حوامل شهر يوليو 2007

صباح الخير بالسوالف الحلوة
شخباركم بنات وشخبار دبيبكم ان شاء الله تمام

كريم كراميل
هلا والله بيش اختي والله يقومش بالسلامة ان شاء الله وخبرينى اذا ولدتين ان شاء الله وقومي كل اتمشي مسافات علشان الله يسهل عليش

مسلمة شخبارش
ان شاء الله الامساك خف عنك حاولي ما تشربين الملينات وتكثرين من الفواكه والخضروات احسن

ام عبد الرحمن شلونش اختي
وما تشوفين شر ان شاء الله
والحين اطرش لش موعد الولادة ولا يهمش

هلا وغلا بالرميثية
الله يطمنش ان شاء الله على البنوتة يارب والحال نفس الحال المواعيد وخصوصا الحوامل كل في زحمة عليها تقولين النسوان كل حمل وبس ههههههههههههههههههههههههههه

هلا والله بيش احلى شهد
شخبارش وشخبار حملش ان شاء كل شي تمام
يالله انتظرش اسالي لينا اذا في تخيضات ولا لا اوكي

ام المهند وكربلاء اليوم ماليهم صوت عسى المانع خير ان شاء الله

سونيا شخبارش
ننتظرش تخبرينا شنو اخذتي من التخفيضات وللحين ما ندري وصلت هالتخفيضات البحرين ولا لا

مساء الأنوار لأحلى الأحباب اللي وحشوني مووووت

أمس واليوم كنت واجد مشغولة سامحوني حبايبي ، وكل هذا لأن مديري بيسافر وفعلا سافر من شويونيات بس ، وطوالي طلع هو من هنا ودشيت أنا من هنا شفتوا كيف معزتكم عشان ما تقولوا ما أدش ، وطبعا كالعادة وحتى لو ما أشارك أطل عليكم واعرف علومكم ..

والحين برد عليكم

شهودة حبيبتي تسأل عليك العافية أمين يا رب ..

وأبغى أسألك كييييف طاوعتك نفسك تخلي كربلاء تطالعك ولا تروحين حتى تسلمين عليها ولا كنتي مو متأكدة لسه إنها هي خخخخخخخخخخ ، يالله خيرها في غيرها ولا تفكري تاخذي أبو علاوي وياك المرة الياية ، أصلا كيييف يدخلونه مكان النسوان .. سمحيلي فضولي فاق التصور ..

ولين الحين ما عرفتي الجنس يا مقواك والله ، صابرة حيييل ماشاء الله عليك ، يالله إن شاء الله الأمورة بنوتة في الطريقة ..

كيفه علاوي عساه طيب وبخير

حبايبي شاكرة لكل وحدة دشت وشاركت في موضوع سؤالي عن حركة البيبي والفرق بين البنت والولد في الحركة وأنا تأكدت الحين أكثر من أغلب الردود إن البنت فعلا حركتها تتركز أسفل السرة سبحان الله والولد كله فوق ، فديت مودي يالسة أكتب وتخزني بريولها تحت .. الله يحفظهم جميعا يا رب ..


سوسو أم شوشو أمس رحت سنتر بوينت ولا شفت فيه تنزيلات بيبي شوب ولاهم يحزنون وما تصدقي طلعت من هناك شارية لمودي حاجات ومستلزمات وهم بيني وبينش بس كم غريضة ب54 ريال خخخخخخخخخ ،، شريت المعقم مال الرضاعات والشنطة مال تقليم الأظافر والمشط وووو اللي سبق وريتكم صورتها ، وحجات بصراحة فنتكة وروعة شفتها في بيبي شوب اللي بسنتر بوينت ..

والله جالسة أحسدكم ، اللي دشت السابع واللي بعد كم يوم بتدش الثامن وأنا فيكم آآآآآآخر وحدة يعني تخيلوا توني بعدني في الأسبوع ال 26 يااااااه فرق وااايد بيني وبينكم ، أنا شاكة إني داشة الرابطة الخطأ خخخخخخخخخخخ فديتكم حتى لو خطأ ما بغير ولا ببدل بكم بديل ..

الله يعدي الأيام بسهالة قولوا آمييين ، قبل أمس أكلت ع الغد برياني سمك وأختكم ما صدقت حالها راحت تجيب بصل أبيض كبير وقطعته ويا العيش ، وبصراحة طعمه يجنن تعرفوا البصل الأبيض له طعم ألذ من الأحمر والأخضر ، المهم قلت في خاطري اليوم بستفز مودي وبخليها تتحرك وايد وفعلا يا بنات صدقت المقولة اللي تقول بأن البصل الأبيض يساعد في الحركة ، لين هنا كل شي تمام ، بالليل يا طويلات العمر صادنتني غازات غريبة قوية مزعجة ما قدرت أنام منها أبداااا .. وعملت لي مغص شدييييد ببطني الله لا يذكرني بذاك اليوم .. بغيت أموت من الغازات بربكم ، وروحت العيادة عطتني الدكتورة كبسولات مضغ موكسال وقالت آمن للحامل وما منه مضرة والحمد لله جاب نتيجة ما أقول 100% بس أحسن عن قبل ..

UMABDULRAHMAN:



بنات
طلبتكم
يا ريت كل وحدة فيكم
ترسلي ع البريد تبعي
متوقع بتاريخ ولادتها
واخر يوم بالدورة الشهرية تبعها
والجنس المتوقع

لاني اريد اجمعهم
من اول وحدة اللي هي شريفة
لاخر وحدة اللي هي ام المهند
والله يطلعكم بالسلامة من الولادة
وتفرحوا ببيتكم
يالله ناطرة بريدكم على المنتدى
همــــــــــة بنات
عشان ابى احط جدول
لانه توهتونا
يالله ابى حماس وتفاعل


:ok:
(f)

وااااغمي أم فجورة بعدش تزيدني غم فوق غمي وتقوليها إني آخر وحدة فيكم بصراحة صرت أتشائم خخخخخخخ

خبريني تبغينا نرسلهم ع الرسائل الخاصة أو البريد تراه فيه فرق حددي ..

كربلاء:
السلام عليكم

بنات ماعليكم من شهد ترى اهي حليوة تجنن ماشاء الله عليها (f)
وموعدي الجاي ياشهودة 13/5 على الدكتورة هالمرة
بفتك من القابلة البايخة الي كل تبي تهاوش وبس :angry:
يارب يرجعونش المركز وتفتكين من السلمانية ونلتقي هالمرة

هؤ هؤ هؤ خطيييرة شهودة تبارك الله خمسة خميسة

الله يجمعكم من جديد يا كربلاء وتتصادقون يا رب

أحلى شهد:


مرحبا بأحلى كروشات المنتدى


بما أن الحين بالليل قلت أبسولف لكم عن حالي بالنوم


لين جيت بنام ما اقدر خصوصا في البدايه يعني لا أرتاح على ظهري ولا على


الجنبين وأحس بصيق بالنفس ويالله يالله أقدر أتحكم بالوضعيه عشاااان النوووووم


وخصوصا جنيني فديته هالحلو المتغلى مايدور وقت الحركه إلا لين جيت أحط راسي عالوساده

فديتك شهودة مأجورين جميعا يا رب.. وهذا حالنا من دشينا الفترة الأخيرة الله يساعدنا يارب ..

كريم كراميل:
صباح الخير يابطوطات .. ياكروشات .... ضبطتني ام المهند وانا اتلصص عليكم ... حلوة سوالفكم والله ورابطتكم نشيطة ما شاء الله عيني عليكم باردة... وربنا يديم المحبة بيناتكم ....
انا من رابطة ابريل 2007م... موعد ولادتي المفروض انه يوم 30/4/2007م بس للحين مافي اي بوادر ولادة ... غير الثقل والتعب الشديد ... والقلق .... بس ... حتى زوجي العزيز خايف تكون ولادتي كذبة ابريل خخخخخخخخخخخخخ ...

هلا بالغالية كوكو شخبارك يا قلبي ,, وأخيرا إستجبتي لندائي ودشيتي شاركتي فديتك ما قصرتي ، الله يطلعك بالسلامة يا رب بس حلوة هاي كذبة إبريل خخخخخخخخخخ ، حاولي تمشي كثير وعليك بالوصفات المليانة بالمنتدى عشان موضوع التعجيل في الولادة ، إذا نحن اللي تونا دشينا المرحلة الأخيرة ومستعجلين حدنا فما بالك إنتي .. الله يهون عليك الطلق يا رب ونسمع عنك إنك والدة في القريب العاجل يا رب ..

ويا حبوبة هلا فيك بأي وقت ناطرين تشريفك ومشاركاتك حتى لو شوية ..

الله يستر عليك ويرزقك البنوتة الحليوة ، صح من قررتي تسميها ؟؟

رميثية:
صبااااااااااااااااااااح الخير يا كروووووووووشاااااااااات,,,

شخباركم ان شا الله كلكم بصحة وعافية,,,

انا باجر عندي موعد في المستشفى,,,

والله يعيني على الزحمة وأقعد وانتظر دوري,,, ما أحب المستشفيات,,,

تصدقون بنات هذا أول موعد لي في المستشفى اللي بولد فيه,,,

قبل كنت كله أراجع في عيادة خاصة,,, ومن الزحمة اللي بالمستشفى مافيه مواعيد,,,

انا رحت آخذ موعد وانا في الاسبوع ال 19 وباجر بروح الموعد شفتوا كيف زحمة,,,

المهم باجر بعرف شو سالفة بطن بنتي الصغير,,,

ريلي يقول يمكن بنتج بتطلع رشيقة عشان كذا بطنها أصغر عن الطبيعي,,,

سولفت وايد,,,

هلا برميثية حبوبة شخبارك ..

نحن بخير الله يسلمك وحالنا نفشه هنا بالرابطة ..

والله يعينك علة موعدك باكر وإن شاء الله بالفحوصات الزينة يا رب ، وتطلع بنوتك ما فيها إلا العافية يا رب وبالنسبة لزحمة المستشفيات فخليها مستورة يا بنت الحلال ، كلنا في الهوا سوا عشان كذا في حملي هذا ما فكرت أروح مستشفى حكومي أبدددد .. وكل علاجاتي من حملت في مستشفى خاص والله لا تحاتين زحمة ولا تأخير ولله الحمد ، بس تراني راح أولد في الحكومي ومو ضروري عندنا أروح له زيارة أبد إلا حزة الولادة بكرت الحمل يعني علة قولتهم أكلة وشردة خخخخخخخخخ .. الله يهون علينا يارب ولا توسوين في موضوع صغر البطن أنا خبرتني بعد الدكتورة إن راس البيبي صغير مقارنة بجسمه وتوشلت وايد وكان الفرق أسبوع بين الجسم والراس والموعد اللي بعده كان كل شي تمام وبنت الحلا تصير مثل هالشغلات بس الوحدة تتكل على رب العباد بالسلامة ..

مراحب حبايبي

كل ما كتبت رد
تسكر الكمبيوتر
وكل مال الردود تتقلص بس الله يعين


الغاليه ام عبد الرحمن

شيكي على الخاص ولا تزعلي علينا يالغاليه


احلى شهد وام النوح

باحاول ان شاء الله اكثر من الملينات الطبيعيه والله يعين



رميثيه يالغاليه

ان شاء الله فادك الجدول
واليوم ان شاء الله بنخلص الاسبوع الـ 28 و بندخل الاسبوع الـ 29

عدد المتواجدون في هذا الموضوع » 6 , عدد الأعضاء » 6 , عدد الزوار » 0
‏مسلمه..وافتخر, ‏..جزلا.., ‏أمونه, ‏رميثية ‏UMABDULRAHMAN

حبيبتي مسلمة الله يشافيك ويعافيك يا رب ..

بالنسبة للحرقان .. إكلي خيار وااايد وخففي من البهارات .. وشربي حليب قليل أو خالي الدسم

وبالنسبة للإمساك .. عليك بالشاي الأخضر ممكن يغيب عن بالنا في إنه يمنع الإمساك بس مفعوله عجيب شربي لك 3 أكواب يوميا وشوفي النتيجة وخليك من املينات اللي ممكن تتوهقين وياها ..

سلامتك ألف سلامة ومأجورة بنت الحلال

ام المهند

انتي هنا

مو حالش

باغيتنا نعور من الخط اللي كتبه فيه ما شئ اصغر منه نوبة

والرد مال تاريخ الحمل

انتظره ع الخاص يا حلو

وتسلم لك مودي ومهند

ولا تكثري بصل واجد

اكيه بعد الثانية فجر جالسة تحوس تحت

كل حين وساعة مخليتني اروح الحمام " وانتي والقاريين بكرامة"

لا من ساعة كان فيها مثل الدقات تتكرر تحت

قلت هاذي فجورة جاتها " حازوقة "
يا حليلها

كريم كراميل يالغاليه
الله يهون عليك يااااااااارب


انتي اخر وحده بالرابطه
يعني حالك حال ام المهند


الله يهون عليك

ماشاء الله كلها كم يوم وتولدي بالسلامه

وما يندرى يمكن الحين في غرفة الولاده
ام المهند لاتزعلي علينا
يمكن تكوني انتي اول وحده تولد مايندرى

أم النوح .. حبيبتي كاني اليوم موجودة وياكم مشكورة ع السؤال يا قلبي وتسأل عليك العافية دووم يا رب ..

أحلى شوق .. يسعد مساك ما لك حس

جزلا .. أشوفك موجودة دشي شاركي ويييينك من فترة مختفية ...

أمونة .. دايما تدشين ولا تشاركين شو السالفة ؟؟


عدد المتواجدون في هذا الموضوع » 4 , عدد الأعضاء » 4 , عدد الزوار » 0
‏أم المهند*, ‏..جزلا.., ‏أمونه, ‏UMABDULRAHMAN

أم فجورة الحبة هيه أنا هنيه ،

رسلت لش ع الخاص حبيبتي شيكي



وأي خط هذا اللي تقصدينه صغير تتكلمي جد خخخخخخخخخ ولا قصدش العكس وضحي فديتش ..

أم المهند:
حبيبتي مسلمة الله يشافيك ويعافيك يا رب ..

بالنسبة للحرقان .. إكلي خيار وااايد وخففي من البهارات .. وشربي حليب قليل أو خالي الدسم

وبالنسبة للإمساك .. عليك بالشاي الأخضر ممكن يغيب عن بالنا في إنه يمنع الإمساك بس مفعوله عجيب شربي لك 3 أكواب يوميا وشوفي النتيجة وخليك من املينات اللي ممكن تتوهقين وياها ..

سلامتك ألف سلامة ومأجورة بنت الحلال

الله يعطيك العافيه


وما قصرتي يالغاليه


وان شاء الله بشرب الشاهي الاخضر

وبالنسبه للبهارات والفلفل فانا ابتعد عنها قدر الامكان

والله يعين ان شاء الله

الحمد لله تقريبا خلصت من واجبي وما بقى غير اللي بيدشوا هم اللي يتورطوا في الصفحات اللي زادت خخخخخخخخ ..

شريفة الله يعينك صايرة تتأخرين علينا وتبتلشين بالرد فيما بعد وفوق هذا ما شاء الله عليك تحلي الواجب بسرعة

الغاليه ام المهند


ما اشوف اسمي مع المتواجدين

لايكون محذوف ؟؟؟؟