الى بنات مصر المشاركات فى موضوع فرحك خلاص قرب الرجاء الدخول

ازيكم يا عرايس انا كنت عايزة اسئلكم اذا في حد هنا جرب التعامل مع اى تاجرة في قسم ركن التسوق علشان انا دخلت وفي عروض حلوة بجد ف لو ليكوا خبرة في التعامل معاهم فيدونى

انا هشترى الشتوى لما الموديلات الجديدة بتاعت السنة دى تنزل ان شاء الله .
يعنى يمكن فى اواخر رمضان لما لبس العيد ينزل .

كنت عايزة اسالكوا اجيب كام بدى وجيب للبيت وكام شورت .؟؟
انا جبت البرمودات خلاص .

السلام عليكم ورحمة الله وبركاته
وحشتوووووووووووووووووووني يا اجمل عرايس
ياااه اغيب عنكم اسبوع واجي الاقي موضوع جديد وكمان 6 صفحات..ما شاء الله
اولا الف الف الف مبروك لاختنا الغالية امة الله وعقبالنا كلنا لما نبقى فرحانين زيها باذن الله
ثانيا شكر خاص لاختي الحبيبة شرباتة على فتحها للموضوع وسلام حار لخواتي ندا اميرة1 برايد عروسة مصر هوبة555 ناني فيبس قطة شيرازي حياتي انت
بنات انا كنت عايزة اخد رأيكم انا بإذن الله فرحي الصيف القادم ومش عارفة ايه اللي اشتريه دلوقتي وايه اللي اخليه قبل الفرح على طول..انا جبت معظم الحاجات بس مش عارفة.. حاجة مثلا زي مفرش السفرة استنى قبل الفرح ولا اجيبه دلوقتي لو لقيت حاجة عجبتني وبالنسبة للبس البيت برضه ايه اللي المفروض يكون قبلها على طول وايه اللي اجيبه دلوقتي

amera1:
ازيكم يا عرايس انا كنت عايزة اسئلكم اذا في حد هنا جرب التعامل مع اى تاجرة في قسم ركن التسوق علشان انا دخلت وفي عروض حلوة بجد ف لو ليكوا خبرة في التعامل معاهم فيدونى

اهلا اميرة
انتي تقصدي المصريات ولا الخليجيات؟؟؟؟؟
لو المصريات فمنتجاتهم موجودة هنا في كل مكان
اما الخليجيات انا بصراحة نفسي اجرب لان فعلا في حاجات كتير عجباني بس عندي واحدة صحبتي بتكسر مجاديفي وتفضل تخوفني جدا

2paradise:
السلام عليكم ورحمة الله وبركاته
وحشتوووووووووووووووووووني يا اجمل عرايس
ياااه اغيب عنكم اسبوع واجي الاقي موضوع جديد وكمان 6 صفحات..ما شاء الله
اولا الف الف الف مبروك لاختنا الغالية امة الله وعقبالنا كلنا لما نبقى فرحانين زيها باذن الله
ثانيا شكر خاص لاختي الحبيبة شرباتة على فتحها للموضوع وسلام حار لخواتي ندا اميرة1 برايد عروسة مصر هوبة555 ناني فيبس قطة شيرازي حياتي انت
بنات انا كنت عايزة اخد رأيكم انا بإذن الله فرحي الصيف القادم ومش عارفة ايه اللي اشتريه دلوقتي وايه اللي اخليه قبل الفرح على طول..انا جبت معظم الحاجات بس مش عارفة.. حاجة مثلا زي مفرش السفرة استنى قبل الفرح ولا اجيبه دلوقتي لو لقيت حاجة عجبتني وبالنسبة للبس البيت برضه ايه اللي المفروض يكون قبلها على طول وايه اللي اجيبه دلوقتي

اهلا يا قمر ازيك وحشتينا موووووووت
بصي انتي خليها بالصدفة لان الحاجات الحلوة بتيجي كدة فجأة يعني مثلا استغلي فترة معرض او خصومات كدة يعني
وبالصدفة وانتي نازله اللى يعجبك وتلقيه فرصة متتعوضش هاتيه
يعني سيبيها كدة مدا لسة قدامك وقت
لان انا دايما بلاقي ان لما نكون نازلين عشان نشتري حاجة معينه ميعجبناش حاجة ويعجبك حاجة تانيه خالص مش على البال فخليها كدة حسب الظروف بس اهم حاجة تخدي بالك انتي جبتي ايه ومجبتيش ايه عشان متكرريش حاجات وتنسي حاجات
ياريت تكتبي احسن

ازيكوو يا بنات وحشني موووووووت
كلكوا كلكوا بلاش اسماء عشان منساش حد

انا لي سؤال
هو يا بنات الحاجات اللى بنجبها
اللى هي الجهاز يعني
نشيلها فين وازاي لحد ميعاد الجواز او مثلا لحد تجهيز الشقه اللى بعد كدة ممكن ننقل حاجتنا فيها

يعني نشيل حاجتنا فين واحنا لسة في بيت اهلنا
انا الموضوع دة مجنني
وحجتي مرميه في كل حتة شوية

السلام عليكم ورحمة الله وبركاته
ازيكم يا بنات وايه اخباركم
انا مخطوبة و فرحي قريب ان شاء الله بعد حوالي 7 شهور من دلوقتي
ولسة ناقص لي حاجات كتير عايزة اشتريها دة غير اني ساكنة في المعادي وعايزة اعرف كوافير كويس ويرضي ييجي البيت
كمان نفسي اعرف ماركات ميك ا ب معروفة وموجودة في مصر وسعرها يكون معقول وكمان عندي مشكلة بالنسبة للوشن المنظف نفسي في ماركة كويسة ومضمونة وتكون بتتباع هنا في مصر
وبالنسبة لملابس الاستقبال ايه هي انسب حاجة ممكن اقابل بيها الضيوف هل اشتري عباية استقبال اشيك ولا اقابلهم ببلوزة وبنطلون
وميرسي كتير ليكو:shy:

serene-soul:
السلام عليكم ورحمة الله وبركاته
ازيكم يا بنات وايه اخباركم
انا مخطوبة و فرحي قريب ان شاء الله بعد حوالي 7 شهور من دلوقتي
ولسة ناقص لي حاجات كتير عايزة اشتريها دة غير اني ساكنة في المعادي وعايزة اعرف كوافير كويس ويرضي ييجي البيت
كمان نفسي اعرف ماركات ميك ا ب معروفة وموجودة في مصر وسعرها يكون معقول وكمان عندي مشكلة بالنسبة للوشن المنظف نفسي في ماركة كويسة ومضمونة وتكون بتتباع هنا في مصر
وبالنسبة لملابس الاستقبال ايه هي انسب حاجة ممكن اقابل بيها الضيوف هل اشتري عباية استقبال اشيك ولا اقابلهم ببلوزة وبنطلون
وميرسي كتير ليكو:shy:

اهلا بيكي يا قمر نورتي والف مبروك وربنا يتمملك على خير ان شاء الله

بصي اماندا حلوة اوي بجد هايلة
كريم الاساس بتعها مش دهني يعني مش هيسيح ولا هيلمع ب 45 جنيه
وكمان البودر بتاعها حلو اوي
والبلاشر وكل حاجة

لو عايزة اغلى شوية يبقى بوبا الاصلي سعرها تقريبا 105 او اغلى حاجة بسيطة
طريم الاساس هايل جداااااااااااا انا مجرباه بيثبت طول اليوم حتى لو نزلتي الميه وكمان مش دهني

والله انا شايفة ان لبس الاستقبال حسب الناس نفسها
يعني مثلا لو اهلك يعني البسي مثلا جيب لذيذة لحد الركبه وبادي او بلوزة رقيقة
لو ناس بقى يعني كبيرة وبعيدة شوية خليكي رسمي اكتر
عبايه شيك او لبس الخروج العادي بتاعك

ميرسي كتير ليكي يا ناني وشكرا علي مجهودك وانا فعلا بحب منتجات اماندا بس كنت مترددة دلوقتي حشتريها وأنا مغمضة ربنا ما يحرمنيش منك يا سكر

ناني فيبس:
ازيكوو يا بنات وحشني موووووووت
كلكوا كلكوا بلاش اسماء عشان منساش حد

انا لي سؤال
هو يا بنات الحاجات اللى بنجبها
اللى هي الجهاز يعني
نشيلها فين وازاي لحد ميعاد الجواز او مثلا لحد تجهيز الشقه اللى بعد كدة ممكن ننقل حاجتنا فيها

يعني نشيل حاجتنا فين واحنا لسة في بيت اهلنا
انا الموضوع دة مجنني
وحجتي مرميه في كل حتة شوية

والف الف مبروك ليكي وربنا يتمم لك بخير ولسة ادامك وقت طويل فمتقلقيش بالنسبة لمفرش السفرة خليه آخر حاجة عشان كل فترة بتطلع موضة جديدة وممكن تشتري دلوقتي وبعدين وقت الزفاف تلاقي حاجة اشيك فتندمي انا بالنسبة لي حصل معايا كدة في اللحاف الفايبر استعجلت واشتريته ولقيت دلوقتي اشكال جديدة ظهرت فيها حركات ومطرز وداخل فيه الاورجانزا فندمت
اما بالنسبة للبس البيت فمهما اشتريتي مش حيخسر لانك حتشتري بوديهات وبرمودا وشورتات للقعاد بالنهار ودي موضتها مش بتروح ورخيصة وحتلاقيها في كل وقت واي مكان وممكن انتي بذوقك تلبسيلها اكسسوار ظريف زي حلق أو خلخال يدندشها ويروشها.
وطبعا بالنسبة للبس الخروج لازم تشتري من دلوقتي عشان دة يعتبر آخر صيف ليكي ولازم تشيلي كذا طقم وياريت تلحقي الأوكازيونات دلوقتي وبرضه تنتهزي فرصة الشتا وتشيلي كام بيجاما شتوي يعني 4 او 6 وروب واحد كفاية وشبشب او 2 فرو وطبعا الملابس الداخلية تكتري منها لانها بتستهلك كتير وتحاولي تجيبي مقاس اوسع درجة او 2 من مقاسك دلوقتي نظرا لان طبيعة الجسم بتتغير وممكن تزيدي شوية وانا في الخدمة يا جميل لو احتاجتي اي استفسار
اه كمان بالنسبة لتخزين الحاجة فدي مشكلة في كل البيوت ومش عندك انتي بس فممكن الحاجات الي انتي خايفة عليها زي الكاسات و الزجاج بصفة عامة تشيليه في اماكن محدش بييجي جمبها زي السحارة مثلا وطبعا الهدوم تخزينها سهل اما بالنسبة للأدوات المنزلية والحلل وكدة فممكن تشيليه عند حد من قرايبك الي تأتمنيهم علي الحاجة وطبعا يكون عندهم مكان فاضي ورربنا يوفقك ان شاء الله

ندا بلنسبه للبرمودا انا جبت اربعه بس قلت كتير هاخد اتنين واختي اتني وجبت بنطلون جينز واحد وجبت لغايه دلوقتي 2 بدي نص كم وواحد بحمالات بس لسه هجيب تاني واحد بنص و2 كت و 2حمالات بلنسبه للجيب انا هجيب 2 او 3 حسب الاسعار وهجيب 4 شورتات
اميرا انا مجربتش حد في ركن التسوق وبخاف بصراحه اشتري منهم ممكن بعد ما اشتري الاقي حاجتهم مش كويسه
paradisازيك انت اشتراكك معنا مش كتير ليه؟ بصي انتي احسن حاجه تشتري حاجات المطبخ الاول لان اسعارها بتولع والقديم بيكون الاحسن والجوده بتاعته افضل لكن بلنسبه للمفارش والهدوم اشتريها قبل الفرح بفتره قصيره لان بتكون في موضات جديه طلعت ناني بلنسبه
الحاجات بتاعتك ممكن تفضي اوضه وتحطيها فيه انا عملت كده كانت حاجتي في كل مكان فجمعتهم كلهم في مكان واحد عشان لما نيجي نوديهم الشقه مننساش حاجه بس الاحسن تجمعيهم دلوقيتي قبل دوشه الفرح لانك ممكن تنسي حاجات لاني لغايه دلوقتي لاقي حاجات ليه جمعي الهدوم في شنطه والكوبيات والكسات لفيهم كويس وحطيهم في مكان بعيد عشان ميتكسرش
انا كنت عايز اسالكم سؤال ازاي احط الميك اب صح وخصوصا الا اي شادوا ياريت اللي يعرف يقولي وايه احسن ماركه اي شادو انا عرف فعلا ان اماندا حلوه اوي بس مش جربتها فشكلي كده هشتريها علي كلامكم يا ريت يا بنات تفيدوني
بلنسبه لاستقبال الضيوف انا معايا عبايات استقبال بس مش حاسه انهم حلوين عليا انا شكله هجيب طقم بنطلون وتونيك

حد يعرف يعنى ايه شنطة الطوارئ السرية ده شنطة مهمة جدا يوم الفرح لانى العروسة احيانا بيحصل اى ظروف تبوظب الميكياج لها وحاجات مشابهة ودي مهمة جداً اوعي تنسيها يوم الفرح وياريت أصلاً علشان ماتنسيهاش إنك تعتمدي على حد تثقي فيه علشان يشيلها معاه دايماً.. ليه بقى الشنطة دي مهمة؟
الشنطة دي يا ستي مهمة لأن فيها كل الإسعافات الأولية مش قطن وشاش والكلام ده لا قدر الله.. لأ دي فيها الحاجات دي:
• إبرة وبكرة خيط أبيض علشان لو لا قدر الله حصل أي حاجة في الفستان.
• دبابيس إبرة ومشبك.
• روج وآي شادو من نفس اللون اللي إنت مستخدماه.
• قطع شيكولاتة أو بونبوني "ممكن تعملي مكسوفة والبوفيه يعدي من غير ما تاكلي.. أهو تلاقي حاجة تسندك"
• بنس شعر علشان لو تسريحتك حصل لها حاجة من الحركة لا قدر الله.
وعلى فكرة الشنطة دي ممكن جداً تطلبي من أي خياط إنه ينفذها ليكِ ومش هتتكلف حاجة خالص؟... وممكن تكون من نفس قماش الفستان

يا جماعه محدش قالي ازاي احط ميك اب بطريقه صح ويكون شكله حلو وخصوصا الاي شادوا؟؟؟ يا يت تفيدوني

هوبه فيه فى افون وكمان اوريفلام دروس ميكاب حلوه جدا
وهدور لك يا قمر على دروس على النت

هبهوبه بصى على اللينك ده حلو قوى وسهل ووالله يعلم ولا احسن ماكييره

http://www.3roos.com/forums/showthread.php?t=197619

على فكره يا هبه قسم المكياج والعطور مليان دروس استعينى بالله واتفرجى واحده واحده هتنبسطى

بنات انا مبسوطه جدا والحمد لله وحشني جدا يا بنات انا كويسه والحمد لله انا مرتاحه بس اهلي بيوحشوني جدا وانتم كمان انا ححاول من فتره للتانيه كل ما ازور اهلي اطمنكم عليا وجزاكي الله خيرا يا شرباته والله اني احبكم جميعا في الله وبنات رمضان قرب همتكم بالدعاء اللهم بلغنا رمضان واحشني يا قمرات وربنا يتمم ليكم علي خير ويسعدكم

اييييييييييييه ده امه الله عندنااااااااااااااااااااااااااااا

لولىىىىىىىىىىىىىىىىىىىىىىىىى

نورتى يا جميله........... ربنا يسعدك يا سهى يااااااارب ويبارك لك فى زوجك وزواجك

دعواتك بقى لنا لا تنسينا من دعائك

والف مليوووووووووووون مبرووووووووووووووووووووووووووووووووووووووك

هبه هكمل لك شويه لينكات دورت لك عليهم يارب يفيدوكى

مكياج العين خطوه بخطوه

http://www.3roos.com/forums/showthread.php?t=178282

ده كمان يا هبه استفدت منه كتير

http://www.3roos.com/forums/showthread.php?t=73268

بنوته زى حالتنا مالهاش اوى فى المكياج

ده برده باين عليه حلو بس ما فيش وقت بقى اقراه
http://www.3roos.com/forums/showthread.php?t=107008


واذا بلاقى غيرهم بعمل تعديل للمشاركه واضيف لينكات

وعموما زى ما قلت لك قسم المكياج والعطور مليان على اخره ربنا يؤجرنى على حسن التبعل ان شاء الله

ولكى تحياتى

ايه ده هو بجد ولا انا متهيألي؟
العروسة وصلت يا بنااااااااااااااااااااااااااااااااااااااات..ازيك يا عروستنا حمد الله على السلامة وربنا يديم عليكي السعادة ويرزقك بالذرية الصالحة وعقبال ما نطمن على عرايسنا قريبا بإذن الله

ناني وهوبا جزاكم الله خيرا على النصيحة وان شاء الله هاحاول ابتدي اطلع الحاجات اللي انا جبتها واكتبها واكتب الوانها برضه عشان ما يبأاش فيه الوان متكررة كتير
وبالنسبة لقلة مشاركاتي لاني بإذن الله لسه بادري على فرحي ولكن هاحاول ان شاء الله اني اتواجد معاكم بصورة اكبر



احبكم في الله

طبعا اد ايه فرحانه بوجودكم كلكم

وادايه فرحانه بامه الله الحبيبه حمدلله ع السلامه وعقبال ماتفرحينا بالبيبى

بناااااااااااااااااااااااااات طبعا احنا اصدقاء

لالالالالالالالالالالالالالالالالالالالالالالالالالالالالالالالالالالا احنا اخوات انا حاسه كده

طيب ممكن اطلب منكم طلب

وهاتفوقوا عليه ولالالالالالالالالالالالالاء

اشوف ردكم واقول الطلب

طلب واحد بس؟ قولي طلبين تلاتة عشرة..احنا تحت امرك يا شرباتة يا عسل قولي بسرعة بقى