من موعد ولادتها شهر مارس 2007

مرحبا بنات

بما ان كلنا نفس الشهر بس حبيت استفسر (عندي الم تحتي ) مادري يقولون الحوض يتوسع صح ولا خطا هذا اول حمل لي وانا ماعرف شي واتفشل اقوول حق الدكتوره ياريت الي عندها خبره تفديني

هلا خواتي امهات مارس

انا بعد معاكم اخر ورة لي 14\6

والله يسهل على الجميع

شو أخباركم ..

جهزتو حق البيبي ولا بعدكم ..؟؟

وإذا ما جهزتو متى ناوين اتجهزون ..

أنا بصراحه متشوقه أريد أجهز حق نظر عيني بسرعه ..

فديته والله ..

بنات وينكم ردو على سؤالي محد يعرف؟؟؟؟

مرحباااااااااااا يا امهات المستقبل
ام الشباب اا خاطري اجهز بس لجيت بشتري اقول لااااااا بدري
يالله عقب العيد وبنكون فالساااااابع باذن الله

لاسينزا انا بعد نفسج وقالوا لي ان الرحم يتوسع وشي طبيعي بس بعد قولي لدكتورتج احسن

وووووين البقية؟؟

وهج المشاعر حياج الله

لاسينزا الالم اللي من تحت عادي لكن مايمنع ان في المراجعه المقبله تقولي للدكتوره


وهج المشاعر الله يتمم لك بخير واهلا بيك معانا


انا احس بثقل رهيب والله يهون علينا

فين باقي الاخوات طمنونا عنكم

أنا في أخر مارس
الوحم خف شوية
أدعولي

انا الحمدلله عرفت جنس الجنين ( ولد ووبنت )
ومن كم يوم سوت الاشعه الملونه
روتن ويه البيبي ( البنت) ..

بس يوم جات بتشوف الولد جاتني دوحه وماقدرت اكمل ..

طبعا الدوخه من الانينيا اللي صادتني
دم صار وايد ضهيف وزادوا ل الفتامينات ..



بالنسبه للتجهيزات
الحمدلله
خلصت ثياب البيبي لكن باقي المراضيع والاسرّه للحين ما خذتهم ..
اما حق نفسي خذت ل قمصان النفاس ووو حق المستشفى
اشكالهم حلوه ...



على حسابي دخلت السادس امس

الله يتمم على خير يارب و يرزق كل محرومه يارب

شكرا بنات الي ردوا عليه

وانا جهزت للبيبي كل اغراضه منbhs

بس باقي السرير....

والله يسهل علينا الولاده يارب

هلا كروشات شحالكم وشو الصحه؟

انا جهزت ملابس البيبي من بيبي شوب بس باقي لي شويه ملابس وباقي الاشياء

(اختي لاسنزا) شو عند bhsحلوو لليهال غير عن بيبي شوب وهل اسعارهم نفس الشيء؟؟

اي والله بيبي شوب وايد حلوو



بامر عليهم انشالله مره ثانيه حق الاسره

حلوووووووووو والله ..

في يعني حد جهز ,. حق البيبي خلاص أنا عندي موعد الخميس وبكون خلصت السادس وببدأ أجهز حق البيبي وحقي طبعا ..

الله يقومنا بالسلامه ..

مجنونة قطر الله يحفظلك البيبيهات يارب ويفرحك بيهم بالسلامه

والله بنات حمستوني على التجهيز مع انا عندي اولاد من قبل الا اني وزعت كل الاغراض اللي عندي

من حوالي سنه مع ان كان فيها كثير اشياء جديده من ولدي الاخير من تجهيزي ومن الهدايا هذا

لان ما كان علىبالي الحمل الا بعد عشر سنين لكن امر الله حصل

والحمد لله نصيب البيبي الجديد

معليش اتكلمت كثير بس من الفضاوه شويه يجو الاولاد من المدرسه ونبدا الدوامه الى موعد النوم

على فكره اخترتو اسم البيبي ولا لأ

هلا ام حمدان

اشيائهم حلووه بصراحه وملابسهم روعه بس عاد غالي اغلى عن بيبي شوب

اتريي التنزيلات على شهر 12 وروحي تشري من عندهم يرخصون وايد


وخبريني جهزتي حق عمرج أنا ماجهزت شي ولافصلت لين الحين ماعرف وين اسير ؟؟؟

لاسينزا:
هلا ام حمدان

اشيائهم حلووه بصراحه وملابسهم روعه بس عاد غالي اغلى عن بيبي شوب

اتريي التنزيلات على شهر 12 وروحي تشري من عندهم يرخصون وايد


وخبريني جهزتي حق عمرج أنا ماجهزت شي ولافصلت لين الحين ماعرف وين اسير ؟؟؟

هلا اختي لاسينزا تعرفيين انا امووت ع لاسينزا وايد احب اشتري من عندهم بجايم وملابس داخليه رووعه

ههههههههههاي متفيجه صح ادري:shy:

وان شاء الله بتريا بس لاتنسيين تذكريني وتخبريني متى بيسوون تنزيلات وتقوليين لي شو حلو عندهم؟؟

ووالله ليين اللحيين ماجهزت لعمري شيء ابدا بس خذت اللي نفس القطنه تحطينها ف الستيان عشان مايتسرب الحليب ويخيس ملابسج من جونسوون

وايد عليه صح؟


اختي لاسينزا ها اول حمل لج ولا لا؟

هلا أم حمدان

تصدقين ملابس لاسينزا الداخليه رووعه والحين منزلين كله قطن مريحات زينات حق الربى

عاد تصدقين حتى انا ماخذت حق عمريه الطشه مادري ليش ابا اسير (انا وطفلي )ومتعايزه

هيه هذا اول حمل الله يسهل علينا يارب

مرحبا ياأحلى حوامل ..

اليوم واصلني مسج من بيبي شوب أنه بدت التزيلات بس في بوظبي ..

خصم لغاية 70% حلو والله ..

بس ما أعرف متى تبدأ ومتى تخلص ..

إنشاءالله بروح أشتري من عندهم يقولون يرخصون وايد ..

هلا بنات شخباركم..

مجنونه قطر يالغاليه ماعليج آمر هاى اول حمل لي ماعرف شجهز حق البيبي ولي ساعديني..

بغيت اعرف شنو اشتري حق البيبي ومن وين وشنو احسن المحلات اللي تنصحيني فيها

وملابس المستشفى والنفاس من وين تنصحيني اخذهم

تسلمين يالغاليه والله يسهل عليج الولاده

بنات تفضلوا هالموضوع حلو حق تجهيز البيبي ...

http://www.3roos.com/forums/showthread.php?t=177754