الجزء الخــامــ15ــس عشر من تجهيزات عرايس قطر2006

بنت الغالي 14-09-2006 500 رد 12,177 مشاهدة
س
السلااااااااام عليكم شحالكم ياحلواات (( جمعه مباركه )) وعقبال مااقول مبروووك عليكم الشهر ونصووم لاني بجد مشتااااااااقه حيل لرمضااان ..
بنااات حبيت أسالكم أحد فصل عند المصمم ادم او عند خياط الفولك الحديث عند ابراهيم لان بخااطري افصل عند واحد منهم فستاان هديتي وابي شي راقي وحلووووووو ,,, هااااا من تنصحوووني افصل عنده :) انتظر ردودكم
ش
اذا تقصدين الفولك اللي في الريان
وااااااااااايد تفصيله حلو .. بس في مشكله .. اذا عطتيه تصميم او طلبتب منه تصميم يكون عنج وعند 10 غيرج
مشكلته انه عيار .. يقول هالتصميم لج انتي وغيرج معطهم نفسه
اما ادم .. ما قد سمعت عنه

وموفقه ياربي دنيا واخره
ا

كلــ سنهـ وأنتوا طيبيــنـ يا أحلى عرايســ قطـــــر ،...




س
شمعه جلاس قطر
مشكوره فديتج ويعطييج العافيه
الليازي
وانتي طيبه وبصحه وبسلامه يالغاليه
س
الليازي:

كلــ سنهـ وأنتوا طيبيــنـ يا أحلى عرايســ قطـــــر ،...






وانتي بصحه وسلامه يالغلا



مبــــــــــــارك عليـــــــكم الشهـــــــــــر(f) (f) (f)
س
دلع لولو:
السلام عليكم

جمــعة مبـــاركــه للجميــــع

وكل عام وانتي بالف خيــــر حبيبــاتي

هـــااااه بشروا بتصومون ولا مثل كل سنـــه؟؟؟؟


وعليكم السلام

وانتي بصحه وسلامه حبيبتي ..


اكيد بنصوووووم وانتي مثل كل سنه ولا ..؟:gum: :gum: :gum:
ه
كل عام وأنتم بخير والله يعود علينا هالشهر سنين وسنين .. اللهم آميييييييين

<<وجمـــــــعة مبـــــــاركـــــــة >>

بناااااااااات بسئلكم ؟ أمس رحت الوان الخليج بحجز تصوير...

شفت الالبومااات والصراحة ما عجبني شي وسئلت بينزل شي جديد قال نهاية يناااير وماااادري شسوي وأنا شهر فبراير عرسي مااادري يمديلي أو لاااا

قالي الالبوم والتصوير 5000 والفيديو 3000 مع الشاشات طبعاً


أنا محتااااارة ؟؟:sad:

شورأيكم؟


والصراحة باقي التجهيزاااات إلى الآن ببدأ فيهااا بعد العيد الصراحة << وحده باردة



يلا مع السلامة
ش
هيما قطر
انا بعد واجهتني نفس المشكله بس قالوا لي بنجيب البومات جداد .. على بدايه السنه ..

بس حبيبتي حبيت انبهج
الوان الخليج .. مب مضمونين .. يعني على شغلهم الحلو والتصوير الواضح .. الا ان بعض الفروع يكون المنسق او المحمض .. ريال مب مره


حياتي انصحج بالفرع اللي في النصر .. المصوره والمحمضه والمنسقه .. كلهم حريم


وموفقه ياربي دنيا واخره
n
بنات باقي عن عرسي 89 يوم وللحين مابدوا يفصلون فستاني ولا اخترت كوشه ولا طاولات احس مافي وقت كلش
هههه قاعده احسب
ه
ياقلبي شمعه جلاس قطر الله يجزاج خير على التنبيه صج كنت غافلة عن هالشي أنا رحت للفرع اللي بسوق العلي اقرب لي وحتى كان رجال اللي تناقشة معاه راح عن بالي ان ممكن هم اللي يحمضون وينسقون ... خلاص بروح للنصر إن شاء الله ... زين أختي انتي ايش راح تسوين تنطرين مثلي أو نحجز اللي موجودين!!


عيون المها .. لاا تحركي اش تنطرين الوقت يمر بكرة رمضااان عقبه بأيام القرنقعوه عقبه العيد الأيام تمر بسرعة <<< حتى انتي تحركي!
n
سكتي شفت امسيتتي عندي بروفه وانطر ماسيس قال بيجي رافي 3 رمضان هذي اللي موهقني
وابي التصوير احجزه وفستاني كل ماتصلها اقولها متى بتسوين لي بروفه وجذي قالت حبيبتي لانحاتين انتي قلتي عرسج 21 -12 بيكون بارز 10-12
ههههههههه ولا بعد ماخذه صندل للعرس طوله 15 سانتي امس طالعه مع ريلي احس اني باصير طويلة باغيره باخذ لي 12 سنتي
انا طولي 160 واهو 178
شكلي باخذ اصغر لا حلاتين في يوم عرسي اطلع زرافه وام شيوخ تقول لي لا مب شي طوله
ك
موفقين ياأحلى عرايس قطر

وتعجبيني ياأحلام سعيدة لان مكياج مريم الانصاري عاجبج

لان صج حلو وراقي وناعم مب مثل اللي يطلعون البنات متصعنين
ك
ام حمد القطريه


الله يبلغج في عرس حمد إن شاء الله
ه
الله يعينج ويسهل عليج

ماباقي شي على عرسج انتي شهر 12 الله يوفقج


بنااات ابي رقم زبيدة اذا ممكن بحجز عندهااا لعرسي شهر 2


شوكــــــــــراً
ك
في وحدة من البنات سألت عن الدي جي

عندج السوادنية اللي في التنظيم اللي في المرخية أغانيها وايد حلوة

وعندج بعد مروة اللي في بن محمود حتى بنات رياضة يجيبونها حق العروض

والبنت نفسها أسمها مروه

والله يوفقكم إن شاء الله
ك
هيما قطر

ألحين بدز لج الرقم عالخاص
c
عيون المها اختي بنصحج نصيحه لاتعطينهم موعد عرسج ترى والله بيوهقونج قصي عليهم

انا عن نفسي قلت للخياط عرسي ان عرسي تاريخ 20 _6 وقالي بيجهز فستاني على 10_6 وتصدقين ما عطاني اياه

الا على 1_7 والله جنني ليما جهز

اتصلي فيه وقولي قدمنا يوم العرس عشان ما يوهقج

نصيحه من اختج
أ
كريستاله صج مكياجها حلو وناعم بس عيبها ماتيي البيت لازم انتي تروحين لها من شيه ماجربتها
وحده سألت عن تصوير ألوان الخليج


مب شرط تاخذين الالبوم من عندهم روحي كريستال اعتقد عادي يبيعونج او اخذيه من مكان ثاني
وعادي حتى لو نطرتي تاخترينه قبل العرس وعقب العرس ينسقونه لج لاتستعيلين وتاخذين شي مب عاجبج

عيون المها
عادي لاتحاتين الكوشه والتجهيزات ان شاء الله بتخلصين انا خلصتهم قبل العرس بأسبوع
ع
مبارك عليكم الشهر يا بنات و ينعاد عليكم بالصحه و العافيه ان شاء الله
ش
هيما قطر
بنتظر لين بدايه السنه الجديده على قولتهم .. ان شاء الله يجيبون البومات زينه
..
يمدحون الالبومات اللي في الغردينيا واللي في سنتر الافراح عند ام محمد(( في الغرافه)) والوان الخليج اللي في السيفوتيل

بروح اخذ من هناك اذا ماعجبني شي من اللي منزلينه .. والله كريم


ياربي يوفقنا .. ويسهل علينا امورنــــــــــا
X