الي موعد ولادتها شهر مايو 2007 تدخل بسرعة

الله يسهل علينا يارب ويقومنا بالسلامه....

بس حبيبتي انا مب بكر انا هذي ثاني حمل لي.......

في ولدي الاول الحمدلله ولدت في نفس اليوم وكنت احس بوادر ولاده ونزل علي الماي قبل موعد ولادتي بيوم...

يالله الله يكتب اللي فيه الخير...

[CELL="filter:;"][ALIGN=center]السلام عليكم


هلا يا حوامل ...

اول شئ الف الـــــــف مبروك للأخوات الي ولدو والحمد الله على سلامتكم

وثاني شئ ارحب بالحوامل الي انضمو معانا جديد بالرابطه والله يسهل عليكم وعلينا يارب


اما عني انا لسه للأسف ما ولدت ودي اولد خلاص تعبت
والفتره الي راحت احس بملل فضييييييييييييع
واحس بطني فوق مرتفعه ..... والمشي على حسب المزاج اوقات امشي واوقات اتكاسل
موعد ولادتي في 16\5 ان شاء الله
وحركة البيبي احسها اقل من قبل وقوية وتألم واكثر شئ احسها من تحت وضغط شديد

نانا ..... اخبارك ؟؟؟؟
ايش صار على موعدك وايش قالتلك الدكتوره ؟؟؟
ان شاء الله تكون ولادتك طبيعيه ولا تحتاجي العمليه


قلب انثى.... اخبارك حبيبتي ؟؟؟
تسلمي على السؤال .... وانا للحين على حالي مافي اي جديد


علوجه يابسه .... اخبارك ؟؟؟ واخبار الحمل ؟؟؟
تسلمي على السؤال


باقي الحوامل ايش الاخبار .... ان شاء الله كل اموركم تمام[/CELL]

سلامات يا كروشات ،،وكمان الحوامل الجدد ماشاء الله من كثرتكم الواحد ما قادريلحق عليكم ولا قادره احفظكم،،،،

the moon الحمد لله إطمنا عليك بالجد كنت راح اقتنع خلاص إنك ولدتي بس الحمد لله قربتي انا هسه جيت من الدكتوره طبعا لان مواعيدي فاتت كان مفروض اولد يوم ٢-٥ بس ما حصك إي شي المهم اليوم قالت لي راح اعطيك ليوم الإثنين يعني تقريبا إسبوع من مواعيدي لو ما ولدت راح تعطيني وجع صناعي ،،،إدعي لي إن الولاده تكون طبيعيه...

sad beat كيفك إنشاء كل شي تمام

ظبيانيه .....هانت مابقي إلا القليل

tatee82....اللهم آمين ربنا يسهل علي الجميع

السلام عليكم والرحمة ...

كيفكم حبيباتي كلكم ... اشتقت لكم والله
أنا اكتب لكم والبيبي على حظني عقبالكم يارب
والله يسهل عليكم كلكم في وقتكم يارب ...

الحمد لله أنا الحين أحسن وجيت أكتب لكم قصة ولادتي...
أنا موعد ولادتي المفروض 9/5 رحت المستشفى يوم 12/4 موعد عادي كان عندي تصوير
3D التراساوند عشان يتطمنو على نمو البيبي بشكل طبيعي وقالت لي الدكتورة انو كل شي اوكي المقاسات والمويه والوزن ..... بس الدم مايتدفق للبيبي بشكل جيد التدفق بطئ
وفي حالات مثل كذا لازم ولاده .......

طبعا مايحتاج أقول لكم النفسيه وقتها كيف
خوووووف من ولاده غير متوقعه ولا مهيئه نفسي لها لسه
وفي نفس الوقت خوف وقلق على صحة الجنين
صياح وتوتر وارتباك وزوجي يصبرني .......

ماأطولها عليكم نوموني عندهم وخلوني تحت الملاحظه يوم كااامل
والحمد لله طلعوني على أساس ان كل شي رجع لوضعه
الطبيعي بس قالوا لي لازم ازورهم كل 3 أيام .....

رحت لهم في موعدي اللي كان تاريخ 18/4 يوم الأربعاء ودخلت على الدكتوره وطمنتني انه الوضع طبيعي بس لازم يشوفني استشاري عشان يسوي تصوير للحبل السري ويتأكد أنو يوصل دم للجنين ..... أول ماسوى الدكتور التصوير قال هذي المفروض ولاده من الأسبوع اللي فات
يقول أنه المشيمه متكلسه وسيئه جدا والدم مايوصل للبيبي بشكل كافي غير كذا البيبي ماتغير وزنه خلال هالأسبوع ....... النفسيه صاارت زفت بس اشوى من المره اللي قبل يمكن عشاني تعودت على الخرعه ... كانت معي صديقتي مسكينه كنا ناوين نطلع السوق بعد مانخلص الموعد ماتوقعنا يربطوني عندهم ...

صعدوني غرفة الولاده وزوجي راح يوصل صديقتي لاتتعقد :gum:
ورجع لي ...عطووني طلق صناعي وخلوه معي 18 ساعه
بس الرحم ماقاعد يستجيب انفتح بس 1 سم
وصار تنفس البيبي شوي سريع فقال الدكتور خلص ندخل غرفة العمليات ...
تنفس البيبي سبب واللي عملته أنا مع الكشفيات عشان يشوفو الرحم
سبب رئيسي ثاني :shy:
يقول الدكتور لزوجي هذي مستحييييل تولد ولاده طبيعيه :gum: ومافي داعي يتعبوني أكثر

خذت إبرة الظهر ودخلت غرفة العمليات يوم الخميس 19/4 وفي أقل من 10 دقايق
شفتها طلعوها من بطني بعدها جلست اصرخ نوموني مافيني اكمل خلص ماأقدر
أتحمل مع اني ماكنت أحس بألم بس أحس انه الدكتور يحوس في بطني ويخيط ..... كل ذا وزوجي معي

حطووها في العنايه المركزه ياقلبي أسبوع عشان التنفس عندها كان مش اوكي بس الحمد لله الحين صحتها تمام ......

وأخيرا جبت بنوته قمر سميتها جنــى وأتمنى لكم ولادة طبيعيه ان شاء الله لأنها ألم وتعب في وقتها عكس العمليه أكثر من أسبوع يشيلوني ويحطووني مافيني أتحرك ....

طولت عليكم بس حبيت أنهي قصتي في الرابطه بعد 8 شهوور حمل :shy:
بس طبعا لازم تعملو لنا رابطه ثانيه نشوف كل وحده اش عامله في التربيه :clap:
<<<<<<< اذا صار عندكم وقت :gum:

ألف مبرووووك للي ولدوا وحمد الله على سلامتكم
وسهاله ياااااارب للي باقي ينتظرون

لي عوده لكم ... تحياتي
شوق العيوووون

[CELL="filter:;"][ALIGN=center]nanna2
ان شاء الله حبيبتي ابدا ما تحتاجي للعمليه ... وقبل موعدك الجاي تكوني ولدتي ولادة طبيعيه



شوق العيوووون
اهم شئ حبيبتي انك قمتي بالسلامه .... وان البيبي بخير
تتربى بعزك وعز ابوها ان شاء الله
تصدقي هذا الأسم كان مرررررررره عاجبني بس للأسف مو عاجب زوجي

ادعيلي اني اولد وربي يسهل علي الولادة ويكون البيبي بصحه وعافيه
امس وحده من صديقاتي ولدت وجابت بنت على اني انا سابقتها بأسبوع تقريبا [/CELL]

مرحبا ياحوامل شخباركم مثل ما كنت بعدني والله التقلصات موجوده والطلق الكاذب موجود بس الله يسهل علينا اللي انتريا مشكورين اللي سأالو عني مبروك شوق العيون على بنوته
اتربى في عزكم يا رب

شلونكم حواامل؟؟
وشلون اللي ولدوا بالسلامة؟؟
يالله نبي نفتح رابطة لنا
وننتظر بقية الحوامل يولدون وينظمون بالرابطة

على فكرة .. ولدي سميته "حسين"
بسم الله عليــه

الف الحمدلله على سلامتك شوق العيون
اني بعد ولدت بعملية
الحمدلله على كل حال .. اهم شئ سلامة البيبيات

الله يسهل على بقية الحوامل
اني متابعة معاكم



اختكم مجبوورة

بنات الرابطه ،،،،،الله يخليكم إدعوا لي ولادتي إتاخرت ومواعيدي فاتت من يوم واحد ،،وخايفه موت يولدوني قيصريه لان الدكتوره تقول كل ما تاخر الوقت كل ما حجم البيبي زاد والولاده الطبيعيه تبقي اصعب ،،،وانا ما معاي احد غير زوجي فما اقدر علي القيصريه ،،،،،الله يخليكم إدعوا لي:confused: :confused: :confused: :confused: :confused: :confused: :confused: :confused: :confused:

والله يانانا خوفتيني يوم قلتي كل ماتاخرتا عن الموعد حجم البيبي يزيد...

وانا الحين تاخرت صار لي خمس ايام.................والله انا حاسه انه بيسون لي قيصريه......

الله يستر يارب ويكتب اللي فيه الخير

السلام علييكم


اشحالكم؟
شخباركم؟

ادري اني بطييت علييكن واايد
بس الحمدالله انا ربيت وكان موعدي 11-5
بس ربيت يووم 24 --4

ويبت ولد سميته خليفه
والحمدالله ربيت طبيعي


الحيين بخبركم سالفة ولادتي
الله يسلمكم تاريخ 23-4
قررت اشرب زيت الخروع
وخليت ريلي اييبلي من الصيدليه
وحطيت ملعقتين في كوب عصير
وشربت
ومن المغرب بدت اتييني االاام بس ماكنت اعرف انه الطلق
ويلست لين الفجر وانا على هالحاال
المهم اشكيت في الموضوع وقمت حطييت الاشيااء الباقيه في الشنطه
مثل المشط والفرشااه
على الساعه 5ونص الفجر نزل علي مااي فجأه
وانا اقوول في خاطري يالفضيحه سويتها وبلت في فرااشي ههههههههههه

وشي من المااي صب على البلاط
المهم نظفته للي في البلاط ودخلت الحماام واتسبحت وطلعت
وماوعييت ريلي من ارقااده
وبعديين هو نش عشان يصلي ودرى اني تعباانه

وايقوولي قوومي بودييج اقووله لا مابى
فضيحه ارووح وبعديين يظهرمافي شي واطلع
وبعديين قوم اختي من ارقاادها (انا واختي ساكنيين في نفس البيت واريالنا اخواان)

المهم ياات اختي وجاان اتقوولي يالله انرووح وانا بعدني مب رااضيه
سوت تيلفوون عشاان اختي العووده وعصبت عليه ورووحت المستشفىالساعه 7ونص
وقالولي 2 سانتي
اتفاجأة بس يالسه اقووللهم ارييد امشي
وبعدين قالتلي الدكتوره رووحي البيت وامشي وتعالي قلتلها انزين
ظهرت من هناك الساعه 9
ورجعت الساعه 11 وحصلته 6 سانتي
وبعد ساعه 8 سانتي
وعلى السااعه 1ونص اظهر قالولي ولاده
والحمدالله ربيت
وسولي غرزتين وحده داخل وحده برع


والحمدالله
والله والله مافكرت اني اصااخ ولا اي اشي الحمدالله واتسهلت عليه الولااده
كل اللي كنت اسويه ادعي واستغفر
وكنت قد ماااقدر ارخي اعصاابي عشاانجذيه ماتأخرت في الولااده معني بكر
وحتى الدكتوره استغربت



واهم شي ولدي طلع بخير وعافيه





ومبروووووووووووووك لكل اللي ولدووا بالسلاامه
والله يسهل على الباقياات*_*




السمووحه طولت علييكن

^_^

الحمدلله على سلامتج اختي عيون ومبروك المولود يتربى في عزكم

مبروووووك لكل الحوامل اللي ولدوا وتستاهلن السلامه
وعقبااال باجي حوامل الرابطة ..


حبيت ابشركم اني ولدت بتاريخ 2_5 معنه كان موعد الولادة 11_5
والحمدالله يبت بنوته قمر سميتها نوف ..

وان شاااء الله يوم بتفيج برد وبكتبلكم قصة ولادتي

والسموحه

مبرووووووووووووووووك ام علي وعيون ومجبوره وشوق العيون وكل الوالدات يتربى في عزكم والسموحه مو قادره احفظكم
وعقبال الحوامل يااااااارب وادعولي بنات خايفه موووووووووووووووووت :confused: :confused: بكره موعدي والى الان مااتغير شي الالام دوره لااكثر وبطني لسه فوق وراس البيبي مانزل والمشي صعب عليا لاني اتنفخت وزاد وزني كتير:sad: والله يعين
حبيت اسأل الاخت طير السلام ايش يسوي البابونج والزعتر:gum: والاخت عيون انت شربتي الزيت الخروع اوالدكتوره قالتلك وهذه اول ولده لكي؟لاني بدي اشربه والدكتوره قالت براحتك بس خايفه لان الراس مانزل وخايفه يعمل مشاكل الي عندها معلومه لاتبخل عليا وربنا يسهلها علينا اميييييييييييين0

سنا الوجد فينك واخبارك
لاتكوني ولدتي وسيبتيني لوحدي:ok:

جولي 99

الله يقومج بالسلامه يارب
انا خذته من نفسي
بس يوم ريلي راح الصيدليه سأل الدكتوره للي اهناك وقالتله عاادي

بس بالنسبه لج الله اعلم لانه الراس عندج بعده فوق
بس نصيحه حااولي تمشيين اقل شي نص ساعه
وايذا ماقدرت احبي على ريوولج نفس الاطفال


وهذي اول ولاده حقي

والله يسهل على الكل يارب

*_*

عيوووووووووووووون
الف مبروك
ابي اسالك حبيبتي زيت الخروع ما سوى لك اسهال مع الولاده وكيف طريقتك في شربه لان شكلي بتهور واشرررررررررررررررررررربه:sad: :cry:

حبيبتي
الله يبارك فيج ان شاء الله

انا الله يسلمج في البدايه سوالي اسهاال طبعا
وبعديين صار اللي صار

بس الحمدالله الياهل طلع انظييف ماشاء الله


بس نصييحه لا تستخدموونه بدون استشااره
انا الحمدالله كان كل شي عندي طبيعي ووزني كان صحي اناوالياهل

والله يقومج بالسلامه

*_*

مبروووك لعيون وام علي..

وانا بعد شكلي بتهور وبشربه..

بس اللي اريد اعرفه..ماله اثار سلبيه..؟؟

لا زيت الخروع وايد زين صج يسوي اسهال بس عقب يساعد على الطلق ويفتح الرحم..

هلا ببنات مايو

مبروك لعيون و ام علي و كل اللي ربو بالسلامة

انا بعدني :(

تو الناس شكلي اخر وحدة بربي فيكن

الله يسهل على البقية يا رب