الجزء الثــ13ــالث عشر من تجهيزات عرايس قطر2006

السلام عليكم :)

الف الف مبروك الجزء ال12 وعقبال المليون :)
والف مبروك للغالية شموخ عنادي الله يتمم عليها يا رب
وان شاء الله تتيسر امور فراشتكم والحلم الهادئ :)

عنااادي حبيبة قلبي ألف مبروووووك
الله الله الله يووفقكج ويسعدج ويرزقج الذريه الصالحه وتفرحييين طوووووووول العمر
والله فرحتوني ان عرس عناادي عدى على خير .. الله يوفقك الكل بنات وييسر أمورنا

لتنسون تدعونلي عرسي بشهر 10 لحد ينساني

فراشتكم :) صاجه بنت الغالي شوفي بنت خالتج ...والا صح يقولون ماتغطت يعني يمكن ماحتاجتها

شوفي حبوبه انا رحت درت على محلات سوق الاحمد اللي على الشارع مالين فستاين الاعراس ...ولقيت وحده توها خالصه مرتبة ونظيفة واخذتها اجار بميتين لونها سكري وبرجعها عقب عرسي على طول يعني بتاريخ 1/9 بتحصلينها في المحل باذن الله

المحل ماذكر اسمه وعطيت الفاتورة مرت اخوي عشان ترجع المظله عقب العصر وتاخذ وياها الفاتورة عشان ماتضيع المحل

بس ترى هو جنبه محل جلابيات ما يضيع

والحين لو تمرين عليهم انا متاكده بتحصلين لج مظلة :) هم يبعينهم وياجرونهم ..واذا تبغين بيفصلون لج بس روحي بسرعه


نور الدوحه :) انا كنت ابي مضيفات بس تفاجات ان القاعه اللي حاجزينها بيحطون لنا 12 وحده للتضييف والعصير وهالامور

تاكدي من القاعه اللي حجزتيها اذا عندهم المضيفات فرررري والا لا؟؟ مالين الفندق

لان تفاجئنا انهم معطينا اياهم فري + كيكة العرس + عصير مشكل ينزل للمعازيم اول ما يبدا العرس فرررري

موفقه يارب

ادعولي مابقى شىء مجرد ايام معدوده :)

الله يهني شموخ ويوفقها ولفال لكل البنات يارب

الله يوفقج يالحلم الهادي


البنات وييييييييييييين :( الله يرحم قبل الموضوع مليان الحين كلهم في الشات :(

حلاليمو شخبارج شباقي لج ؟؟

ريم سوري حبيبتي ماعرف هالخياط

نور الدوحه نفس ماقالت لج حلاليمو على حسب القاعه ......... واذا ماقيتي تتصلين محلات الضيافه وتطلبين ........ بالنسبه للشاي والقهوه اعرف وحده اسمها ام فهد بحاول اجيب لج رقمها

بنت الغالي :) مابقى لي شىء بس ارتب اغراضي وانقلهم ..اليوم بديت اول دفعه من الاغراض ويدتها وباقي بكره جزء وباقي جزء اخير بخليه لين مايخلصون تركيب غرفة النوم..لانها ملابسي ومابي احطها في شناط عشان ماتتعفس

بكره وعقب بكره ببتدي ابخرهم واعطرهم واحطهم في اكياس اللندري خذتلي طاقة منهم بتكفيني وبتزيد وبدويهم معلقين وبحطهم بالكبت

شرايكم مب جذية احسن؟

وخلاص قاعده اطالع غرفتي صارت شبه خاليه ..وين قبل زحمه ومالج محط ريل كله اكياس وشناط والحين فضت

بكره عندي حجز حمام مغربي وبديكير ومنيكير مع ان اظافر يدي تكسروا :( من الشيل والحط في هالشناط وانا اظافري اصلا مافيهم خير يتسكرون بسرعه ! بس صج قهرررر

وشو بعد؟؟

بس بتم شوي ريلاكس في البيت وبهتم ببشرتي وبكبر الوساده ...سهالات الحمدلله :) يوم وبيعدي على خير

ادعيلي :)

ريــم™







بنات شلون فساتين المصمم ادم حلوه.؟


ادم حلووو شغله بس ياااكل المخ..يعني بيطلب منج كل اغرااض الفستان انتي تيبينها..\\\\

والااا شغل حلوه وراااقي..



والف مبروك لشمووووخ

مرحبا بنات

ألف مبروك للي عرسوا واللي يوفق اللي بيعرسون قريب ويمر يوم زواجهم على خير وسهاله

ريم المصمم آدم رفيجتي مسويه عنده فستان كان يهبل يهبل يهبل شغل راقي ومرتب وكنت أول مره اشوف حد مسوي عنده بس صج روووعه

كلاسيك

هلا والله وحشتينا فديتج

بنت الغالي

شموخ عنادي صج بنت خالتي بس ماحتاجت لها لانها ماتغطت بس دخل ريلها واخوها

الحلم الهادئ

برووح وبشوف لو تقولين لي اسم المحل يكون لي اريح تسلمين يالغلا

فراشتكم...حبيبتي..مابيفيدج اسم المحل لاني خذت الظلة الوحيده ..بس كل الليحذاه عندهم بعد ويسوون

اذا فستانج لونه اوف واريت او سكري...نطري لين اول تسعه لاني برجعها للمحل وانشاء الله بكره اتذكر واسئل مرت اخوي عن اسم المحل لانه مكتوب في الفاتورة ..بصراحه ماتذكره كلش

صباح الخير


بنوتااااااااااات ومدامات شلونكم؟



بغيت اسئلكم عن احسن محل يبيع حطب العود ..؟


ودهن العود......؟



ولكم جزيل الشكر

فراشتكم فكرة الرداء حلوه امس رفيجتي كانت مسويتها اذا مالقيتي مظله سويها .......

بنت الغالي عاد من وين والرداء اخاف يخرب تسريحتي

الحلم الهادئ

عقب عرسج لوول رجعيها بسرعه باخذها انا بكم اجرتيها انتي من عندها ..؟

كلاسيك

شخبارك وحشتيني > > > كل مرة أبغي ادق لك واستحي أأحم

ابغي أسألك شخبار مكياج مريم

بنت الغالي

انا بداااوم هني وهناك

عشان يجي نصيبي هني

ان شاء الله

يالله يارب يجيج نصييييييييييييبج باقرب وقت ياقلبي يا ليالي

شظايا الماضي

هلا حبوبه .. بغيت عود بسعر غالي ويكون من الزين الزين ؟؟

بسأل لج أخو ريلي لانه عنده محل بس صج شي ويبغبغ من قلب أشوي ..

فراشتكم :) اكيد لا تحاتين خخخخخ خذتها بميتين

على فكره في واحد من هالمحلات ..اعتقد البشائر...عنده الرداء بس ماحبيت الفكره عشان ما تخترب تسريحتي واتلعوز

مدري حسيت المظلة اريح ...حتى رشيت فيها عطر من ادخل خخخخخخ عشان لما احطها اشم ريحه حلوه اتسلى فيها خخخخ

آمييييين أنا وأنتي ونجهز مع بعض يالحلوة