الجزء الخــامــ15ــس عشر من تجهيزات عرايس قطر2006

هلا بنات شلونك

بكتب لكم الاشياء اللي ابي اشترياهم وذكروني اذا نسيت شي

قمصان نوم
بيجامات
ملابس داخليه عاديه+ 4 اطقم
صنادل ( ابيض- اسود-بني)
احذيه ( اسود ابيض بيج وذهبي ولون للحين ما اخترته)
4شنط كشخه + 4شنط عمليه
جلابيه عاديه لاني قاعده بيت اهل ريلي وجلابيات كشخه
فساتين قصيره
بديات عمليه+ بديات للسهره
تنانير عمليه ..حق الدوام (اسود ابيض بيج بني)
بدلات كشخه
فساتين
ذهب
عطور+دهن عود + بخور +مبخر
بودر+ مزيل عرق
عطورات للجسم واغراض الحمام
فوط+ لحاف
اشتسوار+ براون
مكياج
شنطه سفر

اذا في شي ثاني قولوا لي ..ابي اسمع تعليقكم وايش اغير في اللي ذكرته

انتظركم

وهج العين

ناقصج الآتي:

1/ عبايات

2/ شنط سفر لنقل الاغراض + شنطة مجوهرات + شنطة مكياج

3/ طقم فوط + أدوات الحمام

4/ شراشف راقية

5/ ست العناية بالجسم من صابون ولوشن وسكراب من البودي شوب

اذا تذكرت شي بضيفه

::

الطاولة المستديرة

انا ما سمعت عنها

مشكووووووورة شظايا

وهج العين

حبيبتي نسيتي اكسسوارات للشعر وانا انصج مادام انج عروس روحي ايفيت بيروني ..

الطاوله المستديره اكيد عماته بيحضرون

وبالنسبه للغردينا بروح بشوف وش الحركات الى عندهم

ويعطيييييييييييييكم العافييييييييه وماقصرتوا

هاااااااااااااي بنـــــــــــات

شخبـــاركم

عندي طلب واتمنى احد يساعدني


ممكن اعرف شالاشيــاء اللي بحتــاجها واشتريها بمهري من عبايات وملابس وبخور ومادري ايش
وايش لازم اسوي حق عمري من حمامات مغربيــه ومادري ايش

سوري بنــات بس انــا ماعندي الا اخت ومتوهقين بأعمارنــا ههههه

وادري انكم ماتقصرون يابنــات قطر :)

الطاوله المستديره
فلبينيه واسمها ورده ولامره سمعت عنها سوري حبيبتي


وهج العين
شظشظ ماقصرت وبنزل لج لستة الاحتياجات ولايهمج

دلع لولو:
هاااااااااااااي بنـــــــــــات

شخبـــاركم

عندي طلب واتمنى احد يساعدني


ممكن اعرف شالاشيــاء اللي بحتــاجها واشتريها بمهري من عبايات وملابس وبخور ومادري ايش
وايش لازم اسوي حق عمري من حمامات مغربيــه ومادري ايش

سوري بنــات بس انــا ماعندي الا اخت ومتوهقين بأعمارنــا ههههه

وادري انكم ماتقصرون يابنــات قطر :)

انشالله ولايهمج بننزل لج لستة المشتريات

باحط لكم بعض قوائم مجمعتها للعرايس خزنوها عندكم وانشالله تستفيدون


قائمه 1

[frame="7 80"]الشنطه الخاصه بالفندق ليومين (طبعا اذا كنتي بتزيدين ولا بتنقصين لازم تنتبهين للاغراض)
اتمنى انه يعجبكم

يتم تجهيزها قبل اسبوعين ونعيد ترتيبها وتبخير الملابس قبل يومين من العرس


أولا الملابس الداخليه
1- طقم نوم ليلة الدخله (ابيض أو لون سكري او لون هادي ) قميص طويل +روب ساتر+نعال متناسق مع قميص النوم خاص بوريش وكعب ضروري من نعومي او لاسنزا
2- مجموعه من قمصان النوم المنوعه (طويل +قصير+ الوان و اشكال مختلفه)حسب عدد ايام الاقامه (كل ليله طقمين)
3- بيجامات ساتان وحده طويله و وحده بالشورت
4- جلابيتين للزوار (يشمك مثلا)
5- روب ساتان
6- اطقم ملابس داخليه للعرايس 3 – 4
7- فستان بسيط دلع عشان لو قعدتوا قعده رومانسيه



ثانياً ملابس الخروج

1- فستان الصباحيه
2- ملابس للصبح او المساء بدل او مخور جميل وبسيطه (طقمين من كل واحد عشان الطلعات للغدا ولا العشا أو زيارات الاهل )
3-عبايه مع شيل
4**- احذيه وشنط متناسقه مع الملابس
5-اكسسوارات وسوع


ثالثاً**مستلزمات العنايه

1- مشط وفرشاه للشعر+استشوار + قباضات واكسسوارات للشعر على ألون ملابس الطلعات وقمصان النوم
2- فرشاه ومعجون + غسول للفم
3- عدة تقليم الاظافر و مزيل طلاء الاظافر +قطن
4- فازلين
5- قطن اذون
6- خلال (مال الاسنان)


رابعاً ** مستلزمات الحمام والتجميل

1- روب حمام وشبشب +فوطتين واحده صغيره واخرى كبيره >>>>> يعتمد اذا مو موجود بالفندق واذاموجود خليهم حق البيت لاتستعملينهم في الفندق
2- فوط صحيه + فوط استعمال يومي + غسول نسائي (من الصيدليات ضروري لتفادي الالتهابات المهبليه) vagisil
3- شامبو بلسم +كريم حمام زيت ضروري لفك التسريحه
4- صابون سائل لليدين + ليفة الاستحمام >> لو حابه
5- سائل الاستحمام +صابونه+عطر+لوشن+عطر<< طقم بنفس الريحه
6- رش مال الحمام اللي يلصق في الجدار( نفس مال الدعايات)




خامسا** العطور والمكياج

1-شنطة مكياج صغيره فيها اهم الاشياء(ايلينر +ماسكرا+ علبة شدو +جلوس+ روج+بودره+بلاشر+فاوندشن حسب الرغبه)
2-فراشي المكياج
3- محارم ورقيه خاصه بازالة المكياج(نيفيا)+ طقم مزيل المكياج (لانكوم 4 قطع)
4-ميلك
5-مزيل العرق + شبه
6- طقم العطور المفضله لديك
7- عطور عربية (عود+ دهن عود+ مدخن+ فحم فوري+ ولاعه خاصه)
8-شموع معطره
9- عطر فراش من شركة الرحاب باسم معطر ماء "الاصيل"
10- معطر الفم (بولصق)
11- علبة خياطه صغيرونه (دبابيس+ابره +خيط)
12- خلال للاسنان
13-قطن اذون
14- لبان حار
15- مقص صغير
16- استشوار
17-

سادساً**
1- مصحف
2- سجاده وشيلة صلاه
3- كتاب الاذكار حصن المسلم
4- اكياس نايلون ( اللي فيها مثل السحاب )احجام كبيره شوي
5- بندول
6- لصق جروح[/frame]

قائمه 2




[frame="7 80"]قائمة العروس
الحجوزات :
الكوشة
التصوير
الشعر
المكياج
الحنا
المسكة
الطاولات
الفرقة
الدي جي

الشراء
حذاء الفستان
ملابس ( سبورات - داخلية - نوم )
مفرش
طقم للحمام ( إختياري )
فوط للإستخدام اليومي .
شنط ( يد - مكياج - سفر )
أحذية
عطورات ( شرقية و غربية // عود + بخور + مخلطات + عطورات بخاخ )
الذهب .
ساعات
مكياج ( لا تنسون الفرش )
إكسسوارات للشعر و الزينة .
مشد للعرس .
جلابيات جاهزة .
سشوار
ماكينة حف .
مدخنين واحد كبير عادي و الثاني صغير
مبخرة
ولاعة الفحم ( ضرورية )

التفصيل
الفستان
جلابيات
العبايات و الشيل .
تنانير
فساتين ( يكتفى بإثنين للصباحية + الهدية )

التجهيزات الأخرى :
العناية بالبشرة
العناية بالشعر
العناية بالجسم
العناية بالأسنان ( مهم )
الحف
حمام مغربي
تنظيف بشرة
مانيكير و باديكير
علاج للجلد ( على حسب )
إعداد قائمة المعازيم
إختيار البطاقات
تحديد الضيافة و التوزيعات

المشتريات الأخرى :
كير فري / سيتيل ( الغسول الحميمي )
فوط صحية
فرش أسنان + المعجون + غسول للفم + مبيض .
شاور جل + شامبو + حمام زيت .
أدوات خياطة صغيرة .
بندول
لزقة جروح
مناديل معطرة
انتي باكتيريال ( سائل التعقيم )
لبان ( اكسترا أحسن شي )
منعّش للفم .
ليفة
مناديل عادية صغيرة .
فحم .
علاليق ثياب .
كريمات العناية ( اللي متعودين تستخدمونها ) [/frame]

قائمه3


[frame="7 80"]فستان العرس ومستلزماته :
الفستان + الطرحه + اكسسوار الشعر ( اذا كنتي طالبه من المصمم يسوي لج ) + الجوتي ( الله يعزكم ) + كورسيه ( اذا محتاجه ) + البرا ( القطعه الفوقيه من الملابس الداخليه ) وتختارينها على حسب قصة فستانج وانصحكم بالصالون الأزرق كل شي متوافر فيه واسعاره بمتناول اليد ، الطقم ( الشبكه أو اذا شريتي طقم ثاني ) + الدبله + الساعه + خواتم زياده ( يعني عالأقل 3 إلى 4 خواتم ، لاتقولون وايد ترى انتي عروس واذا عندج لبسي ولاتخشين شي فالكبت ، وترى فالتصوير والألبوم تبين فايدة الخواتم ولاتنسين بتسوين حركات بيدج وايد هههههههه ومو حلوه اليد خاليه + ممممممم والمناكير بعد لاتنسونه .[/frame]

قائمة4-
[frame="7 80"]قائمة المكياج للعروووس
كريم أساس للسهرات ( ديور).
- كريم أساس للاستعمال اليومي ( ذا بودي شوب).
- أساس استوديو فيكس من (ماك)
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج ( هذا للحين ما اخترته ومدري شو احسن نوع).
- اللمعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).
- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم)
- الشدو:
بيق مينت من ماك للسهرات بآخذ ألوان معينة .
- مجموعة شدو منوعة بين المات و اللمعة و الكريمي من ماك و بن ناي و نوبا
- علبة الشدو الكاملة من مكياجي للاستعمال اليومي و الخفيف .
البلاشر :
نوبا و ماك.
- الأرواج و الجلوسات:
- ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.
مثبت الشدو:
من ماك رهيييييييب و يخلي اللون يثبت و ما ينثر على الوجه.
- رموش :
ماك.


وفيه باقي اغراض ما اعرف بالضبط من اي ماركة آخذها
مثل واكس الحواجب ، و المحددات و المناكير و مزيل المكياج و الجلييتر. [/frame]

شمعة جلاس قطر اذا تبين ذهب مافي مثل ذهب البحرين

روحي ومراح تخسرين

كل شي جديد ينزل عندهم

والحين نازله عندهم صبه جديده الذهب يجي لونه برونزي وفيه نقشات ورديه وزرقه

جايبين لي اهلي من البحرين مضاعد حق بنيتي ويقولون صبه جديده

مشكوووووووووووره ياقلبي وربي تعبتج معاااااااااااااااااي

الا بسأل::: كم يبيله مهر؟؟؟؟ مليووووووون؟؟؟؟؟

انصدمت كل هذا بشتريــه يبيلي سنتين عشان اخلص

الله يعينــا بس هههههههه

عذبة انا هلا فيج اختي

عندك اجياد روعه ,,,

دلع لولو

هههههه لاحبيبتي لاتتخرعين بتضبطين مهرج نفس ماتبين :)


عذووبه
انا مع سحر الشرق أجياد حلو تفصيلهم

شخباركم
شريت اليوم كتاب طبخ .. يعني عشان يفيدني .. عقب العرس .. اتفرغ حق بو الشباب اطبخ له:shy:

كتاب الطبخ اسمه (( ابداعات الطاهي)) الجزء السادس
لعاشه بهلول

بس صج يوم قريته .. مشروح بطريقه سهله

حبيباتي اللي تعرف كتب من هالنوع (( سهله الشرح والفهم والتنفيذ))
تقولي عنه
وتسلمون يالغاليات(f) (f)

عرايس قطر

بغيت أفيدكم

ياللي تحبون الماركات ..

بكره أقصد تاريخ 17-9 المهم

في سيل من الساعه 10 الصبح لين 10 بالليل في السلام اللي في المول

والخصم 50 % .. والعرض بس بكره ماأدري أش عندهم

فاللي حابه تشتري بديات وشنط وهالسوالف تطب عليهم بكره ..

حبيت أفيدكم .. لان وصلني مسج منهم .. وإن شاء الله انا بروح لهم الصبح ..

ولو حصلت شي عدل بعد بعطيكم التقرير

وحياكم الله ..

نعومه قطرتسلمين يالشيخه .. وان شاء الله بروح سوق الذهب ودور .. وعلى الله

بنت الغالي .. شكرا على المرور .. وان شاء الله حد يطاوعني ويوديعني الدمام
ابرار قطر..
تسلمين على النصيحه .. وان شاء الله مب مكثره من الخواتم
قطر .. فديتج والله .. ويارب تبلغين في بنتج وتلبيسنها مضاعد وهي عروس
بحاول مع هلي اروح البحرين والدمام .. وكل شي على الله


فديتـــــــــــــكـــــــــم كلكم وتسلمون لي .. ويارب يسعدكم ويحقق امانيكم