UMABDULRAHMAN:
بنات
طلبتكم
يا ريت كل وحدة فيكم
ترسلي ع البريد تبعي
متوقع بتاريخ ولادتها
واخر يوم بالدورة الشهرية تبعها
والجنس المتوقع
لاني اريد اجمعهم
من اول وحدة اللي هي شريفة
لاخر وحدة اللي هي ام المهند
والله يطلعكم بالسلامة من الولادة
وتفرحوا ببيتكم
يالله ناطرة بريدكم على المنتدى
همــــــــــة بنات
عشان ابى احط جدول
لانه توهتونا
يالله ابى حماس وتفاعل
:ok:
(f)
كربلاء:
ام عبدالرحمن شخبارش يا الغالية
مشكورة على الدعوة الحلوة
وهذاني قاعدة احاول اني اخفف خلاص
لا بيبسي ولا حلاوة بعد شسوي نتحمل عشان الغاليين
واول مرة ادري ان عمان مثلنا في البطالة
الله يعين
وعلى سالفة اللهجة مثل ما قالت ام النوح
كل منطقة لهجة ( من كبر البحرين عاد ) :dd:
احلى شوق وينش من زمان مابينتين
تستاهلين سلامة اختش
والله يخلي فطومة لكم يارب
اهلا رميثة
موعدي 18 / 7
بعدك بيوم
بنشوف من تبشر قبل بولادتها ( مسابقة )
الشروق حبيبتي شخبارك
عساك طيبة
مسلمه..وافتخر:.........................................
مراحب حبايبي
كيفكم
الحمد لله اخباري تطمن
وكل شيء اوكي ان شاء الله
ما عدا الامساك اللي ذابحني
والحرقان اللي بادي معاي من الشهر الرابع
استعمل حبوب عشانه ولو ما اكلها مانمت ذيك الليله
يالله الحمد لله
ابشركم خواتي
رحت للبيبي شوب
وخذيت لي اغراض لسعودي
وكمان رحت لكدز توب
وشريت طقم كامل للنفاس حق سعودي
وشريت لي جلابيه فخمه من شالكي
وروب ناعم فصلته لانه ما عجبني اللي في السوق
كلها مكرره وموديلاتها قديمه
لكن للاسف ما عندي كاميره
الا حقت الجوال
بحاول اشتري وصلة البلوتوث الايام الجايه وانزلها ان شاء الله
SHREEFA:
رميثية
ام عبدالرحمن ام احلى فجوره
احلى شهوده
ام الشوق
ام النوح
سونيا
كربلاء
مسلمة وافتخر
الشروق
ام المهند
ماشاء الله عليكم
ماراح اسامحكم على الواجب الطويل اللي خليتوه لي
بس قلعتي كل مني انا محد قالي اغيب عنكم اربع ايام
ميخالف ميخالف الله كريم ان شاء الله
24 صفحه
آآآآآآآآآآآآآآه على قلبي
وعيوني
:)
مادري شرد عليه وشنو اخلي اشياء وايد بس ان شاء الله مانسى
اول شي بخصوص التطعيم التيتانوس
انا ماطعمت لا في حملي الاول ولا في حملي هذا الثاني
اولا قال لي الدكتور اذا في مستشفى الحكومة تراجعين لازم تاخذين التطعيم واذا في مستشفى خاص ماله داعي
وانا مراجعاتي كله في خاص
لان الحكومه شويه تصير المراجعات ابعد كل مراجعة بينها مسافه كبير وبين الثانيه
وانا احب اتطمن اول باول
والسونار مره وحده او مرتين يسووونه
انا احب اشوف النونو كل مره :)
والله يسلمكم حط فلوووسك بالشمس واقعد بالذلال
يعني اي وقت ابي اراجع اراجع ما انحد على الفتره الصباحية فقط وانا موظفه
الخاص حتى لو الساعة 4 الفجر ابي اروح اقدر ارووح
ولهذه الاسباب
صحيح ان الادوية موجوده في الحكومه وسعرها مكلف مثل حبوب التثبيت والتحاميل فكنت استلمها من الحكومه
والله يعز حكومتنا ان شا ءالله
بخصوص المشد
محد له خلق يستخدمه من اول يوم على الاقل بعد اربع او خمس ايام وما اعتقد فيه مضره اذا كانت الولادة طبيعية باذن الله
انا الصراحة طلت من وحده بالانترنت المشد الاندونيسي اللي هابين فيه هالايام ومسوي له ضجه كبيره في المنتديات وان شاء الله اجربه وانشاء الله يفيد يارب
بعد وين وصلت معاكم امممممم
بخصوص الحلاوة
مافيها اي مضره وانضف وياحلووووها
بس الصراحة انا الحين احسن ماني قادره اوصل للمنطقة عدل احس اني اضغط على البيبي واعورها حبيبتي نواره
وافكر الجأ الى طريقة اخرى في الشهر القادم ونشوف شنو الله يكتب بحاول بس اذا حسيت اني قاعده اضغط حيل لا والله كلها شهرين ان شاء الله وبولد وبرجع للحلاوه
اشكركم جميعا على فرحتكم لي بالغاء دورة زوجي والله العالم انتوا خواتي والله العظيم
بخصوص المعلومات اللي طلبتوها انا موظفة في احدى الهيئات الحكومية في الكويت
اخصائية اجتماعية
واااااااااااااي تعبت وانا اقرأ
بقى لي بعد
14 صفحة
ام النوح وكربلاء موفقين ان شاء الله
ومنها للاعلى يارب العالمين
والله يسهل اموركم وتتوظفووون اثنيناتكم يارب
احلى شهوده
ديري بالج لا تغلطين على الحكومه وايد ترى في امن الدوله موجودين
هاهاهاهاي
:)
موفقه يا سونيا والله يسهل عليج الامتحان يارب ويوفقج بس دعوتج ان شا ءالله مو مقبووووله ستة مره وحده لاحول ولا قوة الا بالله
:)
ام المهند انا معاج الحركة كله تحت
حتى ساعات وانتم بكرامه احس مع الحركة اشعر بالاحصار وارغب بالتبول من كثر ماتكون الحركة تحت
ويقولين هذي البنت كله تثقل على امها من تحت
الشروق بخصوص المشيمه
اخاف وايد تتعبين نفسج ارتاحي يالغاليه
لازم ترتاحين ولاتكثرين مشي هالايام هذي
ورفعي رجولج
والله يهون ويتمم عليج بالخير
والله ضحكتووووني على عيالكم يا ام النوح وام المهند
توماس اسم السائق
وعدنان ولينا مت من الضحك
بعد عبسي هاهاهاهاهاهاهاهاهاي
ام فجوره
الله يكون بعونج كأنج تتكلمين عني عظامي والله اسم لها صوت وانا اتقلب
وصح كلامج مايصير تتطولين وانتي نايمه على ظهرج خلاص من السابع لان يقولج الاوكسجين مايوصل بسهاله للطفل
وبخصوص انج تنقلبين من الجنب اليمين الى اليسار لابد انج تقعدين على حيلج وبعدين تاخذين الوضع اللي تبينه والله يوم كنت حامل في سعود هذي حركتي على طول الحين مالي خلق والله ومقصره والله يستر
من شدة العوار اللي في ظهري احس ان في عظم شاير يعني متعلق يبيله طقه يعني تسمعين له صوت لما يطق راح ارتاح بس المشكلة ماتقدرين تسوين شي خطر عليج وعلى الجنين
والله امس واليوم مااقعد على مكتبي احس الكرسي مو مريح كلش اخذت معي كوشايه احطه تحتي ووراي نفس الحاله
قمت اقعد على القنفه يعني (الصوفا)اللي موجوده عندي في المكتب الخاصة بالمراجعين يدخلون يشوفوني قاعده واذا احد دخل علي سويت له معاملته وقابلته ورجعت قعدة على القنفه المريحه
والله يكون في عوننا
الله يسامحكم ان شاء الله الله يسامحكم
بعد بقى لي 7 صفحات
كربلاء حسافه انج ماكلمتيها والله حسافه الصدف ماتصير الا مره وحده جان اشرتي لها وناديتيها
يالله ننطر شهوده شنو تقول
...؟؟
وماتشوفين شر على السكر وهذا التحليل يشوفون نسبة السكر المترسبة بالدم وصج يطول وشرط تكونين صايمه
وماكو الا العافيه
رميثيه مايشوف شر وليدج ان شا ءالله
سلامات
ومبروك عليج دخولج الشهر السابع والله يتمم عليج بالخير
ونااااااااااااااسه كربلاء وام النوح عرفواااا بعض وناااااااااااااسه
طلعوا زميلات دراسه
يالله الفال حق ام المهند وام عبدالرحمن
ام النوح والله ودي اولد اول التاسع بس مو اول يوم خل اكون مستعده على الاقل
والله وحشتوووني كلكم
ام الشروق
الحمدلله على سلامة اخيتج ومبروك عليكم الصغيروووونه
اوووووووووووف واخيرا خلصت الواجب الطويل جدا جدا
بس وعد ان شاء الله ماراح اطول
والله كنت مشغووله شوي هاليومين وزوجي دوام ونسيت اخذ اللاب توب معاي بيت اهلي لان اذا اهو بالدوام انام عند اهلي ماحب انام بروحي مع ولدي بالشقه
وتعييزت ارجع الشقة واخذ اللاب توووب بس توووبه الصبح وانا طالعه اشيله معاي
بنات بقى لي 4 ايام وادخل الثامن باذن الله والله يسهل علي يارب وعلى الجميع
دمتم سالمين
اختكم شريفة
أم المهند:
صباااااح الأنووووووااااار هلا بالطش والرش وماي الورد في الغرش ..
شخبارك يا الشروق إيه والله أمس فقدناك ما يفقدك غالي يا رب ..
نحن بخير يسرك الحال والواجب بتلاقينه نوعا ما طويل يالله إستحملي هاي ضريبة اللي يتأخرون علينا خخخخخخخخخ
elsherog:
يااااااااااااهووووووووووووووووووووووووو يالله اصحووووووووووووووووو
خلاص نوووووووووووووووووم بس انا في الرابطه احل الواجب لوحدي واهذري على حالي :)
.........على العمووووووووووووووووم نوووووووووووم العافيه وراح ارتكم الان وارجعلكم فيماااااااااااااااااااااااااااا بعد :) :) :)
أم المهند:
شهودة حبيبتي تسأل عليك العافية أمين يا رب ..
وأبغى أسألك كييييف طاوعتك نفسك تخلي كربلاء تطالعك ولا تروحين حتى تسلمين عليها ولا كنتي مو متأكدة لسه إنها هي خخخخخخخخخخ ، يالله خيرها في غيرها ولا تفكري تاخذي أبو علاوي وياك المرة الياية ، أصلا كيييف يدخلونه مكان النسوان .. سمحيلي فضولي فاق التصور ..
ولين الحين ما عرفتي الجنس يا مقواك والله ، صابرة حيييل ماشاء الله عليك ، يالله إن شاء الله الأمورة بنوتة في الطريقة ..
كيفه علاوي عساه طيب وبخير
أم المهند:
حشا والله ، اليوم الرابطة مثل ما توقعت كسلاااانة ع الآااااااااااخر
أم عبد الرحمن كانت موجودة بس ما شاركت سلامات أم الجوري مو فيش يو ماية .. أشوف ما لش نفس تتكلمي ما العادة يعني !!!
أم النوح يسعد مساك شخبارك حبوبة
شهودة شخبارك إنتي بعد ، الله يحسن عزاكم ، مأجورين ، والله يرحم ميتكم آميين يا رب العالمين طمنيني أحد من الأهل أو غير ؟
أختي كريم كراميل .. الله يرزقك الولادة السهلة آميين يا رب العالمين ومشكورة على طلتك الحلوة بس حلو نقرأ سوالفك
UMABDULRAHMAN:
رميثية و مسلمة وافتخر
خلصتوا حسبة
وعلى شو رسيتوا
29 او 28
الله يعدي الايام ع خير وصحة وسلامة
ويجي اليوم الموعود
وتحضنوا احلى بيبات في حضنكم