اخت الزوج .... من هي بالنسبة لكي ؟!!!!!

انا عن نفسي احترم الكل واتعامل مع الكل بحدوووود

عاد إيش ما كان موقعها من العائلة

اهم شيء بينها احترام متبادل وإلتزام وخطوط حمرة

انا مبدىء بالحياة لاتعطي كثبرا حتى لا تندم كثيرا

اشكرا على هذا الطرح

انا مخطوبه و خطيبي عنده 4 خوات
وحده منهم طيبه لدرجه فظيعه و دوم تنقل لي الاخبار يعني اخبار خطيبي اما الباقيات وحده منهم اعوذ بالله تغار مني لدرجه فظيييييييعه و اكره عمري لما ايلس وياها و الثالثه يعني عادي و الرابعه صغيرة لكن لسانها تقول وحده عمرها 50 سنه بل مب ياهل عفريته ... مه اني مخطوبه بس لكن شوف البلاوي اللي اتييني منهم بسبب الغيره مرات اكنم في قلبي بس لما يزيد الزود علي اخبر خطيبي صح اني مابغي المشاكل بس شو اسوي ماقدر اتحمل وطبعا اتعرفون الريال لأنا تونا مخطوبين يعني مايقدر يقول شي لأهله و لا يزعلني
اتعرفون بس شو الشي الحلو فيني اني انسى بسرعه يعني عادي اليوم يظاربوني و باجر اسولف وياهم و اصحك

انا زوجي عنده 3 خوات والحمدالله طيبين وايد
واحترمهم ويحترموني واعتبرهم مثل خواتي بالضبط

وييييييييييييييييييييع انا عندي اخت زوج اعوذ بالله منها نسررررررررررررررررررة


تصدقون اني صرت اتحسب عليها بسجودي من كثر ماتحط حيلها علي بكل شي لا والمشكله اني حساسه ومو من النوع اللي يتحمل وااااااااااااااااااااااااااااي حسبي الله عليها بس ياعلها بهالمر واردى

لو كانن خوات الريل زينات تطلع حرمة الاخو مب شي
او العكس
بس انا عندي 3 حريم اخوان
هنتين ماشي انحس عنهن :schmoll:
و وحده عسل :wavetowel2:
والهنتين هايلا محد سلمان منهن لا انا ولا خواتي ولا امي ولا حرمة اخوي العسل
اللي صار اخر شي اانه طنشناهن عدل مدل ولا جنهن موجودات ويانا :whistling:
ما تقدرين دوم تردين الاساءه بالاحسان
6 سنوات واحنا ساكتين ولا نقول شي
بس اخر مره حطينا ل كل شي حد :tooth:

هم كويسين وعساسيل وبعدين انا مبدخلش فى حاجة تخصهم انا فى حالى وهم فى حالهم

لا عدوتي و لا صديقتي اخت زوجي فقط لا غير

ابعد عن الشر و غنيله

يااختي ريلي عنده 4اخوات وكل يوم تكتشفين شي جديد مرة تحسنهم في حالهم ومرة يمه منهم وخصوصا ادا يتدخلون بكل كبيرة وصغيرة

اخت الزوج صديقه ..و لكن ليست صديقه مقربه ...يعني سوالف في مواضيع عامه دون السوالف عن الاهل و الاقارب المقريبن لهم او عن الزوج لانه في نهايه المطاف هم اخوهم ما يرضون بشي ابدا عليه و هذا طبيعي...يعني نقدر نقول علاقه فيها رسميه شوي

انا خوات زوجي ماشالله عليهم وايد حلوين واعتبرهم مثل خواتي ولا يوم ضايقوني او ضايقتهم بالعكس يقولون ماشالله عليها مرت اخونا وايد طيبة وحليوة ( شايفة نفسي ) هيهيهي بس عن جد احسهم مثل خواتي :21_209:

الحمدالله على كل حال

انا حاشمتهم وهم حاشميني

اهم شي اني اريح زوجي من القيل والقال

انا قصتي مع خوات زوجي غريبه عجيبه وهن اربع خوات 3متزوجات 1عندنا في البيت وجان زين اتعرس اليوم قبل باجر علشان في حياتي ما جفت شراتها تخيلو ان استوا موقف بيني وبين اختها وعادي ومر الموقف جيه وردينا انا واختها نرمس مع بعض ومازعلت اختها بس هي اللي زعلت واقصد هي اللي يالسه ويانا في البيت شخصيتها وايد قويه محد يقدر يجادلها في شيء وعقب بدت المشاكل يوم ورا يوم زعلوا الخوات الباقيات وتموا يطلعون عليه رمسات جدام الناس وجدام زوجات اخوانهم وحتى اخوانها مب سالمين من لسانها ويوم انقولهم كلموها قالوا هي فيها حاله نفسية علشان مب معرسه علشان جيه اتطلع حرتها فينا ترى احنا كملنا على هاي الحالة 3سنوات وحاولت انا احنا انرد مع بعض بس مافي فايدة حتى سرت وكلمت ام زوجي علشان تصلح ابينا تعرفون شو قالتلي شو تتوقعون بناتي على كيفهن اذا هم بيكلمونج من عقب ها الكلام سرت كلمت شيخ في الأوقاف علشان يقولي اذا كان موقفي صح ولا غلط وما يأست حاولت كم من مره وسنه اللي طافت سرت الحج وستسمحت منهم كلهم بس هي ما طاعت اتسامحني واعرف اني لوعت جبودكم بقصتي لأن جبدي لاعت منها ومن تصرفاتها الحقيره معايه انا عندي ولد واحد بس لو تعرفون شو اتسوي عمته وياه ما بتصدقون يوم يلعب بلعبة ولد ختها اتشل اللعبة من يده وادزه عنها ابعيد واتقوله يا قليل الأدب لو تعرفون كم عمره سنتين ولديه هذا موقف بسيط بس في وايد مواقف يغمضج فيها الولد بس اقوله هي عمك ولازم تسمع كلامها واحنا عايشين في نفس البيت بس من 3سنوات ما تكلمنا مع بعض واحاول اتكون علاقتي بس بأمه وأبوه ويوم يكونون زينين وعشر أيام منجلبين عليه وعلى ولدهم والله كل يوم ادعيلهم بالهدايه وما اقول الا حسبي الله ونعم الوكيل

انا اخت زوجي حبويبة وقلبها طيب واعتبرها وحدة من خواتي

الله يهدي خوات زوجي وامه بعد ويحنن قلبهم علي

انا علاقتي بهم حلوووه

واعتبرهم صديقات

تحصل بيننا مشاحنات شويه بس ساعة ولا كنه صار شي بيننا

امكن عشان صلة القرابة بيننا لانهم بنات عمتي


الحمدلله

هههههههههههههههههههههههههه
الحال من بعضة

خوات زوجي اعتبرهن مثل خواتي

اخت زوجي كابوس حياتي ادعولي الله يبعدها عني او يبعدني عنها

مراحب صراحه موضوع كثير حساس بالنسبه لي أخوات زوجي أعتبرهم مثل الحيطة في البيت لانهم من اول ما دخلت همه ما طايقيني مع اني لا أهش ولا أنش وزوجي ملاحظ هالمشكله بس ما بيدة حيله تعرفوا الحماوات عندي هالمبداء لكم دينكم ولي ديني لحد ما الله يفرجها وانتقل بيت بروحي انا وبنتي وزوجي ....أما بالنسبه لاخوانه فأفضل ابعد عن المشاكل وأشارك في المواضيع مع زوجاتهم بحدود تجنبا للقيل والقال وخصوصا انه نحن عيله كثير كبيره ....هذا رائي اتمني اني قدرت أفيد بحاجة وأعبر عن ما بداخلي .....

asma kagman;4723224:
اخت زوجي كابوس حياتي ادعولي الله يبعدها عني او يبعدني عنها

نفس الكلام