أنا زباله ؟؟؟؟؟؟؟

اختي تعلمي دوم الي فخاطرج ظهريه انتي سمعتيها واجهيهيا وقوليلها تراج سمعتي وانت اكرمج الله هب زبالة ولا تخافين من اي شي حتى لو كان عمرها كم لكن باسلوب حضاري صدقيني كل واحد بيحشم عمره وما بيقدر يحط عينه عليج من جهة الكلام في غيبتج ولازم تكون لج شخصية لان عندج ياهل ولازم شخصيتك اتكون لها وجود ...كل واحد يحترم وجود الاخر

سويلها اكبر طاف و خلج عزيزه و مكرمه و لا تنزلين مستواج لها

هيه تبغي تسويلج مشاكل عشان تبعدج عن العمه معروفه هالسوالف بس انتي سويلها طااااااااف و عيشي ملكه و اهم شي عمج و عمتج

السلام عليكم ورحمة الله وبركاته

شوفي أختي أم سوافي...

هم لازم لازم يعرفوا إنه في تغيير عليكي...

لازم يظلوا يفكروا يا ترى إيش اللي غيرها علينا

يعني الموضوع ما يمر عادي...بالعكس...قللي كلامك معاهم...و إجتنبيهم بقدر الإمكان...علشان يحسوا إنك زعلانة...

و لو حد جاء و سألك...قوليلهم واضح إنه مش من مستواكم تكلموا الزبالة...صح ؟

علشان بس يعرفوا كيف يحترموا الإنسان...

الله يساعدك ويصبرك على هالأشكال

واي صج مأساة

إذا الوحده منا ما ارتاحت ببيتها وبين اهلها وين ترتاح

حريهم ,,بسكوتج عنهم,,لان السكوت والتجاهل والتطنيش ينرفز ويرفع الضغط..وريحي اعصابج حبيبتي,,

شوفي اذا ام زوجج معاج

اهم شي

اكسبي ودها وماعليج من الباقي

طنششششششششششششششششششششششششششششيهم .. ولا عليج ..


لا تخلين راسج من رااسهن ..




وتقربي من عمتج .......


طنشييييييييييييهن

السلام عليكم
أختي العزيزة نصيحة مني أن تردي هذه الإساءة بإحسان.. صدقيني رح تنبهري بالنتائج!! لا تحطي ببالك اللي قالتو و حاولي انك تحسني إليها مرة واحدة و شوفي كيف رح تحس نفسها بعد فترة انها غلطت بحقك و يمكن تجي و تعتذر منك أو تكف أذاها عنك و ما تعود تتكلم بأي كلام لا ترضي أنت عنه.. و تذكري أن هذه اخت زوجك أولا و أخيرا .. لا أقول أنه ليس لك الحق بالدفاع عن نفسك أو أنه يجب أن تسمعي منها هذا الكلام و تسكتي..لا.. بس حطي في بالك انو رب العالمين رح يردلك حقك بيوم من الايام..اخزي الشيطان و استعيذي بالله منه و لا تتسرعي بأي موقف اتجاهها..

أدعو الله أن يصبرك و يثبتك على ما فيه الخير لك

تحياتي

خلي اعصابك بارده وحطي نفسك بثلاجه من ناحيتهم

انتي عارفه نفسك وقدرك ادري ان الي صار يقهر بس والله والله البرود والتطنيش شي روعه

جربيه باسلوبك وقطي كلام بمزج او تلميجات وبتطنيش والله يحترقون

واهم شي ام زوجك وعلاقتك فيها وزوجك وغير كذا العبي فيه

الله يسعدك اختي

احقريهم والله بيموتون من القهر خليج واثقه من نفسج

الحين اللي صار صار...
وانتي الحين كلمي عمتج وقولي لها انك اسفه انك ما كنت حابة انك تعورين راسها بموضوع تافه نفس هالموضوع... وانك مرة ثانية اذا سمعتي شي جذي راح تتكلمين مباشرة للشخص في نفس الوقت ... اما اذا وصلك راح تحقرين...

السلام عليكم ام سيافي

اختي لاترفعين ضغطك ولاتنقهرين
حبيبتي اسمحي لي انتي الغلطانه انتي المفروض العشا لزوجك ماتخلينهم يشتغلون ابدا او على الاقل يدك بيدهم عشان ماتسمعين كلام ماله داعي

وانتي كنتي مشغوله بولدك كان عندك مجموعه من حلول
اول شيء انتي عارفه انه عند زوجك عشا كان من بدري رضعتي ولدك وتجهزتي عشان ماتتلخبطين
ولو حصل انه بالصدفه جاه او انشغلتي كان ممكن تعتذري منهم وتقولين لهم كم كلمه حلوه
سامحوني والله تعبتكم معي المفروض انا اقوم بس ولدي الله يصلحه والله ماني عارفه ايش اقول لكم

وتشكرين عمتك وتقولين لها مشكوره عمتي ويعطيك الف عافيه والله جمايلك مادري وين اوديها
صدقيني هذا الكلام يفتح النفس ويشيل الحقد والزعل


ومره اخوك بعد غلطانه حتى وان كان هي جالسه تشتغل اونتي جالسه على قولتها مايصير تقول زباله
حبيبتي لاتردي عليها لاتصيري مثلها وتشبي النار لانه لو رديتي عليها راح ترد بالاقوى اشتري راحه بالك واحترمي نفسك قبل ماتحترمينها
ولاتخلينها توجه لك كلام ماله داعي
ومره ثانيه لاتخلين احد يتكلم عليك رتبي امورك وكم كلمه حلوه صدقيني تخلي الواحد يخدمك بعيونه بدون مايحس
لاتزعلين مني ياقمر بس انا حبيت انصحك

تعرفين خلج ذكره لا تخلين اي حد ياخذ موقف منج صدقيني شوفي يوم بتيلس معاج عادي كلميها وقوليلها بطريقه غير مباشره

ولا الافظل انج تخليها جنج ما سمعتي شي منها

حبيبتي انا تمنيت لو انج ماقلتي الى زوجك!!
هي سوالف حريم بايخه مايحتاج ترفعي ضغط زوجك فيها !!
مااقولك مايقهر الموضوع بس انتي متربيه وبنت ناس و اخلاقج عاليه , حتى لو غلطت عليج عامليها باخلاقج وصيري احسن منها , مره , مرتين , ثلاث والله هي بعدين تستحي على نفسها و تندم وتتغير وانتي تصيري سبب في صلاح حالها :)
الله يسعدج بس صدقيني المووضع مو كبير اعتبريها عقلها صغير و اعتبريها صغيره و عامليها زين و احقريها اذا سوت شي ضايقج
القطيعه مو زينه !! ابدا !! وانتو حموات يعني المفروض كل وحده تكون سند الى الثانيه !!
عامليها احسن واكسبيها وجذي بتكبري بعين عمتج اكثر و اكثر و كذلك في عينها و عين زوجك !!
:)

بسم الله الرحمن الرحيم
اختي الحبيبه
اولا قوي شخصيتك معهم واكبر سر لقوة الشخصية هو السكوت نعم حبيبتي فالمراه اذا اخرجت سر لها بالخارج ضعفت شخصيتها لا تسايريهم في كلامهم وخليك انتي الافضل في كل شئ يعني مثلا انت جالسه معاهم ويتكلمون عن حرمة فلان او ام او اخت زي ما تكلموا عنك احرجيهم وقوليلهم ان هذه غيبه ونميمه وانك ما تحبي تسيري في اعراض الناس واحرجيهم اكتر وقولوليهم علشان ما حد يسير في اعراضنا

ثانيا عامليهم بحرص شديد وذا حدث وتشاجرت معك احداهن لا تشتميها ابدا حتي لو شتمتك وقوليلها انا بنت ناس ما تخرج مني هذه الالفاظ وخلي عندك كبرياء ونظرة لفوق وحسيسيهم انك افضل ولا تكوني متردده وخلي كلامك دغري يعني الصح صح والغلط غلط وابتعدي عن تذويق الكلام والنفاق معاهم

ثاثا عمتك ام زوجك اكسبيها بالود والطفل والحب والحنان (مثلا ما يهون علي عمتي انك تتعبي - ما اقدر اجيب حاجه جديده الا وانتي تكوني اول من يراها )

رابعا زوجك لابد ان يعرف هو وعمتك بالكلمه دي ولازم تظهري نفسك ان انتي بنت الناس الي ما رضيتي انك تتشاجري معها وقولي لزوجك (( انا قلتلك وما رضيت ارد عليها او اكلمها لاني مش هنزل لمستواها ))
واكبر فائده ان زوجك يعلم بالسالفه ان لو حصلت مشكلة تانية لا قدر الله تبقي انتي اتحملتي فوق طاقتك ومن حقك الرد بس لزوجها ولعمتك بيكون الرد مو لها علشان حرمه زي دي اكيد اكبر منك وهتعرف ترد عليكي رد وكلام مغلوط بحيث تجيب عليكي انتي الغلط في الاخر

وفقك الله اختي في الله
وطمنينا علي اخبارك

شوفي اختي بقوولج شغله

كل هل امووور تصير و هل مشاكل و العقرة و الحش ... تعرفين نتيجة شوو؟؟ الفضاااااوة ...


يوم الواحد يعيش نفسه بفرااااغ ... و يكون فاضي .. يكون انسان مع احترامي تافه ... افكاره سطحية ... و اهتمامته محدوده ...


و هذا الي يخلي ساعات هل مشاكل الي تصير بين حريم لخوان و غريهن .. هي قالت عنج زباله هي تافهه ... انتي بتفتكرينم بلي بتقووله لا تزعلين مني بتكونين فاضية نفسها ...


انا ما اقوولج الشي مايزعل ولا يضايق .. بس اذا خليتيه يحز في نفسج بتبقين فاضية نفسها .. اي شي في خاطرج قوليه و انسيه و اشغلي بالج بالاهم .. الدراسو ولدج و بيتج


انتي بامكانج بدال هل قهر الي معيشه نفسج فيه تسيرن لها و تقولين لها انتي وحده فاضية لو مو فضاوتج ماكنتي تحشن على الناس من وراهم ... و انا ماراح ارد عليج لاني اكبر من جي و اهتماماي اعلى و تفكيري مو سطحي .. و اذا تبين تقولين اي تعليق ثاني مره عرفي تواجهين الشخص الي بتعلقينن عليه ابشجاعه ... و انا بس يت اقولج هل كلمتين لاني اواجه ... و اثبتلج منو الفاضي فينا اما بعد مايهمني رايج عني عندي ناس اهم و اشيه اهم اسويها في حياتي


و بس قولي الي في خاطرج و عقب ردي عادي .. مو تخاصمينها ولا تكبرين السالفه .. خلج عملية ... مو حساسة شي زعلج قوليه و انسيه عقب .. طلعي الي في خاطرج و انسي .. دووم حطي في بالج لا انا اكبر من جي انا اعقل من جي .. عندي اشيه اهم ... افكاري اكبر .. و راح تشوفين نفسج كيف لا شعوريا بتعرين كيف تتعاملين مع هل نوع من المواقف .. و على فكرة بتصيييييييييير وايد انج تسمعين كلام اهني و اهناك ... لانه الناس فاضيو حبيبتي و هذي نتجيه الفضاوة لا تعورين راسج وياهم لانج بتصيرين فاضية نفسههم خلج الاكبر دافعي عن حقج بس بعقل واجهي بس بهدوء من غير انفاعال .. قةل الي تبين تقولينه من غير ماتمدين و تطولين في السافه و انسي عقب .. و بتشووفين كيف نفسيتج راح تكون يوم تسمنعين جي تعليقات و راح تعرفين كيف تتجاوبين مع هل ناس

طنشيهم سلامتك اني مش زبالة مع اني ما اعرفك الله يستر عليك بس طنشيهم وحسسيهم انك متضايقة بس لاتفتحين الموضوع عشان يموتون قهر وياكلون في نفسهم يكونون مش عارفيت انتي سمعتي او لا صدقيني هذي الحركة تحرق الواحد يجلس يراجع نفسة اش فيها وخليهم في قهرهم هم حريم اخوان الزوج كذا ماادري اش فيهم يغارون وخاصة من الجديدة انا حاسة بوضك الله يعينك عليهم ولا تقهرين نفسك وتجيبين لنفسك مرض

ويالسه تحلف انها ماقالت هالكلام وانها اصلا ما كانت ترمس عني كانت ترمس عن حرمت اخوها <<<<<< ههههههههههه صج قوية عين !!! يعني مو بعيده باجر تتكلم عنج !!!

خليها تولي واحتسبي الاجر خلاص اقطعي علاقتج فيها

هاذي شكلها راعية مشاكل .. خلج اكبر منها حبووبه

انتي مو زباله وكل من يرى الناس بعين طبعه

طنشي ولا تعبرين وكانج ما سمعتي شيء

والحكران يقطع المصران