من موعد ولادتها شهر مارس 2007
البحرينيه الفلة
27-07-2006
376 رد
20,221 مشاهدة
كيفكم ياحوامل....
حبيت اقول جاء وقت تحليل السكر...والحمد لله خلصته..بس العصير الله لايرويكم حالي مره طعمه مثل الفانتا بس حالي بزياده
انا طبعا اخذته وانا صايمه وكنت عطشانه فكان سهل شربه..وعدا على خير...
خلنا نشوف ردت فعلكم ياحوامل وش سويتوا؟
موعد تحليلي الأسبوع الجاي .. وشايلة هم
لأني أصلا ما أحب الحلويات والسكريات بشكل عام .. ومع الحمل صرت بالمرة ما أشتهي الحلو .. وتلوع جبدي منه
الله يستر
أنا 19- 3
الله يهون عليينا
آآآآآآآآآآآآآآآآآآآآميين يارب
مرحبا ..
بس حبيت أعرف شو تحليل السكر ؟؟
بصراحه أول مره احمل وعندي موعد الأسبوع الياي بس ما قالتلي الدكتوره شي عن هالتحليل ليش متى نسوي هالتحليل في أي شهر ..؟؟
أنا ولادتي آخر مارس إن شاء الله
وهذا أول مولود استقبله
بس مو بدري على تجهيز أغراضه؟؟
أنا أفكر أشتريها في الشهر الثامن
خاصة وقتها أكون محتاجة أمشي كثير
أختي بنت ليوا .. بالنسبة لتحليل السكر اللي قاعد نتكلم عنه فهو كالتالي:
الخطوة الأولى: لازم تكونين صايمة على الأقل 6 ساعات .. يعني تكون نسبة السكر في أقل مستوياتها في الدم.
الخطوة الثانية: تشربين محلول سكري من المختبر، وهذا المحلول ميزته أن الأطباء يعرفون نسبة السكر فيه بالضبط، ويضيفون له هالأيام نكهات حتى تقدرين تشربينه، زمان كان بس ماء وسكر أما الآن ففي منه على نكهة الليمون يعني طعمه مثل السفن آب بس بدون غازات وفي منه على نكهة البرتقال مثل الميرندا بدون غازات وفي منه على طعم الكولا.
الخطوة الثالثة والأخيرة: عمل تحليل لنسبة السكر في الدم بعد شرب المحلول بساعة أو ساعتين حسب نوع التحليل المطلوب.
ملاحظات مهمة:
* حاولي تشربين المحلول بسرعة، يعني لا تتمزمزين فيه، كلما شربتيه أسرع كلما كانت نتيجة التحليل أدق.
* احرصي أنك ما تتقيأين أثناء شرب المحلول أو بعده، لأن لو حصل رح تضطرين تشربين محلول جديد مرة ثانية.
* ممنوع أكل أي شي في الفترة ما بين شرب المحلول السكري وتحليل الدم.
أما أهمية هذا التحليل فهي معرفة كمية السكر اللي يمتصها جسمك من نسبة السكر الموجودة في المحلول السكري خلال فترة محددة.
أتمنى أني أكون أفدتكم بخصوص تحليل السكر للحوامل
تحياتي
أختي اسمي رمال
بدري من عمرك يا حياتي .. لازم تحاولين تخلصين أغراض البيبي بأسرع وقت ممكن
أكيد باتقولين ليش؟؟؟
أنا باقول لك ... أولا كثير من الولادات تحصل في الشهر السابع والثامن وبداية التاسع .. فلابد أنك تكونين مستعدة لاحتمال حدوث ذلك ,, والله يتمم لك على خير
ثانيا ,, أحيانا لو حصل احتمال حدوث ولادة مبكرة .. ممكن يمنع الدكتور الأم من الحركة حتى تكمل أشهر حملها، وأحيانا تحجز الأم في المستشفى لتفادي حدوث ولادة مبكرة .. وساعتها لا تقدر تطلع ولا تجهز ولا تسوي شي.
فتحسباً لأي ظرف طارئ .. الأفضل تكون أغراض البيبي وأغراض الأم بل وحتى شنطة المستشفى جاهزة مع نهاية الشهر السادس.
وخليني أذكر لك هذي القصة عن صديقتي اللي كانت تعاند وما ترضى تجهز للمولود إلا لما توصل للشهر التاسع .. في حملها الثاني .. صارت عندها ولادة مفاجأة في أول 3 أيام من الشهر التاسع .. وطبعاً هي ما كانت مستعدة أبداً ولا مجهزة ولا شي .. فاضطرت أنها تكلم اختها ولملمت لها شوية ملابس من بقايا الأبن الأكبر ومن حسن حظها أن أختها كانت ولدت قبلها بشهرين فأخذت لها كم قطعة من عندها .. ولا كانت مستعدة للمستشفى ولا مجهزة شي .. أظن أن هذا موقف لا تحسد عليه .. ومحد يحب ينحط فيه.
ثم أن ملابس وغيارات المواليد ما فيها موضة وموديلات وشغلات كثيرة .. كلها تقريبا متشابهة .. فليش التأجيل .. وعلى فكرة .. ترى التجهيز مو سهل .. تحتاجين عدة نزلات للسوق .. ولفة طويلة على عدة محلات لحد ما تجمعين كل اللي تحتاجينة .. فأبدي من ألحين .. والله يعينك
والله يتمم للجميع على خير ويقومكن بالسلامة حبيباتي
سلام بنات
كيفكم
عساكم بخير
Eman Moon
اي والله انك صادقه من ناحية الملابس انا ماسويت ولا شي ...ان شاء الله بحاول ابدا هالايام ان شاء الله ..
والله يسهل علينا ولادتنا ان شاء الله..
اهلين بالحوامل كلهم
انا ابتديت التجهيز طبعا بدايه بسيطه وان شاء الله بحاول اكمل التجهيزات من ملابس وغيرها في اقرب وقت
اما بالنسبه للتوزيعات في بدايه التاسع بإذن الله
انا مستعجله على التجهيز لاني حاسه بثقل رهيب واخاف في الشهور الجايه اثقل اكثر وما اقدر اكمل
وانتم بنات طمنونا ايش الاخبار وفين وصلت التجهيزات معاكم
والله المعين
مرحباااااااا
اشدعوه محد يسأل عني!!!!!!!!!!! معليه عاذرتكم
المهم
اشلونكم؟شخباركم؟؟
انا سويت تحليل السكر في مستشفى الاهلي وصراحة المحلول عاااااااااااااااااادي جدا جدا مثل الميرندا بالضبط ....... اشربوا ميرندا هاليومين عشان تتعودون
الراشدي عنده تنزيلات قبل كم يوم ريت عليه خذت كم مهاد وكبابيس
وصراحة انا ناويه عقب العيد ابدأ اجهز واتشرى بكون باذن الله في نص السابع!!!!!!!!!!!!!
الله المستعان والله احس حلم..........
اول شي بروح انا وطفلي عشان مواعيدهم تبطي
ويالله خلنا نساعد بعضنا ونذكر بعضنا
اي لون في بالكم تسوون غرفة الولادة؟؟اشرايكم؟؟
عندكم افكار جديدة؟؟
صباح الخير بنات
انا الحمدلله فحصت السكر و طلعت النسبه معتدله بس الهيموجلوبين للحين نازل ..
وطبعا حدد لي الدكتور ان الولاده قيصريه ... >> ارحت وخفت لان اكيد لها سلبيات ... ولها ايجابيات ...
بس الحمدلله ...
تقريبا خلصت ثياب البيبي بس باقي الاسره للحين ماشريتها واغراض الجمعيه
السلام علليكم
هلا بنات كيفكم شو اخبااركم حبيت اسئل اللي مجربه ولادة ؟
شو اللي يخليج تعرفين انج خلاص بتولدين ابغي اعرف علامات اللي تجي قبل الولادة باسبوع بيومين الخ؟
وبغيت اسئلكم عن حمالات الرضاعه اشلون شكلها غير عن حمالات العاديه يليت عندكم صور
بنات بعد عندي سؤال تشققات مالت حمل متى تبين بالجسم؟
ووين بالظبط بالبطن بس ابغي اعرف وين تطلع بالظبط عشان ادهن مكانها زيت لوز؟
وفي كريم تنصحوني فيه يخفف تشققات؟
معليش استحملوني بعد عندي سؤال
الفحص الداخلي المقرف حق الوحده لما بتولد عشان يعرفون كم سانتي اشلون يسوونه ممكن وحده تشرحه لي بالخاص او على العام؟
يعني يكون داخل واايد والا اشلوون؟ ادخل يدها والا اصاابع ؟ اكيد فاهميني شو بسئلكم يليت تجاوبوني هاي اول حمل ومحتااسه؟
بناات قطر
عندكم خياييط سنعه تفصل موديلات قمصان حق النفاس
وبنات بغيت اخذ راايكم اشتري شنطه البيبي وكفر سريره وكلشي يخصه من محلات
والا افصل عند وحده من اللي يسوونه
الصراحه ماابغي افصل ابغي اخذ جااهز ؟
انتوا شراايكم
السلاااااااااااام عليكم
شلونكم وشخباركم؟؟
مجنونة قطر الله يتمم لج يا رب ويعينج ويقومج بالسلامة بس عسى عندج حد يساعدج ويسهر وياج عالبيبيات باذن الله
كوكبه انا بعد مثلج احاااااااااااااتي والله المستعان
وينكم يا حوامل يالله ما عندكم افكار؟؟
وين الفازات البلاستيك؟؟ لان الزجاج ما يدخلونه
هلا حوامل
ايش اخباركم من فتره ما طليت عليكم
اموري الحمد لله
السكر وايد متعبني
وبديت الحمد لله في تجهيز البيبي لكن ما بديت في تجهيز الغرفه
محتاره اي لون ؟؟
ايش راكم في اللون التركوازي...
فتــــون:
السلاااااااااااام عليكم
شلونكم وشخباركم؟؟
مجنونة قطر الله يتمم لج يا رب ويعينج ويقومج بالسلامة بس عسى عندج حد يساعدج ويسهر وياج عالبيبيات باذن الله
كوكبه انا بعد مثلج احاااااااااااااتي والله المستعان
وينكم يا حوامل يالله ما عندكم افكار؟؟
وين الفازات البلاستيك؟؟ لان الزجاج ما يدخلونه
اختي فتون ايش قصدك بالبلاستيك ؟؟
وليش ما يدخلون الزجاج....قصدك المستشفى!!!
هلا كروشات
وينكممممممممممممممم؟؟؟؟؟؟؟؟؟؟؟؟
ايش اخباركم
انا عندي موعد يوم الاحد.....
ادعولي الله يسهل علي
هلا ورود الخير.....اي اقصد الزجاج ما يدخلونه المستشفى
انا بعد معاكم موعدي20-3 والله يسهل علينا
كيف حالكم: انا وياكم وتاريخ ولادتي 11-3 منو تقدر تحسب في اي شهر واسبوع انا بالضبط