أريد أكون الزوجة الثانية.... بس كيف؟؟؟

حسبي الله ونعم الوكيل

اختي منو هو قبل لا يعرس يرمسج مب حرام .. متخذين اخذانا ؟؟؟

انتي فكرتي في الحرام قبل ما تكون بينكم اتصالات خفيفه مثل ما تقولين ؟؟

مب حرام تظلمون حرمه مالها ذنب الا انها تزوجت واحد ما يستاهلها .. مب حرام ترمسينه في تلفون شو الصله القربا دوام ؟؟ اي واحد في الدوام برمسه عااااااااااااااااااااادي ؟؟؟

اليوم معاج و ابصم لج بالعشر باجر بيرمس غيرج كونها موظفه عاديه في الدوام ..

و تذكري كما تدين تدان .. ترى الله ما حلل شي على كيفنا و هوانا .. و كل ما خنا اهلنا و زوجاتنا قلنا الله حلل

خذيه بس ما بيندم الا هو و انتي .. و اسمحيلي انا زوجه و حطيت نفسي في موقف المخدوعه في زوجها .. و ارجع اقول حسبي الله و نعم الوكيل ..

و قبل ما احط نفسي في موقفج مثل ما تقول وحدة من الخوات .. سيري قولي حق ابوج .. ابويه انا ارمس واحد في الدوام عادي صح ؟؟
و احبه و يحبني عادي صح .. حلال ..
و توه معرس و ما قطعت علاقتي معاه .. عادي صح ..
بدفن عمري قبل ما اسود ويه ابوي و اسرق ريال ..

و فكري في ربج اللي فوق سبع سموات اللي اجاز التعدد اجاز الظلم .. و الصداقه الدوامات ؟؟

الله يستر عليج

توكلي على الله ومافيها اي شي ....
والله بيخليه يتصل فيكي ساعه ما تصلي استخاره اذن ان شاء الله لكم الخير في بعض..
وهذا الواضح..
اما بالنسبه لزوجته ،،، ف انتي زي ما قلتي عامليها مثل اختك، ولا تقهريها .. ولا تخليها تحمل في قلبيها عليكي بشي.. بالبدايه بسسس هتكون متضايقه، لما تلاقيكي طيبه وحبوبه ،، والله راح تحطك على راسها من فوق
والسلام عليكم.

صراحة مشكلتج صعبة

بس فكري بالموضوع من جميع جوانبه

وانتبهي تتزوجين رجال انت اللي ابتديتي تحبينه وخبرتيه بهالحب راح ياخذها نقطة ضعف عليج بعد الزواج

وصلي صلاة استخارة مرة ومرتين وعشر ليما الله يكتب اللي فيه الصلاح والله يوفقج

انا مااقدر اقولك حرام بس عن جد وش ذنب زوجته المسكينه
ودامه يحبك ليش ماارتبط فيك من اول
شوفي اختي لاترتبطين فيه الا لما تتاكدين انه مو مرتاح مع زوجته وبينهم خلاف
وحطي نفسك بالموقف هذا ولاتنسين فارق العمر اللي بينكم يعني لو هو اكبر منك عادي
بس الرجال لماتصير المره اكبر منه يلقاها له حجه بعدين اذا فكر يتزوج مره ثانيه
وانتي الله رح يرزقك ان كان من نصيبك وكل(ن) رزقه بيجيه مهما طال الزمن
والخوات الله يجزاهم خير ماقصرو

ممكن تحطين نفسج مكانها بليز تخيليه دقيقه انج زوجته وتوج عروس يروح حبيب قلبج يتزوج اشرايج ؟
اذا المسأله صارت عندج عاديه فلاحول ولا قوه الا بالله

حـــــــــــــرام تبنين سعادتج على حساب غيرج
كمـــــــــا تدين تدان
الله يكون في عونج

انك تكونييين الزوجة الثانية لاهو عيب ولا حرام لكن المشكلة فيه هو الي ما حليتي في عينه إلا بعد ماتزوج !!!!! ليش مافكر فيك من قبل ما يتزوج خصوصا انه ابدى اعجابه فيك قبل ما يتزوج اسئلي نفسك هالسؤال واسئليه بعد .......... توه متزوج يعني ماله سنة او سنتيين مو حرام عليه يكسر قلب زوجته وهم توهم في بداية حياتهم

السلام عليكم
اختي مع اني مامريت في مثل هالموقف بس انا حاسه فيج
يعني انتي حبيتي شخص وتعلقتي فيه ونفس الشخص اللي حبيتيه طلبج للزواج صحيح انه متزوج بس انتي تحبينه وبعدين انتي خايفه ان ماتييج فرصه ثانيه للزواج
انا من رايي دامج انتي استخرتي فاتحيه في الموضوع وقولي له انا كلمت اهلي عن الموضوع اللي قلت لي عنه وقالوا ان ماعندهم مانع أو اي شي مثل هذا وحتى لو كنت مفتشله وخايفه تبينين روحج انج راميه نفسج عليه لان يمكن اذا خذتي وقت اطول هو بعد يتردد ويقول هذي خلاص ماتبيني ويستحي يسأل عشان الفشيله بعد
أنا من رايي تتوكلين على الله وتسألينه وصدقيني دامج انت مستخيره فكل شي بيكون في صالحج سواء اذا هو غير رايه أو لا دامج خليتي الله سبحانه وتعالى هو اللي يختار لج اللي اصلح لج وتوكلتي عليه فما بيصير الا الخير

والله يوفقج للي فيه مصلحتج

وش ذنب زوجته ؟

الله يوفقج اختي بس اسأليه عن السبب اللي خلاه يفكر بالزواج من ثانيه وهو توه متزوج !

hawralain

تسلمين على ردج يالغالية

ومشكورة على نصائحج ودعاج لي

حبيبتي، أهلي ماراح يرموني عليه له بدون مايتحققون منه

وإذا نصيبي أن أكون الزوجة الثانية بس!!!

ماراح أرفض عشان أنا أتمنى ربي يرزقني بالذرية الصالحة وما باقي شي من العمر

أنا مالي صفه أكلمه اللحين وأسأله وأتمادى عن علاقته مع زوجته!

الوالدة قالت إذا جاء خطبني رسمي، بعدين بيسألون وهذي مش الموافقة النهائية!!

إدعيلي

Alien

الله يوفقج في دراستج وإنشاءالله أسمع عنج بالخير

ومشكورة على المشاركة

سحر 2005

والله أدري إنها مالها ذنب!! الله يعيني وينور بصيرتي

إدعيلي وإنشاءالله ماأكون ظالمة

قلب صافي
مشكورة حبيبتي والله يوفقج مع خطيبج

وأنا مؤمنة بقضاء ربي

الله يرزقنا من حيث لا نحتسب

وأنا إنسانة مؤمنة بقضاء الله وقدره

مشكورة على النصيحة

دلوعة باباتها

يمكن كلامج يكون صح!! بس أنا مو إنسانه أنانية وإذا كنت إدعولي إنه الله يبعد هاي الصفة

أننا ماتصل فيه والله، هو يتصل في أوقات الضرورة ومثل ماقلت أقل من 5 دقايق وعقب شهرين أو 6 شهور أو أكثر والله

وتمنيت منج إنج ماتستهزئين لما صارحتكم وربطت علامة إتصاله بكل ماأصلي الإستخارة

يمكن كلامي مو منطقي وعيب إنه ينقال بس قلت أكلمكم بصراحة وفي كل شي يصير لي

الله يسامحج

أنا مو زعلانه، على الأقل حسيت إنج مهتمه إنج ترشديني وتخليني أراجع نفسي

Only 1 way

كلامج كله صح، وأنا مثل ماقلت مؤمنة بالنصيب!! وعرفت إنج موافقة على كلام دلوعة أبوها بس ياليت ماكنت موافقتج على كل كلمة قالتها

على العموم مشكورة حبيبتي على الرد

صاحبة السمو الملكي

حبيبتي صح بعض الخوات كلموني بقساوة بس أظن لأنهم يبون مصلحتي
وأنا لما شاورتكم كنت متوقعة الردود!!

بس رايكم مهم لي

جزاج الله خير

Robena
وعليكم السلام والرحمة

والله صح، كل وحدة منا تتمنى تكون الزوجة الأولى... بس مثل ماقلت هو أول واحد يتقدم لي (ولاحظي بعد مب رسمي)

بس على فكرة، أنا عرف بنات تزوجوا على أساس الزوجة الثانية ومرتاحات والحمدلله

كل شي نصيب

قطرية؟

مشكورة على ردج

بس والله العظيم أنا مابيني وبينه علاقة

ياخواتي خذوا هاي النقطة في إعتباركم!! أنا معجبة وأحبه بس مابينا أي شي يغضب ربنا ولا حتى كلام!!

بس أحلف لج إذ الله مايسر لي خلاص مابذبح عمري

نازو

خلاص أنا اقتنعت بكلامج وبعدين شو مايصير يصير!!

قسمة الله ونصيبه

وببشرج الغالية

بنت ديرة

الله يسعدج ويسهل عليج يارب ويوافق أبوج ويتمم عليج بخير

إعزمينا 

مجنونة زماني

حبيبتي أنا ماأكلمه بغرض ما (والله يشهد)

أنا إنسانة ملتزمة بس لاتعتقدين أدور على الحرام

الإنسان تكفيه الذنوب إللي تجيه بدون مايسعى لها في هاي الدنيا

وأرجوج ماتحسبنين على لأني ماأظن فكرت بشي حرام

وعلى العموم جزاج الله خير والله لايحطج في موقف القهر والله يسعدج مع زوجك

بس فكرتي في عمرج لأنج متزوجة! بس فكرتي إذا ماكنتي متزوجة وإنتي في الثلاثنيات وأهلج ينتظرون حفيد وإنتي تبغين ياهل ومجرد سنوات بتكونين في مرحله حرجه إنه يمكن ماتقدرين تيبين عيال حتى لو كنتي الزوجة الأولى

خواتي فكروا قبل ماتردون!!

ولاتجرحون حد (إن بعض الظن إثم)!! بس مشكورة على ردج وكلامج فكرت فيه، لأنه مشابه لردود بعض الخوات


إحساس الفراق

الله يفرج كربتج يارب

كناري

مشكورة على طيبتج ورقتج

أنا متوكلة على ربي وإدعيلي

أم شجاع

شكراً وأنا الحمدلله مابادرت بأي شي

ودايماً أصلي الإستخارة

بس لاتحرموني من دعواتكم

نوارهـ

مشكورة وربج يسوي إللي فيه الخير

ليلى رمضان
دائماً وابداً لاإله إلا الله ولاحول ولاقوة إلا بالله

Pure Heart

وعون الجميع إنشاءالله

روبا

إنشاءالله إذا صار شي بسأل وبتحقق

أنا الشوق

مشكورة وإنشاءالله هذا إللي بيصير

أنا توكلت على الله

فجر العيد

إنشاءالله

الشكر لكل المشاركات

العذراء76:
أختي الغالية (معلمةجداً)

مشكورة على المشاركة!! الشخص أخلاقه حميدة،ويصلي نحن من نفس الحي! يعني تقريباً جيران!!

أنا الحمدلله مواظبة على صلاة الإستخارة...

هو اللحين مايتصل بي!!!

بس متأكدة إن شاء الله إنه راح يتصل في العيد عشان يهنئ

رايج، أفتح الموضوع وأقوله أهلي ينتظرونك.... أحس فشلة :o

ماأقدر أسويها!!!

انصحوني الوقت قاعد يمر بسرعة

والله مـــدري لو فتح الموضوع قولي له لو تبغاني من صدق لاتسألني قولي له انا عندي أهــــل

نازو:
الغالية عذراء ...

أختي توكلي على الله وما عليش من أحد ، لو الواحد بيقعد يتريا رضا الناس فعمره ما بيحصله ..

ومادام الأمر مب عيب ولا حرام فتوكلي على الله ولا يهمك شيء ... يا أختي محد يحس في أحد في هذا الزمان .. شوفي كل وحدة يوم ردت عليك تخيلت نفسها الزوجة الأولى المسكينة ومحد تنزل وحط نفسه مكانك ...أنت بروحك ساعدي نفسك وما عليك من كثرة اللوام والعاتبين ما دام ربي من فوق سبع سماوات أجاز التعدد فمحد له الحق يعترض ..

ولا تسألين الرجل ليه وليه بل قولي قدر الله وما شاء فعل .. كل شيء في الكون له حكمة ..

وإذا اتصل يوم العيد اسأليه قولي له بعدك عند رايك على الموضوع الفلاني؟!! إذا قال هيه فقولي له تراني فكرت عدل واستخرت وحياك الله عندنا ..

أما إذا تهرب أو ما اتصل أصلا .. فانسي الموضوع وربي يعوضك خير بإذن الله ..ولا تحزني عليه أبدا واعلمي أنه لم يكن بالأصل مقدرا لك ..

الله أسأل أن يرزقك الزوج الصالح وأن تقري عينا معه ..

اللهم آميييييين

كــــــــــلامك صح يا اختي الغالية

الزوجة ماتكون مسكينة طـــول الوقت امكن انه مو مرتاح معها
وامكن الرجال عنده الرغبة ان تكون له زوجتان ربما زوجة واحدة لاتكفيه

لا تزعلين مني ..

بس انا اشوف انه قالج فكري و طنش
شدراج مب قاعد يلعب بعواطفج و انتي بندفاعج قلتي لاهلج ..

هل هو جاد بشكل كامل
هل هو فيه الجرأة يقول لزوجته بتزوج عليج بدون سبب
هل انتي واثقه منه ولا بس تتمسكين بقشه مثل ما يقولون
و كأن اول واحد قالج احبج صدقتيه ..

لا تزعلين مني .. بس انا بعد حطيت نفسي في مكانج قوليلي كيف بيكون موقفج اذا هو اصلن بس يلعب اب وحدة اكبرعنه و هيه اللي بادرته الحب بالاول و لقاها علثه و على فكرة كل الريايل يوم يتعرفون على بنات يقولون لهن نحن نقصد الزواج .. بس ما ايون و يطول الانتظار و كل يوم عذر شكل .. و لو كل واحد وعد وحدة بالزواج و تزوجها جان لقيتي كل البنات تزوجن ..

قوليلي شو يخلي واحد يترك زوجته اللي ما كمل فترة طويله معاها .. و يتزوج عليها ..


قوليله هل يتجرأ و يقول لزوجته انا احب وحدة و ناوي اتزوجها ..
هذا اذا هو ما يخاف على مشاعرها

و بعدين صلاة الاستخارة معناته تيسير من الله ان الله يرزق اللي ما عنده و يسرع في زواجه و ما يواجه صعوبات .. مب مثل ما يتوهمون البنات .. حلم و غيره ..

على كل حال انا اخاف اندفاعج هو يكون المحور الرئيسي في السالفه و صدقيني و لا تزعلين مني .. هالاشكال وايد .. قوليله انا موافقه و خليه يخطبج .. بس لا تظنين ان بهي الطريقه راح تفتح لج ابوب السعاده ..

الله يستر على الجميع .. انا مب معترضه انج تتزوجين و تكونين الزوجه الثانيه ولا الثالثه ولا الرابع ...

بس انه توه معرس و بيعرس عليها مثل ما يدعي .. هذا ظلم
و يرمس وحدة من وراها هذا يسمونه متخيذن اخذانا .. و هذه خيانه وما اظن هو يرضى هيه تكلم واحد في الدوام

على كل حال انا اسفه اذا تشوفين كلامي يجرح .. بس ما بجامل على حساب غيري .. و ما بطبطب على جتفج عشان العمر مر مثل ما تقولين .. لان الواحد ما ياخذ الا نصيبه .. و ما بقولج تزوجي واحد قالج احبج و السلام .. و تعالي نتزوج لانه مثل ما يكلمج بيكلم غيرج .. و ان خذاج الله يوفقج و يصبرها و يعوضها اب ريال اخير عنه ..

اني ضد هذا الشي ..

اولا الزواج مب حرام بس مو معناتها يتزوج على كيفه وبدون اسباب ..

واشلون تقبلين على نفسج هذا الشي اشلون تقدرين تجرحين انسانة ما سوت لج شي

انتي قاعده تحطمين بيت كامل انتبهي لهذا الشي

وبسالج سؤال لو كنتي مكانها وش كنتي راح تسوين ؟؟

فكري بعقلج وخلي العواطف بعيدة عنج .. تراه لو يبيج ماراح تقدم لبنت ثانيه

نصيحة مني لج ... لا تحاولين تهدمين سعادتهم والله راح يرزقج بالزوج الصالح ان شاء الله

بس فكرتي في عمرج لأنج متزوجة! بس فكرتي إذا ماكنتي متزوجة وإنتي في الثلاثنيات وأهلج ينتظرون حفيد وإنتي تبغين ياهل ومجرد سنوات بتكونين في مرحله حرجه إنه يمكن ماتقدرين تيبين عيال حتى لو كنتي الزوجة الأولى

خواتي فكروا قبل ماتردون!!

اختي فكري في الكلام قبل لا تكتبينه مو لان احنا متزوجين ومانبي ازواجنا تزوج علينا قلنا لج هالكلام الله يعلم ان مستحيل افكر اهدم حياة احد عشان اني وصلت الثلاثينات .. ياما ناس ماتزوجو .. تتوقعين سوو مثلج اكيد لا ناس وايد تفكر بعقلها يمكن يتزوجون في حالات معينه الله سبحانه وتعالى عنده حكمة في تعدد الزوجات مو عشان بس هواية او نزوة لا تزعلين مني بس احس السالفه كلها طالعة بس لانج وصلتي الثلاثين .. لا تنسين ان الصبر مفتاح الفرج

الله يختارلك الي فيه الخير ويسعدك

عليك بالاستخارة ولاتهتمين بكلام اي احد لانه النصيب راح يصير

بالرضا او بدونه

الله يكتب لك الخير يارب

نازو:
الغالية عذراء ...

أختي توكلي على الله وما عليش من أحد ، لو الواحد بيقعد يتريا رضا الناس فعمره ما بيحصله ..

ومادام الأمر مب عيب ولا حرام فتوكلي على الله ولا يهمك شيء ... يا أختي محد يحس في أحد في هذا الزمان .. شوفي كل وحدة يوم ردت عليك تخيلت نفسها الزوجة الأولى المسكينة ومحد تنزل وحط نفسه مكانك ...أنت بروحك ساعدي نفسك وما عليك من كثرة اللوام والعاتبين ما دام ربي من فوق سبع سماوات أجاز التعدد فمحد له الحق يعترض ..

ولا تسألين الرجل ليه وليه بل قولي قدر الله وما شاء فعل .. كل شيء في الكون له حكمة ..

وإذا اتصل يوم العيد اسأليه قولي له بعدك عند رايك على الموضوع الفلاني؟!! إذا قال هيه فقولي له تراني فكرت عدل واستخرت وحياك الله عندنا ..

أما إذا تهرب أو ما اتصل أصلا .. فانسي الموضوع وربي يعوضك خير بإذن الله ..ولا تحزني عليه أبدا واعلمي أنه لم يكن بالأصل مقدرا لك ..

الله أسأل أن يرزقك الزوج الصالح وأن تقري عينا معه ..

اللهم آميييييين

نفس الراي وعين العقل ..

أختى ليش ليش ليش بتتزوجين واحد متزوج اش حادج ، لا تتصورين بترتاحين بتوقين الغيرة والقهر كل ما تشوفينه يروح حق زوجته او يعمل شي معاها ، شوفي ترى الحب الحين قبل الزواج شي حلو لكن بعد الزواج صدقينى بيتغير وبتشعرين بالغيرة الللي تذبحج واقول لك فكرى عدل زين اما زين ترى هاي مو لعبة وراها مشاكل وعواقب وخيمة ما تتصورين .......