الى بنات مصر المشاركات فى موضوع فرحك خلاص قرب الرجاء الدخول

ازيك ياشرباتة ايه اخبارك واخبار الجو عندك ؟ وعلى البنات عايزيين يشتركوا بس هما اكيد مشغولين في الجهاز انتى مجربة بقي

ازيكم يا بنات

شكرا يا بسبوس على ردك بس الجزء بتاع الوش ده ماكينه ولا قطعه غيار؟؟

وخذتيها بكام يا بسبس احسن انا لازم اشترى قريب ان شاء الله

ازيك يا شرباته عامله ايه الدهب سعره دلوقتي 102 من غير المصنعيه انا جبت 105 جرام يعني ب 11200 انا جبت طقم لازورد شكله حلو اوي ورقيق وغوشتين بس من العراض مينفعش اكتر من اتنين شكلهم جديد ودبله ومحبس يتجابو مع بعض وسلسله فيها شبه من الطقم وخاتم الحمد لله اليوم عدا علي خير بس الغوايش وسعين عليا شويه مع انه اصغر مقاس بس كل الناس قالتلي هتتخني بعد الجواز صح الكلام ده ولا غلط؟

hi ya banat
bosbos rou7ty nourhan?plz tell meeeeeeeee :(

السلام عليكم

شوفتوا يا بنات الموقع ده حلو اوى وبيبين لك خطوات التجميل بالتفصيل الممل

http://go.3roos.com/CPucmUOshuh


هوريكم بقى حبت ايه من افون الشهر ده وهقولكم تعليقى عليه

اول حاجه جبت عطر برسيف ده وبصراحه حلو اوى فيه ناس كتير قالوا لى انه عادى بس بصراحه انا عجبنى جدااااااااااا


تانى حاجه جبتها عطر سوا روج وده عطر تقيل قوى بصراحه ما حبتوش قوى بس انا اشتريته بقى وخلاص



ده بقى رووووووووووووعه رووووووووووووعه رووووووووعه والله يا بنات بدون مبالغه ويشهد على ربنا عجب كل الناس راااااائع




اشتريت كمان ده وكان معاه فوط مطبخ حلوه اوى انا كنت جربتها قبل كده وتنفع فى المطبخ على فكره هى موجوده ب 2.5 فى المحلات

اما البرفان فهو حلو هو مفرح كده تحسى انه ينفع للصبح اكتر



كان نفسى قوى اشترى ده بس يالا بقى ما حصلش نصيب




يارب تكون جولتى عجبتكم وادعولى بالبركه فى حاجتى

هوبااااااااااااااا يعنى جبتيها ب11 الف ماشاء الله بس الدهب غالى قوى فى مصر

ههههههههههههههه ده انتى هاتتخنى وهاتتخنى وهااااااااااااااااااااااااااااااااااااااتتخنى انا يابنتى كان وزنى بيحسدونى عليه وعلى رشاقتى وكان اكتر الناس يقولولى لا اتخنى شويه حتى حماتى وجوزى الوقت بقيت من حاجه واربعين لحاجه وتمانين تخيلى

مبروك ليكى ياهوبا اكيد زوقك حلو ربنا يوفقك ويسعدك

واو يا برايد شكل البرفانات كده رائعة ياريت تعرفينا الاسعار يمكن اجرب بس على ضمانتك اوكى

بنات فين مشاركاتكم معانا ع الفكره الجو يا أميره عندى زيى ماهو ادعيلى انا مرعووووووبه :sad:

بناااااااااااات لسه امبارح بس اكتشفت ان عندى اطقم لانجيري كتيير مش قصدى القمصان لالالالالالالالالا انا كان عندى بيجامات روعه نوم طبعا وارواب بكم وبنص كم طبعا بقمصانهم بس فى روب مش معاه قميص معاه بيجامه وكنت عايزه اقولكم الماركه بتاعتهم وبالصدفه بشوفهم لقيتهم لانجيرى ههههههههههه اقعدت اضحك على نفسى ياريت تجيبوا منهم مش بس قمصان لانهم بجد بجد تحفه خالص

فيه عندى شويه برفانات من السعوديه وعايزه انزلهم يا ترى انزل صورهم ازاى يا برايد

فينكم يا بنات فين ندا وناناي فيبس ورفيده عايزكم تشتركو معانا
يا بنات مجبتوش عليا حد استخدم الصابون المغربي وازاي استخدمه؟

ازيكم يا بنوتات
شرباتة ايه هية نوع الماركة بتاعت البجامات دى
و كمان كنت عايزة اسالك اذا الانجرى بينزل عليه تخفيض في السعودية و في اى وقت من السنة لان ليه بنت عمى لسا متجوزة من شهر و سافرت السعودية فكنت هقلها تجبلى شوية

ياه يا هوبة ده الدهب غلى اوى فى مصر انا كنت جايبة الشبكة بتاعتى في شهر 1 الى فات ال 120 جرام بعشرة الاف

ازيكوا يا بنات وحشتونى كلكوا يارب تكونوا بخير .

هوبا الف مبروك الشبكة
بصى الصابون المغربى انتى فى الاول بتشغلى الماية السخنة كتير علشان تطلع بخار علشان يفتح المسامات وبعدين بتملى البانيو ماية سخنة على قد ماتستحمليها وتشطفى جسمك ،وبعدها تدهنى جسمك كلة بالصابون المغربى هو رغوتة مش كتيرة وتسيبية على جسمك شوية وبعدين تشطفية وتجيبى الليفة بعد ماشطفتية وتفركى بيها جسمك كلة بس وهتلاقى بلاوى بتنزل منك كانك اول مرة بتاخدى شاور بعد كدة اتشطفى تانىو الافضل تدهنى بيبى اويل من جونسون . انا قولتلك باختصار

انا الحمد لله النهردة اشتريت ادابتور بدل المحول اللى ضاع بتاع سيلك ايبل بس حاسة انها بطيئه عن الاول كتير وانا مزودة قوة الادابتور على الاخر ياريت لو حد عندة المحول بتاع سيلك ايبل الزرقا يقولى هى بتشتغل على كام فولت علشان يمكن اغيرة واجيب واحد اعلى شوية .

بنات كنت عايزة اخد رايكوا فى حاجة

هو انا المفروض اجيب كام بطانية اصل حماتى كانت جايبالنا واحدة من السعودية وكمان خالى راجع من السعودية بكرة وقاللى انة جابلى بطانية حلوة اوى يعنى كدة اتنين من الغاليين اجيب كمان واحدة ولا اية رايكوا ؟؟؟؟

انا نزلت النهردة علشان اشترى صوانى بيركس ولاقيت صاحب المعرض بيقولى خدى صوانى صينى احسن لانها بتتحمل اكتر من البيركس وبصراحة شكلها اشيك كمان وعلى فكرة فى حلل منها شيك اوى وتبقى على السفرة جنان واحترت ورجعت من غير مااشترى قولت ارجعلكوا الاول .


مشكلة المشاكل بقى
اللبس
المفروض انى خلاص هنزل القاهرة يوم الاتنين علشان اشترى لبس الخروج واللانجرى والارواب بس قولت انزل عندنا اخد فكرة لاخر مرة قبل مااسافر بس لاقيت ان الشتوى بدأ ينزل تخيلوا
والصيفى اللى موجود تصفيات وحتى الطقمين الوحيدين اللى عجبونى جدا الاتنين بنى وعلى فكرة عندهم كل الموديلات اللى بتتعرض فى مجلة المحجبة بس انا اشتريت طقم بنى قبل كدة وماما بتقولى انتى عروسة ولازم الالوان تكون على فواتح . المهم انا خايفة اسافر القاهرة واقابل نفس مشكلة التصفيات هناك .
بابا بعد مارجعت عرض عليا حاجة عايزة اعرف رايكوا فيها
قاللى شوفى انتى هتشترى صيفى بكام وقبل ماتتجوزى خدى الفلوس معاكى ولما يجى الصيف تانى ان شاء الله ابقى انزلى اشترى انتى وجوزك حتى تختارى موديلات حديثة بس كدة دوبلاى مش هيبقى فية غير لبس خروج شتوى وانا مش عارفة اختار وعايزة مساعدتكوا .
هستنى ردكوا


مروة انتى فين وحشتينى انتى مش بتكونى على الماسنجر لية عموما انا سالتلك بنت خالتى على الفستان لكن للأسف قالتلى انهاجابتة من شرم الشيخ لأن اخت جوزها عايشة هناك وتعرف اتيليهات حلوة وهية اللى جابتهولها هدية ، انا اسفة كان نفسى اساعدك ويارب تكونى لاقيتى فستان عجبك .

شرباتة انا جربت معجون الاسنان فى ازالة الشعر لكن مش بيشيل الالم خالص هو بيخففة بس وعلى فكرة بودرت التلك انا لاحظت انها فعلا بتخفف الالم اكتر من المعجون وكمان لو عرقتى علشان الحلاوة مش تسيح حطى بودرة .

اخر حاجة عايزة اسالكوا عنها انى لاقيت طقم كاسات ومعاة كوبيات الشاى شبهة بس عجبنى اوى لكن الكاسات ناقصة واحد مكسور ودة طبعا هينزل من تمنة اية رايكوا اشترية ولا اية ؟؟

بحبكوا فى الله .

amera1:
واو يا برايد شكل البرفانات كده رائعة ياريت تعرفينا الاسعار يمكن اجرب بس على ضمانتك اوكى

بصى يا اموره كلهم كلهم قطعوا 109 جنيه بعد الخصم للان الاشتراك بيعمل لك خصم 25%

اذا هتشترى كميه اعملى الاشتراك اذا لا اشترى بالقطعه كده وخلاص

وعنيا لكى


شرباته موقع تحميل الصور اهو http://go.3roos.com/8kxx5kj2yjm?

وانتى ممكن تحطى لنا الاسماء والاسعار

على فكره انا لقيت كنزو فلاور بحوالى 315 جنيه 100 مل هل يا ترى سعرها مناسب ولا ايه؟؟

ازيك يا ندا ربنا معاكى ان شاء الله

ويفرجها علينا كلنا ويرزقنا من حيث لا نحتسب

اللهم ما امين

اهلا بيكم يا بنات مصر
ومبروك علي كل ابنات الي اتجوز وعقبال كل البنات
انا جيباللكم مواقع وارقام ستات بتعمل مكياج وربطات طرح
طبعا اكيد عارفين جيلان عاطف www.jailanatef.com
وفي واحة اسمها اسماء الجندي www.cleostore.com
والي عايز الباقي يبعتلي علي الخاص علان بلاش المشرفة تزعل انا حبيت افدكم
ومبرك تاني مرة

حياتى انت ياريت تبعتيلى الباقى على الخاص وجزاكى الله كل خير بس حابه اسالك يا ترى جربتى حد فيهم او شوفتى صور لهم؟؟

وشكرا لكى

ازيك يا ندا طيب انا استعمله دلوقتي ولا علي الفرح ولا استعمله مرتين؟
ندا انتي تنزلي ليه دلوقتي ولسه الشتوي الجديد منزلش انا هنزل في نص رمضان عشان كمان تكون حاجه العيد نزلت ويبقي ادامي فرصه للاختيار وعلي فكره الاقتراح اللي قاله باباكي كويس وكمان لاحظي انه جسمك هيتغير للصيف اللي جاي
بصي بلنسبه للكاسات لو شكلهم عاجبك هاتيهم مش شكله واحد مكسور بس نقصي من سعره

اهلا ياهبة .
لاء الافضل تستعملية دلوقتى مرة واحدة فى الأسبوع ومش اكتر من كدة وممكن مرة كل اسبوعين وقبل الفرح كمان استعملية بس قبلها بكام يوم 3 مثلا علشان جسمك يهدى شوية وفى اليومين الاخرنين دول بلاش وصفات تقشير خالص اعملى حاجات تنعم بس زى بيبى اويل وكدة .

انا كنت نازلة اشترى الصيفى مش الشتوى بس شكلى كدة هعمل زى بابا ماقال
مين عارف يمكن على الصيف اللى جاى يكون فى حمل ولبسى يتركن .

حياتى انت ياريت تبعتيلى الباقى على الخاص وجزاكى الله كل خير

طيب يا ندا انتي هتشتري امتي الشتوي؟