ولدي يخاف مني وش اسوي تكفون ردو علي

كيف يسمونج ام انتي حرام عليج طالعي لمنتدى عدل شوفي كم وحده متحسره على ظل ياهل وانتي رضيع عمره شهرين لا حول له ولا قوه تضربيه الله يسامحج لا تطلعين حرتج فولدج كلنه نحرج على عيالنه بس ما توصل للضرب انا بنتي عمرها سنه وشهرين احرج عليها اقولها عيب بقسوه او يلسي ومن هالكلمات تصيح الله يعين ولدج
خذي فحضنج وفي الليل رقدي عنده واحكيله حكايه كل يوم وخلي ابطاله انتي وهو كيف تحبون بعض وتطلعون ويه بعض ولا تزعلين نصيحتي اعرضي نفسج على دكتور

اهلين بنااات مشكورين على مروركم ونصايحكم انا صح غلطانه بحق ولدي بس اتمنى منكم مايكون فيه كلام جارح لان اللي فيني مكفيني وانتو لو تشوفون تصرفات ولدي كااااان مالمتوني صح انا غلطانه يوم اضربه وعمره شهرين لاني كنت ماعرف شي عن الاطفال وكيف التعامل معهم بس الحين تندمت ولو ماتندمت كان مالجئت لله ثم لكم

مشمش222:
اهلين بنااات مشكورين على مروركم ونصايحكم انا صح غلطانه بحق ولدي بس اتمنى منكم مايكون فيه كلام جارح لان اللي فيني مكفيني وانتو لو تشوفون تصرفات ولدي كااااان مالمتوني صح انا غلطانه يوم اضربه وعمره شهرين لاني كنت ماعرف شي عن الاطفال وكيف التعامل معهم بس الحين تندمت ولو ماتندمت كان مالجئت لله ثم لكم

الغالية انتي مافتحتي قلبج إلا لخواتج انشالله والبنات فعلاً الله يصلحم لو بس يبتعدون عن الكلام الجارح يكون احسن
وسمعي الغالية يوم ولدج يمد يده عليج حاولي تعطينه نظره قوية ولا تقولين شي ولا تضربينه بس بعد لا تعالجين الخطأ بخطأ اكبر لا تحسسينه ان يقدر يسوي كل شي حتى الخطا لا زم يعرف ان في حد لازم يوقف عنده


والله يعينج كلنا تعبانين معاهم الله يخليهم ويصلحهم ومافي أم ماتضرب عيالها والي تقول في عمرها ماضربت عيالها ماصدقها انا عندي اثنين روحي فيهم بس لازم يقهروني واضربهم واعاقبهم وامهاتنا ضربونا وماقصروا هههههههههههه

الله يخليه لج ونسمع الأخبار الحلوة منج الغالية

اختي مشمش صح كلامنه جارح بس لازم تعذرينه سالفه شهرين ما تدش الراس الحل بايدج انتي الطفل ذاكرته بهالعمر محدوده يعني تقدرين تخلينه ينسى العبي معاه وسولفي وطلعيه بتشوفين النتيجه

اختي مشمش صح كلامنه جارح بس لازم تعذرينه سالفه شهرين ما تدش الراس الحل بايدج انتي الطفل ذاكرته بهالعمر محدوده يعني تقدرين تخلينه ينسى العبي معاه وسولفي وطلعيه بتشوفين النتيجه

ياااااااااازينكم ويازين ردكم:up: بعد الف مليون شكر لكم :flower: بس والله يابنات انه ذبحني تدرون امس كنت معزومه وكان فيه مجموعه من الحريم والله يابنات انه فشلني يضرب الاطفال ضرب بنت صغيرونه بعمره وجت امها لمه وضربت يده وعطته عين قويه قام الولد اللي هو ولدي ناضرها وتفل عليها وراح يكمل لعبه وقالت لي ام البنت الله يخليك ولدك هذا محتاج تربيه وبعدين لا تجيبينه للمجتمعات عشا ن مايتعبك انا عرفت قصدها (:eek2: وااااوردها قوي:eek2: ) وبعدين سكت ودي ماسكه ولدي وطايحه فيه ضرب بس تركته وارسلته لابوه :mad2: :mad2: انا مادري شو اسوي به جد تعبني انا مادري دلع ابوه اللي سوابه كذا او شدتي معه:think: والله يابنات تعبت منه ادري ازعجتكم:sad: انا وها النتفه ولدي بس انا محتاجنكم:cry: :cry:

اختي مشمش
العنف يولد العنف
لانك تضربيه وهو مايقدر يدافع عن نفسه ( انتبي بنفسك قلتي انه يحط يده على وجهه ) هذا دليل ان ضربك له كان مؤذي
فهو يطلع حرته في الاطفال اللي من سنه واللي مايقدرون يدافعون عن نفسهم
يمكن بعد لو البنت ضربته كان بيخاف وبيتركها بس شافها ضعيفة فاستمر في الضرب
اما حركة انه يتفل على امها ... اسمحي لي هذي قوية
لكن مثل ما قلت لك
لان الطفل متعقد

بعده صغير ومن السهل انك ترجعي تروضيه وتشيلي الخوف من نفسه
صح بيكون الموضوع صعب
لكن لازم تحاولي وتكوني فعلا راغبة في تغيير نفسك قبل تغييره

الله يهديك ويصلحه
انصحك تشتري لك كتاب في علم التربية الحديثة يساعدك على معرفة أخطائك التربوية مع طفلك مو بس عشانه .. عشان الطفل القادم في المستقبل وشوفي برنامج Super nany فيه اساليب تربوية رائعة نفعت مع امهات كثير بشهادة البنات حتى في عمر ولدك الصغير
ونصيحتي لك .. تبعدي مشاكلك الشخصية وغيرتك على زوجك من زوجته الاولى ( مثل ما عرفت من ركن القضايا والحلول ) عن تريبة ولدك
هوماله ذنب
اللي فات فات خلاص .. ماله داعي نرجع نعيده
والحل انك تحسني من علاقتك معاه وتجي على نفسك شوي

طمنينا

حرام عليج عقدتي الولدج
وهو توه عمره سنه ونصف شنو يسوي علشان تضربينه هالكثر لدرجة انه يخاف منج

واذا في هالعمر وانتي تضربي فإذا صار عمره اكثر وكبر وطلعت شطانته وش بيتسوين ويه

بس مثل ما يقول المثل اللي راح ما يتعوض

بس الحين كل اللي اقدر اقوله انج تقعدين مع ولدج وتتقربين منه وتبوسينه وتعوضينه الحنان اللي فقده وانج تعطينه روج عهد ودرس انج ما تضربينه علشان ما تفقدينه كل شى ولا الضنا

في الاخير ما اقدر اقوله الا الله يخليه لج ويحبب ولدج ويححن قلبه عليج ان شا لله

مشكوووووور يابنات على مروركم الجميل وعلى الرد الاجمل بس حبيت اسئل الاختroooomy عن الكتاب وين القاه عسى ينفع معه ومره اخرى الف شكر

حتى لو عصب حتى لو نتف شعور كل بنات الحاره وكسر كل الاغراض تحملييييييييييييييه هذا ضنااااج هذا نور عينج و لوله هذا الطفال انتي ولا شي بها المجتمع

وتذكري انج انتي كنتي شراته بيوم طفله واعبتي امج وهي تحملتج
وهو طفل يجوف تصرفاتج تغيرت فجأه يحس بتوتر لين مايحس بأستقرار في طبعج
ويخف توتره و هو طفل فيه طاقه حاولي تشغلينه معاج تلعبينه وتركضينه معاج عسب تخف طاقته عطيه اوراق واقلام وارسميله

والله يهديج ويهدينا ويصبرج ويصبرنا على هاليهااال

موفقه

طمنينا يا مشمش، عن آخر الأخبار

حبيبتي إذا الأم بتضرب ولدها في هذا العمر..... ليش تلوم الخدامات

إحنا نخاف على عيالنا من ضرب الخدامات في غيابنا فكيف وإنتي أمه كيف قلبج يطاوعج وبالذات إنه في هذا العمر الصغير

إنتي بالنسبة له الصدر الحنون فلا تغيرين هذا المعنى بقسوتج معاه

السلام عليكم بنات اسفه على التاخير بس حبيت اقولكم عن اخر المستجدات تدرون وش بديت اسوي مع ولدي بديت كل مابدا يشاغب امسكه واقرا عليه واورد عليه وانفث هو ياعمري يحسبني العب معه ويستانس والله يابنات مابالغ انه يركد ويعقل بسم الله علينا والحمدلله على كل حال

علميه يشرب مرميه تهدي اعصابه وسويله رياضه عنيفه بس مالت اطفال خليه يلعب خليه ياكل

اي شي يهدي الاعصاب عطيه الوان وقعدي لعبي معاه بعد خليه يلعب بالطين وشوفي والله راح ترتاحين

بس يبله صبر وطولة بال الله يحفظه

نسيت اقولج الالعاب كل شوي عطيه اياه بهديه وانتي تبتسمين له والله يوفقج

ما شاء الله تبارك الرحمن زين تسوين
وكل ما شفتيه بدأ يتشيطن اخذية وفتحيله اي مجله او قصة او كتاب
وسئليه عن الصور وقصيله قصص من تأليفك حتى لو قصيتيله عنه اهو
وعسى الله يثبتك ويهديه ويصلحه لك ان شاء الله يارب

تطقينه وعمره شهرين
شهرين
حرام عليج والله العظيم حرام
شنو شهرين ينطق
وشلون ماتبينه يخاف منج
الحل بيدج انتي
تعاملي معاه عدل وماينطق الولد نهائيا
ديري بالج


دمتم سالمين
اختكم شريفة

حرااام عليك.................أنت أمه يعني إذا خاف من أحد يلجأ لك مو يخاف منك!!!؟
حاولي تغيري أسلوبك معاه و صممي على ترك الضرب معاه بعزيمة مو يموين ثلاثة و ترجع ريما لعادتها القديمة...

ممتاز يا مشمش والله فرحتينا من قلب، عساه دوم يا رب، الله يخليه لج ويخليج له يا رب

الغاليه اقرأي كتب عن تربية الطفل و عقابه و لا تضربون و الله بيتعقد


حرام

باللطف الولد بيهدى وب يركد

بس العنف بيزيده عصبيه

حاولي تهدينه و تلاطفينه و لا تعصبين عليه على شي بسيط

سهلي الامور و هونيها مصير يكبر و يعقل

و الغلط اللي يتصلح أنبيه عليه بس لا تضربينه أبدا الا على الشي الجايد