الجـزء الســ16ـــادس عشر من تجهيزات عرايس قطر 2006

فراشتكم:
بنات تكفووون دلوووني وين احصل جلابيه كشخه بو قطعتين مثل الكويتيات يعني كشخه وبسعر معقول بسررررعه ياريت بنات لا تقولون خياااط مافي وقت ... رحت يشمك ولقيت عنده وحده تجنن وقالي بـ3500 شدعووه ولا بعد طلبيه بعد ذ5 يوم بتجيني

حياتي عندج اجياد الخليج اللي في المنتزه .. عنده جلابيات روعه

شمعة جلاس قطر

وين بالضبط عشان ماضيع وقت على الواره .. ممكن ..؟ وعندهم بو قطعتين واسعارهم شلون ..؟

كريستالة قطر:
QaŦaя βαβё

أوووووووووووووووف .. أشدعوه الدي جي ب 20 و 40 ألف .. أشدعوه


وايد أووووفر الصراحة ..

كوكو ،..

فديييتج لييييشـ إنتي مستغربهـ عااااادي ، مو الطقاقاتـ ياخذونـ نفسـ السعــر تاخذ بالبدايهـ

عربونـ 3 أو 4 والباقي بالعرسـ وإن ماحصلتـ هالــ 20 ألفــ أو 25 وفوووقـ واللهـ ماتخليييج

تطلعهـ من جبدج :angry:

عنودووو ،..

فديييتج واللهـ عالصــور اللي حاطتها ماقصــرتي اليـومـ أسولفـ حقـ أختي عنهمـ خخخ


ويصـ ويصـ ،..

أخبــارج يمهـ وأخبــار التجهيــزاتـ وأخبـار النفسيهـ اهمـ شييييي ؟!!

ياللهـ يمهـ مااااااااااااابقى شي كلهـا أيااامـ وتطلعينـ من بيتـ أبووووج [[ بلللل تعطي بالويه]]

اللهـ يووفقج إن شــاللهـ ..

واللهـ وبتصيرينـ مرهـ يا ويصـ ويصـ هههههه ..



فروووشهـ ،..

بالعكسسسـ أنا كلـ اللي مدحوو لي قالوا ماليـزيا تهببببلـ ،.. تدرييييينـ !! إنتي أوووولـ

وحدهـ تذمينهـا !

بسـ بقولج شغلهـ يمكن إنتي مارحتي الأماكنـ اللي يمدحونها دايما ، مع ان بالعكس واللهـ

واااااااااااااااايد مدحوهـا لي واااايد يقولونـ شي خيالي ..


وبخصوصـ الجلابياتـ صح [ أجيــاد ] عندهـ شغلاااتـ رووعهـ أنصحج تروحينـ

بل بل بل بل بل اشدعوه ب20 و40 للدي جي

صح الطقاقه تاخذ نفس المبلغ ومرات يطلع دبل مع النقوط بس عالأقل اسمها حركت يدها ولسناها ، حللت الفلوس اللي خذتها وطلعت قيمتها ، اما مالة الدي جي قاعده وماتسوي شي الا انها تحرك اصابعها ، وعليه الطقاقه يروح صوتها والطيران تهلك من الطق مو مثل الدي جي .

وحلاة العرس بططططططططططق .

هبوب اختي انا جربت الجولد جم والله اجهزتهم حلوة وعندج مصريه بتعلمج على الاجهزة وبتقيس لج الطول ولوزن

وتعطيج شنو الوزن المناسب لج واشلون توصلينله بس اهم شي نصيحه مني كثري من المشي على جهاز الجري

ترى المشي اهم شي حاولي تمشين باليووم نص ساعه تقريبا

اختي فراشتكم بقولج على مكان عجتني جلابياته اللي بوقطعتين والسعر كان وايد حلو 400 ريال من الكويت حتى بغيت اخذ

حق الكرنكعوه بس كنت مخيطه خلاص

تلاقين المحل في زون اللي روا الكهرباء والماء بالهلال في محل بالوسط يبيع جلابيات كويتيه وبتلاقين عنده هاذي اللي

بوقطعتين

موفقه اختي

ههههههههههههههههههههههههههههههههههههههههه قطر ضحكتيني

بس صج 20 و 40 الف وايد مبالغ بسعره بس تبون وحدة حق الديجي وسعرها حلو عندكم اميره واللله اغانيها حلوة

كانه طق مو كانه دي جي

مرررررررررررررررررررحبا

شخباركم بنات ،طلعت صوري اللي عند أحلام وذكريات طبعا انا كنت مصوره عند ألوان الخليج بس وديت كم صوره عشان يغيرون الخلفيات شغلهم يعني حلو بس كنت متوقعه شي ثاني

شكلي خلاص بتم على كريستال بس بقت مشكلة المكياج واااايد خايفه منه اذحد يعرف رقم جنى يدزه لي ، ابي اجربها

خلاص باقي بالضبط شهر على عرسي ادعولي ان العرس يكون مثا ما ابي

بخليكم الحين بروووووووووح انام احس من زمان ما نمت

**عصفورة قطر**

بخصوص المكياج خلاص ألحين مابقى شي على عرسج

روحي تمتعي ألحين وناسه تشري المكياج يااااااااااااي

المهم نصيحتي لج .. لاتطيحين على ماركة واحدة بس

لا مكسي .. وأهم شي تأخذين المنظفات بعد لاتنسين ..

وبخصوص السيل الحين عندج البيت الحديث ، السلام .. مري عليهم وطخي

عاد مب يقصون عليج البياعات حطي في بالج .. ولا تقولين لهم عروس

خخخخخخخخخخ يلعبون في حسبتج .. مايتم شي مايقولون لج أخذيه كتير حلو عليكي ..

ههههههههههههههههههههههههههههههه ..



عنوده

دخلت المكياج وهالماركة في مزاجي ياااااااااي

ههههههههههههههههههههه



فراشتكم

عندج محل في الغرافة يمدحونه البنات راعيته كويتية

ماأدري وشو بنانه خخخخخخخ .. وأفتري على اللي في سوق الأحمد

ينزلون هالسوالف بعد



هبوب

عندج الماسه وايد أوكي

وأمشي هالفترة وايد عشان جسمج يخف بسرعة

المشي أحسن من الرياضة بألف مره



QaŦaя βαβё

بخصوص اللي يحصلونه الطبالات

الله يسلمج مب كله من شخص واحد

يعني الناس تنقط وتساعدج

أما أنا احط في يده 20 ولا 40 ألف

والله أروح اشتري فيهم طقم ألماس ولا ساعة أبرك لي

robena

الله يوفقج إن شاء الله

ويطلع عرسج مثل ماتبين وأحلى حبيبتي

كريستاله

تقصدين مودا بنانه ههههههههه اي بروح له اليوم وبشوف وبقولكم


الليازي

ماليزا نفس تايلند مع اني ماخليت مكان ما رحت له كل الحدايق والملاهي اللي فوق الجبل يعني رحت كل مكان تقريبا ورطوبه مادري ليش يمدووحنها اوروبا غيييييييييييييير غيييييييير

اي بنات نسيت اقولكم عن اخطاء العرس اللي لهيت عنها لووول

نسيت اودي معاي الفند اللي يشيل الميك اب ومتى تذكرت يوم كانت دينا اتمكيجني وجان اتصل بسرعه بسرعه في الدريول ويجيب لي واوديه معاي من القاعه لين الفندق ووو بعد نسيت اودي معاي في الفندق ريشه او كليب للشعر ههههههه ارتب بس انا نسيت تميت بقفتي الحمدلله ان شعري ناعم جان توهقت عقب السبوح لوول ووو اييي نسيت اودي معاي روووب خبركم اول يوم تستحين تطلعين على طول بقميص النوم جدامه احرااااااج فعشان جذي اللي تستحي لا تنسى اتودي روووب معاها عشان يخف الحيا وحتى الفطور الصبح لين قامت تلبسه

وبالتووفيق يا عرايسنا

بنات وينن ممكن احصل الماركه باوت وبنيفت ؟؟

بااااااااااااااااالـ !!


فروووشهـ اللهـ يهدااااج ،، أهمـ الأشيـــا الضــروريهـ نسيتيها !!

الحمد اللهـ أن كلـ شي عدى على خيــر ..



بناااتـ بسألكمـ ..

شلووونـ أسعار سينه و جميل بثينه ؟!!

واللهـ وااااايد متوهقهـ بالفساتينـ اللي أبي أفصلهـــا

تايم اوت
تلقينها في وجوه facesفي لاند مارك

فراشتكم

حبيبتي القلوس الي ينفخ الشفايف اختي مجربته هو ماينفخها بس شفتي الخطوط الي في شفايفج تستوي سييييييده كأن شفايفج مرسووومه وايد طلع حلو على اختي ........بس بنت عمتي يوم جربتها ويهها صار احمر الظاهر ماينفع للوجه الحساس

ويص ويص

اوب اوب من قدج يدلعووووووونج .......شوفي لاتطوفييين كريم بنفت مال الجسم خصوصا اذا عندج فساتين فتحات وقصيره تحطينها على ريووولج ويدج وتلقييييييين من الصفاااء ......طبعا مع بودرة اللمعه ..... بالنسبه للبودره اي عندج غيرلان لاتفوتينها خطيره وعلبها كشخه وانتي عاد نوعي فالماركات بس انا بقولج بعض الي مجربته

بودره غيرلان

كريم اساس غيرلان للمناسبات ولوريال خفيف يجنن للصباح

قلوسات كل الماركات حلوه قلوساتها

كحل اسود بنفت

ااي لاينر لانكوم

مسكره لانكوم هيبونثيسز

امممم بعد شنو .....اذا تذكرت بقولج وانتي بلشي من الحين اشتري

هبــــوب
بس عدلي نظام االاكل عندج ومارسي المشي يوميا او ادخلي مركز القمه او الماسه ...الله يوفقج حبيبتي


عنود وكوكو
فديتكم والله وفدييييت ردودكم

روبينا
انشاااااالله يطلع العرس نفس ماتبين واحسن بس انتي لاتحاتين


قطر221
صح دي جي أميره وايد حلو

الدي جي لخطوبتي حجزتها عند منال اللي فالتنظيم ماادري بتظبط الاغاني لي والا لا الله يستر اول مره اجرب المكان