبه وليحين ما ادرى اذا بسافر او لا لأن زوجى ينتظر الخبر الأكيد منى . وعلى فكرة أظاهر اهل زوجى بيكنسلون لأن زوجة أخوه ما تبي تسافر مع اخوه تقول انا ما اروح اخرب على زوجة اخوك مجنونة انا فأخوه كنسل واظاهر اهله بعد كنسلوا وامه اتصلت في زوجى وخاطرها تسافر معانا بنفس الوقت وتترجى زوجى ان يكنسل سفرتنا الى الصيف عشان نسافر جماعه الحين الله يحيينا بس زوجى ما رضى اظاهر قال لها انا مواعد زوجتى اسفرها الحين وعاد قامت تتكلم الحين عن ولدى اشلون لها قلب زوجتك تترك ولدها كل هالمدة قاعدة تشوش زوجى انزين اصلاً ولدى بيكون عند امى وبتهتم فيه اكثر منى ......الحين نشوف اليوم زوجى اذا بيحصل لهم حجز او لا اذا حصل لهم شي طبيعى بيجون لا يفتكرون فينى ولا ان بيخربون سفرتى.......

بالعادة ام الزوج وخواته الي يغثون ويرفعون الضغط والسكر بس الحين حتى اخوان الزوج صاروا ياخذون عادات الحريم قبح الله ويه كل واحد جذه والله يسعدج حبيبتي ويصبرج وانا اقولج سافري وستانسي ولاتبينين لسسوسه هذا انج متضايقه علشان خاطر زوجج اذا كان يحبج ويخاف عليج

اختي العزيزة الله يعينج بس مثل ماقالو البنات ظغطي على نفسج علشان خاطر زوجج وبيتج.
وانا عندي لج نصيحه لسفرة اشتري الmp3وخزني في الي تحبين تسمعينه . واذا حسيتي انج بتظايقين على طول شغلي وسمعي بس مو تخلين اغاني حزينه. وربي يوفقج يارب .

أختى غنوة قطر عاد تتخيلين الحين هو متعود كل اسبوع يطلع معانا ويغثنى بطلعتى وساعات انا وزوجى نتهاوش وزوجى يموت فيه انزين انا بعد ما اقدر او اتجرأ اقول لزوجى ما ابي اطلع مع اخوك وزوجته استحى بصراحة بعدين بياخذ موقف قوى معاي وانا مو ناقصة ...........


rose2006
أختى ضحكتينى موت انا بإذن الله تعالى اذا رحت راح اجود القرآن الكريم وبجلس بقرأ قرآن ما احب اسمع اغانى بالطيارة انا حتى بالسيارة اسمع قرآن كله .

وشنو تقولين انا اكل ما اكل ولا احط شي بفمى لين تنزل الطيارة يقول زوجى احسن شي فيج ان اكلج تعطينى لأن صحن واحد ما يشبع فياخذ صحنى بعد والحالة حالة تكون عندى عصبية وصياح وننادى المضيفات والكابتن بس علشان يطنى وودونى حجرة الكابتن ويشرحون لي وكل مكانى بالمطبخ اكلم الميضفات طمنونى انزين اكيد بيكذبون على بيطمنونى حتى زوجى خايف على بنتى انى اعقدها من الطيارة وما تسافر طول عمرها ... المشكلة الرحلة بالليل عاد يا ويلي اذا الدنيا بتكون مغيمة وممطرة . .

وانا على فكرة قررت اشترى هدية لزوجى مسكين اعطيه بالطيارة اكشن يكون .....