الجزء الثــ13ــالث عشر من تجهيزات عرايس قطر2006

مبـــروك عليــكم اجـــزء اليديــد

نور الدوحه

عندج حق الشاي والقهوة وحده أسمها غزالة ..

ماشاء الله عليها شغلها عدل .. حتى خنفروشها أوكي ..

بشوف لج رقمها بكره وبطرشه لج .. عاد ذكريني أنتي بعد أوكي ..

الكحل ..اليوم والله ادور رقم غزاله ..اهي اللي تسوي لقيمات صح؟

اذا حصلتي رقمها طرشيه لي بليييييييييييييييييييييييييييز ضروري

الحلم الهادئ

يلا متى عرسج لوول <<مستعيله الاخت \

ههههههههههههههههه الله يوفقج يارب

لياالي

اللله يوفقج ويجيج نصيييييييييييبج يااااااااااااااااااااااااااارب

من هذي غزاله ؟؟ زين شغلها ؟؟ قطريه ؟ مليون سؤال هههه

الحلم الهادىء

خلاص إن شاء الله بكره اول ماأحصله أطرشه لج ..

بنت الغالي

إي قطرية .. وتسوي الشاي والقهوة واللقيمات ..

ومن هالسولف .. إذا بعد إنتي تبين رقمها ..

بعد بدزه لج بكره ..

الكحل

تسلمين ياعمري

اول مرة اسمع فيها الصراحه

انتظر الرقم بكرة

بس اكيد شغلها زين؟
على ضمانتج؟ ^_^

والله أسألي الحريم الكبار يعرفونها ..

وايد معروفه ومشهورة ..

فراولــة قطــر

خلاص طرشته .. ههههههههههههههه ..

عندي رقم وحده قطرية تسوي لقيمات روووووووعه ورنجينه ومعمول وبيتيفور وغيره
اسمها ام احمد

مرحبا بنوتات

فيه وحده اسمها ام مهنا تسوي قهوة و شاي و لقيمات و خنفروش و و و و و......................... والصراحة شغلها روعة و دايما نحجز عندها في عروسنا

نعومة قطرررررررر اي هذي الي انا اقصدها صج فنانه ام مهنا دزي لي رقمها الله يعافيج

وانا بعد ابي رقمها

ضروري

دزو لي اياه ماعليكم امر

مرحبا بنوتات ..

مبروك على الجزء الجديد ..

بنت الغالي لاتكدرين خاطرج ان الجزء ماصار فيه حركه مثل قبل .. انا اشوف جذي احسن صارو البنات مؤدبات مايهذرون هني الا بالمفيد وباقي هذرتهم هناك .. جذي مساكين اللي يجهزون مايتدودهون معانا :) فديتني اقول درر..

زين بنات انا اعرف وحده اسمها ام سلطان .. اظن هي تصير مرت سيار الكواري .. الشاي والقهوه تسويه وايد اوكي ودلالها حلوين وبعدين يجونج حار وقهوتها متروسه هيل وزعفران ..

وماعليكم امر طرشوو لي رقم ام مهنا وغزاله يمكن نحتاجهم :)

اممممم بنات رحت اليوم عرس كانت تطق فيه انوار .. بس مادري اشفيها مب ذاك الزود مادري يمكن لان قاعة الدانه حزات يكون فيها صدى ؟؟
غير جذي ماكانت وايد متحمسه وكله قاعده واكثر شي يشغلون دي جي او الريال من داخل يغني مع انهم كانو يقطون فلوس واجد والله اذا بنقول انها تحب الفلوس ..

تجهيز الطاولات والكوشه كان كله من امسيتي .. مادري سمبل واجد ومافيه ورد ..

التصوير والاضاءه من الوان الخليج بس هم غلطو انهم ماحطو شاشات احنا كنا جالسين بعيد ماشفنا العروس ابد ..

انا اشوف ان الشاشات وايد وايد ضروريه يا بنات .. فاللي ماحجزت تروح تحجز حرام لان محد بيشوف زينتها ..

اممممممم بس :)

عندنا عرس قريب وارجو المساعدة

الى اهل قطر لقد فاتني الكثير من الموضيع المهمة مثل تجهيزات الاعراس والافكار المتعلقة بها
ارجو وضع الروابط المتعلقة بهم لكى اتمكن من جمع افكار تتعلق بالعرس

كما ارجو ان تساعدوني اين اجد محل عنده زفات جديدة كل المحلات الى رحتها عندهم زفات قديمة ومكررةومع الاسف كلها محلات معروفة ومشهورة

وشكرا للجميع اختكم ROZZY

ابي رقم ام مهنا :) بليز بنات اللي عندها تطرشه لي ضروري

هلا فيج اختROZZE انا جديدة بالمنتدى الاخوات يساعدونك بالنسبة للروابط:gum:
اما الزفات معاكى حق ان اغلب المحلا ت المشهورة في الدوحة كل الزفات الى عندهم من سنة جدى
قديمة وبها اسماء مواقع النت الى يحملونها منه:angry: . حضرت عرس رفيجة خالتى وكانت الزفة وايد حلوةوالفكرة كانت احلا :clap: وشفنا وحدة اهى الى تنسق مشية العروس بالقاعة وبعد الزفة وايد ناس رحولهاواطلبو كرتها ونا وحدة منهم وانا اكلمج عن تجربة جدام عيني واحنا رحنا لها واختارنا زفة جديدة حق عرس خالتي مع فكرة الزفة
اهي ا سمها ايمان فى محل الراقي بالغرافة وايد شاطرة فى عمل الزفات وافكارها وايد حلوة وهى تعطيج افكار وانتى تختارى وهى الى تعملج مونتاج كامل للزفة حتى لو انتى يايبتهاوهى الى اديرلج الزفة يوم العرس وتنسق مشية العروس مع الزفةواغانيها نقازية وتسويلج الاغاني الى تبيها روحيلها وجربى

اختج :shy: غرودة

اللي طلبوا رقم ام مهنا انطروني شوي بس بييب الرقم من اختي وبطرشه ان شاء الله لكم

سديم
صح كلامج بالنسبه لانوار الله يسلمج لانها حامل وكل قاعده ولا قامت اطق شي فيه ربشه حتى يوم عرس شموخ عنادي بنت خالتي قالت لها انوار نبي طق اكثر من جي يحركنا شوي قالت اكثر من جذي بعد شتبون عقب طلبنا منها اغنيه ياطير راحت تقول بخلي الريال يغنيها انقولها نبيج انتي تقولنا لا هو صوتها واااييد حلوو وي شدخل حاجزينها اهي ولا الريال

انا خايفه في يوم عرسي اتربي وانتوهق مع ان ريلي موصيها اكثر من مره والله يستر بس :(