حوامل شهر ابريل 2007

هلا والله بنات
حورية الحور انا توني داخلة الخامس الحين انا في الاسبوع الثاني من الخامس
وموعد الولادة كل مرة يعطوني موعد آخر مرة في قالو لي 17/7/2007 حلو التاريخ صح
لكن الي محيرني ان البيبي احسة مايتحرك صارلة يومين احس فية لكن على خفيف هل هذا الشي طبيعي ولا لا؟
وياسلام يادلوعة على الاغراض فعلا ذوق حلو والله شوقتيني حق التشري لكن تو الناس بالنسبة لي.
والله يرزق كل محروم
يارب
تحياتي
بنت النواعم

صباح الخير يا كروشاااااااااات

كيفكم وكيف الحمل معاكم؟

ما باقي شيء كلها شهرين ونصير أمهات

الله يتمم علينا على خير

متشوقة اسمع قصص ولادتكم

:shy:

-----------------------------------------

حايرة والشوق

مشكورة حبيبتي على الرد

-----------------------------------------

دلوعة توتي

ماشاء الله أغراضك روعة .. بصراحة شوقتيني للتشري :gum:

الله يقومك بالسلامة

-----------------------------------------

بنت النواعم

الله يتمم لك على خير ..

بالنسبة لحركة البيبي ترى الأمر طبيعي .. مرات تحسين بحركته وبقوة ومرات تخف الحركة أما إذا حسيتِ أنه ما يتحرك أبد هنا الخوف

ما عليك ولا على البيبي شر إن شاء الله

-----------------------------------------

حبيت اسئلكم عن حليب صناعي امدحولي سيميلاك وانه اقرب واحد لحليب الام

وطبعا برضع بيبي طبيعي وبدخل صناعي لاني بعد 60 يوم برجع دواام

ولانه اول بيبي فخبرتي زيرررو

فحابه اسئلكم هل مضر طبيعي وصناعي مع بعض؟

وعن شفاطه امدحولي بيجون بالبطاريه زينه او لا

وعن المشد شو احسن نوع؟

وللفوط صحيه اخذ شنو ويكون ضعيف متوسط غزير؟


بنات صح حبيت اسئلكم يجيني الام طلق كاذب او اللي يسمونه اهلنا امنان صج اللي يجيها بثامن معناته بتربي بتاسع باول اسبوع

صديقاتي واهلى يقولولي مادام ياني بسرعه بربي بسرعه

مع اني سئلت دكتورة قالت موغصب يمكن يتم معاج وتكملين شهرج بعد

وللعلم انا بكريه

بنات في اعراض اعرف ان ولادة قربت ؟

مرحبا كرووووووووووشات

الله يتمم لك على خير بنت النواعم وبالنسبة لحركة البيبي ترى عادي انك ماتحسين فيها أنا على ولاداتي المتكرره والمفروض أحس بدري بالحركة ...ماحسيت فيها إلا في السادس والآن أحس انها أقوى

لاتحاتين ان شاء الله كل شي تمام


عروس الدوحة ترى عادي تخلطين صناعي مع طبيعي أنا يوم كنت أدرس كنت أرضع ولدي كذا وكذا وكانت صحته ماشاء الله


من فيكم تدربت على الولادة بدون ألم ؟؟؟؟؟

نصيحة لوجه الله يابنات لاتطنشون كلامي والله هالتمارين مفيده واللي ماتعرف عنها شي أنا ممكن أنزلها لكم من كتاب عندي استفدت منه كثير يوم تدربت عليها ولله الحمد

السلام عليكم


كيفكم يا حلوات؟؟

اليوم عملت لكم احصائية للرابطة حسب موعد الولادة واللي ذكرت موعدين أنا حطيت الموعد الأول فإذا في أي ‏خطأ خبروني .. واللي ما ذكرت اسمها لا تزعل لأني ما أعرف موعد ولادتها ‏

حايرة والشوق ..‏

متى موعد ولادتك ؟؟

إحصائية حوامل أبريل


لوووزة – همس القلوب‏
‏2-4-2007‏

رقم‏3-4-2007‏

ام زايد الله يحفظه‏4-4-2007‏


Insane ‎‏– فاطمية - ‏Brad‏5-4-2007 ‏

بنت جميرا 6‏
‏7-4-2007‏

M‏ الــــ أم ــــريم ‏M‏8-4-2007‏

واحة الايمان - ‏Um.Abdullah‏ ‏
‏11-4-2007‏

راحله انا‏12-4-2007‏

حبيبة قلبي - الخنساء‏
‏13-4- 2007‏

Soul Love
‏15-4-2007‏

Yaaraa‏ – هنوووفه – ام خلفووون‏
‏16-4-2007‏

ملكه العرايس
‏18-4-2007‏

DarkStar
‏19-4-2007‏

nadnoor
‏20-4-2007‏

الفلاسيه2006‏
‏21 -4-2007‏

Selinaa‏24-4-2007‏

اماراتيه – ماحد أبد‏
‏25-4-2007‏

MoonStones
‏27-4-2007‏

كريم كراميل
‏28-4-2007 ‏

بنت النواعم‏17-7-2007‏

لي عودة عن قريب

وانا نسيتين موعد ي ان شا ءالله 23\4

الخنساء خبرينا عن تمارين الولاده بدون الم ..اول مره اسمع عنها الصراحه

مجموعتى الاخيرة


[/URL





[URL=http://go.3roos.com/gcjbkxk3b25]

[/URL




[URL=http://go.3roos.com/qxujacpdg8o]

هلا كروشات وحشتوني

كيفكم

اختي فاطميه

فكره حلوه الاحصائيه

وانا موعد ولادتي يوم 21/4/2009


<<<<<<<<<<<<<<<مطوله الاخت

<<<<<<<<<<<<<< تحاول تستهبل

هههههههههههههههههه


موعدي بااذن الله يوم

21/4/2007

والله يسهل علينا

اختي M الــــ أم ــــريم M

ماشء الله عليكي اغراضك مرررررررره حلوه

الله يهنيك بالمولوده الجايه ان شاء الله

انا ماقدرت ادخل هاليومين لاني تعبت قبل يومين

اقولكم قصتي

يوم الجمعه الساعه 2 قبل الفجر

تعبت الم فظهري والم بين صدري وبطني

وحرقااااااااااااان فالصدر مو بصاحي

واحس شي بيطلع من حلقي

وجلست للصباح الساعه 9 وانا مااقدر لااجلس ولاانسدح ولا اوقف من الالم

وحتى بنام مو قادره

تقريبا جت الساعه 9 ونص وشويات دقايق غفيت ونمت حوالي نص ساعه صحيت وانا معدتي تتقلب احس اني برجع واستفرغ ابغى اقوم للحمام وانتم بكرامه مالحقت على الحمام قمت من السرير وانا استفرغ على رخام الغرفه وكنت ارتجف وابكي من الخوف زوجي من سمع صوت الاستفراغ انجن مو استفرغ هين من قوي الصوت صحى..........

يعني الكميه اللي خرجتها يمكن 4 اكواب وانتم فكرامه

المشكله اني اكلت الظهر غداء وبس ولابعدها

وجت الساعه تقريبا 12 فالليل وانا اسوي توست جبن يمكن 3 توستات واكلتهم

وبس هذا اللي اكلتها قبل لااستفرغ

وانا من اول حملي اكلي مو بزين يعني مااكل اجلس كم ساعه مااكل شي

شفتو الفرق بين وقت الغداء والعشاء مرررررررررره وقت طويل يعني مااكل.......

صح نسيت اكملكم بعد الاستفراغ زوجي قال يالله البسي اروح فيكي للمستشفى

وانا اروح للمستشفى وتشوفني الدكتوره وقالت شكله برد وقالت والاكل الحار تقصد الفلفل

والحمدلله عطتني مغذي فيه علاج ضد الاستفراغ

واعطتني كريم للظهر علشان الالم في ظهري وحبوب مخففه للألم

والحمدلله رجعت للبيت وانا اشوى من اول

بس لحد الان الالم اللي بين صدري وبطني بمووووووووووووت منه الالم قوي

والحمدلله على كل حال

وهذي سالفتي قلتها من اولها لااخرها

وادعولي ان الله يخفف علي

والله يسهل علينا جميعاً

يالله تشااااااااااااااااااااااااااااو



تشاااااااااااااااااااااااااو

ام الريم اغراضج روعه الصراحه .. عقبال ما تلبسينها للنونو و تشوفينها ...

حايره و الشوق .. الله يعينج و يشفيج ان شاء الله ...

مرحبا يا حلوت شخبار الحمال وياكم؟؟؟ وحشتوني ........... بغيت اسألكن سؤال أنا الاحظ انه في هالشهر بعض المناطق في جسمي اسمررت بشكل فضيييييييييييييييع ما كنت جي قبل تتوقعون بتروح او بتخف عقب الولاده منو عندها خبره في هالموضوع؟؟ حتى طلعت لي حبوب في ويهي ما اعرف شو اسوي : (

هلا وغلا والله بامهات المستقبل

حااااااااااااااااايره سلامات حبيبتي ما تشوووفين شر .........

بس هالله هالله بعمرج يالله ما باقي شي عن الولادة .......



الخنسااااء شو هذي التمارين الولادة بدون الم كيف حبيبتي ممكن تشرحينها لنا ....

<<<<<<<<<< خااااااااايفه


بنت النواعم ......... هلا بالغاليه ...... وهلا بالحامل والمحمول ....... وعقبال ما نشوف ملابس البيبي وتجيبين الصور تحطينها عندنا



ام الريم مشاء الله روووعه تلبسينها ان شاء الله بسلامتج وسلامت البيبي

الفلاسيبه ....... هلا وغلا والله حبيبتي حتى انا مثلج في بعض مناطق في جسمي اسمرت خاااصه الرقبه عندي مع اني ليل نهار تنضيف وكريمات بس ماااشي فايده يخف السمار شوي بس والله انقهرت ....... اصلا لو جسمي كله تغير ...... وفي مناطق صارت سمرا ....... بس انا قريت في كتاب ان هذا شي طبيعي .... وبيروح بعد الولادة وهذا الي طمني الحمد الله انه بيروح بعد الولادة ........بس الويه الحمد الله ما طلع ي شي ....... اختي حامل ويايه وطلع في ويهها حب وقالت لها الدكتوره هذا من الحمال وما اقدر اعطيج شي من مضادات او غيرها لانها موب زينه لج وانتي حامل
......... يعني نستحمل لي انربي ........... يالله ما شي باقي الله يسهل علينا وعليكم يااااااارب

الاخت من الدووحه ....... المنان انا سمعت به عندنا انه يكون في الشهر الثامن ..... بس الصراحه ما اعرف اذا هو سبب الولادة المبكره اولا ...........


وسلااااااااااااااااااااااااااام لكل غااااايب


حتى انا مشتاقه اني اسمع سوالف ومغامرات الولادة عند اول وحده بتولد ........ والله ساعات لما اتخيله احسه فلم اكشن

خخخخخخخخخخخخ


سلاااااااااااااام

ترحبووووون فيني انا موعد ولادتي 27 ابريل 2007
وان شاء الله بجيب بنوته تنظم لكتاكيتكم
عني في الحمال هذا اول حمل لي مدوخ نفسي تعب ×تعب
حتى اتمنى ما احمل مره ثانيه الا بعد 5 سنين من كثر الجهد اللي بذلته
من اول شهر للحين ماذقت طعم الراحه ..ادعولي بس بولاده سهله
خايفه مووووووت كل ما اقرا قصص الولادات يزيد خوفي من قلب
حتى انا مشتاقه اني اسمع سوالف ومغامرات الولادة عند اول وحده بتولد ........ والله ساعات لما اتخيله احسه فلم اكشن
بس لمن اشوف اغراض الأطفال تنفتح نفسيتي شوي
انا الحين بالشهر السابع
وما شاء الله عطيتوني فكرة حلوة للأغراض والتجهيزات
الله يتمم على الجميع باليسر والسهاله ان شاء الله

مرحبا بج ريحانتي ويانا :) الله يسهل عليج وعليناااالنسبه لقصص الولاده انا كل يوم احلم بشي ومن كثر ما اسمع خصوصا انهم خبروني بالمستشفى اني بولد ولاده قيصريه الله يستررررر لانه الحوض صغير ووايد .. الحمدلله على كل حال والخيره فيما اختاره الله انا راضيه باللي الله بيكتبه لي .. وهاي آخر أخباري:) .....ابغي اعرف اخباركم؟؟؟؟؟؟؟؟؟؟؟؟؟؟؟؟؟؟؟ الحماس راح في الشهور الاخيره والتعب زااااااااااااااد

شخباركم بنات
الله يقومكم يارب بالسلامة
لكن لاتقولون لي عن الم الولادة خلوني على عماي
الله يستر
المهم خيت كريم زبدة الكاكو وبغيت اعرف طريقة استخدامها على الثدي اشلون
يعني اخليها على المكان الي ينزل منة الحليب علشان الاحظ ان هالمنطقة تققشر عندي بس خايفة استخدمة.

فيه كريم خاص من بالمرز اسمه
كريم الرضاعه
وااااااايد زين عشان الصدر
انا استخدمته من الحين لأن عندي شويه تشققات
وجفاف ما شاء الله نفعني وايد
ايجي بالكرتون معاه قطن بعد
ان شاء الله تستفيدي منه مثلي

حبيبتي ريحانتي
مثل كريم الي اخذتة
بس انا محتارة اشلون استخدمة
يعني اضعة على المنطقة الي يطلع منها الحليب مايثر لان احس ان هالمنطقة محتاجة ترطيب

إماراتية
هلا والله حبيبتي
كلك ذوووق
وبالنسبة للطاقية جبتها من معرض سوري كانو فاتحينه
يعني بالصدفة
لاكن مايغلى عليك عيوني


أم أغلى فهد و ماحد أبد
عيونكم الحلوة حبيباتي
كلامكم زي العسل
والله يقومكم بالسلامة يارب

الخنساء هلا غاليتي
مشكووورة على كلامك الحلو
الأغراض مشكل يعني شئ من البيبي شوب وآدمز والماذر كير وأشياء من كندا
وحياااااك ياعمري .. الله يقومك بالسلامة يالغالية

فاطمية
مشكوووووورة عيوني على ذووقك
وعسى الله يقومنا كلنا بالسلامة .. هانت مابقى علينا واجد :shy:
وصحيح أنا ولادتي بـ24 .. بس أتمنى تكون ب26/4 عشانه يوم ملكتي :shy:
حبيبتي والله

أم الريم
ماشاء الله أغراضك حلوة
يعطيك العافية
وإن شاء الله تشوفين البيبي حقك بصحة وعافية يارب
الله يسعدك يالغالية

الفلاسيه2006
حتى انا صاااااااااااايرة سمرا وبالذات رقبتي وعلى جوانب بطني
ماما تقولي بعد الأربعين لحالة يروح
وإن شاء الله خييير
لا حاتين حبيبتي

ريحانتي
هلا وغلا فيك يالغالية
منووورة وحييااك بينا
كلنا خواتك وأي شئ محتاجته حنا تحت أمرك
الله يقومك بالسلامة عيوني

عاد أنا حوامل من أمس مريضة وحالتي حالة
زكااام وحلقي يعورني موت
عااد بليز أدعولي :sad:
والله يسعد قلوبكم كلكم ويهنيكم يارب مع أزواجكم وكتاكيتكم

دمتم بود