الجزء الخــامــ15ــس عشر من تجهيزات عرايس قطر2006

ويص ويص

حبوبه سوي شعرج على حسب الاكسسوار والفستااااان وطلتج شلون بتكوون

يعني لو فستانج هاي نك وماعندج طاسه ولا اكسسوار ذهب وبتحطين على راسج نفس الطرحه

ارفعيييه أحلى

واذا عندج خليييه امسشور على طووله ولفلفي أطررااافه

وبعد لا تنسين ان طلتج مايكوون مبالغ فيها ومالها خص بستاااايلج بليلة العرس


سييين سؤال: شعرج وش مواصفاته ؟

مبررررررررررررروك عليكم الجزء 15

بناااااااااااات خطوبه ان شاء الله بتكون بعد العيد وبتكون عائليه بس في البيت بس ابي اسوي لى حركه في الكرسي الى بقعد عليه وجذي وان شاء الله راح افصل فستاني عند جميل بثينه او بنته
والمكياااج ان شاء الله ميرا والتصوير ان شاء الله مريم الفلبينه اي صج بنات احجز دي جي ولا ماله داعي.. بس ياريت تقولون عن الى يسوي حركات حق الكراسي وجذي مابي كوشه لا ابي كرسين يعني انتوا فاهمين وش قصدي
بانتظاااااااااااااااركم يا عرايس ...

lovely g!rl

اختي عائليه الخفله يعني خوات المعرس وخواتج والا بعد العمات ..

سلالالام بنات في احد مجرب او سامع عن الاسطوري للافراح اللي في الغرافه

وش رايكم بتصوير اون لاين

عنود الغيد .. المرايا الصغار خذتهم من الهند.. بس شفت منهم في لايف ستايل المرايه الوحده ب 15 ريال قطري.. وتصوري اني انا خذتهم ب 25 روبيه يعني ريالين....

وعن الصناديق خذت مجموعه من سوق واقف .. ومجموعه من رامز اللي في النصر.. والسلال الصغار من سوق عمان.. في منهم في سوق واقف عند محلات الحلويات الايرانيه ..واذا حابه .. استغلي انج تاخذينهم من اللحين لان مجهزين مجموعات منهم حق القرنقعوه

واتمنى لج التوفيق من قلبي

مبروك الجزء ال 15 يا عرايس
وعساكم عالقوة

شظايا الماضي

اختي من اول ما تزوجت وهي تلبس قمصان فكتوريا و وايد مرتاحة عليها وتقول خامة القمصان وايد زينة

السلام عليكم عرايس المنتدى
شخباركم ..
حبيت اقولكم اني بديت اشتري ذهب
خذت من السليمان اللي في السد طقم ذهب اصفر وابيض ناعم وحلوووو موت .. ((خاتم وحلقات واسويره وعقد << يعني شبكه كامله))
وخذت خاتم الماس .. بعد ناعم وحلو وسعره معقول جدا .. ترى يا اللي بتشترين من هناك لا ترضين باول سعر يقوله .. الهطي عليه وحني .... وعقب ما ينشف ريجج ..بيعطيج ماي والا شاي وعقب بسوي لج خصم جيد ..:dd: :dd:

ونزلت عقبها .. حق داماس ما جاب حركات جديده بس خذت منه اسويره ناعمه فيها فصوص لونها احمر .. حطيت في بالي البسها لحفله الهديه لان بإذن الله فستاني بيكون احمر ..

وخذت لي ساعه من مجوهرات الماجد والله روعه .. وما شاء الله عليهم نفس السليمان .. كثر ما تحنين وتعصبين :angry: بيسون لج خصم معقول ..

واكيد بخذ لي زياده يبي لي كم خاتم على كم طقم ناعم.. لاني لين الحين ما خذت ذهب ابيض .. كله اصفر واحس ان الاصفر مايصلح الا للملابس الفاتحه

ويا عرايس اللي تعرف بمكان للذهب فيه حركات حلوه وغير اعتياديه تنصحني فيه لان ميزانيتي بدت تضعف .. وانا احب الذهب وايد وابي الحق على عمري قبل لاتكمل الفلوس على الملابس والمكياج:gum:


وموفقات ان شاء الله دنيا واخره(f) (f)

شمعة
شوفي عمارة الذهب (سوق الذهب) ترى عندهم اشيا وايد حلوة و نعومة بس يبيله دوارة

عصفورة قطر

شوفي بالنسبه لشعرج لوبتلبسين طاسه على راسج فليه ولوبتلبسين طرحه واكسسوار رفعيه ...... على حسب انتي شمجهزه لشعرج ....


شظ شظ
قمصان نوم فيكتوريا سيكرت يمدحووونها البنات وايد .... واسعارها بعد حلوه بس اهم شي المقاس تأكدي قبل لاتطلبين


lovely girls
اذ بس كراسي حطي باقات ورد حواليكم ......وحده من هلي كانت مسويه ركن على زاويه حاطه فيه ستاندات ورد وشموع وحركات وكرسي طويل في النص حواليه كله مزين طلع واايد رااقي وحلو ..... شوفي محلات التجهيزات يسوونلج .....

نعومة قطر
الله يعافيج ويقويج حبيبتي

شمعة جلاس قطر ...
مبروووك تتهنين بالذهب ياأم الذهب :) فديتج خلاص وقفي مشتريات الذهب الاصفر لانج مب مستهلكته وايد وابدي اشتريليج طقم ذهب ابيض ...لوعندج فرصه تروحين الدمام بتشوفين العجب هناك صج اطقم راقيه كنها ألماس.... أما في الدوحه والله مب عارفه بالضبط وين أحسن مكان .......

[frame="7 80"]طريقة دوحانيه لتقسيم المهر للبنات الي يبون يضبطون مهرهم ويمشون خطوه خطوه عشان مايتوهقون فالأخير
موضوعي سلمكم الله عن " ( المهر )" و كيف تقسمينه و توزعينه بحيث إنك تصرفينه بشكل ما يقصر عليكي و الله يبارك لكم في مهوركم ..
و على فكرة هذي طريقتنا إحنا بنات العايلة وانا الحين أتبعها و بصراحة مجدية .. بس قبل خلوني أقص عليكم هالقصة وعقب بابتدي بشرح الطريقة ..
...

في شهر 7 اللي فات قررنا نروح دبي سياحة وفرصة لي أشتري لي بعض الاغراض للعرس , فأخذت معاي 5 الاف كاش لأي شي باشتريه للعرس بس .

و أخذت معي دفتر , و ظروف الرسايل .. حطيت الفلوس في ظرف أعزلهم عن مصروفي الخاص , وصرت كل ماخذت شي احتفظت بالفاتورة في نفس الكيس و الدفع يكون من الموجود في الظرف حتى الباقي " الخردة " أرجعها في نفس الظرف ما أخليها برى ..
ولما أرجع الشقة خذت الدفتر وقسمته بحسب الأغراض الموجودة عندي :
قمصان النوم - العبايات - القماش - العود و البخور ... الخ

و بديت اسجل كل شي أخذته مع سعره بجنبه و أحتفظ بالفاتورة في ظرف ثاني مكتوب عليه " الفواتير " , و هكذا في كل مرة أطلع فيها للسوق .. و حتى العرابين المدفوعة أسجل مثلاً
عباية 800 ريال - المدفوع : 300 - الباقي :500 و أعزل هالمبلغ لحاله في ظرف مكتوب عليه " العرابين أو المتبقيات "

و الحمد لله الـ5 آلاف اللي خذتها معاي كفتني وجابت لي أشيا كثيرة , و سحبت 5 الآف غيرها وبنفس الطريقة بس هالمرة انتبه إن ماعندي غير هالـ 5 أتصرف فيها ..

وهكذا رجعت البلاد محملة بأغراض مختلفة بـ10 الآف و بها خلصت أشيا من المفروض علي آخذها أو اللي ممكن إني ما ألقاها في الدوحة ..

و الله يا بنات إن هذي الطريقة مجدية جداً وانا ما زلت أتبعها من بعد ما رجعت للدوحة .. : )
..

نبتدي الحين في شرح الطريقة للي مهرها معاها او حتى للي مهرها موجود في البنك :

خلي معاكي دايماً :
دفتر صغير في شنطة اليد + قلم + آلة حاسبة .
في البيت لازم يكون عندك :
دفتر عادي + ظروف أو مظاريف

نبتدي :
سجلي في ورقة خارجية كل الأغراض اللي تبغين تاخذينها و الأشيا المطلوبة منك وهنا أقصد الحجوزات .. يعني عندنا فئتين كبار " المشتريات " + " الحجوزات " .

سجلتي ؟

حلو .. الحين قسمي الدفتر للمشتريات : ملابس سبورات - ذهب - عبايات - عود و بخور و عطورات ... هكذا

إذا قسمتي , انتقلي للخطوة اللي بعدها ..

بعد كذا كتبي عنوان كبير " الحجوزات " و اللي هي على سبيل المثال :

الكوشة - تجهيز الطاولات - الشعر - المكياج - الحنا - الحف " الحلاوة " - التصوير ... الخ

حددي لكل شي مبلغ معين و التزمي به << شرط ضروري عشان ماتضيعين الفلوس ..

الحاجات الكبيرة اللي تحت بند الحجوزات ارفعي المبالغ الخاصة بها :

- الظرف الأول : الكوشة - 8000 ريال
- الظرف الثاني : التصوير - 3000 ريال
- الظرف الثالث : الشعر والمكياج - 3000 ريال
- الظرف الرابع : الحنا : 700 ريال .
- الظرف الخامس : الفستان ( تحددين إيجار - تفصيل - مشترى ) و مهما كان لازم تحطين مبلغ معين له : 10 الآف ريال .

نفس التقسيم اتبعيه مع كل جهازك , وهذا موضوع مشرفتنا أم عادل جزاها الله خير ممكن يساعدك في التقسيمات الكبيرة و تعرفين أنتي محتاجة لشنو :

موسوعة جهاز العروس من الألف إلى الياء وبالصور

...

المطلوب منك عزيزتي إنك لما تروحين السوق تشترين لازم تعرفين روحتك للسوق هذي بغرض إيش ؟ بتاخذين ملابس ؟ قمصان نوم ؟ مفارش ؟ ولا شنو ؟؟
لما تحددين بتعرفين أي ظرف من المظاريف راح تاخذين معاكي وحاسبي ما تصرفين من المبلغ المخصص لحاجة معينة في شي ثاني ..

...

الحين انتي في السوق و بتاخذين لك ملابس سبورات :
بيكون عندك ظرف فيه مبلغ مُقدّر للسبورات , دخلتي المحل اخذتي اللي عجبك تجين للكاشير تدفعين من الظرف الموجود , و ترجعين الباقي في نفس الظرف وتحتفظين بالفاتورة , المحل ما يتعامل مع الفواتير على طول اول ماتطلعين تسجلين في الدفتر الصغير اللي شريتيه مثلاً ( ملابس = 200 ريال ) .. و نفس الشي يمشي مع كل أغراضك ..

...

رجعتي البيت " الحمد لله على السلامة "
تدونين كل شي اشتريتيه - حتى بالوصف لو تقدرين - مع السعر .. وتحت البند المخصص ..

...

بالنسبة للحجوزات نفس الطريقة المتبعة : اللي تدفعين له عربون اكتبي ( العربون = .... , المتبقي = ... ) و اللي تدفعين له كامل اكتبي ( تم تسليم المبلغ كاملاً )

...

ملاحظات :

1- بالنسبة للحجوزات : إذا خصصتي مبلغ معين وليكن 8000 الآف للكوشة , ورحتي ولقيتي كوشة عجبتك بـ 7000 لا تترددين و وفري 1000 حطيها في شي ثاني ينفعك ..

2- طول ما أنتي تتجهزين راح تصيرين مثل الكاش ماشين دفع دفع لكن حطي في بالك ما يكون الدفع في حاجة أنتي في غنى عنها أو حاجة للمستقبل البعيد .

3- بين الفترة والثانية حاولي تحسبين بالآلة الحاسبة أنتي شقد صرفتي لحد الحين على بند معين ؟ وشكثر يتبقى لك .. هالطريقة بتخليكي تعرفين اللي لك و اللي عليك ..

4- الأسعار المذكورة لمجرد التقريب و للمثال مو شرط الإلتزام بها في الأخير مهرك مختلف عن مهري وعن مهر غيري ..

5- لا تصرفين على الملابس و هالأغراض كثر ما تصرفين على جسمك وشعرك .. لأنهم الأهم فاستغلي المبلغ في إنك تسوين لك كورسات علاج للشعر أو معالجة البشرة أو تشتركين في نادي للتخسيس .

6- بالنسبة للفستان : أنتي تحددين في البداية هل بيكون تفصيل ولا جاهز ولا إيجار , و لما تحددين تحطين مبلغ بس لازم تحطين مبلغ أكثر بقليل مثلاً قلتي إيجار ما لقيتي بتضطرين تفصلين أو تشترين يمكن يكون أغلى فحطي حسابك من البداية بس مثلاً ما توصلينه لمبلغ خيالي و تخربين كل شي و تقصرين على نفسج .. وتقولين دوحانية قالت !!!
...

هذي طريقتي بالموجز و إذا تحبون التفاصيل ما عندي مانع ^^ [/frame]

هاااي بالعرايس الحلووووات

lovely girls
اظن انك سالتي عن تجهيز كراسي لحفله الخطوبه عندك محل الغردينا اخبر انه يسوي حركات من هالنوع واشياء حلوة وسنبل يعني يحط لك ورد واستاندات فيها شيفونات وحركات :)

عصفوره قطر
احسن شي انك تفتحين شعرك في يوم الحنه لانه طبيعي بيكون بليله العرس مسويه تسريحه فمن باب التغير خليه مفتوح واحسن بعد حلات ليله الحنه تكون على الطراز القديم وخلي المودرن حق العرررس " والا انتي شرايك؟" :)

شظايا
قمصان نوم فيكتوريا سيكرت حلوه وخاماتها حلوه بعد بس تاكدي من المقاسات " للعلم انا ماجربتهم بس وايد اسمع عنهم " وقد كم وحده شبهتهم بقمصان لاسنزا وصراحه قمصان لاسنزا وبجاماتهم ماعليهم كلام ويطولون معاك يعني مب من النوع اللي ما يخترب بسرررعه "عن تجربه":)

شمعة جلاس قطر
بخصوص الذهب لاتكثرين من الخواتم لان اغلب الهدايا اللي بتجيك " بتكون خواتم " وحاولي تاخذين لك اشياء ثانيه اطقم صغيره من النوع البسيط والراقي اللي تقدرين تلبسينهم بأي وقت :)

ماشالله عليكم .. عرايس قطــر

الله يوفقك الجميــع

ودعواتكم لي .. عرسي ثاني يوم العيد ..


اختكم وجارتكم من عمان .. الوان

ابرار قطر

ثانكس عالردود الحلوه مثلج


ألوان سحريه
الله يوفقج ومبرووووووووم مقدما حيالله جيراننا والله

شمعه جلاس قطر:
عنود الغيد .. المرايا الصغار خذتهم من الهند.. بس شفت منهم في لايف ستايل المرايه الوحده ب 15 ريال قطري.. وتصوري اني انا خذتهم ب 25 روبيه يعني ريالين....

وعن الصناديق خذت مجموعه من سوق واقف .. ومجموعه من رامز اللي في النصر.. والسلال الصغار من سوق عمان.. في منهم في سوق واقف عند محلات الحلويات الايرانيه ..واذا حابه .. استغلي انج تاخذينهم من اللحين لان مجهزين مجموعات منهم حق القرنقعوه

واتمنى لج التوفيق من قلبي

اي عادي حراميه الدوووحه خخخخخخ :angry:

عااااد كنج تقررين افكاري

>>> اتجمع أفكار عشان القنرقعووه


برووح آخذلي فرره وآتشرى

لأني ناوويه اطلع بفنتق السنه حق توزيعااااتي

>> الناس تكبر وهاذي اترد ورااااا :gum:

تسلمين حبووبه عالتواصل

والله يوفقناااا جميع

مشكوره حبيبتي على مجهودك





وتقبلي تحياتي

جود

نعومة قطر

دام ان اختج تاخذ قمصان نومها من فكتوريا

بسئلج اذا عندج فكرة المفروض اخذ نفس قياسي ولا اصغر منه بقياس؟

لاني سمعت ان الممفروض اخذ الاصغر


::

ابرار قطر

مشكورة حبيبتي على الرد

هم فعلا اسعارهم حلوة وخامتهم احلى


::


بنت الغالي

فديتج انتي يا نور الموضووع بكبره

تسلمين على طريقة تقسيم المهر

ودوحانية جزاها الله خير

يعطيكم العافيه بنات ماقصرتوا

شمعة الجلاس

عليج بالعافيه حبيبتي ...

جود

الله يعافيك


شظشظ
النوووووووور نووورج ياقلبي ونور البنات
وقمصان النوم على حسب اذا انتي تاخذين ميديوم اخذي سموول

السلالالالام بنات
احد فيكم مجرب المصوره الفلبينيه ورده