اخت الزوج .... من هي بالنسبة لكي ؟!!!!!

شكرا اختي على الموضوع:clap:

بس للاسف ماعندي اخت زوج:sad:

الكل يقول لي افتكيتي:qaq:
بس مادري احيانا اقول يليت عندي اخت زوج اخليها اخت وصديقة عزيزة:shy:

واحيانا من اسمع مشاكل صديقاتي مع خوات زوجهم اقول جد افتكيت وارتحت عشان ماتحرض عمتي علي:think:

واكون العزيزة

بس الخوف من زوجات اخوان زوجي اسمع الناس تقول اكثر تحريض

للعمة :eek2:

وانه خايفة حدي من هالشي لو تزوجوو

اخوان زوجي مستقبلاا:sad: :cry:

the dreamer والله اختي كلامج صح 100 % لأن في من خوات الزوج دمهم ثجيل مووووووووووووووت الواحد مايتحمل كلمه منهم عشان جذه الواحد مايقط الميانه وايد احسن

الورده المكنونه الغالية يوم انهم جذه متكبرات ابعدي عنهم احسن وايد وخلي كل شي مثل ماتقولين رسمي احسن من المشاكل وصدعة الراس

alzomrd اختي انتي ماتدرين زوجة حماج اي اسلوب تتعامل فيه مع عمتج ؟!!!! اذا هيه مكاره انتي كوني امكر منها

هاتيها من هالزين اخذيلها هدايا يوم ادخلي عليها بقطعه مخوره , ويوم بعطر عربي او فرنسي من اللي هيه تحبه , ويوم بدخون وعود

صدقيني الحريم الكبار وايد يحبون هالسوالف وبهالطريقه بتخلين عمتج ترد لج مثل قبل واحسن بعد , لا وبتحسسينها بتأنيب الضمير بعد ... صح !!!!!!!!!!!!!!!

احلى_كويتيه الله يعينكم عليها ويفكم من شرها انشالله . حشا مب مرت اخو مارد يايتنكم البيت

تدرين اختي عيال اخوكم هاتوهم بالسياسه عشان اذا حشت راسهم مايصدقون كلامها ولو انها امهم بس بعد يوم بيشوفون ان الكلام اللي امهم

تقوله لهم شي وتعاملكم معاهم شي ثاني مابيصدقون اللي يسمعونه بالعكس بيصدقون اللي يشوفونه . ادخلوا عليهم مره بلعبه لهم هديه ومره بعروسه

والله وايد بيستانسون عليكم وهذيل اطفال يحبون الهدايا . واذا سألوكم ليش هالهديه قولي لهم علشان نحن وايد نحبكم نييب لكم الهدايا .. ولا شو رايج

امونةة لا والله لاتتمنين اخت زوج ولا شي احمدي ربج افتكيتي من الصدعه وعوار الراس .. الظاهر ان امج داعيه لج من خاطرها ههههههههههههههههههههههه

خلج جذه وايد احسن .. ولو اتزوجوا اخوان زوجج خلج بعيد وايد احسن ولو يلستوا مع بعض انتي اخذي منها الرمسه بس لاتعطينها شي مووووووووووووليه

عشان مايكون في اي شي ضدج ويكون كل شي في صالحج

هلا بناات الحمدلله على كل شي محد مرتااح.
انا الحمدلله علاقتي ويا مرت حمييه واايد اوكيه وهي واايد طيبه عسل والحمدلله علاقتي ويا اخوات زوجي زينه بعد وعمتي بعد الحمدلله والله يدوووم على العلااقه الزينه قوولووا امين..

انا عندي خوات زوجي 2وحده وشحليلها اموت فيا بسراحه احبها فعلا اكثر من صديقه فرفوشه قنوعه بلي عندها ومطالع لغيرها ابد وثانيه مره ملتزمه بس سبحان الله ماارتاح لها ابد مو عشانها ملتزمه طيب اختها الي انا احبها ملتزمه بس الثانيه لمن نجي نزورهم طلباتها كثير اشوي تغار مني تحاول تدخل كثير بشؤن زوجي الخاصه بس هههههه بصراحه مره مااعطيها وجه ولا اسمحلها نهائي انها تدخل وكم مره بينتلها هذا الشي الين مستحت على وجهه

ميهوده الله يدوم المحبة انشالله


أسيرة القمر غيرة خوات الزوج شي طبيعي لأنج داخله بيتهم ومايبون اللي داخله بيتهم تكون اكشخ واحلى منهم ويحاولون يتدخلون في كل كبيره وصغيره اونه عاد اخوهم ومن حقهم باللي يسوونه

الصراحه اخت الزوج عدو في كل الاحوال
خوات زوجي 3 وحده منهم متزوجه زوجها مطلع عيونها علشان جدي حاسه بالمعاناه فهي معاي سكر لا لها ولا عليها...................

اما الثانيه الله يكفيكم شرها دلوعه اهله مع انها اكبر مني 7سنين تحب تتفلسف وايد وتتدخل وايد وتسوي نفسها هي الوحيده اللي فاهمه اخوها وانه هو مايخبي عنها شي وان هي الكل بالكل

بس طبعا مو ماعطتها فرصه تدخل وزوجي نفس الشي......الموت والقهر بعد مامرت حماي جابت لهم الولد وانا البنت تغير كل شي.........صارت تحب تبدي رايها وايد وتقط كلام

والثالثه فيها لقافه مو طبيعيه وتحب تنشر الاخبار عند زيد وعبيد

مع اني مومقصره معاهم وكنت اشتري لهم الهدايه بالهبل اقصر على نفسي واعطيهم

لا واللي يدبح من القهر انهم معتمدين اعتماد كلي في مصاريفهم على زوجي

وهم المعاش بالجيب...............كنت احبهم بس الحين لا

والله انكم حطمتوني انا لسه مخطوبه

بس احس اغلب الي الردو متعقدات من اخوات ازواجهم

انا والله الحمد الله اخت خطيبي هي صحيح شوي عصبيه لاكن جدآ طيبه وتحب تخدم الناس

ماادري اخاف تغير علي بعد الزواج

لكن الله يوفقنا ويجعلني اطلع في بيت بروحي قولو امين

اختكــ

سمو الحب

[frame="7 80"]هلا بناات الحمدلله على كل شي محد مرتااح
.والحمدلله علاقتي ويا اخوات زوجي زينه وعمتي وعمى بعد الحمدلله...وأهم شئ يحبون بنتى وايد.... وأنا حرمت أخوهم العود والثانى بعد متزوج... والله يدوووم على العلااقه الزينه قوولووا امين..[/frame]

أخوات زوجي هو كلهم طيبات و أحبهم و يحبوني

و الحمد لله ما في مشاكل تذكر

اشكركم بنات على تفاعلكم معانا في الموضوع

واحب اقول لكل متعقده من خوات زوجها الله يفرجها عليج وعلينا انشالله ويرزقنا الصبر والفرج من بعد الضيق

قولوا آآآآآآآآآآآآآآآآآآآآآمين

واللي مستانسه والله مريحنها وكافنها شر خوات زوجها اقولها الله يهنيج انشالله ويارب تدوم سعادتكم ويزيدكم حب وسعادة

بعد قولوا آآآآآآآآآآآآآآآآآآآآآآآآآمين

السلام عليكم

بجد الله يعينكم الي متبلشة مع اخوات الزوج

والي مرتاحين عسى الله لا يغير عليهم ابدا

انا احس أفضل طريقة عشان الواحد يتجنب شرهم اذا كان فيه شر لا قدر الله هو المعاملة الرسمية الوحده تعاملهم بالحسنى وتكفي خيرها شرها افضل للجميع

عند خطيبي وهو زوجي شرعا 4 اخوات 3 متزوجات وفي حال سبيلهم ووحدة مطلقة وما شاء الله

بحبوني اكتر من اخوهم (( لحد الآن )) وما شاء الله الدلال والهدايا والكلام الجميل منهن تقولي اخت

خامسة ودايما يوصونه لا تزعلها هه واذا ازعلك تعالي قوليلنا بس ...

بس صديقتي المتزوجة الله يعينها .. عند زوجها 6 خوات تقولي عندي 6 حماوات وعندي

6 ضراير من كثر تدخلهم ومن كثر ما يسمعوها من كلام جارح وانتقاد ويوم عرسها كل وحدة تزاحم

فيها كأنها هي العروس وتريد الرقص في نص الساحة !!! والله شفتهم بعيوني ...ولما كانت خاطبة

خواته ايلي مش متزوجات الشاطرة تطلب منه هدية مثل هدية خطيبته ... الله يعينها

انا عندي خوات زوجي 2وحده وشحليلها اموت فيا بسراحه احبها فعلا اكثر من صديقه فرفوشه قنوعه بلي عندها ومطالع لغيرها ابد وثانيه مره ملتزمه بس سبحان الله ماارتاح لها ابد مو عشانها ملتزمه طيب اختها الي انا احبها ملتزمه بس الثانيه لمن نجي نزورهم طلباتها كثير اشوي تغار مني تحاول تدخل كثير بشؤن زوجي الخاصه بس هههههه بصراحه مره مااعطيها وجه ولا اسمحلها نهائي انها تدخل وكم مره بينتلها هذا الشي الين مستحت على وجهه

السلام عليكم خواتي ......
الموضوع حلو كثير ،،، والأحلى منه لو كل وحدة تعرض لنا كيف تتعامل مع أخت الزوج ،،،
بالنسبة لي خواتي ،،، أنا لزوجي ثلاث خوات ،،، وحدة متزوجة وبعيد عنا ،،، ما تجي إلا بالسنة مرتين ،،، وثنتين معانا بالبيت ،،،، والأدهى من الخوات هم حريم أخوان زوجي ،، اللي يبينون إنهم خوات والغيرة تارسة قلوبهم ،،، بالذات إن زوجي الله يخليه لي يحب يدلعني قدامهم ويتغشمر معاي وهم يسمعون ويشوفون ،،، أنا والله ما أحب هذا الشيء ،،، وكذا مرة أقوله ما يسوي جذي قدامهم بس مو راضي يسمع ،،،
المهم أنا أسلوب معاملتي معاهم من دخلت عليهم (( على فكرة أنا مع بيت حمولتي عايشة ))) إني ما أغلط على أحد وأعامل الكل مثل خواتي بس بحدود يعني ما يطلعون على أموري الخاصة ،،، وبنفس الوقت أنا أساعدهم إذا إحتاجوا وأسولف معاهم وأضحك وأنصحهم كثير ،،، ولو أحد غلط على أبلعها ولا كأنه صار شيء ولا أكلف نفسي حتى بالرد عليهم ،،، عشان جذي ما في أحد يقدر يغلط على الحين لأنهم ما يمسكون على شيء وهذا أحسن لي ولهم ،،، وخالتي( أم زوجي ) والحمد لله وعمي ( أبو زوجي ) أحطهم بعيوني ولو يضربوني لا سمح الله ما عندي إشكال ،،، لأن رضاهم على من رضى زوجي وهذا أهم شيء عندي ،،، وأبشركم أنا غالية عندهم حيل حيل ولا يرضون على شيء ،،، ولو أروح أمسي عند أهلي لازم تدق على خالتي تسلم ،،، ولله الحمد والمنة ،،،،

أهم شيء بالمعاملة مع أهل الزوج إنك تحفظين لسانك عنهم ولا تغمزينهم ولا تلمزينهم وعامليهم بحدود العقل وأعطي كل ذي حق حقه بس ما تنسين حقك .....

أخت الزوج إذا من البداية عرفت كيف أتعامل معها وكان الإحترام متبادل أكيد راح تكون
صديقة وأخت وأنا أحمد الله إن أخوات زوجي علاقتنا ببعض جدا حلوة ويكفيني إنهم عمرهم ماتدخلوا بحياتي
لك كل الشكر على هذا الطرح

السلام عليكم أخواتي.........

هذي أول مشاركة لي وأحب أنكم أتشاركني...

أنا متزوجة من سنة و شي و عمتي وايد طيبة وحبوبة بس المشكلة بحمياتي، هم متزوجين و في بيوتهم بس ايعرفون كل شي عنا عن طريق زوجت حمي (رويتر يالله تقهر) مثلا اذا ما حضرنا في يوم اجتماع العائلة اسولنا هليله ليش ما يت؟؟؟؟؟؟؟؟؟ هي اتعرف انه يوم اجتماع العائله.................الخخخخخخخخ و هم ما يحضرون عادي و يطلعون مع ريايلهم ...... و الله قهر.... و المشكلة ان زوجي ما يرضى عليهم بأي شي...........

والي في القلب أكثر ما اقدر اعبر عنه بالكلمات.........

يالله انتظر مشاركتكم..............

شوفي حبيبتي انتي سوي اللي يرضي الله اولا ويرضي زوجك


يعني اجتمعي معاهم واضحكي مو علشانهم ولا علشان انتي

خائفه من كلامهم علشان تكبري في نظر زوجك وتعلي في عينه

وما تخلي لهم فرصه يتمشكلون وياك خليك انتي العاقله والذكيه

ويارب يوفقك في زواجك

الحمدلله علاقتيباخت زوجي طيبة واحنا اخوات وصديقات
وللعلم هي مو متزوجة واكبرمني بخمس سنوات
وتعيش في بيتي