أريد أكون الزوجة الثانية.... بس كيف؟؟؟

تخيلي نفسج مكانها و تصرفي على هذا الاساس

موفقه

الله يكون بعونك

وأهم الشئ الدعاء يالغالية

تَنْثُرُ الكَونَ عِطرَاً:
.. ليش ماتقدم من الأول ؟؟؟؟

وين كان حبه قبل زواجه ؟؟؟

ماذنب زوجته يتحطم قلبها بزواج زوجها عليها وهى مازالت تعتبر عروس خصوصا لو ما يشتكى منها ؟؟؟


أسئلة كلها تحتاج لإجابة

!!!!!!!!!!!!!!!!!

سبحان الله الاراء كثيرة ومختلفه

بس الرائ الاصح والصواب انك تستخيري ربك

وبعدها اتركي الامور تمشي مثلما ااتفق فان كان فيه خير لك بيتمم ربي زواجك وان كان فيه شر بيبعدة عنك

وراح اقولك سالفتي انا وماني تادمه الان بالعكس مرتاحه ومبسوطه

انا تقدم لي واحد متزوج طبعا يقول انه مب مرتاح مع زوجته

ورجال متدين ويعرف ربه زين سألنا عنه وكلن مدحه وشكر في اخلاقه

المهم استخرت وارتحت وامي كانت موافقه من البدايه يوم اتفقنا على كل شي تقولي استخيري مرة ثانيه

قلت مرتاحه قالت كلبام من انها خايفه وماادري ايش لانه اكبر مني بـ 12 سنه

المهم قلت دعواتك لي وان كان نصيبي باخذة وسبحان الله عملنا كل شي تخيلوا حتى فحص ماقبل الزواج

وكل شي اوكيه بس بعدها ماصار نصيب هو ماعاد رجع يكلم يحدد موعد للملكه وابوي ماكلمه قال ماهوب نصيبك

فشوفي ياحبيبتي استحيري واتكل على ربي مب عيب الزوجه الثانيه وارجع اقول اذا لك نصيب معه بتاخذينه

وللخوات اللي يقولون الزوجه الاولى ومش عارفه ايش وربي فيه زوجات مايستحقون هالاسم

يمكن فعلا مب مرتاح معها ويمكن الرجال يبي ثنتين ووو فيه امور كثيرة


الحسم فيها يكون لرب العزة والجلال

الله يوفقك ويرضى عليك ويرزقك نصيبا طيبا من عبادة الصالحين

كما تدين تدان

وماتزرعين ...سوف تحصدين


خللي الريال في حاله ولا تهدمين بيته

انتي بديتي بلفت نظره ولاتسوين روحج بريئه

تخيلي نفسج زوجته الاولى هل راح ترضين يتزوج عليج

حتى لو فرضنا ان الجديده راح تعاملج زين ومثل اختها !

مااظن

اتوقع انج انانيه حيل

اختي الكريمة
الزواج احسن لج من القعدة بالبيت
تزوجي ويمكن هالمتزوج يكون احسن وفيه خير من الغير متزوجين
بعدين وبكل صراحة هل تتوقعين بيجي واحد مومتزوج ويتقدملك؟؟؟
موقصدي اي شي بس عندي بنت عمي عمرها قريب من عمرك لما تزوجت خذت واحد متزوج
وعنده عيال وهي عايشة بسعادة معاه لانه عادل بين زوجاته
وان شاءالله يوفقك مع من اخترتيه زوج لك ويمكن الرجل مافكر بالزواج الثاني الا لاسباب اما في زوجته الاولى او فيه
وتوكلي على الله فهو موزع الارزاق وهذا رزقك ونصيبك جاك ليش تردينه
وانتي موعامله شي عيب او حرام
الله يوقفك من كل قلبي ادعلي لك

مخليه مشاعرج تيبج وتوديج وانتي مب حاسه شو تسوين بعمرج.

البدايه ابدى اعجابه بطريقه غير مباشره وسكت وبعدين انتي اللي
صارحتيه وهالمره مب بس سكت....سار وعرس

كيف اختي تقولين انج اكتشفتي انج تحبينه ومافي بينكم أي شي؟؟
هذا مب حب، مجرد اعجاب طالع من وحده رومانسيه

عقبها بفتره بسيطه من العرس طريتي على باله وحب يتزوجج؟؟ ليش
مافكر فيج من البدايه وانتي اللي اعترفتي بحبج له؟؟
فكري في السبب اللي يخليه عقب فتره بسيطه من عرسه يفكر في الثانيه
ولا تحطين في بالج انه ما ارتاح لها...اختي بنات الناس مب لعبه يجربهم ، لو
ما ارتاح يفكر في وحده ثانيه...مثلا لو قال لج انها هي اللي مب مرتاحه منه
بس أكيد ما بتقول له سير عرس علييي...

هو عارف انه غلطان وعشان جيه طلب منج انج ما تلومينه ولا تسئلينه وين
كان حبه يوم سار عرس............أصلا لو كان يحبج ماكان خذ وحده ثانيه

انزين ليش ما تطلبين انج تكلمين زوجته بنفسج وتسئلينها ؟؟ شوفي كيف
رد فعله بيكون!!!!! شوفي اذا كان اصلا بيصارحها بمسألة زواجه عليها

اختي لا تخلين العمر سبب عشان تتزوجين واحد معرس.....وغلطانه اللي قالت
ان اللي في هالعمر ما بيتقدم لها واحد عازب....

طبعا هالزواج انتي اللي بتتحملين نتايجه مب العضوات اللي ردن عليج وعشان
جيه لا تفكرين ان اللي معترضات على الزواج، يعني ما يتمنن لج الخير بس يمكن
عشان يعرفن النار اللي تحرق قلب كل وحده يوم ريلها يعرس عليها؟؟

تقولين انيج بتعاملينها مثل اختج؟ كلام مثالي وحلو بس اختي ما تدرين بقلبج
بعدين كيف بيكون عقب ما تكونين زوجته....الغيره تغير الزوجه وطبعا الأولى
صعب انها تسامحج ...

ولا تتوقعين ان الزوجه الثانيه حياتها بتكون رومانسيه.........المشاكل غالبا
تكون أزيد بسبب وجود طرف ثالث في الزواج

انصحج تستخيرين حتى عقب ما يتقدم لج........ولا تربطين الاستخاره بمسألة
رومانسيه مثل اتصاله أو أو أو.....استخيري وااااااااااااااااااااااااايد عشان
ما تكتشفين عقب فوات الأوان انج عقيتي عمرج في نار جهنم
وفي شي مهم جدا تحملي توافقين عليه لو يا بروحه أو نص أهله بس...
يعني تحملي تتزوجينه وأهله رافضينج .....بتعانين وااااااااااااايد وبتكونين
منبوذه...لا ترخصين بعمرج وتتنازلين عن حقوقج قبل الزواج لو هو حاول
يقنعج بالتنازل عشان خاطر الحب.......هاي مجرد خدعه يمارسها الريال
عشان الحرمه تكون الطرف المتنازل اللي يعطي دوم

والله يوفقج

سبحاان الله لو الناس تحط نفسها مكان غيرها وتحس بشعورهم كان الدنيا بالف خير
حرام عليك اللي تسوينه بتخربين بيت وحده ماسوت لك شي غير انها تزوجت واحد حاطه عينك عليه؟؟
صدقيني لا راح تستانسيين بزواجك ولا راح ترتاحين بحياتك وانت شايله ذنب هالمسكينه
ولا تقصين على نفسك وتقولين باعاملها نفس اختي ؟
ليش حبيبتي انتي مو مره ماتغارين منها ؟؟ماتبين كل شي لك انتي وبس ؟؟ماتبين زوجك مايشوف غيرك؟
وبعدين تذكري ترى الدنيا دواره ومثل ما تملل من زوجته وجا عندك بيمل منك وبيروح لغيرك بس الفرق ان وقتها مااحد راح يتعاطف وياك مثل مااحنا متعاطفين مع زوجته الاولىولا تزعلين من كلامي لان هذي هي الصراحه يمكن فيه البعض قال لك عاادي وهو يحبك والشرع محلل اربع بس بقلوبهم هذا رايهم الحقيقي واعذريني بس انتي طلبتي الصراحه

سبحاان الله لو الناس تحط نفسها مكان غيرها وتحس بشعورهم كان الدنيا بالف خير
حرام عليك اللي تسوينه بتخربين بيت وحده ماسوت لك شي غير انها تزوجت واحد حاطه عينك عليه؟؟
صدقيني لا راح تستانسيين بزواجك ولا راح ترتاحين بحياتك وانت شايله ذنب هالمسكينه
ولا تقصين على نفسك وتقولين باعاملها نفس اختي ؟
ليش حبيبتي انتي مو مره ماتغارين منها ؟؟ماتبين كل شي لك انتي وبس ؟؟ماتبين زوجك مايشوف غيرك؟
وبعدين تذكري ترى الدنيا دواره ومثل ما تملل من زوجته وجا عندك بيمل منك وبيروح لغيرك بس الفرق ان وقتها مااحد راح يتعاطف وياك مثل مااحنا متعاطفين مع زوجته الاولى
ولا تزعلين من كلامي لان هذي هي الصراحه يمكن فيه البعض قال لك عاادي وهو يحبك والشرع محلل اربع بس بقلوبهم هذا رايهم الحقيقي واعذريني بس انتي طلبتي الصراحه

مش عارفة اقولك ايه الله ينور بصيرتك باللي فيه الخير ليكم انتم التلاتة وانا عارفة ان مشاعر المراة لما تتملكها تكون في وضع صعب انها تحكم عقلها كويس خاصة انك تحبيه قبل ما كان يتزوج الله يهديه يعني انا عارفة ان لو من عمل الشيطان كان خطبك من الاول مش كان ريح نفسه وريحك وترك زوجته في حالها الله يقدملك اللي فيه الخير ياختي ويصلح حالك.

السلاااااااااام عليكم

فالبدايه حبيت اقولج الله يوفقج ان شاء الله لما يحبه ويرضاه ويستر عليج


بس في نقطه مهمه وهي :: دام الريال توه متزوج والحين مفكر يتزوجج لانه مو مرتاح مع زوجته طيب شلون يقدر يحكم على زوجته الاولى بهالسرعه واعتقد انهم للحين ما اعرفوا بعض عدل لانهم توهم متزوجين


ولو هو صج يحبج انتي ومو مرتاح مع زوجته ليش ما يطلقها ؟؟ دام ماعنده منها عيال ويتزوج الانسانه اللي بيرتاح معاها وحبها قلبه ؟؟

مابي اسيئ الظن فيه الله يعلم بالنوايا بس انا اشوف انه احتمال كبير يمر بنزوه عابره او انه طمعان فيك لشي .؟؟؟

فكري عدل واستخيري والله يكون بعونج ان شاء الله

لا حول ولا قوة الا بالله

الله صحيح حلل تعدد الزوجات لكن لأسباب و اسباب مش ظالمة زي الظلم الي توقعيه على اخت ليكي بالاسلام و لو انتي زي ما بتقولي هي هتبقة زي اختك ما اعتقدش انك ترضي لأختك الي هتعمليه فيها ارحمو من في الارض يرحمكم من بالسماء

اقلك اولا حكمو الله في تعدد الزوجات مش للنزوات او لفراغة العين السبب ان تكون زوجتو الاولى مريضة مقعدة مثلا ولا تستطيع القيام بواجباتها معاه او ان تكون لا تنجب و هو يريد الاطفال فكي لا يترك هذه الزوجه و رحمة بالزوجة الاولى لأن الله رحيم و لا يحب الظلم سمح بان تكون للرجل زوجة ثانية حتى لو اراد الاطفال لا يترك زوجته لكي يتزوج باخرى و ينجب لا يحتفظ بالزوجة الاولى و يتزوج باخرى الله لا يحب الظلم فلا تبررو رغباتكم بما حلله الله فحالتك مختلفة عن ما حكم الله و حلل

و آخر قولي اذا تزوجت بهذا الشخص ارجو ان يتزوج الثالثة و الرابعة حتى يتمم الحلال و الشرع

حرام عليج والله حرام تخربين عليهم ليش اتدشين بينهم خليهم

و بعدين انا رايي لا تاخذين متزوج خذي واحد عزوبي

و الشي اللي ما ترضينه على نفسج لا ترضينه على غيرج

و بعدين هو اصغر عنج

باجر بيعايرج انج اكبر عنه

و انتي ترضين لو كنتي متزوجة زوجج ياخذ وحدة عليج

و الشي اللي ما ترضينه على نفسج لا ترضينه على غيرج

صديقتي متزوجة ريال متزوج وكان مديرها في الشغل بصراحة ما شاءا لله عليها مرتاحة واااااااااااااااااااايد ومستانسة والسبب ان زوجها يعدل بينهم فانتي فكري في الموضوع اذا حسيتي انه بيقصر في حقج لا ترضين بس اذا انتي واثقة انه معاملته بتكون زينة وبيعدل بينكم ليش لا مب حرام

حبيبتي انا احترم مشاعرك تجاه
لكن ليش ما تحطي نفسك مكان زوجته؟
ما فكرتي غير بنفسك و فيه و ما فكرتي فيها للمسكينة
الألم اللي راح تذوقه بسببك
و نار الغيرة اللي راح تحرقها
ما في إمرأة بالعالم ترضى زوجها يتزوج عليها
بعدين انتي بتعرفيه قبل ما يتزوج ليش ما تقدم لخطبتك؟
و إلا هلأ بس حليتي بعينه؟
و هلأ بس حبك؟
حبيبتي عودي إلى رشدك
و ما تخلي العاطفة تسرقك
و ما تنسي أنه كما تدين تدان
و راح يجيكي يوم و يصير فيكي مثل اللي راح يصير بزوجته من ألم و حرقة
إعملي عقلك
و ما تكوني أنانية بتفكيرك
و ربي يهديكي و يهدينا يا رب لما فيه الخير لنا جميعا
استودعكي الله الذي لا تضيع ودائعه

صراحه يوم قريت موضوعك كان عند ي كلام كثير ودي اقوله ..
بس قريت الردود و البنات قالوا كل اللي ابيه


عموماً بالتوفيق اختي ...
الله يوفق جميع بنات المنتدى و بنات المسلمين و يرزقهم بالازواج الصالحين

يمكن يكون ردي قاسي شوي بس زي ماقلتي انت تجراْت قبله وبينتيلة مشاعرك ومع ذلك مافكر يبادلك نفس الشعور مع انكم على اتصال وبعدين عندالجد مااختارك اختارغيرك انااعتقد انه مثل غيره من الرجال ما يفضل ان المراْةهي اللي تبدْا بكشف مشاعرها وهذا خطاْك انت ولان بعدماتزوج اصبح يفكر فيك سبحان الله وانت تقولي انه خلوق كيف الخلوق يسمح لنفسه يكلمك وليس بينكما ارتباط وكمان من ورى زوجته اش هل الخلق ماتخافي يحصل نفس الشيء معاك وزوجتة لسه عروسه ما امداه يعرفها حتى الله يعينها ترى القضية ماهي انك تكوني الزوجة الاولى او الثانية انما الاختيار الصح والله يهديك للصواب واللي فيه الخير

مرحبا ....

في الحقيقة أنا زوجة وأقدر إحساس الحرمة وشو ممكن يصير بها لو عرفت أن زوجها بيتزوج عليها ....

هو الموضوع غريب إشوي ... ليش فكر ألحين بالموضوع ووين كان من زمان ....

أنا عن نفسي أقولج إستخيري ربج وغير هذا لا ترضين بالزواج منه إلا لين تعرفين السبب لا يقولج أنا أحبج وأباج لأن هذي رمسة كل الريايل ومن ياخذون الحرمة يبهدلونها ...إن شاء الله هو ما يكون من هذا النوع من الريايل .... بس إتأكدي من أن زوجتة موافقة على أن ياخذج قبل كل شي ... و أنا أنصحج بما أنه ما فتح الموضوع مرة ثانية لا تفتحين لأن هذا بيكون جنج إنتي يالسة تركضين وراه وتبينه ياخذج ... لا تحطين أمل كبير عشان ما تتعبين بعدين أو تزعلين إذا صار أي شي ...

اتوكلي على الله و إلي فيه الخير بيصير والزواج حكمة ربنا فما يصير نرفضه ...

هلا حبيبتي
طمنينا شو صار؟ اتصل على العيد؟ اتفقتوا فتحتي معاه الموضوع؟
بناء على الي صار بنقدر ننصحج

برجع اقول فكري بغيرك و لا تقولي مثل اختي
ليش اختك بتعاشر زوجك!!!!!!!!!!!!!!!!!!!!!!!!!!

في فرق كبير بين الاخت و الضرة
و الضرة مرة و لو كانت جرة

اختلاف الرأي لا يفسد للود قضية
و انا متعاطفة مع مرتو الاولى