الجـزء الســ16ـــادس عشر من تجهيزات عرايس قطر 2006

قطر ..
انا شريت من بي اتش اس و اشوفهم وااايد اوكي ..
و بعد فوط الصالون الازرق ممتازة ..

أنا الحين إن شاءالله بروح اشوف صور خطوبتي عند أحلام وذكريات يعدلون فيهم

ولقيت حجز عند عبير بس للحين ما عطيتها العربون انتظر ميرا ترجع عشان اجربها شرايكم

خلاص تعبت واليوم وزنت لقيت وزني صار 48 اخاف ما يجي يوم العرس الا الفستان وسيع

ههههههههههه في حفظ الله بخليكم

مشكورة اختي دوحانيه افا عليج الحين بروح اشتري ههههههههههههههههههه

اختي روبينا مكياج عبير ومكياج ميرا مختلفين عن بعض يعني فرق السما عن الارض اشلون تبين تقارنين؟؟

اذا تبين لبناني ناعم عندج ميرا او جني ترى مكياج جني احلى من ميرا جربيها

واذا تبين قوي خليجي عندج عبير

موفقه اختي

يلا بخليكم بروح اشتري فوط

روبينا

الله يحفظج حبيبتي وبشررينا عن احلام وذكريات لين رجعتي ......بالنسبه للمكياج افضل ميرا اذا عجبج على طووول حجزيها good luck


دوحاااانيتنا
هلا وغلا والله

قطر221


الله يوووفقج اي الصالون الازرق يمدحووونه

qtr221

جربي فوط bhs وايد اوكي .. انا دايما اشتري من عندهم ..



للي سألت عن خيريه تراها تاخذ عربون 3000 وتبي النقوط يوصل 20 الف ..

واذا النقوووط ماوصل 20 الف!

اذا ابيها بدوون نقووط كم تاخذ؟؟

بدون نقوط مب متأكده بين 15 و20 ألف ......

آهاااااا :gum:

وآنا آقووول ليييش يقعدوون يحسبوون النقوط

أثاريهم اذا نقص عن المطلوب

يخلوون اللي جابهم يكمل المبلغ

،،

الليازي

توكلي على الله واختاري أنعم موديل يطق براسج (f)

سييييري ونحن من خلفك :clap:

sara_daloo3a:
مرحبا بنااااات مبروك الجزء 16 :)

انا بغيتكم اتساعدوني ...ابي وحده اتمكيجني يوم الملجه ....ويكون المكياج ناعم والبودره اهم شي يكون مو قناع ابيض مثل اللي يحطونه بعض الي يمكيجون انا مابي جذي ابي شي يبين شوي طبيعي وحلو وناعم .....وللشعر نفس الشي ........وشكرا

عندج صالون برلنت حلو مكياجهم ...

الطاوله المستديره:
مبروووووووووك الجزء ال16

بنات محتاره اختار اي زفه لخطوبتي انتو شنو ترشحون لي

والصراحه مالي وايد فالاغاني يعني مااعرف شختار اغاني لخطوبتي انتو شنو ترشحونلي ارجوكم

ابي مساعداتكم ومشكووووووووورين

هلا اختي زفه لبنى ..للجسمي حلوه

وبعد شيخه الغيد وشيخة الزينات لراشد الماجد

qtr221

حبيبتي بخصوص الفوط أنا خذتهم كذا مره من الصالون الأزرق وسادة

لان اللي خذتهم حق عرسي دانيتل وهالسوالف والله ماتنشف كلش

عشان تعرفين اللي نشفون ومن الزين إذا كانوا ناعمين في الملمس ذيله مايسون شي

وإذا كانوا خشنين ذيله الزينين

وشوفي يمكن في منهم في السلام دام عندهم سيل ألحين

البنات اللي يسألون عن الدي جي في العرس

ألحين في البحرين والكويت الجخه مايبون إلا دي جي

ودي جي مب أي كلام اللي يغني مع الدي جاي مثل الرباش في البحرين

عاد ماأدري كم يجي حق الدوحة بسأل لكم

الكويت يقولون البدو اللي يحبون الطق الحضر مايجيبون ..

مبروك عليكم الجــــــ 16ــــــ زء:clap:

ماشاء اللــــــــــــــــــــه الجـ 16 ـــــزء ويقولون نسبة العنوسة عندنا مرتفعة :sad:
والا اشرايكم يا بنات:gum:

حبوبة الدوحه ههههههه اللهم زيد وبارك على قولتهم ماشالله كل مانخلص من دفعه جاتنا دفعه جديده ....ربي يوفقهم أجمعين

مبرووووك عليكم الجزء الجديد
ومبارك عليكم الشهر
ماشاءالله كل مادش احصل جزء اللهم زيد وبارك

فديتت اللي رحبووني فيني كلهم والله انتوا وحشتووني اكثر

بالنسبه لعرسي كان ولله الحمد مثل ما ابي واحلىىىى ماتوقعت بيطلع عرسي جذي لدرجه ان المعازيم مايبون يطلعون ماشاءالله مه اني حاجزه 400 كرسي بس في ناس ماحصلوا كراسي على كلام مامي لوول بس الحمدلله الكل تمدح فالعرس وفيني خاصه بس ماترقعت من عقب العرس من اول مادشت القاعه وانا اكح تخيلوا ههههه ولين ص\ثاني يوم سافرت ورجعت وانا مريضه ولا بعد فالطياره 7 ساعات وانا ارجع حتى ريلي مسكين تخرع بس شنسوي واللحين شوي احسن امي تقولي عين الله يهديهم بس

ماطول عليكم بالنسبه للعرس

الكوشه والطولات كانت فوشي واوف واايت والطاولات مكس في دائريه وفي طواليه وفي ريش وحركات يعني

المكياج دينا قلت لها ابي خفيف وطلع يجنن الصراحه

والفستان الكل يبيه لووول شكلي ببيعه بسرعه ولله الحمد

بالنسبه للزفه الكل سالني عنها مسويتها من السعوديه كااانت اتهبل حتى اهل المعرس استخفوا عليها لانها غريبه وكامله يعني وممممم

وبالنسبه للتوزيعات كانت من شغل بيتنا لان خالتي ماشاءالله عين عليها بارده طباخه نمبر ون والله ان المعازيم مادروا ان شغل بيت تموا يسالون

وبالنسبه للتصور كريستال البووومي طلع يهههههههبل ديجيتال وواااييد شغلهم حلوو الصراحه بس خذوا علي وايد ووو بعد اذا في شي تبون اتعرفونه ذكرووني

هلا ومرحبا:salam: بنت الغالى اشلونك مع الصيام

هلا ومرحبا بفراشتكم والحمد لله على سلامتج وما تشوفين شر

الحمد لله ان عرسج صار مثل ماتبين والله يجعل ايامك كلها سعادة

أشلونكم يابنات وعساكم على القوة

بس حبيت ترشحولي عبير ولا شريفة المهندي ولا شوق حق مكياج الخطوبة أبي وحدة تغير الشكل لأني أبي أحجز لي حق عرس أختي لأن أختي أحجزت دينا وأنا محتارة بين عبير وشريفة المهندي وشوق منو أختار

هلافيج حبوبة الدوحـــه...والله الحمدلله عال العال ....وينج تطلين وتختفين لاتقاطعينا عاااد:shy:


الاماكن ...ماشفت مكياج لاشريفه ولاشوق فارشح لج عبير بس قوليلها ناعم