ابي رايكم خطيب بنت خالتي؟؟

لا تعليييييق

ترى سبحان الله الريال اذا مافيه دين ذاك الزود يلعب براااسه الشيطان ودام صوتج حلوو
شي طبيعي الريال ين عليه لكن بدال لا يحصن نفسه ويحترم خطيبته ويخاف ربه قام وتمادى

ليش

لانه الشيطان مهنته الاولى يهدم بين زوجين عرفتو

طبعا ترى وايد رياييل مو ذاك الاتزام لكن فيهم رجوله ورزانه واحترام حق الي يحبها

لكن هذا اسمحيلي هذا رقله وشكله لعووووبي حده

الصراحه الله يعين خطيبته تلقين نفسيتها زفت ماتهنت

حدي احتريت عليها ومنه

مشكورات حبيباتي على الردود وتسلموووووووون يارب بس بنت خالتي بعدها غبية تصدقون للحين وراه وهو دائما يمدح فيني انا طبعا تركت الموضوع بالي فيه مالي خص ولا لي علاقة فيهم وماابي اتدخل بينهم انا الي علي نصحت بنت خالتي ونصحته هو من الدرجة الأولى بس مااحد راضي يسمعني براحتهم .....

خليهم يا اختي

ولا تتدخلين خلاص

ابد

حتى لو بنت خالتج كلمتج عنه اسكتي ولا تردين عليبها او قولي مالي خص انتى ادرى فيه

والله ديري بالج يمكن بعد بالغط بنت خالتج تعطي خطيبها رقمج اليديد
لا تردين على الارقام والمسجات الغريبه مهما كان

مجنونة قطر:
والله امركم عجيب
تطيحون الريال في الغلط و ماتبونه يسوي كل اللي سواه ..

ترى انسان وهو مب معصوم من الخطأ
بصراحه بنت خالتج ماعندها غيره على خطيبها ابدا ... وبصراحه هي افتحت على نفسها باب شكله ما بيتسكر ...

انا بصراحه ما احط اللوم عليه ... لان الحركات اللي صارت حركات مراهقه ... مب حركة وحده مخطووبه وعقب فتره بتتزوج ....

الله يهديكم ويصلحكم ...

:clap: :clap: :clap:
تسلمين على هلكلمات من صدقكم تسوون هذي الحراكات هذا زواج عيشة عمررررررررررررررر
تخرب على عمرها وعليك كمان اذا ماعطى الرقم لغيره الله يهديكم .......................
وبعدين كل رجل يسمع رقه الكلام وعسولة ينهبل منغير شي ؟؟؟؟؟؟ وين عقولكم ذيك الفتره ........... الحين حتى لو خذاها راح يميل لثانيه غيرها لانو ماراح ينسى حركاتها ولا يضمن عشة بيته بقول الي سوت معاي كيذا يمكن تسوي معى غيررررررررري..؟؟
سوري ماحمله الغلط لانو بديتو اول الغلط..........والله يسعدكم

صراحة انتو غلطانين بس زين انه كشفتوه بس المفروض هو خلاص يعتذر ليش مواصل وانتي المفروض ماتردين عليه وبنت خالتج المفروض تزعل منه وتواجهه انه ليش يدق عليج

انتوا غلطانييييييين من راسكم لساسكم هذا رياااااال مو آله ما يحس!!

[grade="8B0000 FF0000 FF7F50"]الصراحه المفروض بنت خالك نحمد ربها ان الله كشف خطيبها على حقيقته .....وتبين الصراحه هو شكله مو مقتنع ببنت خالك لدرجه انه يوم سمع صوت حلو على طول ماصدق ...وبعدين وش هالجرائه انه يسال عنك قدام خطيبته صج اللي اختشوا ماتوا والله يهدديكم ويصلحكم [/grade]

مرحبا اختي

بصراحه السالفه كلها مالها معنى ... يعني ليش تسوي مقالب من هالنوع لخطيبها اصلا غلط هالشي

وبعدين المفروض انتي ماتردين على اتصالاته عنده خطيبته يروح يكلمها لان لين رديتي عليه راح

يحس انج تفسحين المجال له وعادي عندج انه يكلمج وشوي شوي يبتدي قصة غرامية حتى لو اهو

خلقها لنفسه ...

والسموحه ...:shy:

والله صراحه ماعندي كلام غير انه تافه وماصدق يلعب

تحياتي

الجواب باين من عنوانه حبيبتي ده خاين وراح يخونها مع كتير خليها تتركه مع اني مش بحب الخراب بس لو حثل معايا ده كنت حسيبه اكيد

والله شوفي يا اختي الرياييل كلهم سوا!! يعني لو كان صالح او طالح .... ما دام هو يعرف انه حلال عليه يعرف اكثر من وحدة و من منطلق ان الشرع محلل له اربع....راح يتعرف على الي يبيها و الي تدش مخه و ما راح يهمه زوجته او الانسانة الي مرتبط فيها حتى لو كانت ملكة جمال و مو مقصرة معاه!!!

يعني الياييل بطبعهم متخرعين ما يصدقون وحدة تعطيهم ويه سواء كانت جميلة او لا و سواء كان هو شاب و الا على قوله الاخت رجل في الستين......

و الصراحة خطيب بنت خالتك نذل و ما يستاهلها و الله كشفه ليكم و اذا من البداية يسوي جذي ...عيل بعد الزواج شي يسوي؟؟!!!

و السموحة ..ترى بنت خالتج ما عندها غيرة ابد على خطيبها؟؟؟؟ شلون تستحمل يقول لها كل هالكلام عنج و هي ساكته؟؟!!!

مفروض توقفه عند حده و تراويه انها قوية وانج مو وحدة رخيصة عشان يفكر فيج او يسأل عنج بأي صفة؟؟؟؟!!!

اما بالنسبة لج ...فاحسن حل انج تنصحين بنت خالتج انها تكون قوية معاه و تراويه العين الحمرة اذا تبيه ..اما اذا الخيانة في دمه صدقيني ما راح يتغير و اقولها عن خبرة!!!

اما انتي فهذا درس ليج عشان مرة ثانية ما تتدخلين في امور غيرج واذا زادت الامور عن حدها../ا في غير انج دخلين امج في السالفة مدام هي تعرف الي صار من البداية

ونصيحة مني لج لاني عندي نفس مشكلتج و هي الصوت.... انا بعد حصلت لي مشاكل بسبب صوتي الجذاب في التليفون ..لدرجة اني كل مرة اذا اتصلت على 181 ابي رقم معين ما يصدقون !! ويقعدون يطقون معاي سوالف و غشمرة وانا احس روحي بانفجر و اقولهم خلصوني عطوني الرقم !!! خخخخ( ووالله ما امدح في صوتي او شيء!!)

بس هذي مشكله الكثير من البنات هالايام لان معظم الياييل هالزمن ملقوفين!!!

تعرفين شاتسوين؟؟؟ تردين بتحية الاسلام كامله و ما تقولين.... الو او هلا..... او اي شيء ثاني و تبينين روحج ثقيلة و تحاولين تتكلمين بدون نفس حتى!!


والله الي يتكلم راح يستحي من روحه و لا بيفتكر في صوتج الحلو بعد!! و هالطريقة نفعت معاي وان شاء الله تنفع معاج

وبالتوفيق ان شاء الله
والله يهدي بنت خالتج و خطيبها!!

بصراحة zigzag اني نفس مشكلتي انا المشكلة اني انتظر وظيفة وكل ماارد على احد حتى المدراء ينقلب الحال علي بدل ماهم متصلين الى مقابلة يلوعون جبدي بسوالفهم وانا يتني ايام كرهت نفسي وصوتي بس بعدين قلت الحمد الله والشكر نعمة يارب بس لازم الأنسان يحمد ربه على النعمة وفي نفس الوقت لازم مايسيء الى هذي النعمة...

اما بالنسبة الى بنت خالتي انا دخت وانا انصحها مافيه فايدة تقول ماتقدر تتخلى عنه لازم تسامحه لانه يبين ليها انه احلوة وطيب ويحبها واكيد هي دائما تصدقه ودائما تسامحه ......

انزين مادام اصوااتكم حلووه وتقلب عقل الرياييل

حاولوا يوم تتصلون مكان اتغلظونه وتتكلمون بثقل

وهالكلام سمعته من فوزية الدريع

يعني تقدرون على هالشيء

نووسة عندج اميل فوزية الدريع

مجنونة قطر:
والله امركم عجيب
تطيحون الريال في الغلط و ماتبونه يسوي كل اللي سواه ..

ترى انسان وهو مب معصوم من الخطأ
بصراحه بنت خالتج ماعندها غيره على خطيبها ابدا ... وبصراحه هي افتحت على نفسها باب شكله ما بيتسكر ...

انا بصراحه ما احط اللوم عليه ... لان الحركات اللي صارت حركات مراهقه ... مب حركة وحده مخطووبه وعقب فتره بتتزوج ....

الله يهديكم ويصلحكم ...

اوافقها الراي :clap:

اذا ممكن اعطي راي!..

انتوا سبيتوا في الرجال وطلعتوه خاين..ومب ولد اصل ومادري..ايش!!..

شوفوا حبايبي..الرجال كلمة توديهم وتجيبهم.. والله هو حصله وحده صوتها حلو وناعم وبشهادتج..اختي عزيزه ان صوتج وااااايد حلو..فلا نستغرب الحاله اللي صار لها خطيب بنت خالتج..

الغلط على الصوبين.. انتوا اللي يهديكم ..بقله تدبيركم.. حطيتوا روحكم بهالموقف..
يعني باسالج سؤال.. لو حد جا وقالج.. احرقي روحج بالنار.. ( وهالشخص عزيز عليج).. بتقولين انشاء الله!!..وانتي عارفه ان هالشي فيه مضرة لج؟.. طبعا لا..بتحاولين انج تقنعينه ان هالطلب صعب.. واطيبين خاطره..لين ما ينسى هالطلب!!...

اللي اقدر اقوله ان.. الحل الوحيد انج تغيرين شريحتج..

وتطلبين من بنت خالتج انها ما تذكرج كلللللللش عند خطيبها....

والله يستر على الجميع..

انا راي من راي مجنوة قطر والولد شكله بيروح ورى كل وحده صوتها حلو الله يعين بنت خالتج

وصراحه خاطري اسمع صوتج هههههههههه :)

طير البحرين للاسف ماعرف ايميلها

بس تقدرين تتابعين حلقتها يوم السبت على قناة الراي

مشكورين حبيباتي على ابداء الرأي وانااحترم رايكم والله،

نوسة مشكورة حبيبتي ماتقصرين ان شاء الله بتابعها ،،

شوشو شكرا حبيبتي هههههه ضحكيتين ليش تبين تسمعين صوتي اخاف تتخرعين بينما عند الكل حلوووو تسلمين يالطيبة