غلطة عروسة...للمتزوجات

الله يوفق الجميع يا رب
يالله يا المتزوجات بشو تنصحونا بعد

موضوع فعلا مفيد للعرائس اللى لسه بيجهزوا وانا كتيييييييير استفدت منه مشكورين

[frame="8 70"]مرحبا خواتي ، اخباركم ..

ألف مبروك مقدما لكل العرايس :)

بقولكم تجربتي عشان تستفيدون ..

أول شي الله يطول في عمر الوالد ، هو الي علمنا من الصغر شلون نتصرف في الفلوس .. والحمدلله على هالنعمه ..

انا محد علمني شلون اتصرف في مهري ، والحمدلله فلوسي كفت ، وماشريت خرابيط ..

واتمنى من كل قلبي كل وحده في يدها مهرها تسوي الي انا سويته وعمرها ماراح تندم ..

اول شي جبت ورقه وقلم ..

حددت حق كل شي ميزانيه ..
مثلا ..

قمصان نوم : 4000 ريال

جلابيات 5000

ملابس سهره 12000

مكياج وعطور 2500ريال الخ ...

طبعا لاتنسين فستان العرس هذا اول شي تحددين ميزانيته ..

وصراحه الفلوس كفت وزادت ، وكنت حاطه في بالي اخلي حق شهر العسل لأني سافرت علطول ، واستحي اطلب منه في السفر .. توه مسكين دافع دم قلبه خخخخخخ

صدقوني والله هذي احسن طريقه ... ولاتفصلون وايد لان الجسم ماشالله عليه مايتم على حاله .. والموضه تروح بسرعه ..

ابي منكم دعوه في ظهر الغيب :)

تحياتي .. أم حنين [/frame]

عندي اضافه .. لأني قريت وايد عن المكياج والعطور ..

العطور ماكثرت منها، غير الهدايا الي جتني منه ايام الخطوبه ..

شريت ساعه وحده ألماس ، وطقم تعليقه واحد بس ، وكان عملي ولين اليوم البسه ..
وحصلت هدايا كثير ، حصلت ثلاث خواتم الماس ، وساعه ، وقلب ، واطقم صغيره ..

وبالنسبه لقمصان النوم ، اعتقد اني حطيت ميزانيه 4000
مال ليلة الدخله بس طلع علي 1300 ، واضطريت لاني مالقيت ارخص ، والباقي خذتهم من المعرض كانت تبيعهم وحده من الامارات ، كل واحد احلى من الثاني نفس الي ينباعون في المولات ، بس على 100 ، والطويل على 150 ، وخذت منهم كميه ، غير القطنيات ...

هذي مثال على الي سويته ... :)

واتمنى الكل يستفيد ، واي وحده تحس نفسها تبي مساعده ، انا حاضره ...

لاتنسون تشترون نعال فرو حق اول ليله ، مب تمشين قدامه حافيه في الفندق ههههههه انا خذت من نعومي :)

والله أنا غلطتي إني اشتريت كل شي بالسوق من شنط وعطور

ومباخر وميك أب وبدلات وخواتي رايحات معاي السوق ويجهزلي

وكل شي حطوه وبعد العرس عرضت العطور وشغلات الزينه عالتواليت

يعني كشخه وكل ما جت وحده من خواتي زايره خذت من كل اللي جهزته

لها غرض أو غرضين ووالحمدلله ماراحت تجهيزاتي هبااااء

ويسلموا عالموضوع


عروس الشوووق

انا الغلطة اللي سويتها

اني شريت فساتين حفلات وايد و ملابس

و المشكلة اني بعد زواجي وايد متنت و ملابسي ضاقت علي مع انهم وايد حلوين و غاليين :sad:

الحين وزعت ملابسي لأن ما احتاجهم :sad: و قاعدة اجهز من جديد :gum:

اشكركم على النصائح الحلوه
لاني جهزت لاختي وقريب ببدا بنفسي باذن الله

اشكركم على النصيحه لانا للحين ما اشترينا العطور ولا المكياج ولا الفساتين
لكن سؤالي ترانا كثرنا من الملابس الداخليه وقممصان النوم
هل هالشي لصالحنا او لا؟

الله يعطيك العافيه اهم موضوع بالنسبه لي ,

سؤال مهم

الكثير من الملابس الداخليه وقممصان النوم هل هالشي صح ولا لا؟

شكراً لتعاونكم

هلا بالحلوين:shy: ,,,,,كلنا غلطنا بتجهيزنا بس الحمد لله على كل شئ ,,,, طيب يا بنات ليش ماتعرضوا اغراضكم الي ما استخدمتوهم ومتحسفين عليهم للبنات وتشوفوا يمكن احد يبغيهم من بنات المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:think: مثلا انا عضوة بجمعية محلية لرعاية الفتيات اليتيمات ,,, والحين جالسين نجهز كم بنت يتيمه للزواج وكل شئ من مدخولنا الشخصي والي تحب تتبرع حتى باغراض مستخدمه نستقبلها وممكن بعد ندفع لكم اسعار رمزية.!!!!!!!:salam:

يا سلام عليج يا هبايب

والله فكره حلوه !

انزين انتوا وين؟؟
في اي بلد

وين الباقين

الموضوع ممكن يفيد كثير وراح يدعون لكم

الله يحرم وجهها على النار اللي تدخل وتفيدنا

موضوع جدا مفيد ...

انا مش متزوجة بدري علي ، لكن راح اقولكم عن سالفة اخت صديقتي.. نفس الخطأ المكرر اللي طاح فيه أغلبكم ، انها شرت ملابس كثيرة الا درجة انه بقت عندها 3 شناط كبيرة مسكرة ملابس داخلية وعطور وقمصان وغيره لمدة 8 سنين الين الحين مافتحت هالثلاث شناط تخيلوا ....:eek2:

فمن سنتين نصحت مرت اخوي قبل لاتجهز انها ماتشتري كثير، لانها ماشا الله وهي بنت من النوع اللي تشتري عطور وشنط وبلاوي كثيرة، يعني مالها حاجة لانها اتجهز اصلا شرت بس كمن قميص نوم حوالي 7 ، وقمصان عادية 3 قمصان حلوة ، و4 تنانير ، حوالية 7 جلابيات بيسطة وحلوة للزيارات، وفستان عرسها وطبعا مكياجها وشعرها وبس.. يعني اعتقد انها مافسفست من المهر شي الا 15 ألف ريال قطري...(يا بلاش)....:up: طبعا شامل عطور زوجها وتجهيزات ملحقها .

حلو الموضوع

انا مستعجله لذلك ما فيه مجال احكي عن كل شي

بس اول شي طرا في بالي

اني ندمت اني ما غبيت لي فلوس لبعد الزواج

طبعا هو كان دافع اللي وراه و دونه و حالته الماديه سيئه

و انا كنت طالبه مو موظفه

و مستحيل اطلب فلوس من اهلي طبعا وش بيقولون

حتى يوم مره اخوي عطاني طلب مني ارجعها و قال بتسلف و لا تاخذين من احد

لكن طبعا تعرفون الوحده ما يطاوعها قلبها يتسلف

عشان كذا قعدت مطفرررره فتره لا بأس بها من الزمن بينما صديقتي

ما شاء الله عليها كانت مغبيه لها 6 مدري 10 الاف و استفادت منها

عشان كذا لا تنسون تغبون لكم شي

على فكره ما تدرون احيانا بعد الزواج مباشره ما تدرين الا و تجيك

عزيمه فجائيه او مناسبه على غفله

مثلا انا كنت مجهزه لي فستان سهره لزوارتي (الحفله اللي يسوونها اهل الزوج للعروسه)

و يوم رجعت من السفر الا اكتشفت ان زواج اخته بعد اسبوعين و طبعا بيشوفوني

الناس اول مره فلبست ذاك الفستان اللي عندي

و يوم جت زوارتي تسلفت اهئ اهئ عشان اخيط لي فستان..

بتقولون لي ليش ما عندك الا هذا ؟

بقولوكم الخياطه اللي سويت عندها الفساتين خرررربتهم كلهم حسبي الله عليها

حتى فستان زواجي خيتطه عندها و مااا عجبني و لا يقرب للي ابي

فاشتريت ثاني عشان كذا نصيحه

لتجهيز الزواج خيطي لك فستانين سهره مضمونات و لو غلا سعرهم شوي

و لا تدورين خياطه ارخص و تخربهم لك

والله خوش موضوع بصراحه

مفيد ..

يعطيكم العافيه

تسلم أيدكم على هالنصائح الحلوه والمفيده..

كل البنات نصحوني ما اكثر من الملابس ..لان الجسم يتغير عقب الزواج سواء من الحمل او اي شي اخر

وثاني شي .. انا الوالده نصحتني اني اكثر من شراء الذهب ..لان الذهب الشي الوحيد اللي بيتم معاي طول العمر .. واذا ماتم .. ينباع واستفيد

وانا اساسا اموووووت في شي اسمه ذهب:shy:



وموفقات جميعا ..

بصراحة موضوع رااااااااااااااااااااااااائع

بقولكم بعض الأشياء تستفيدون منها اهم شئ كثري من الملابس الداخلية لأنو الوحدو باول ايام زواجها تكون تستحي من ابو الشباب علشان كذا ماتقدر تقوله يودي ملابسها المغسلة وتتكوم عليها وتخلص كل اللي بالدولاب فلازم يكون عندها احتياط.....

الشي الثاني المفروض تشتري العروس ملابس حلوة للبيت ولجلساتهم الخاصة مع بعض لأنو غالبا يكون المعرس (مسنتر) مع العروس مو حلوة يشوفها مكررة اللبسة مرتين بالأسبوع يعني تنورات جنز قصيرة ووحدة طويلة وتنورة سوداء ومجموعة تشيرتات وبديهات وصنادل ناعمة واكسسوارات ناعمة
(واذا صار بعدين كرري على كيف كيفك)

الشئ الثالث لازم تاخذين احتياطات الدورة الشهرية مثل الفوط الصحية والمسكن............الخ

هذا اللي قدرت عليه هالحين بس حبيت اقولكم محسوبتكم مو متزوجة ولا ببالها تتزوج حاليا
(ابي اوسع صدري ومبروك لكل العراييييييييييييييس)




عائداااااااااااااااااااات

الله يعطيكم العاافيه موووضووع ااافاادني كثيييييييييييييييييير ..

بس للاسف انا ماكثرت قمصاان نوووم كثرت بجاايم للنووم خخخخـــ


يلله ننتظر اخطااء الباقين ..

يعطيكم العافيه
خوش موضوع