ما ودي احبطكم معاي .. بس ..

حبيبتي غرور

باختصار من باعك بيعيه

واعتبريها صفحة من الماضي وطويتيها ودامج انتي ما غلطتي معاه وكانت قصة حب بريئة بس هوه نهاها خلاص لا تفكرين فيه وحاولي تشغلين نفسج بأشياء مفيدة

بس حبيبتي شلون بعتي ربعج وهلج وناسج؟ ما فهمت

كفايه يالغاليه اني دخلت في هالتجربه من وراهم وكلمته وانا يدامهم البنت المثاليه ..

اختي .. والله ابا اطويها .. بس والله صعب صعب صعب صعب ..

احس بإنكسار فظيع .. والله اختي لو تدرين انا كيف مكتئبه .. احاول اتحلى بالقوه ..
بس والله ما اقدر ..



لا تخلوني بروحي والله مالي بعد الله غيركم ..

بسم الله الرحمن الرحيم

اختي غرور اول شي ما بلومج ولا بعاتبج على اللي سويتيه لانج انتي عارفة الغلطة اللي ارتكبتيها بحق نفسج و بحق رب العالمين

و بدخل في الموضوع على طووول

لا تخبرين حد عن اللي صار وياج ولا اي احد نصيحة مني...لانه ربي ستر عليج فلا تفضحين نفسج بنفسج

و حاولي تنسين الشخص هذا و صدقيني مع الايمان القوي و التقرب لربج بتقدرين

و دوري لج صديقة مقربة و كل ما حنيتي و حسيتي انج تبين تكلمين الشخص هذا اتصلي على صديقتج و كلميها

نعم مافيه عيب انج تكلمينها و غيري رقمج و اعتبري انه الشخص هذا كان مجرد كابوس و صحيتي منه

و ان شالله بتتعدين هالازمة

ولا تتوقعين انه الشاب اللي بيكلمج بيحترمج الا على العكس الشاب هذا يحتقرج و كان يكلمج لمجرد التسلية و مستحيل يفكر فيج كزوجة

لانه في قرارة نفسه يقولي اليوم كلمتني باجر تكلم غيري

هذا اذا ما كان عنده غيرج يكلمهم

تلاحقي على عمرج و احمدي ربج

و حاولي تعتمرين و تدعين ربج و تناسيه و مثل ما قلت لج دوري لج صديقات او صديقة

كل ما حسيتي انج تبين تكلمينه كلمي صديقتج و مع الوقت بتهون الامور و بتكونين تغلبتي على الشيطان

و ابارك لج عودتج لرب العالمين ولصوابج

و ان شالله ربي يوفقج

فضفضي الي في قلبج اختي

انا معاج

حبيبتي غرور

اول شي بلعكس لازم ما تصيحين وصدقيني انتي بتصرفج هذا احسن البنات وانشالله الله بيغفرلج
حلو الانسان يحس بلغلط ويعرفه انشالله الله بيسامحج
وبعدين انتي مقامج عالي وانتي نفس الدانه اللي صعب اي انسان يحصل عليها
في هيي الدنيه اللي ما يريدج لا تصيحين عليه لانه شاف نفسه مستحيل يقدرلج لانج جوهره
صدقيني قولي حق نفسج احين يا غرور انتي غاليه مب كل من هب ودب يكلمني
بس واحد اللي في المستقبل بيعرف قدرج ويحتفظ فيج ويحافط عليج
وحاولي تطلعين مع اهلج وماتيلسين بروحج عشان تنسين والله يحفظج

بنات صدقوني ..

ابا اطلع من الدوامه اللي انا فيها ..

بس يا بنات كل مالي اغرق اغرق ..

يا خواتي بدل ما انا اسيطر على مشاعري هي اللي يالسه تسيطر علي ..

احس إني في هالدنيا بروحي والله ..

خليكم معاي ..

والله تعبانه .. نفسيتي زفت الزفت .. الحمدلله على كل حال .. الله يكفر بها ذنوبنا ..

ادعولي خواتي والله احتاج دعواتكم .. لو .. حتى .. كلمه ..

أختي الغاليه غــرور

اول شي انتي مو بروحج انتي معاج من يؤنس وحدتج

معاج من تقدرين تناجينه ليل ونهار

معاج من يغنيج عن الدنيا وما فيها معاج من يقدر يزيل هالهم

اللي انتي فيه معاج الله سبحانه وتعالى

حاولي تتقربين أكثر من ربج اقرأي القرآن وصلي وادعي من ربج ان يفرج همج

وصدقيني راح ترتاحين

اللي فات مات

ولا تضايقين نفسج عشانه أكيد هو مايستاهلج

وماتدرين يمكن غيابج عنه فيه خيره وصلاح لج من رب العالمين

وحاولي ماتفكيرين بالموضوع نهائياً صح يمكن صعب عليج في بداية

لكن مع الأيام راح تنسين

*******************************
اللهم فارج الهم وكاشف الغم مجيب دعوة المضطرين

رحمان الدنيا والآخرة ورحيمهما

اللهم فرج هم أختي غـــرور

اللهم فرج همها وأبعدها عن كل مكروه ويسر لها أمرها ووفقها يارب

إلى ما تحبه وترضاه عنها يارب العالمين

اللهم الطف بها في تيسير كل أمر عسير فإن تيسير العسير عليك يسير

فأسألك التيسير والمعافاة في الدنيا والاخرة يا لطيف فوق كل لطيف

الطف بها في امورها كلها اللهم امين

وأسأل الله لي ولج ولجميع المسلمين والمسلمات تفريج الكربات

اللهم آآمين .. اللهم آآآمين

أختج الدانــه

الله يفرج همك وكربتك

اختي غرور هذا الانسان الي تبكين على شانه مايستاهل دمعة من عيونك واحمدي ربك على كل شي يمكن لك خيره وان شاء الله ربي يعوضك بأحسن منه اللهم اميــــــــــــن
اختك اميره العشاق

أختي الغالية غرور ...

وعليكم السلام ورحمة الله وبركاته ..

الحمد لله إن السالفة انتهت على شذيه ..بأقل الخسائر ..صدق إن قلبك انكسر ..لكن كرامتك وشرفك محفوظين ..انكسر قلبك علشانك خفت من رب العالمين ....وصدقيني أي شيء يروح في سبيل الله والخوف منه لا بد أن الله يعوضه عليك بأحسن ألف مرة من اللي راح ...إذا كنت متكدرة علشانه تخلى عنك ترى رب العالمين ما بيتخلى عنك أبد ..لأنك اخترت الله ..اخترت النور ..اخترت الحلال ..تظنين إن ربي راح يتخلى عنك ؟!! أبد مستحيل يالغالية ..

وإذا كنت متكدرة علشان الذنب ..ترى كل ابن أدم خطاء ..وخير الخطائين التوابون ..
والتائب من الذنب كم لا ذنب له ، لا وأبشرك بعد الله يبدل سيئات االتائب كلها ويضعها في ميزان حسناته ، قال تعالى : "والذين لا يدعون مع الله إلها آخر ولا يقتلون النفس التي حرم الله إلا بالحق ولا يزنون ومن يفعل ذلك يلق أثاما يضاعف له العذاب يوم القيامة ويخلد فيه مهانا إلا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورا رحيما "

وإذا كنت متكدرة علشان الألم ..ما عليه يا حبيبتي ..توج طالعة من تجربة مريرة طبيعي يكون فيها هذا الألم العميق ..و ترا الأيام أحسن دوا للجروح اللي ما تندمل بسرعة ..وكل جرح ما يقتلك يقويك ..بس يباله شوية صبر ..وأحسن شيء يهدي النفس ويدخل الاطمئنان العميق عليها هو قيام الليل ..والله إن له لذة عجيبة في تسكين الآلام ..وبعدين قراءة القرآن ..ألا بذكر الله تظمئن القلوب ..

لا تقولين ما أقدر ..قولي بحاول ..ترى الله يساعد اللي يساعدون أنفسهم ..بعدين لا تقولين أنك وحيدة ..وما لك أحد ... حد يكون وحيد ووياه رب العالمين ؟!!

أخيرا ..أسأل الله العلي القدير أنه يرحمك برحمته اللي وسعت السماوات والأرض ..وأن يغنيك بحلاله عن حرامه ..وأن يربط على قلبك ويثبتك على الطريق المستقيم ..وأن يبدلك خيرا مما ذهب ..وان يرزقك الزوج الصالح الذي تقر به عينك .. اللهم آمييييييييين

الله كفاك شره والحمدلله وأنت بكل اللي تقدرينه أشغل عنه وعن التفكير فيه

ادر هالموضوع صعبببببب بالنسبة لك بس هذا الواقع ولازم تقبلينه وتسامين امرك

لله وتبدين حياتك من جديد وتتعلمين من التجربه اللي مريتي فيها وتستفيدين من

الاخطاء الي وقع فيها وتحاولين تتجنبينها مستقبلا .

وتفتحين صفحة جديده مع نفسك واللي حواليك وتتناسين الهم والحزن أذكري الله

وأستغفري وخلك من الماضي وابدي في الحاضر ولا تضيعين عمرك على واح ما يستاهلك

والله يوفقك في حيلاتك ويفر همك .

الله كفاك شره والحمدلله وأنت بكل اللي تقدرينه أشغل عنه وعن التفكير فيه

ادر هالموضوع صعبببببب بالنسبة لك بس هذا الواقع ولازم تقبلينه وتسامين امرك

لله وتبدين حياتك من جديد وتتعلمين من التجربه اللي مريتي فيها وتستفيدين من

الاخطاء الي وقع فيها وتحاولين تتجنبينها مستقبلا .

وتفتحين صفحة جديده مع نفسك واللي حواليك وتتناسين الهم والحزن أذكري الله

وأستغفري وخلك من الماضي وابدي في الحاضر ولا تضيعين عمرك على واح ما يستاهلك

والله يوفقك في حيلاتك ويفر همك .

كل الي اقدر اقوله ان الله يعينك ويفرج همك وكربك
ويثبتك يارب

في دعاء

اللهم اني عبدك ابن عبدك ابن امتك ناصيتي بيدك ماضي في حكمك عدل في قضائك
اللهم اني اسالك بكل اسم هولك سميت به نفسك او انزلته في كتابك او علمته احد من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي
""يذهب الله همه ويبدله مكان حزنه فرحا""


بس اهم شي لما تدعين ماتقعدين تنتظرين ان ربي يجيب دعائك
ادعي وكلي امرك لربك
وشيلي من بالك انك بتستمرين على هالحاله

والله يوفقك ويحفظك وجميع بنات المسلمين

كل الي اقدر اقوله ان الله يعينك ويفرج همك وكربك
ويثبتك يارب

في دعاء

اللهم اني عبدك ابن عبدك ابن امتك ناصيتي بيدك ماضي في حكمك عدل في قضائك
اللهم اني اسالك بكل اسم هولك سميت به نفسك او انزلته في كتابك او علمته احد من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي
""يذهب الله همه ويبدله مكان حزنه فرحا""


بس اهم شي لما تدعين ماتقعدين تنتظرين ان ربي يجيب دعائك
ادعي وكلي امرك لربك
وشيلي من بالك انك بتستمرين على هالحاله

والله يوفقك ويحفظك وجميع بنات المسلمين

مرحبــــــــــــا جميعــــــــــــا

عزيزتي غرور

مرحبــــــــــــا جميعــــــــــــا

عزيزتي غرور

قولي الحمد الله الف مرة ان ما صار بينكم شي اكبر من جذية ( خطبة أو زواج ) وان بين على حقيقتة من البداية وانتى مو خسرانة شي والحمد الله محد كان يدري بهذى العلاقة يعنى محد راح يعاتبج على سوء اختيارج

انا عارفة ان اللى صارلج درس قاسي بس حاولي تستفيدين منه بالمستقبل ، النسيان صعب بس حاولي تلهين نفسج باشياء ثانية تخليج ما تفكرين فية ولا باللى سواة ترى التفكير يذبح

الايام كفيلة بانها تغير اللى داخلج وتنسيج تجربتج الصعبة ، مع الوقت كلى شي راح ينحل

ابدا ابدا لا تضايقين نفسج عشان واحد ما يستاهلج ومو سائل فيج

اتمنى لج راحه البال

هدووويــــــــــــــــة

:shy: يــــــا حبيبتي...اني شاله هموم الدنيا كلها على راسج....ليش...والله الحياه حلوه بس نحن الي ما نعرف نعيشها...محد يستاهل...والله العظيم ولا في شي في الدنيا يستاهل نتعب علشانه..ونصييح ونهلك عمارنا ونشوف الدنيا سوده...وان كان على الي صار اعتبريها غلطه وانتهت ولا تفكرين فيها...صدقيني بياخذج الي يحبج وانتي بعد بتحبينه وبتشوفينه كل دنياج...اما الي لا اهتم بقلبي ولا بحبي...وباعني....طـــــــــــــــــــز فيه....من باعنا بعناه لو كان غالي....وعيشي حياتج....والله يهنيج...









اختـج دهن_الــــــــورد

الله يعينك حبيبتي كلها فتره وبترجع نفسيتك ان شاء الله احسن ومثل اول

لاكن اتوقع ان الجرح راح يكون بقلبك العمر كله

والحمدلله ان ماأذاك بشي عشان يتركك هو بس اختفى وخلاص وربي يعوضك بالي يملي عليك حياتك وقلبك وينسيك الي راح

عليك بالدعاء وكوني قريبه من الله وصدقيني ربي بيرزقك بأفضل مما كنتي تتوقعين

والله يسعدك