ابي رايكم خطيب بنت خالتي؟؟

السلام عليكم ورحمة الله وبركاته:

عندي سالفة محيرتني في نفس الوقت شلون اتصرف فيها مو عارفة بس حبيت آخذ بنصايحكم،،،

الله يسلمكم بنت خالتي خاطبنها واحد من ثلاث سنوات وهي دوم على اتصال بينهم،،، عاد هي دوم تكلمني عنه وعن طيبته وطعبا ساعات يحدث اتصالات بينهم صوبي وعادي خطيبين اثنين والله يهنيهم... بس مرة الله يسلمها هي حبت تسوي فيه مقلب :sad: جذي من باب النكتة وياليتها ماسوتها :angry: قامت قالت لي سوي رنات وراء بعض من تيلفونج شوفيه شيسوي انا بالبداية قلت ليها لااااااء اخاف بعدين يفكر شيء ثاني بس قالت لاء بنسويها من باب النكتة على طول بخبره ان هي مزحة ودعابة حبيت اسويها لك من باب المزحة زين صدقت انا الهبلة كلامها :sad: وسويت له رنات وراء بعض بعدين قلت لها تحملي انتي خطيبج مالي خص؟؟ هو مارد طبعا بس لما شاف الرنات كثرت اتصل وقمت رديت وهي طبعا قامت تلقني الكلام وانا اقوله قلت ليه هي تيلفون من ومن معاي وسوري انا غلطانة كنت ابي تيلفون بنية بس الظاهر اني دقيت غلط هو ماصدق يسمع صوتي وانا سبحان الله اي احد يسمع صوتي يستخف ماادري ليش ؟؟؟؟؟ :shy: بس والله مااكذب عليكم ولا هو فخر ولا اني اقول هالشيء انا مستانسة على عمري بس هي شهادة من الجميع بأن صوتي حلو ومميز زين هو الظاهر استحلت ليه الصوت قال من معاي قلت مايحتاج خلاص يا اخي الرقم خطأ وسكرت وقام يتصل فيني :sad: ولاء خطيبته بنت خالتي معاي :angry: اتنرفزت بعدين قامت اتصلت ليه من تيلفونها وقالت له كشفتك يا الخاين كان مقلب بين بنت خالتي وبينك مسوته فيك وصارت هوشة كبيرة بينهم قام زعل وزعل مني وقال انا وحدة مخربة بعدين بعد ما تفاهموا مع بعضهم بس ظلوا يومين كامل وهم يتفاهموا اوكي سارت الامور على احسن مايرام؟؟

آنا طبعا اعتذرت منه وخبرته ان بنت خالتي كانت تمزح معاك وهي تحبك وياكثر ما تتكلم عنك وعن طيبتك وعن شخصيتك وهي تحبك وايد وقام هو يمدح فيها وفي شخصيتها انا قلت خلاص الامور تصلحت بينهم حتى بنت خالتي خلاص قالت هم الحين سمن على عسل وحتى جاب لها هدية حلووووووة غالية تناسب غلاتها على قولته ... انا نسيته ونسيت السالفة بس هو الظاهر مانساني ظل يسأل دوم بنت خالتي الي هي خطيبته عني ودائما اسمي على لسانه :sad: ماادري ليش حتى هي قالت له اشفيك انت البنت خلها لحالها وخبرتني عن سوالفه وانه مستخف فيني ماتدري اشفيه قلت لها شوفي مالي خص انا شيلوني من صوبكم انت وخطيبج تنجازون ام انه يستخف فيني وكل يسأل عني صراحة عودة هي وخصوصا مرة سألته ليش كل تسأل عنها قال لها عيني عينك وبعيون قوية البنت عجبتني وعجبني صوتها ولاء يقول دخلت مخي ؟؟؟؟؟؟ هي اشوي قوية وانا سمعت الكلام وزعلت وقلت ليها شوفي حد ترى انا طحت في مشكلة الحين لأن مو معقولة خطيبش يقول هاكلام بصراحة قمة الإستياء ماادري شاسوي وخصوصا الشاطر صار يتصل فيني من باب يسلم علي وانا اقول اسأل ليش تتصل فيني قال اسلم عليك واقول له بنت خالتي تدري يقول لاء لا تقولين لها بعدين عصبت بصراحة وخبرت بنت خالتي وقلت ليها خلاص هي شريحة تيلفوني غيرتها بس لا تعطين الرقم خطيبج لأن بصراحة حاسة السالفة كلها غلط في غلط حتى خبرت امي وزعلت امي بجد مني وعصبت علي ؟؟؟

خبروني شاسوي آنا وخصوصا هذا كل يسأل عني عند خطيبته حتى خطيبته تقول انا غسلت يدي منه خلاص مدام هي سوالفه ؟؟

بصراحة انا غلطانة بس هي بنت خالتي الله يهداها قالت لي مزحة وهو يتفاهم المزح وهو وفي وامين وماعنده سوالف بنات ياكثر كلامها صدقتها وتعاونت معاها على هالمزحة ؟؟ :angry:

ابي رايكم ؟؟؟