الجزء الخــامــ15ــس عشر من تجهيزات عرايس قطر2006

مرحبا يابناااااااات بلادي

انا اتابعكم من فترة بس للاسف ماكنت اشارككم ... "احس ان شيخصني ادخل في مواضيع التجهيزات وانا مو عروس" بس اللي شجعني ان وايد مو متزوجات ومشاركين و غير ان الحين قاعده اساعد صديقتي في تجهيزاتها واحس اني اقدر افيد واستفيد ... اتمنى اني اكون صديقتكم :shy:



بالنسبة لاختي هتان ....

حبيبتي اذا تبين اتعرفين عن قائمة الفورسيزن

عندج العشا 3 انواع وهي :
1) البوفيه وفيه نوعين ..
 البوفيه الشرقي "وهو البوفيه المعتاد" بس بصراحة وايد حلوووو وسعره (155للشخص)
 البوفيه البحري Mediterranean buffet وهو حلو حق الناس اللي يحبون هالاكلات بس تدرين مو كل المعازيم يحبون السي فود (165 للشخص)
2) Reception Menu :
 وهو عباره عن عشا يجمع بين البوفيه والتقديم على الطاولات يعني في اكلات بتتقدم وهي المقبلات و بعدين الطبق الرئيسي يكون نظام البوفيه ... وفيه 3 انواع :
 المينيو الاول عشا خفيف يصلح حق حفلات صغيره (snacks, canapé, hot canapé, desserts) والكانيبي هو مثل الساندويشات اللي تنباع في لينوتغ اللي عليها topping وسعره 85 للشخص
 المينيو الثاني عباره عن المينيو الأول + اكلات البوفيه الشرقي + اكلات البوفيه البحري + الحلو بيكون الشخص 185
 المينيو الثالث وهو عباره عن الاول +الثاني بس في انواع زياده من الاكل وبيكون الشخص 245
3) Dinner Set:
 وهو التقديم على الطاوله وهو بالنسبة لي احسن نوع لان تقدرين اتسوين المينيو بروحج اذا خذتيه كامل يعني المقبلات و الشوربات و الاطباق الرئيسية و الحلو و الشاي و القهوة بيكون 285 للشخص و اذا نقصتي شي واحد يعني بدون شوربه مثلا بيكون 205 و اذا خذتي 3 انواع بس بيكون 185 للشخص
وعلى فكرة هم ياخذون 12% على الخدمة و 5% ضرايب على كل انوع الاكل

انشالله اكون فدتج .. وبالنسبة حق قاعه الدفنه باسأل لج وبارد عليج في اقرب وقت

واسمحوا لي عالاطاله