أنا زباله ؟؟؟؟؟؟؟

حبيبتي ...

حقران يقطع المصران..

صدقيني رااااااااااح يموتون قهررررر...

قلت حق ريلي السالفه وريلي سار خبر عمتي وعمتي سألتها وطبعا نكرت وقالت أنا ما قلت شيء وعقب عمتي واجهتنا فبعض وحضرتها مسويه عمرها وحده ويالسه تحلف انها ماقالت هالكلام وانها اصلا ما كانت ترمس عني كانت ترمس عن حرمت اخوها ومن الوقاحه اللي فيها تقوللي لو انتي شايفه عمرج زباله انا ما يخصني ومن اليوم ما برمسج ولا حد بيجبرني ارمس ويباج عاد انا قلتلها ولا انا أفكر أرمس وحده شراتج وحضرتها واثقه من عمرها وتقولي بنشوف منو اللي بيي حق الثاني وبيرمسه ليش إن شاء الله منو حضرتج بنت الرسول وأنا مادري ..........


ما قول غير حسبي الله عليها والله ياخذلي حقي منها ....

ا[grade="00008B FF6347 008000 4B0082"]ختي الغاليه
فيه مثل عندنا يقول(( اذ بغيت تغله اسكت وخله))
الحسد والغيره هما التي جعلتهم يتكلمن عنك كذا
اكيد انتي افضل منهن
لان الحميات اذ كرهن احد يكون محبوب عند اهل زوجها
انصحك ثم انصحك طنشي
لانهن اذ شعرن انك سمعتيهن او انفعلتي (( جتك يامهنا على ماتمنى))
هذا اللي يريدنه
وتصغرين بعيون اهل زوجك وبعيون زوجك
ليش تكرهينهم فيك
لو يقولنه امامك
قولي((ماعليك زود))
انا مثلك بس حقرتهم واضحك واسولف معهن لدرجة انهن انقهرن
ليش انا مااحس
واهل زوجي الحين حاطيني على الكفوف
وعرفوهن [/grade]

افضل حل في هذي الحالة هو التطنيش اذا كنت تعرفين انج بعد فترة انج راح تنسين

اما المواجهة المباشرة فهي ما راح تسوي شي الا تكبير المشكلة وتصعيدها

وصدقيني محد يقول عن الناس جذي الا اذا كان هو بداخله جذي

لان الانسان ينظر الى الخارج من خلال نفسيته هو

اكيد بطنشها عقب اللي صار والله لو يقطعوني ما راح أكلمها

أنا مع اختي
نوف الثريا

كلامها مضبوط ميه في الميه

ساعات اللي من لحمج ودمج يتكلمون عنج بأسوء الكلام فلا تتوقعين من ناس ماعرفتينهم الاعقب ماتزوجتي

وطنشي حق كلامهم لان اذا بتقعدين تسمعين كلامهم وتقهرين نفسج وتعصبين انتي اللي ماراح تستانسين
اللي يبي يتكلم خله يتكلم لين مايشبع (اخذي حسنات ببلاش) لانهم ناس حاسدين

وصدقيني بيهم يوم بيحتاجونج فيه وبيسون نفسهم ماسوو ولاشي لج عادي تصير واايد وفي كل البيوت

والله يوفقج ويهنيج ان شاء الله

البنات ما قصروا .. وبقولج لو واجهتييها أكيد بتنكر وتقلب السالفة على راسج

بيوم مثلاوبطريقة غير مباشرة ولا توجهين لها الكلام خليه لغيرها بس تكون تسمع قولي الانسان لازم يكون راقي بكلامه وما يخلي الناس عنده زبالة لأن بهالكلام يكون هو زبالة بنظرهم بس أهم شي لا توجهين لها الكلام عشان تكونين بمأمن من المشاكل وبنفس الوقت وصلتي لها الرسالة اللي بقلبج

والله يوفقج ويبعد عنج شرهم

(الحقران يقطع المصران)والله لو أنا مكانك لأحقرهم مزبوط
وأهم شي زوجك وأهله لكن الباقيين طنشيهم

أنا واجهتها وخلاص ومابغي يكون لي فيها أي علاقه لا من جريب ولا من بعيد

ولو بتستويلي مشاكل لني ما سكت عن حقي مايهمني بس تغلط عليا واسكت مستحيل وأنا مب خايفه من شيء ولا همني شيء وانا ما غلط عليها ولا رمست عنها من وراها ....

حبيبتي أم سيافي والله ياريت ما سويتي اللي سويتيه

بس الحين ما في فايدة

يعني عادي كان ممكن تقولين حق زوجك بس مو لدرجة يخبر أمه وتصير هالمواجهه

لو خليتي الموضوع بينك وبين الحرمة نفسها

بس (( لو )) من الشيطان أعوذ بالله منه

أنصحك الحين تسوين نفسك عادي و لا كأنه صاير شي انتي الأحسن

بالعكس لو صار موقف واضطريتي تكلمينها عادي كلميها أصلا بتكبرين في عين الكل لما يشوفونك

تكلمينها رغم اللي قالته عنك

وبعدين

((واثق الخطوة يمشي ملكا))

^_^

أتمنالك التوفيق حبيبتي

صلي ركعتين واستغفري وان شاء الله بتهدين

خلاص دامك واجهتيها

انسي

وطنشي ولاتحرقين اعصابك

شو في حبيبتي الانسان كل واحد يمثل تربيه برع البيت وانتي كون احسن منها ولا ترين عليها الله فوق وان شاء الله اذا الج حق الله بياخذه لا تاخذ اثم من وارهم ودايم رد الاساءه بالأحسان وهذا اللي تعلمناه من دينا الحنيف والرسل صلى الله عليه وسلم...........

وانا صارلي موقف بذكرلج اياه
بنت خالتي كانت اقرب انسانه لي كل اسراري عندي ولكن بسبب مشكله بسيطه تخص اختها اللي هيه زوجه اخوي قالتلي انا احتقرج وانتي قلبج اسود......بس أنا مارديت عليها لأنه الحمدالله أنا عقلي كبير وماحط راسي براس انسانه تفكيرها صغير وصدق اذا هيه غلطت رب العالمين يجازيها وتخيلي زعلت منها لكن بسرعه نسيت وبديت اطرشلها مسجات لكن طبعا علاقتي فيها وايد تغيرت يعني مجرد بنت خاله مش اقرب الناس لأنه شو فايدة اكون صديقة انسان تحتقرني والحمدالله على كل حال والله يهديها...

اسالي مجرب ولاتسالين طبيب ماقالت الكلمه هذي الا وانتي فوق فوق مستواها
صدقيني الحريم اذا اغتارو من وحده انهبلوا وياكلون لحمها ليل نهار

ولايهمونك انتي اعلي منها وطنشي ولاتزيدون النار يابنات البنت مو محتاجه احد يصعب عليها الامر

انا عارفه انك انجرحتي وانتي ماتستاهلين الكلمه هذي لكن والله العظيم الغيرة تسوي اكثر من كذا انتبهي لنفسك وزوجك وطفلك ولايهمك احد
الاذكار الشرعيه ليل نهار والله يحفظك

تسلمون خواتي ما تقصرون والله لا يحرمني من كلامكم اللي يجبر الخاطر

حسبي الله ونعم الوكيل

"كل من يرى الناس بعين طبعه"

"وهالالفاظ ما تنطبق الا على من يقولها"

الحمد لله انتي واجهتيها وانتهى الموضوع وامسحي اثار الغضب وماعليك انتي ماغلطتي عليها
والله اللي يجازي ولاعليك والتفتي الى الامام وامسحي كل شي في خاطرك

الله ياخذلي حقي منها إن شاء الله

بصراحة وبدون زعل......انتي عليك جزء من الخطا.......
بما ان العزيمة لزوجك وخاصة ان الاكل كان من برى .......يعني كان عندك فرصة ترضعين الولد من قبل تحضير الاكل....وحتى لو كان فعلا جوعان المفروض ولو من باب المجاملة تدخلين المطبخ ولو خمس دقايق....احترام لمشاعرزوجك وامه اللي قاعدة توزع الاكل ........يعني المرة السنعه تعرف تتصرف بطريقة ماتخلي احد يمسك عليها شي..وفنفس الوقت تفرض احترامها على الجميع..........
وعموما الله يهدي سركم

الموقف مر والبنات ما قصروا بس عندي لك كلمة بسيط
مرة ثانية لو سمعتي احد يتكلم عليك واجهيه في نفس الوقت عشان ما ينكر مثل ما سوت زوجة حماك

الله يعينك على هالاشكال .. اللي بتقول هالكلام وهذا اسلوبها في الحش ما ادري هذي شينقال عنها
بس انتي خليك عادي ولا كأنك منقهرة
الكلام دائما صفة المتكلم والكلمة رجعت لها
شنو اطفال ينادون بعض بهالسبات والشتايم .. بس كل واحد يسوي باصله وتربيته
عيب عليها

الموقف انتهى .. والحين تعلمتي وعرفتي شنو يقولون عنك في غيابك ولو ما كنتي حارتهم ومقهورين منك ما كانوا قالوا هالكلام
بغض النظر عن انتي شاركتي في تجهيز العشا او ماشاركتي
انتي ما كنتي تلعبي او نايمة
انتي كنتي ترضعي ولدك .. وعمتك الله يعطيها العافية مو مقصرة مع الخدم
ومالهم الحق انهم يتكلمون عليك لانك ما طلبتي مساعدتهم
زين اللي خلاك تعرفينهم على حقيقتهم .. وخلي تعاملك معاهم رسمي خاصة اللي غلطت عليك عشان ما تتمادى وتقول كلام اكبر

وفي النهاية انتي احسن منهم ان شاء الله ولا تنزلي نفسك لهيك مستويات