اكـــره زوجي كره مش طبيعي

السلام عليكم ورحمة الله وبركاته

عزيزتي ماجاوبتي على اسئلة الاخوات كم لكم متزوجين ؟؟ وايش السبب الحقيقي في كرهك له لا تقولين كذا اكيد في سبب ولو بسيط ممكن ريحة فمه ((( اعذريني )) كل شي جايز جاووبي وكوني صريحة مع نفسك قبل لا تكوني صريحة في اجاباتك معانا

ترى سنوات الزواج تحكم في الحب او الكره
انا كنت كذا اول ما تزوجت كنت كل يوم انام وانا دموعي على خدي من كثر البكى ما ادري متى نمت وكل مره نتخانق فيها اقول له انا كارهه الحياة معاك وكارهاك وكارهه كل شي منك مع انه صارت بيننا شووفه شرعية وشفته وصارت الخطوبه وشفته وانا احلى منه بكثير ((( مو مدح ))) وتدري بيني وبينك اللي زود كرهي له ان كل من شافوا صوري قالوا حرااااااام دفنتي نفسك مع واحد كذا حررررراااااااااااااااااااااااااااام انتي حلوه وهو شين

طلبت الطلاق في ثاني اسبوع زواج من كثر الزن على راسي

ماسمعت لاحد وجلست في يوم وخليته لين نام وقلت خليني اصلي ركعتين واهدى شوي واجلس مع نفسي شفت اللي انا اسويه له واللي هو يسويه لي وربي قسم بالله اني من كثر ماستحيت من سواياي بكيت حسيت نفسي واااطيه اي والله واطيه هو يتمنى رضاي وانا عشانه مو حلو ولا اني حبيته قبل الزواج اعيشه في نكد اكسر فرحته بالزواج وانه صار عريس وكون بيت واسرة قسم بالله ان دموعي غطت عيوني كل ماتذكرت ذيك الايام بكيت عليه من اللي سويته فيه والله ندمته حتى على الضحكة مو حرام ايش ذنبه انه اخذني هذا اللي كنت اقوله لنفسي لو قابلت ربي وسالني ليش سويتي كذاا والله استحيت اني افكر في الاجابة لانها تافهه وصرت ادور محاسنه بدل عيوبه حبيت حبه لي كنت اشوف عيونه تلمع لمى يشوفني ابتسم له ولا اجي جنبه وهو الى اليوم لنا ثلاث سنوات ماشين في الرابعة ما سالني عن ذيك الايام واليوم قسم بالله لو ادور الارض كلها مالقيت ظفر رجله الصغير (( وانتوا بكرامه))
بس اتمنى ربي يكمل سعادتنا بنونو ينور حياتنا اللهم امين
عطيت نفسي فرصة وقفلت اذاني عن الحساد والزنانين انتي سوي نفس الشي حبي حبه لك حبي تعامله معك حبي طيبة قلبه وعسى ربي يهديك

حبيبتي امووواج عشرة شهور ما تحدد علاقة الزوجين يبيلك ياقلبي سنتين لين تتأقلمين معاه وتتقبلين كل شي منه بعدين عيوني لاتنسي انك كنتي في بيت اهلك والكل حولك وانتي الحين في مملكتك انتي الملكة فيها وانتي اللي تخلينها سعادة وهنا او تعاسة وعنا الله يفرج عنك وتولدي بالسلامة والله يحببك فيه



اختي نور السناا في اسلوب في التعبير عن رايك مو بكلامك اللي قلتيه اتمنى انك تحاسبي المرة الجايه على اختيار العبارات اللي تبي توصلي بها رايك دون ماتجرحي احد



تحياتي
نـــوني