تـــجــــمع لبنات التقويم (اللي حاطين تقوووووويم اسنان)

وداعت الله يازايد;4394961:
تراني رديت عليكم

بس الردود طارت بح لوول

بغيت اتخبركم !!!


كم المده التي يستغرقها التقويم في سد الفتحات

لانها جلعت لي ظرسين =(..@_@


وبعد لو شلت التقويم مده شهر لاسباب خاصه عادي

والالا

ليتكم تجاوبني

=)

لجيـن;4395128:

مرحبااااا ..

المدة اللي تستغرق لسد الفتحات مدة طويلة تقريباً >>> هذا على حسب اللي انا شايفتنه في نفسي..

يعني انا اللحين صارلي 5 شهور تقريباً أحط الاستيكات ، ولحد اللحين ما تسكرن الفتحات ..

وبالنسبة عشان تشيلي التقويم لمدة شهر وبعدين ترجعيه هذا الدكتور اللي يقدر يجاوبج ،، لأنه هو اللي أكثر يعرف عن

الحالة ..

تحياتي لج ..

JUST ONE LOVE;4395570:
سلام شخباركم يامتقومات

وشلون التقويم معاكم

:D

al 3zezh;4397548:
مرحبا يا بنات

حبيت اسألكم عن دكتور يكون شاطر في هالسوالف
في شارجه او عيمان و السعر يكون مقعول انا عندي فتحات
و ودي اركب تقويم وين تنصحوني و كم الفترة سد هالفتحات
لا تتأخرون عليه بارك الله فيكم

لجيـن;4405330:

السلام عليكم على الجميع ...

التقويم الحمدلله مااااااشي حاله بس مب واااايد >> لأني قمت الصباح من النوم وكان فكي يعورني شوي ،، شيكت على التقويم وحصلته مكسووووور ...

*****

أختي العزيزة .. وداعت الله يا زايد..

أنا موجودة فديتج ،، بس الفترة اللي راحت ما كنت أدخل دايماً ...

بالنسبة لسؤال أصفرار الأسنان ..
الأسنان تصفر لأنه ما تتنظف زين ،،حتى لو إحنا نقول إننا ننظفها عدل ،، بس فيه أماكن صعبة ما توصل لها الفرشاة ...
بس لااااا تخافي إن شاء الله بعد ما تشيلين التقويم نهائياً أسنانج بترجع بيضاء وحلووووة ...

وبالنسبة لسؤال متى تحطي اللاستيكات ..
فهي بعد ما تتعدل الأسنان ، وتاخذ شكلهم المطلوب بتم الفتحات ،، في هذي الفترة يحط اللاستيكات عشان يرجع الفك والأسنان للخلف وتتسكر الفتحات ،، واللاستيكات أنواع في منها بيضاء وتشد على الخفيف ،، ومنها حمراء وتشد أقوى ،، ومنها شفاف خفيف يشد الأسنان من فوق بس يعني تتوصل الناب مع القاعدة ..

أتمنى أني أكون أفدتكم ولو بالشي القليل ..

تحياتي لج أختي وداعت الله يا زايد .. ولجميع العضوات والعرايس ..:8875:

لحظة اسف;4405611:

ممممم طحت عليجن مسويات جلسة زار :sa23: اقصد جلسة تقويم:21_133:

فديت اللي مجمعة بنات التقويم:8875:

انا مسوية تقويم من شهر 4/2006 جانت اسناني الامامية مسويتلي احراج ضاربه فيوزاتها:21_186:

سن شحلاته والثاني زعلان من رفيجه ما ادري ليش لوووووووووول طبعا مدة الزعل مسوي مسافه اقصد فتحة بين

اسناني وها الفتحه هي اللي مخليه سني ملتوي شوي << بكاشه ( وايد )

اول شي سويت اشعة حق الفك عشان اذا عندج اضرار فالفك وبعدين يشلعون اربع من اسنانج 2 من فوق و2 من تحت

عشان اسنانج تحصل مسافه عشان ترجع للخلف اول ما ركبت التقويم اسناني ما عورتني لجن بعدين بل اسناني

وراسي اخذت حبوب بروفين لجن جلس العوار مدة عشر ايام وكل مرة اروح للعيادة طبعا بعد شد اسناني تعورني مع

الاخ نفوخي لجن تعودت بس فترة يعني يمجن بعد 4 جلسات وبعدين خلاص عادي

المهم سويت تقويم شفاف ب6000 درهم يوم قالت الطبيبه المبلغ اغمي علي خخخخخ<<< مال البخيل ما ياكله غير العيار

بعد 3 ايام من ركبت التقويم اسناني تصالحو وسويت حفلة صلح اما الفتحة بعد فترة تسكرت لجن مع مرور الوقت ردت

ما ادري تعاند ولا شو الحمد لله اسناني الحين شحلاتها وانا في مرحلة الاستيكات لي شهرين يعني احط اللاستيج من

اخر ضرس لحد الناب طبعا ما اشيلهم غير اذا اكلت اول مرة ما شلتهم رحت واكلت وبعلت وحده:21_186:

وموعدي الجاي تاريخ 26/9 ان شاء الله


: هناك ثلاثة أشياء يجب تجنبها:-

1 - لا تمضغ الحلــــويات الصلـــــبة ، التفاحــــة الكامــــلة ، الخبز الصلب ، الثلج أو أي شيء قاسي .

2 - لا تمضغ الشلبان ، الكراميل ، التوفي أو أي طعام لاصق .

3 - لا تحاول أن تحرك الجهاز بأصابعك ، شفتيك أو لسانك .



الفرشاة التقويمية مصممــة لتنظيــف
كلا من الأسنان وجهاز التقويم فـي آن
واحد . نظف الأسنان بحـركــة أفـقــية
قصيرة إلـى الأمـام والخلـف.باشـر كــلا
من الأسنان ، والتقويم،والخط اللثوي،
ثم حدبات الأسنان .




مـرر خيـــط طولـــــه 45 ســم فــي ثقــب
المسلة . أدخــــل المسلـة بين الأسـنان
وتحت سلك التقويم . باشر سطح الأسـنان
وخط اللثة بالخيط مع تحريكه إلى الأعلى
والأسفل ذهابا وإيابا



استخدم الفرشــاة الداخلـية لتنظيـف
مابين الأسنان والســلك المعـــدني وحــيـث توجـد مسافـات أكــبر بــين الأسـنان.
وتأكد من استخدام الحجم المناسب للفتحات بين الأسنان .

ود متن بود واي سؤال تراني موجوده