الي موعد ولادتها شهر مايو 2007 تدخل بسرعة

على فكرة .. الأخت نان 2 ما لها صوت .. ما ادري وش صار لها ..
يا ليت تطمنينا عليك اخت نان ..

هلا ياحوامل شخباركم
عن اخباري انا امس سرت الطوارئ يالي نفس المغص بس شافت دكتوره وكشفت قالتلي بعدج
كان وايد يعورني بطني وظهري قالتلي كل شئ عادي ...
ان شاء الله يسهل علينا يارب .

صدقج يابنات شو اخبار عن نان 2 و the mooon وينج اختفيتي
وألف مبروك شيموءه , mrsdini الف الف مبروك يتروبون في عزكم وحمدلله على سلامتكم ...


اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني وعين والده به..
اللهم ارزقني ولدا بارا واجعله تقيا ذكياجميلا
واجعله سليما معافى ولا تجعل في خلقه زيادة ولا نقصان

هلا بنات مايو

شحالكن ؟؟

انا تعبانه حدي

الخدامة بعدها ما وصلت

شغل البيت كله علي

و الدكتورة شافتني قالت يمكن اربي اي وقت و عشان كذا انا خايفة

ادعو لي يا بنات يسهل علي

الله يسر امورنا

ابني بعده فديته مريض هذه الايام .. ( وايد يمرض شو أسوي به )

دعواتكم

سنا الوجـد


السرير واااايد عيبني و خاطري فيه

رحت المحل و ما حصلت الا اللون الوردي

و سعره حسيته غالي شوي و بو شباب ما رضى ياخذلي يقولي مب عملي )-:

بس باخذ اختي وياي و بنروح المحل من اول

عيبتني أغراضهم بس حسيتها غاليه




mrsdini

ألف مبروووك ، و حمدلله ع سلامتج

يتربى ف عزج حبيبتي


tatee82

ليش مستعيلة ، كل شي بوقته

لا تفكرين متى ما الله كاتب بتولدين


علوجة يابسة

الظاهر هاي آلام الطلق الكاذب
أنا لين الحين ما حسيت بشي

بس البارحه ظهري عورني و كان مثل الدورة

و الحين ما أحس بالالم ،، شكلي مطوولة


ظبيانية2007


الله يسهل عليج و يسر لج أمورج

و اللي في يي

مرحبا يا حوامل
الله يكون بعونكم ويسهل عليكم بوقتكم
ان شاء الله هانت وما باقي الا القليل

والحمدلله على سلامة كل والدة بدون استثناء
والف الف مبروووك ما جاكم ويتربى بعزكم

بقول لكم القصة يوم اللي ولدت
المفروض تاريخ ولادتي 3-5-2007 تقدمت عن موعدي بـ 18 يوم
تاريخ 15-4-2007 الساعة 12 الظهر
حسيت بألم مثل كل يوم .. لاني من دخلت التاسع دائما احس الم وتقلصات
تجاهلته لاني ما اعرف شلون ألم الولادة بالضبط وهل هذا هو او لا؟؟
ظليت جذي طول الظهر واني اتغدى ومو قادرة

قلت الى امي .. قالت لي يمكن بتولدين؟؟
قلت لها لا ما اعتقد .. هذا الالم على طول يجيني ومو قوي وايد .. اقدر اتحمله
كان في بالي ان الألم بالبداية يذبح وما احد يتحمله ما ادري ههههههه
الى الساعة 3 الظهر والألم يروح ويجي
قلت بنام على ظهري يمكن يخف الألم وقعدت اذاكر كان عندي امتحان يوم ثاني هههههه
الساعة 5 العصر قلت بروح شقتي ارتاح شوي وبعدين اكمل مذاكرة
توني وصلت دخلت الحمام "الله يعزكم" حسيت بماااي واايد ينزل
ماي غرقني وبدون ما احس بألم .. ظل ينزل واني مو عارفة شوي
اقوم او اقعد .. امشي او شنو اسوي؟؟

صرت انادي على زوجي واقول له نادي امي .. ابي امي ههههههه
خمس دقائق وامي كانت عندي .. وهي تصيح واني اصيح ههههههههه
واني خايفة من الماي اللي ينزل تبهدلت
وامي تقول لي لا تخافين الماي زين يسهل الولادة
ركبت السيارة واني حالتي حالة وزوجي لحفني ببطانية علشان ينزل الماي فيها

6ونص المغرب احنا بالمستشفى
دخلت الفحص .. وجت الممرضة تشوف كم سم كنت مفتوحة
كنت توني انفتحت 2 سم
وكل شوي تجي ممرضة وتحط يدها عذبوني
حسيت ان فيه شئ مو طبيعي
بعدها جت الدكتورة وحطت لي الالتراساوند
قالت لي ان وضع البيبي مو صحيح وان راسه فوق ورجله نازله تحت في المهبل
استغربت والله .. لان من الشهر الثامن الى قبل ولادتي بأسبوع كان كل شئ اوكي
ما ادري شلون تغير وضعه؟؟
على طول قالت لي عملية قيصرية
الساعة 8 في الليل دخلت العملية وكان التخدير نصفي .. سمعت كل شئ صار بالعملية
والفاصل بيني وبينهم ستارة
بعد ساعة كملت العملية وكان ولدي على صدري

تعبت وايد لكن الحمدلله على كل حال


يارب الله يسهل عليكم بوقتكم
ونسمع قصصكم



اختكم مجبووورة

ظبيانية الله يعينج حاولي ترتاحين حتى يخف التعب .............. والله يسهل علينا ياغلا

طير السلام .. هلا ياغلا بلعكس اذا بتروحين تفصلين سرير بدانتيل 1700 بيقولون لج لا والسله عليج يعد

اما هذا رائع امس فتحته حتى اجهزة للمستشفى وكان رائع حجمه كبير وسهل التحرك في البيت ...وبضاعتهم غالية لانها ايطاليه ماركة معروفة بجودتها ...

اخذي اخت وروحي لهم وابو الشباب بيعجبه بعد مايشوف الغالي فيه ..

الغلا لا تأخذين الفرش من عندهم الشنطه وكيس البيبي وايد حلو عندهم والفرش خذته من عندهم بس بعد وايد غالي وكلفني :)

مذر كير منزل اشياء وايد حلوه للفرش ............ ومامز اند بابز بعد لبسهم رائع

tatee82

الحبل السري للبنت الاولى ملتف على الحبل السري للثانيه ومعقود سبحان الله وسبب لهم حرمان من الدم وملتف على وحده منهم توفو في بطني وماحسيت ان في شي الا بعد اسبوع من وفاتهم وان شاء الله اكتب قصة الولاده قريب

mrsdini

الف مبروووك والحمد لله على سلامتك وسلامته وانا اقول ليش مختفيه يتربى بعزكم ان شاء الله


___________

باقي الحوامل المختفيات طمنونا عليكم
والله يسهل عليكم يارب جميعا

دمتم بحفظ الرحمن (f)

سلامات يا حوامل كيفكم إنشاء الله كلكم بخير ،،،ومشكورين إلي سالوا عني بس انا لسه ما ولدت موعدي بكره بس ما حاسه باي شي ،،بحاول اليوم امشي الي قدر ما اقدر بس إنتوا إدعوا لي عشان ولادتي تكون طبيعيه،،،،(}) :ok:

دندونه.....الف الف الف مبروك وحمد الله علي السلامه وانا اقول إنتي وين مختفيه ..بس الحمد لله علي سلامتك وسلامه البيبي ويتربي بعزك وعز ابوه إنشاء الله...(f) (f) (}) (})

tatee82.....انا لسه معاكم ،كنتوا تقولوا انا اول وحده بولد بالرابطه بس لسه انا في الإنتظار:gum:

علوجه يابسه......كيفك انا هنا لسه ما ولدت بس إدعوا لي الله يخليكم:shy:

مجبوره...إنشاء الله إلي مريتي فيه كله ينحسب لك اجر وعافيه:clap:

قلب إنثي....قلبي معاك(f)

themoon وينك لا تكوني ولدتي وخليتني بزعل منك:angry: :angry:

هلا بنوتات

اكتب واحس بتقلصات اسفل البطن :(

باقي لي 5 ايام

هاي بنات انا موعدي كمان بعد5ايام نشوف مين يسبق ياسنا الوجد والله يعين الجميع
اناخايفه موت ادعولي ولادتي تكون طبيعيه وانا سمعت انو كل بنت مثل امها يعني اذا الام ولادتها سهله بنتها مثلها ايش رايكم بنات؟؟؟؟؟

:) ااااااااااااااااااااااااااااااااااه ياليت اولد اليوم قبل باجر تعبت بس علينا صح وصلنا اخر المشوار :)

وان شاءالله تولدين وانتي تضحكين :)

السلام عليكم..

شحالكن صبايا..

هذا اول تواجد لي ف الموضوع..لاني مسجله من مده بسيطه..

وتوني انتبه ع الموضوع..

انا حالياً ف 37 اسبوع..

وموعد ولادتيه 21/5/2007

الدكتوره طمنتنيه وقالت لي ان وضع البيبي اوكي..

احس الايام ماتمر..ومشكلتيه اني مستعيله اريد اشوف البيبي..

من يومين عندي مغص والم ف هالمنطقه..خايفه واااايد..ومو عارفه شو اسوي..لانها هذا اول حمل لي..

هلا والله فيج الغاليه ويانا في الرابطه

باجي الحوامل اشحالكم واشحال هالشهر وياكم

انا للحين الحمدالله الحمدالله الحمدالله كل شي اوكي

بس عندي احساس اني بولد اخر وحده والشهر الياي بعد

الله يعينا ويصبرنا ويسهل علينا ان شاء الله

:shy:

السلام عليكم

و صباح النور عليكم جميعا

أكتب لكم من الدوام

و الله ملييييييييييييت من الدوام خلاص ودي اربي عشان أفتك


اليوم الحمد لله ما في الام ظهر مثل البارحة

بس طبعا الولادة ممكن تجي أي لحظة

الله يسهل على الجميع يا رب

شخباركم يا بنات .. كلنا نمر بنفس المرحلة .. انتظار ممل وآلام كاذبة تحطنا في امل وترجعنا خايبين ..
عن نفسي تجيني آلام وتروح على طول .. وهذي سالفتي من نهاية الشهر الثامن وما اعتقد انها دليل على الولاده او اي شي ..
ومثلكم .. أغراضنا مجهزة وشنطة المستشفى على جنب .. واحنا ننتظر ..
المشي : يوميا مشي 45 دقيقة .. موعدي إلي فات الدكتورة خبرتني ان المشي ما يسرع عملية الولاده وهذا اعتقاد خاطئ .. لكن المشي يقوي عضلات الحوض والرجلين .. ويثبت راس الجنين تحت .. ويسهل عملية الولادة ..

الله يسهل على الجميع ونسمع منكم اخبار طيبة .. خلونا متواصلين ولا تقطعون

السلام عليكم

الله يسهل على الجميع ،، ما باقي شئ على ولادتي بدينا في العد التنازلي

ان شاء الله ولادتي بتكون 26 مايو وان شاء الله اجدم بالموعد لأني مليت من الثقل ،، ومن التعب
ادعوا لي يا بنات الله يسهل علي[/CENTER][/CENTER]

السلام عليكم ورحمة الله
انا توني جديده معكم موعد ولادتي راح يكون في 16\5\2007
انشاء الله

الله يسهل علينا جميعا

مرحبا عرايس....

انا من ظمن اللسته اللي موعد ولادتها في مايو....موعد ولادتي 2/5 اللي هو امس

بنات عديت الموعد ولا احس باي بوادر ولاده.........؟؟؟؟؟؟؟؟؟؟؟؟

مع اني كل يوم امشي واتحرك لدرجه ريلي من تحت تعورني من المشي....

ماعرف ليش تاخرت عن موعدي:sad:

القطوه الريشيه:
مرحبا عرايس....

انا من ظمن اللسته اللي موعد ولادتها في مايو....موعد ولادتي 2/5 اللي هو امس

بنات عديت الموعد ولا احس باي بوادر ولاده.........؟؟؟؟؟؟؟؟؟؟؟؟

مع اني كل يوم امشي واتحرك لدرجه ريلي من تحت تعورني من المشي....

ماعرف ليش تاخرت عن موعدي:sad:

لا تحاتين حبيبتي أنا مثلج و موعد ولادتي يوم الاحد

بس ما أحس بأي ألم ، و عادة البكر يتأخر

ياخذله اسبوع او اسبوعين

سنا الوجـد:
:) ااااااااااااااااااااااااااااااااااه ياليت اولد اليوم قبل باجر تعبت بس علينا صح وصلنا اخر المشوار :)

وان شاءالله تولدين وانتي تضحكين :)

ليش مستعيلة ,, كل شي بوقته حلو (r)

<<< من الخوف جي تقول :ss:


اللــه يسهل علينا ، بعدي مب حاسة بأي شي

و موعد ولادتي 6-5 ، و الدكتورة تقول بطنج عالي

و البيبي ع اليمين و هالوضعية تصعب الولادة

و من البارحه بديت أشرب بابونج و زعتر