اكـــره زوجي كره مش طبيعي

كل البنات لا ينصحون بالطلاق
وانا كمان ماانصح بالطلاق

واسمعي هالقصه انشالله تكون عظه وعبره
وحده من قريباتي تزوجت واحد مو متعلم
ولمن جابت منه ولدين تذكرت انه مو متعلم
ومو عاجبها وتبي تتطلق
واصرت على رايها وانها لايعه جبدها منه
وتطلقت
طبعا الوضع كله مش طبيعي
فنفسيتها صارت زفت وتبي ترجع له
فااخذوها اهلها طبيب نفسي لانه مش طبيعي امس تكره واليوم تبيه
وصارت ماتهتم بنفسها ولا عيالها من الادويه الي تاخذها تخليها كله متخدره
والرجال الي الكل يشهدله بالطيب والاخلاق
رجعها بعد مافقدت وظيفتها
ولازالت تتعالج وحالتها لسا مش اوكيه
فانتي راجعي نفسك مليون مره
واستخيري رب العالمين




الله يهدينا ويهدي الجميع وييسر امورنا

أعطيه المهر , يعني خلع ..

مجنونة زماني:
اول شي ما كنت احب اوجه لج الكلام .. بس صدمتيني يوم قلتي 30 ...

هنا خطر في بالي سؤال ... شو مقدار تدينج او الوازع الديني اللي عندج ...

و اسمحيلي اقول قبل ما اعرفج ان عندج خلل في مسأله الوازع الديني ...

اختي شكله ؟؟ و طبعه ؟؟ و عقليته ؟؟؟ هذه حجه لمن لا حجه له ...

طيب تطلقتي .. عندج عيال ؟؟؟
و بعد ما تطلقين .. شو تتوقعين يصير ؟؟؟ تتحرين ان الدنيا بتفتحلج ابوابها ..؟؟
حتى لو كنتي ملكه جمال تظنين ان بيج نصيب احسن من هذا ؟؟؟
انتي ليش تزوجتيه من البدايه ؟؟
صليتي فيه استخارة ؟؟؟

سويتي مقارنه من الخسران من هذا الطلاق ؟؟؟

انتي شو تتحرين الحياة مجرد حب و قصه رومنسيه ..

على فكرة اختي الله قال في كتابه العزيز .. و جعلنا بينكم موده و رحمه
ما قال حب .. و اللي تدور على الحب المكسيكي .. بتتعب وايد و بيشيب شعرها و بيضيع جمالها .. و هيه تركض ورا وهم ...

الحرمه اللي ما تعرف شو تبغي من الريال .. هذه مسكينه ...

اختي لا تقصين على نفسج انتي ما دورين نصيحه لان ما في وحدة راح تعطيج الطريقه العجيبه اللي راح تخلي ريلج يطلقج بدون ما يتمسك فيج ..

و تبين نصيحتي سيري المحكمه و اخلعيه ... لانه يستاهل ان الله يعوضه بحرمه تقدره و تعزه

و الله يعوضه ان شاء الله و يخلف له خير في مصيبته و يرفع من شانه و يهديه و يعليه امام الناس و يعزه ... لان هذا لو اخوي ما ارضى عليه ..

و انتي الله يهديج و يحنن قلبج و ينور قلبج و تفهمين الدنيا لانج تلعبين في الوقت البدل ضايع ..

و الله يهدينا و يهدي المسلمين و يصلح امورنا ..

انتى جذه(y) في ردج ... اسميج عيبتينى

حبيبتي االحين بينكم 10 او 6 سنوات؟؟؟؟؟؟

متزوجين 10 اشهر وصار لج سنة في بيت اهلج؟؟؟؟؟؟؟؟ مو فاهمة

بعدين حبيبتي وين كنتي فترة الخطوبة مااكتشفتي انه اكبر منج وتفكيره قديم الحين يوم تزوجتو ولا بعد حامل انا يتراوى لي تفكرين في روحج واللي في بطنج احسن وعبالج الطلاق سهل؟؟

الله يهديج يمكن فنرة في الحمل وبتردين في ناس وايد بتأثرون بالهرمونات ويكرهون ازواجهم وبعد فترة عادي

من رأيي تروحين المحكمة تخلعينه وتردين له المهر وكل درهم صرفه عليج ..لأن الزواج والاستقرار نعمة من رب العالمين بس انتي واسمحيلي في هالكلمة .... مب قدها
انتي في بيت هلج من سنة وتطلبين الطلاق وهو متمسك فيج !!صراحة !! ماعنده سالفة:gum:
مب عايبنج شكله .. مب عايبنج أسلوبه .. ليش وافقتي علية من البداية ؟ بعدين سوري ف الكلمة أنتي شفتي شكلج ؟ شفتي أسلوبج ؟ عمرج ماشاء الله 30 سنة بس تتصرفين مثل اليهال:angry:
والسموحة منج

الحياة الزوجيه لا تستمر اذا كان احد الازواج يكن الكره للاخر ولا يستحمل وجوده

فامامه الطلاق او انه المراة تطلب الخلع فترد عليه مؤخرها

والله يوفقكم

الشيخ محمد المهنا:
يجوز للمرأة أن تطلب الطلاق عند كراهتها زوجها فإن طلقها بدون عوض فهو محسن وإلا وجب عليها أن ترد عليه مهره وهذا هو الخلع
عن عبدالله بن عباس رضي الله عنهما قال : جاءت امرأة ثابت بن قيس إلى رسول الله و قالت : يا رسول الله : زوجي ثابت بن قيس ما أعيب عليه في خلق و لا دين و لكني لا أطيقه بغضاً ، فسألها عما أخذت منه فقالت : حديقة فقال لها : أتردين عليه حديقته ؟ قالت : نعم فقال النبي لثابت : اقبل الحديقة وطلقها تطليقة

الله يهديج
الريال مب حلاوه شبعتي منها وعقيتيها
المرة مب كل يوم عندها ريل
اذكري ربج .. وتعوذي من ابليس وادعي ان ربج يحببج في زوجج

طيب حطي نفسج مكانه .. وافترضي انج تطلقتي وتزوجتي من ريال تحبينه وهو ما يحبج وطلقج .. بدون ابداء الاسباب .. شو بتسوين ..


يا بنت الناس .. استهدي بالله

وما اقول غير الله يهداج .. ويوفقج لما يرضي الله .. ويعمي عنج افكار ابليس

وتقبلي مروري

انا بقولج شيين مهمين فكري فيهم قبل اي قرار

اول شي بس لا تزعلين، انتي مب صغيره يعني لو بنت بعدها ما تزوجت وعمرها 30 سنه فرص زواجها تكون قليله، ولو واحده مطلقه وعمرها 30 يعني فرص الزواج مره ثانيه اقل واقل، هالكلام مو خيال، هذا واقع وممكن تشوفينه من اللي حواليج، وطبعا غير كلام الناس اللي بيكون عليج، في مجتمعنا محد يتكلم على الريال، بس الكلام كله بيكون عليج وبيقولون اكيد شاف عليها شي اكيد واكيد واكيد.. لا تزعلين هالواقع

ثاني شي مهم جدا اللي يرمي النعمه اللي ربي انعم فيها عليه مابيحصل غيرها، اخاف عليج حبيبتي ربي يحرمج لانج ظلمتي ورفضتي نعمه، والزواج نعمه كبيره

انا عندي اقتراح لج واتمنى والله انج تجربينه، جربي تردينله بس مو هنا، لا قوليله انج تبين تسافرين معاه بلد مارحتولها من قبل، قوليله سوي حجز تذاكر وفندق وسافري معاه، بس لاتسيرين البيت، لا طلعي من بيت اهلج على المطار وتقابلي معاه هناك وسافروا مع بعض لمده شهر مثلا، ولو حسيتي انج ابتديتي تتغيري وتحسي فيه ولو شويه، يوم تردين لا تردين على بيتج معاه لا غيرو البيت، والله اللي اقوله صدق، ممكن في شي في بيتكم اللي كنتوا عايشين فيه
بس في شرط مهم، لازم اهلج واهله يتكتمون على خبر سفركم مع بعض، ولو احد من اخوانج واخوانه متزوج، لا تخبرون حريمهم، خلي اهلج يقولون انج مسافره دوره ولا اي شي ولا تخبرين صديقاتج ولا بنات عمج ولا اي قريبه من قريباتج، يعني بس اقرب اهلج واهله يكونو عارفين بموضوع السفر
وقبل ما تقابليه اتوضي وصلي ركعتين وبعد ماتخلصين وانتي يالسه على السياده خذي جلاص ماي واقري عليه بصوت واضح ومسموع بهدوء وشوي شوي اية الكرسي 7 مرات واسربي الماي على 3 مرات وبعدين بايدج امسحي الجلاص من الداخل من اي قطرات ماي

جربي هالشي وانشالله تتغيرين وترتاحيله

بس لاتردين على بيته قبل السفر
والله يهديج
بس ارجوج جربي هالشي قبل ما تصممي على الطلاق