ما ودي احبطكم معاي .. بس ..

يا حظج يا غرور
شكثر الله يحبج

في واااااااايد بنات انتهت هالعلاقات وياهم بمصايب ويمكن حتى موت!!

لكن انتي الله يحبج
سترج ورزقج التوبه قبل لا يوصل الموضوع مواصيله

حبيبتي

الدنيا ما انتهت

الله خلق لنا قلب ومشاعر
حرام علينا نصرف هالمشاعر في مشاريع محرمه وخاطئه

الليله يا غرور الليله

خذي سيادتج وصلي ركعتين واقري فيهن سورة التوبه
وشوفي في اياتها كيف انه الله رحيم بالتائبين

واوعديه انه قلبج هذا ما راح يكون الا له
واتقربي منه

وبتشوفين انه هالنذل ما يستاهل الوقت والدموع اللي ضيعتيهن عشانه

حبيبتي غرور انا والله حسيت فيج ..
بس مو معنا هذا انج تتخلين عن اهلج وناسج لان كل انسان لازم يكون له اهل يرجع لهم عند وقت الضيج.
انا من رايي اذا تحبين تنسين الماضي لازم تتحلين بالصبر اولا... والعزيمه ثانيا
وحاولي تتقربين من اختج الاكبر منج او امج، لان هذولي الناس مهما زعلتيهم يضلون يحبونج دون مقابل ويحبون يساعدونج حاولي تعترفين لامج او اختج وصدقيني ما راح تندمين لان مهما كان تضل الام حنونة على عيالها.
ادعي الله في كل صلاه ولا تنسين الاذكار
ربي يحفضج ويحميج
تحياتي

حبيبتي ربج رحيم انه ستر عليج ووصلت المسالة لهالهحد .. الحين استغفري ربج وفتحي صفحة جديدة ونظيفة مع نفسج .. وسألي ربج يرزقج باللي أحسن منه .. وما تدرين أكيد الله له حكمة بترك هالشخص لج يمكن يكون هالانسان موكفؤ يكون زوج لج .. سألي رب العالمين يرزقج اللي أحسن منه
الله يوفقج ويثبتج

انتي بالعكس المفروض تفرحين انك عرفتي حقيقته ولاتورطتي

ولا تحزنين ابدا بالعكس تحمدي ربك انك كفاك شره وستر عليك

وتقربي لله وادعيه وحاولي تنسين هالشئ واقراي قران واختلطي بالعالم وعادي

لانك تبتي ان شاء الله توبه صادقه

والله يفرج همك

حبيبتي الانسان ماسموه انسان الا من النسيان

الزمن كفيل انه يمسح على قلبج وينسيج كل شي

اشغلي نفسج باي شي مارسي هواياتج واذا ماعندج اكتشفي هواية بداخلج ولازم فيج هوايه تحبين تسوينها

نصيحتي اقولها لج الف مرة

اشغلي نفسج بشي مفيد عشان تنسين وترتاحين

وترا كلنا معاج

اليوم نخفف عليج وباجر تخففين علينا

الله يهديك ويكون في عونك
بس البنات ماقصرو قالو الي كنت بقوله

تعوذي من الشيطان وانسي ((لاتقولين مااقدر))
لانك اذا كانت عندك عزيمه والله تتغلبين على مثل هالمشاكل واكثر
والله مريت بتجربه مثل تجربتك
والله اني كنت متوقعه ينتهي بي الحال بمرض نفسي
لكن الحمد الله

ادعي ربك يرزقك بزوج الصالح والي يسعدك وينسيك
اللهم امين

انت انسانة صادقة ونيتك صافية ورب العالمين كشف هالانسان على حقيقته

يا اختي اذا كان الدوا المر بيشفي المرض خذيه ولا تترددي قبل ليكثر في ضلوعك وتقولي ريتني ما تركت للألم مجال يتفنن في عذابي


احمدي رب العالمين الف مرة وصدقيني رب العالمين يمهل ولا يهمل

ويا كثر هالشباب ايلي همهم اللعب شياطين والعياذ بالله

مافي حب هالايام ... في شيء اسمه متعة وبس

السلام عليكم ورحمة الله وبركاته
اختي غرور انتي المفروض تفرحييين وتحمديين الله عز وجل بستره عليك من الفضيحة.... والحمد لله على ستره وهالشي المفروض يخليكي تعززين ثقة اهلك فيك بعدم رجوعك للغلط هذا اولا

ثانيا انا حسيت من كلامك ولك الحق في انك تخطيني اذا كنت غلطانه ان ندمك على علاقتك بالولد مو عشان انك حسيتي بغلطك وندمتي عليه لكن عشان انه هذا شاب خذلك وخانك اتمنى اني اكون غلطانة .... واسئل الله العلي القدير ان يثبتك على الطريق الصحيح ويثبتك

انتي للحين مانسيتيه ياغرور لو انتي صج ندمانة ومستحية مثل ماتقولين كنتي من زمان نسيتيه ولهيتي عنه باشياء ثانيه بس انتي قاعده تنتظرين بس حطي في بالج انها هذا كله وسواس بفعل الشيطان بس انتي لازم تتغلبين على هذا الشي
حبيبتي احنا البشر عندنا قرين ملاك على ايدنا اليمين وقرين شيطان على ايدنا اليسار لما يتغلب الشيطان على الملاك مايقدر جسمج يقاوم رغبة اي شي غلط يصير كل شي عندج حلو وتبينه مهما كانت عواقبه وهذا الشي ماتقدرين تتخلصين منه الا اذا قريتي آيات قرآنية كثري من قراءة قلب القرآن آية الكرسي والمعوذات والصافات وان شاء الله بإذن الواحد الأحد راح تنسين وبسهولة وتعيشين حياتج وتنتظرين زوج المستقبل اللي تحلم فيه كل بنت ... بس هذا الشي ماراح ايي الا من اقتناع ونية صادقه والله سبحانه وتعالى خبير بعباده يعني يمكن انتي تحسي نفسج ندمانه بس الله خبير يعرف قلب الانسان شنو داخله وصدقيني ان اجمل قلوب البشر من حوت الله عز وجل والله راح يوفقج في حياتج وتنفتح لج ابوااب مالها اول ولا تالي وراح اييج اللي افضل من هذا اللي تبينه ايي بيتكم

والله مايسوي شي الا فيه صلاح يعني لازم تحمدي ربج وتكثري من الحمد والاستغفار ولاتنسين ان الله غفور رحيم يغفر خطيئة العبد إذا تاب بنية صادقه وما استسلم الى وساوس الشيطان

انتي لازم تطلعين وتغيرين جو وتحتكي باهلج يعني تقعدي معاهم وتسولفي وربعج قعدي معاهك وطلعي وراح تجوفين ان شوي شوي تنسينه اما لين كله تبين تقعدين بروحج اكيد راح تحسين بالوحده
مع اني ماعتقد ان في انسان الله موجود في قلبه وحواليه يحس بالوحده وكتابه منور حياتنا بس غافلين عنه

والسموحه

تدرين شو المشكلة.........

انج قاعده تعيدين وتزيدين في السالفة.. وتقولين ياريت اللي صار ماصار..

حبيبتي.............ز قعدي بينج وبين نفسج....... وقولي اللي صار صار وخلاص.. وانوي نيه انك تحاولي تنسي الموضوع للأبد..

اشغلي وقتك.......... طلعي مع خواتك اهلك صديقاتك...........

رجعلي لعايلتك اللي هجرتيهم عشانه.......... ,بتنسين كل شي........

والله يهديج ويستر عليج دنيا و آخره

الله يفرج همج

وطنشي الدنيا ماتسزى الواحد يتضايق ويحط بخاطره

والي نساك انساه محد يستاهل والله

ياحبيبتي تأكدي انه اللي ما يستاهلك ولا يقدر حبك لازم تنسينه وتدوسين على قلبك بعد

انا بقولك عن نفسي انا الحمد لله صنت نفسي ومعروفه بالعقل والثقل

ممكن ألغي قلبي والمشاعر علشان قرار بعقلي اشوفه صح وقليل

في بنات كذا لان هالشي يتعب اي طرف ثاني( زوج او حبيب مثلا)

ولما حبيت شخص مارضيت اكلمه الا بعد الخطبه وبرضا اهلي وما عطيته

موافقتي الا لاني عطيته عقلي قبل قلبي مستوعبه يعني وش سوا فيني

هالشخص اخذ عقلي العنيد وتخيلي انه اخذ قلبي بعد كنت اشوفه امل حياتي خاصه اني وحيده ورفضت كثير شباب ونفسي افرح اهلي

لكن في النهايه طلع حقير

ما يستاهل حتى نظرة مني وانفصلنا تخلى عني رغم انه ما شاف مني ومن اهلي الا كل الخير

وتحملت اسلوبه القاسي لكن والله لما جلست مع نفسي وفكرت بالعقل اكتشفت

اني جد مرتاحه بدونه حتى لو كنت لسا احبه وانتي بعد اقولك شوفي الجانب الايجابي ورجاءا

يا اختي اذا رجع يبي يتقرب منك لا توافقين الا اذا بيتزوجك رسمي علشان

لا تنقهرين على نفسك

خواتي ..

تسلمون على ردودكم خواتي .. وما قصرتوا والله ..

وايدين يسألون ليش انتي متضايقه وليش تصيحين وليش وليش وليش .. وهذا دليل انج ما تبتي ..

ياااااااااااااااااااااااالله

ما اثجلها من كلمه على قلبي .. وياااالله يا كبرها من كلمه والله كبيره والله كبيره ..

انا معاكم بس اتكلم واقول اللي بخاطري .. لأن هالمكان الوحيد والله الوحيد بعد سجادتي اللي اقدر ارتاح فيه واقووولكم اللي في خاطري ..

وحتى هالشي مستخسرينه فيني .. ؟

تشكون اني تبت .. ؟ تشكون لأني قلت لكم إني تعبانه نفسياً من اللي صار ..

بنات .. انا مب آله .. ولا كمبيوتر .. نمسح فيه ملف .. ويكمل شغله عادي بدون احساس ..

بنات انتو ما تعرفون شو اللي صار .. صح .. ؟

عيل ليش تقولون انتي ما تركتيه إلا لسبب ثاني .. لو فيه سبب ثاني والله جان حليته .. بس هذا حلال وحرام .. فيه جنه ونار .. فيه صح وغلط ..

تتحروني بذبح عمري من الصياح عشان سبب ثاني .. والله اقولها هالكلام واحس بغصه .. في حد غير ربي يستاهل اللي يصير فيني .. ؟ في .. جاوبوني فيه .. ؟

لا تشكون في نيتي ومصداقيتي في الكلام .. هاللي حسيته والله من ردودكم .. بس انا ما الومكم ..

خواتي والله ثم والله ثم والله .. انا ما تركته بسبب تصرفاته او لأنه خاني او اي شي من هالقبيل ..

بنات انا تركته لأني أنــــــا ابا اتركه .. تركته يا بنات لأني تعبت من الخش والدس .. لأني تعبت من خيانة ربي ..

والله العظيم والله شاهد انا تركته عشان ربي وبس .. عشان ما اموت وربي غضبان علي .. عشان لمى اندفن تحت التراب يكون هالهم زال عني ..



عالعموم ..

طول عمري آمن بمبدأ الشكوى لغير الله مذله ..

وشكلي بطبق هالشي من هالرد والله اني اموت موت بطيء بس هالشي اهون علي .. اعترف إني غلطت واعترف إني استاهل كل الكلام اللي تقولونه .. بس انكم تشككون في توبتي لا .. وستين لا .. انا ما تركته عشان ارجع له .. والله لو مت من شوقي له ما برجع له .. بس شكلكم مب مقتنعين بكلامي .. لكن الحمدلله اللي من علي نعمة التوبة .. والله ثم والله ثم والله ما برجع له ..


شكراً خواتي بنات منتدى عروس .. ما قصرتوا والله .. كفيتوا و وفيتوا اقولها من كل كل كل كل كل كل كل قلبي .. يزاكم الله كل خير .. وصدقوني بيكون لكم من الدعاء نصيب .. وقفتوا معاي وقفة ما بنساها طول عمري .. كلامكم والله كان بلسم على فؤادي .. هالموضوع اعتبره نقطة في الفصل اللي عشته وضيعته من حياتي .. و اتمنى تعتبرون الموضوع انتهى .. اختكم غرور قدها وقدود ..



ملاحظه ..

لو تحبون تحذفون الموضوع عادي .. ويزاكم الله كل خير ..




غرور ..

افا يالغالية ... حتى لو سمعتي كلمة تضايقج او ماحبيتي انج تسمعيها تأكدي من شي واحد ان كل بنت دخلت وردت عليج اهي خايفه عليج وماكانت قاسية الا من خوفها عليج

ولازم تتوقعين ان في ردود تعجبج وردود لا .. اصابع ايدج مو سوى عشان كلنا نكتب مثل ماتبين

حبيبتي احنا كلنا نحبج ونتمنى ان كل الا في قلبج تكتبينه ولا تكتمين اي شي ونبيج ترجعين غرور الاولية عشان اهلج وربعج وكل من يحبج

لازم ترجعين مثل اول تضحكين وتتغشمرين والله غفووووور ويقبل التوبة اذا كانت من قلب طااائع وخاشع وانتي من كلامج باين عليج الندم بس مانبيج تفكرين في الموضوع

اقلبي الصفحه لان اليوم يروح والساعه تمشي والحياة ماتوقف عند اي موقف صادنا مهما كان هالشي صعب علينا لازم نستمر ونعيش حياتنا

اتمنى ان كلامي مايزعج يالغالية والله يوفق امورج ويسهل عليج كل معضله

حبيبتي واخيتي غرور الدنيا ما تستاهل كل هذا الدنيا ساعه فاجعليها طاعه وكل شئ بالحلال تحسين بطعمه اما حب وخرابيط وتلفون فكله عذاب وجذب ونادر ماتلاقين شاب صادق المشاعر وعيشي حياتج يوم بيوم ولحظه بلحظه والدنيا ماتستاهل ولا تتمنين الموت لانه الواحد يخاف كي يجابل ربه وهو مذنب ادعي ربج يغفر ذنوبج ويستر علييييييييييج ويهب لج من لدنه رياااااااااال صالح والله يهون علييييييييييج ويوفقج حبيبتي

غرور
*************************

اسمج وايد حلو

تعال قربي و اقعدي يمي

امسكي ايدي

تدرين انه يوم من الايام كان وضعي مثل وضعج

لا تستغربين

و للاسف ما كان لي حد يسمعني او حتى اقعد وياه

الخوف الي بداخلنا شعور ما في احد يقدر يوصفه

و مافي أحد يقدر يحمل الي بقلبك غير قلبك نفسه

و مافي أحد يقدر يسمعك غير ربي العالمين

الغالية

الكل كان يقول مسألة أيام و تعدي و صارة سنة وو كأن الي صار البارح

يعني و لا شي تغير

صرت ابتسم صح
صرت اضحك صح
صرت انا مثل ما كنت انا صح

بس هو موجود

يقتلني كل ليلة و اقتله كل ساعة

و مستمرين في هذا الوضع

بس لله الحمد حالي تغير للاحسن

مافي أحد يقدر يساعدج كثر ما انتي تساعدين نفسج

خلي دعاءج لله حوار تقولين له كل الي في قلبج و الي تبينه يصير لج

" ان تكلمتي فصيحة و ان سكتي غميضة"

هذا مثل كنت وايد اردده لان مافي احد يقدر يسمعني

بس تغير

لقيت ربي يسمعني كل وقت

صدقيني يا اختي كثر ما راح نتكلم و نقول

انتي الوحيدة الي تقدرين تساعدين نفسج و انشاء الله راح تقدرين

خلج بكل غرور

تحياتي

فديتج حبيبتي والله اني حاسه فيج والله فديتج ...انا نفسج مريت في نفس الحاله باعني بعد

عشرة عمر وهو كان بالنسبه لي كل شي ...........وحالتي كانت مثلك صياح و عزله و كل الأشياء

السلبيه و كنت الوم نفسي بس والله ثم والله بعد ما اتقربت من رب العالمين حسيت بالراحة و اطمئنان

والله اني صادقة في كل كلمه اقولها و الصراحة اهلي و خواتي ما قصروا معايه ساعدوني بخاصه

تقربي من الله عز وجل و خالتي و صديقتي و خواتي ..........صدقيني حبيبتي هو انسان تافه و

سخيف و ما يستاهلج والله ....وانتي ليش اتضيعين احلى ايام عمرج وانتي اتفكرين فيه بيعيه مثل

ما باعج ...........هو لاهي و مستانس و انتي ذابحه عمرج بالصياح... حبيبتي نصيحتي لج اتقربي

من رب العالمين و استغفري من ذنوبج و توبي و كلما فكرتي فيه و صحتي قومي صلي ركعتين

واشكي همج للخالق القادر وان شاء الله رب العالمين يعوضج بالي احسن منه يارب يارب يارب فرج

همها و يسر امورها يارحيم ياكريم......... واحمدي ربج ان العلاقه انتهت على خير و هو كان لعاب و

يبي يضيع وقته

وصدقيني يا الغاليه اعتبريني مثل اختج والله يسعدج حبيبتي .....اضغطي على عمرج و اقعدي مع

اهلج و اطلعي معاهم لا تحبسين عمرج في البيت غيري الجو و عيشي حياتج يوم بيوم ..........و

عليج بالدعاء والصلاه خاصه قيام الليل

والله يسدج يارب..........لا تحطين في خاطرج من كلام الخوات بالعكس اعتبري كلامهم دافع الي

يخليج اتشيلينه من مخج و قلبج ........انا معاج ان هالشيئ ما يصير بين يوم وليله

بس حاولي والله راح يسهل عليج وانتي نيتج صافيه وربي لطيف و بيسر لج الأمر

وطمنيني عليج حتى لو تراسليني ع الخاص

اختي غرور

كلنا ويــاش ...

وكل قلوبنــا معــاش


والله يفــرج همك يا رب

وبيرزقــك اللي يستــاهل دموعــك وحنانك وحبــك الكبيــر

واللي بــاعك بيعي ..

ولا تنزلي دموعــك .. او تفكــري ولو لحظــة فيــه

الله يعينج ويفرج همج وكااابتج يا رب والبنات ما قصروا

و من يتق الله يجعل له مخرجا و يرزقه من حيث لا يحتسب


قولي الحمد لله و اعتمدي انج تقرين سورة البقره كل يوم كاااامله و شوفي ما بيمر الوقت الا و انتي ناسيه اللي صار و بتشوفين ربج الكريم و بيعوضج عن كل اللي فات ان شاء الله