ولدي يخاف مني وش اسوي تكفون ردو علي

لاتزعلين أنا أم مثلك وأعرف انك تحبي ولدك وأنت ضربتي ولدك في لحظة غضب و الفرصة أمامك لتصلحي شأنك و الأنسان لازم يتعلم من خطاءه ويتحكم في مشاعره ومن اليوم عاهدي نفسك ان لاتضربي حبيبك الصغير
الرجاء من الأخوات الكف عن اللوم لان مشمش222 ما ارسلت إلا وتريد النصح

تحياتي

حبيببتي انا عارفه اشكثر انتي ندمانه ولا كان مانزلتي الموضوع ودورتي حلول

عالاقل انتي احسن من امهات وايد ما يدرون عن عيالهم مع هالخدم الي يسون فيهم
اخس من الضرب ولا يدرون عنهم
المهم الحين تفتحين صفحه يديده معاه
وصدقيني راح تتعبين في البدايه بس في الخير راح يسامحج لانه طفل

السلام عليكم ورحمه الله وبركاته
اختى طبيعه الولد سبحان الله من صغرة صياح ما ينام كثير عكس البنات وهذا عن تجربه
يمكن يحب انه يكون بقرب امه على اساس انه حبيب الام والبنت حبيبه الاب0الظاهر انج اما ما كنتي تحبين الازعاج بجلسته كل شوي او تعبت نفسيتج بعد الولادة او كان عندج مشاكل اسريه وقلت وعي بتربيه الابناء يعني ظنيتي انه راح يسكت او يفهمج بالضرب هذا وهو صغير0الحين كبر شوي يعني يمشي الله يحفظه يلعب ويرمي الاشياء وما يسمع الكلام وطبعا لانه توة صغير ما بعد يفهم ويبي يتعلم ويلعب وغيرة لانه ولد يكون اللعب عنده زيادة وما يخاف ويعاند وكثير من الاشياء وهذا لصغر سنه 0لو فهمتي ابنك على هذا المنوال صدقيني راح تشوفين لعبه يضحك وسنه صغير وما زلتي له القلب الحنون والمكان الامن ,حاولي تنامي على السرير وتخلى ابوة صوبج شوفيه المفروض انه ما يرضى انه يكون صوبج وبيسوي اي شي بس علشان يقوم ,لما يعصب بج اول شي قولي اعوذ بالله من الشيطان الرجيم وحاولي تتوضين يدحر عنج الشيطان وما تتأثمين فيه لانه الشيطان يدخل بالاعروق ويزيد الشي وغيرة العصبيه مو زينه لج تجيب الامراض عافاج الله منها
اذا انتي تعبانه كثير منه ممكن تدخلينه حضانه خاصه وتكون ممتازة وما عليها كلام بس طبعا افضل حضانه هي الام 0وصدقيني هو يخاف الضرب بس ما يكرهج والايام راح تثبت لج ان شاء الله
طبعا اثر الضرب على الاطفال عامه ممكن كثرة الشطانه عدم الامتثال للاوامر رهبه من اللى يضربه
خوف اول ما ينضرب حد جدامه ممكن تلقينه يركض وهو ما له خص,النفسيه تكون مهزوزة وهذا اكيد
عندي زيادة وكثير من الاشياء اللى راح تخلى الام او الاب يعصبون وهم ما يدرون انهم السبب بهذا الشي 0وفي الاخير اسمحلي على التطويل بس حاولي تتصالحين مع نفسج وتأنبينها وشوفي ان شاء الله كل شي راح يتصلح لو بنسبه50% (لا تنسي الاطفال احباب الله وهم نعمه لا نغمه وبعض الناس بس يبون ظفرهم مو لاقين):flower:

إختي مشمش لازم تطمنينا واللي يعافيج على الاوضاع، وخليج على تواصل معانا لاني اعرف انج تعودتي على هدا الشي خلاص ولو ظليتي لحالج أخاف تردين لنفس الحال لان ما في احد يشجعج.

الله يهديج ويوفقج ويهدي سرج اللهم آمين

حرام عليج يا أختى عاد من شهرين تضربينه،، أكيد بيتعقد منك ومايبيك...
يعني لو كنت تضربيته ضرب خفيف كعقاب وهو كبير بنقول ممكن نوع من التأديب،، لكن شهرين مايقهم شي من الدنيا ينضرب والله حرام..

أنت أساس الحب والحنان للطفل، فإذا فقد أهم ركن فكيف راح ينشأ هالطفل، أكيد بخوف وتردد بكل شي بحياته..

الحين مانبي نلومك، بس تلاحقي ولدك وصححي غلطك،، تقربي منه أكثر، يوم اللي تحسين ان يدك راح تنمد عليه، فكري وردي عليه بكلام تحسسينه منه ان هو مسوي غلط،، طلعيه معاك على طول، أكليه بنفس، جلسي معاه أمام التلفزيون وكلميه عن اللي تشوفونه وشاركيه،، حطي دفتر وألوان وصيري كأنك بنت صغيرة توها تتعلم تمسك الأقلام ورسمي له رسومات وطلعي أصوات على الشكل المرسوم وشاركي ولدك معاك،،، لعبيه معاه لعبة الإختفاء وخليه يدورك،، المهم بالمختصر تقربي منه أكثر وأكثر،، ورجعي له عنصر الأمان اللي أفتقده منك...

كلمه شكر ماااااااااتكفي بحكقكم انا والله اليوم ماااااطقيته ولا زعلته بالعكس بديت اضمه واحننه علي صدقوني اليوم كنت عند خالتي ام زوجي وطبعا فيه اطفال بسنه واكبر سراحه فشلني مادري شو اسويبه يوم دلعته بدا يضب الاطفال ويتهجم عليهم ويسحب شعور البنات المسكينات والله استحيت منهم مسكته وفهمته انه غلط بس مايفهم مع الغلم اني ماطقيته ومشكورين وادري تعبتكم معي بمشاكلي انا وها النتفه عزااااااااااام بس مالي الا الله ثم انتم واحبيت اشكر بالاخص الاخوات اكبر قلب وام احلى طفلين على تفاعلهم معي

twonteحبيبتي مشكوره على نصيحتك وعلى مرورك الف شكر

:flower: twonteحبيبتي مشكوره على نصيحتك وعلى مرورك الف شكر:flower: :flower:

عزيزتي مشمش ..

الضرب عند الاطفال في هالسن لازم بيكون موجود .. ودورج انه لازم ماتبينين له انج تسكتين .. يعني قولي له عيب وبيني له انج زعلانه منه ..

ادري انه ما بيفهم وبيزيد وهالشي عند كل الاطفال فلا تقسين عليه بسبب هالشي .. كل الاطفال جي .. بيضرب وبينضرب بعد ...

اما الدلع بينج وبينه ..

السلام عليكم
بنات خواتي الحرمة ماتنزاد لوم والي يخليكم ساعدوها
ترى انتو مش ارحم منها على ولدها
حبييبتي يمكن انت عندج مشكلة قهرية
اولا عالجي نفسج ومب عيب الواحد يعترف بغلطة
واليك العلاج:
1_حطي في ساعد يدج لاستيك الي يربطوب الفلوس ويوم بتحسين فيج قهر شطي يدج
2_اقري المعوذات عليج وعلى ولدج
3_لعبي وياة لعبة الضرب البارد يعني الطقينة بحركة خفيفة وتبوسينة وتخلينة هو يسوياج نفس الحركة عشر مرات يوميا ولمدة اسبوع وشوفي النتيجة واستمري على هذا الشي حتى تستقر حالتة ولاتقاطعينة خليج على فترات




ولكم تحياتي ام راشد























2




-

لا اختي مشمش لا تقولين تعبتينا انت بحاجة الى احد تقولي له اللي بخاطرك من غير احراج ولازم تظلين متواصلة لين احد يلقى حل الى المشكلة اللي انت فيها.

وشوفي البرامج اللي تنعرض على الام بي سي 4 ، لتربية الاطفال اكيد بتستفيدي ولو بجزء بسيط .

وكثري من قراءة الكتب الخاصة بتربية الاطفال عندج مثلا موسوعة الفراشة كثير فيها اشياء حلوة.

اعتبري ولدج صديق وقربيه منج ، أنا مثلا اغلب الاوقات اعامل بنتي كأنها وحدة كبيرة اجلس معاها ونسولف صج ما تفهم عدل وانا اتكلم في سالفة تنط في خمسين الف سالفة غير بس والله افرح بسوالفها وتعرفين البنات بس يبون يهدرون.

حتى التعبير عن الحب تعلمته مني يعني وانا جالسة مع اهلها ما اشوفها الا تجي وتضمني بقوة وتقول لي ماما انت حياتي يمكن ما تعرف ويش تعنب هدي الكلمة بس تعرف انها تعبر عن الحب.

الله يوفقج اختي وانا متأكدة انج بتتغيرين مع ولدج وادا حصل بتتغير كل حياتج بس اهم شي لازم تتعلمين على الصبر.

حبيبتى اسفه عالى هقوله بكاكى شئ بسييييييييييييييييييييييييييييييييييييييط جدا قصاد اللى سويتيه يعنى اذا صدقت انه شقى لدرجه لاتوصف بها السن طب شو كان يسوى وهو عمره شهرين
انا ما اتخيل انسان يضرب طفل عمره شهرين فما بالك بامه .. شقاوته وتكسيره لكل شى رد فعل للى انتى بداتيه انتى اللى علمتيه العنف وبعدين فين زوجك.. هو يعرف انك تضربينه من وهو عمره شهرين!!.. فى ناس تتلوع وتدعى ليل نهار عشان الله يرزقها اعرف ان ردى قاسى بس والله مالك عذر
فكرى قبل ما تمدى ايدك ان اللى بيسويه رد فعل ولما تقربى منه حاولى يكون معك حلوى لما يغمض عينه ويخاف بوسيه واديهاله اشترى لعب فيها مكعبات بس كبيره عشان ما يبلعها واقعدى العبى معاه نيميه بحضنك واحكيله حكايات صحيح هو لسه ما تكلم بس صدقينى الاطفال بيفهموا
لما تيجو تطلعو اهتمى بلبسه وقوليله انك بتطلعيه وحاولى توديه مكان فى العاب ومراجيح اذا امكن
لما تتكلمى معاه شيليه وكلميه بابتسامه هو متعود ان ايدك لما تتمد نحوه بيكون النتيجه ضرب والم اكيد فطريا لازم يخاف لما يشوفك ايدك تتمد بحلوى او تداعب شعره او تدغدغه شوى شوى بيغير فكرته عنك

مشمش 222

تعالي شوفوا حمود شو يسوي اشيا تنرفز والود ودج تذبحينه لكن عمري ما عصبت عليه .. ولا اذا حد عصب عليه اتضايق ,, احب افهمخ ما اضربه

لا حول ولا قوة الا بالله

امهااااات عروس خلاص عاد الاخت عرفت غلطتها و ردت انه فيه تطور ولله الحمد
عاتبتوها بما فيه الكفاية خلاص

اختي الغالية احيج على شجاعتج وان شالله ولدج ما فيه الا العافيه انت ما اتعرفين شلون اليهال يتغيرون و يتأقلمون ...داومي على الاذكار و التحصينات والعبي مع الكتكووووت وربي يحفظه لج...

اختج ام شهد

اختي اللي صار صار بس لازم تصلحين الخطأ

تقربي منه بس مو بالهدايا صدقيني راح يكون مردودها خطر عليج
يعني ضميه قولي له قصص بسيطة على قده توضحين فيها حب الأم لأبنائه
حاولي تنسينه ضربج له ولا تجيبين له طاري ابداً
خصصي وقت للعب معاه لو نص ساعة بس
هذا طفل تقدرين تكسبينه وخصوصا انج ام وكل مرة تعصبين عليه تذكري انج ماتبين تخسرينه
والبنات ماقصروا بنصايحهم

ويارب يارب يارب تبشرينا بالأخبار الزينة عنه والله يساعدج

والله ماااااااادري شو اقولكم بس قسم لعبته ولا طقيته بس مافيه فاايده بالعكس الحين يوم شافني حنونه عليه يمد يده علي على ابوه واللله اني بحيره اذا دلعته مد يده علي اوذا ضربته اثرت عليه والله مشكله مير الله يعيني ويعينكم ومشكوره اختي البطه السودا وختي ام شهدوم حموود

عادي حبيبتي ولدي بعد يمد يده عليه وعلى ابوه وعلى يده ويدته وعلى كل اليهال .. بس بعد ما توصل لانج تضربينه ...

انا احاول الحين معاه اني افهمه مع اني ما اشوف اي نتيجه .. بس بعد لازم احاول ...

لاني احس اني انا الي علمته كمن مرة ضربته على يديه وما فهمته يوم غلط

حبيبتي شوفي الحين من كلامك يعني ماضربه ابد مهمااااااا سوا:think:

الله يكون في عونج اختي

انا ادري انه مرات الواحد ما يعرف يمسك نفسو بالذات اذا استمر الطفل في البكاء ..

بس اذكري الله وقت الغضب وكلمية او شيلية في حضنج ...


وان شاء الله راح يحبج مووووووووووووووت وما راح يفارقج