والله عجبني الموضوع وحبيت اشاركم بتجربتي
اول شي أنا اختكم من البحرين
انا بالضبط صار لي سنة واسبوعين من حطيت التقويم.. والسنة اللي فاتت حطيته قبل رمضان بأسبوع تقريبا .. الله لا يورييييكم العذاب اللي عشته ... اول شي ان الدكتور شايل لي 4 اسنان وكلها بيومين والتركيب صار باليوم الثالث يعني الالم كله مرررركز ... ورمضان وخيراته اشوف الاكل ولالالا اقدر احط شي بحلجي، وكنت عايشة على المسكنات مثل البروفين والبونستان
الحين بقول لكم كل شي بالتفصيل..
1-مشكلتي الله يسلمكم ان عندي سن بالفك العلوي شووي راجع لورى.. والاسنان اللي تحت شوي مو مرتبين.. وكل مرة اعزم اني اسوي التقويم الكل يقول لي لالا اسنانج ما يبي لها واسنانج حلوة...لحد ما وصلت لمرحلة وقلت هالمرة خلالالالاص ما بشاور حد وركبته والحمدلله. :21_180:
2-انا ركبته بتاريخ 1/9/2006
3-والدكتور قال ان العلاج كااااامل بيكلفني 1600 دينار،
4-وانا مركبة نوع يقولون عنه جديد وسريع... والدكتور يقول ان تجاوبي للعلاج مع هالتقويم واااايد ممتاز
وإسمه 3M Smart Clips، وهو ما يحتاج لقطع المطاط اللي تنحط على كل ضرس عشان تثبت الاسلاك.. لان كل قطعة تكون مثل القفل وهي تمسك السلك بدون مطاط... يعني للأسف ما اقدر اتفنتق واحط الوان وحركااات، بس يحط لي قطع مطاط طويلة بآخر الفكين عشان تشد الاسنان وتجمعهم مع بعض
هذي صورة القطعة اللي تتركب على كل سن ومثل ما تشوفون شكلها مشابه للقفل
5-آخر موعد كان لي مع الدكتور بتاريخ 26/09/2007، وكالعادة بدل لي قطع المطاط اللي تشد واللي كان حاطها لي بآخر الفكين السفلي والعلوي عشان تصغر المسافات الخالية وتجمع الاسنان مع بعض ... وصدقوني احس بالفرق.. الاسنان اللي كانت راجعة لورى صارت بنفس مستوى الاسنان الطبيعية ويقول لي الدكتور انه باقي لي فترة قصيرة بس ما حدد لي كم..
6-الحين بقول لكم عن فراشي الاسنان والمعاجيييين.... اول ما ركبت التقويم صار لي هووووس ... طول يومي اما بالصيدليات والا بالجمعية ادور واشتري واشيل واحط... ولالالالا في نوع ما شريته طويل قصير مدبب حاد كلللل الانواع.
7-بس استقريت على ماركة Oral-B وماركة G.U.M لان فيهم كل المعدات الخاصة بالتقويم من الخيط والابر الصغيرة البلاستك اللي تستعمل عشان تنظيف المناطق اللي صعب الوصول لها
سامحووووني على الهذرررة ... بس حبيت احط كلللل التفاصيل .. وأي سؤال او استفسار انا حاااااااضرة لخواتي الحلوااااات... وبالتقوووويم... اقصد بالتوووووفيق :Za_thanx: :21_159: