حوامل التاسع وامهات اغسطس....خلاص قربت ولادتنا

السلام وعليكم

انا موعد ولادتي 30-8
واحس بتعب والام في اسفل الظهر والحوض.

الله يسهل علينا وعليكم.

هلا والله الحوامل الحلواااااااات ....
غبت عنكم هاليومين .. من الالم اللي فيني ... قلت خلاص بربي .. بس لين احينه الله ما ااراد ... ربي يسهل ان شاءالله ...
ما اروم ارقد من الم البطن والظهر .. عسى خير يا رب .... غير هالالتهاب اللي طلع فيني .... روعتني الدكتورة قالت لازم يروح عنج قبل الولادة لانه ممكن ينتقل للبيبي اثناء الولادة... الله يعين ان شاءالله
عاد اسمحولي حبيباتي .... مااروم ايلس وايد .. أستويت عيووووووووووووووز واحس بالم فظييييييييييع في بطني وظهري ... عسى نربي كلنا على خير ويسهل علينا الولادة والطلق يااااااااااااااااااااااااااااااا رب
اتريا منكن الاخبار الحلوة ... واولنا ان شاءالله ام طيف ورهف

اهلا بنات

انا ما دخلت البارحه قلت اليوم اكيد بدخل وبحصل اخبار حلوه :)

بنات بصراحه بديت اخاااااااااااااااف...الموعد بدا يقرب...

الدكتوره امس كانت تبغي تسويلي فحص داخلي تجوف اذا فيه توسع في عنق الرحم..بس انا قلتلها مابا لاني مب حاسه ان فيني ولاده..

بنات عندي سؤال

شو بتلبسون وانتوا رايحين المستشفى فيكم الطلق؟؟؟

لا رنا بعدني.........:)

صايره كأني سلحفاه....يوم ارقد عظهري ما اقدر اقوم..هههههههههههه

ويه صدقج Qatars bride

لازم اخذلي جلابيه خفيفه ترا ما عندي شي قدي موووول....

بنات الامارات..وين بحصل جلاليب خفيفه؟؟؟؟؟؟؟

انجل ايز...

انا اذا رحت وفيني الطلق البس جلابية.. وماتحتها شي..

في كل الاحوال بتلبسين لبس المستشفى...

وباركولي خلصت التوزيعات... وهاي صورتها...





اللي في النص.. شوكولا مغلف

والاطراف مباخر صغيرة فيها بخور معمول مغلف..

باقي اركب البطاقات.. بس ما عجبني شي ليلحين..

انا اقول ..انجل ايز..
ترى الفحص يعجل الولادة.. ممكن تكونين مفتوحة وماتحسين..
والدكتورة تزيدج..

مراحب ياحوامل
شخباركم عساكم علي القوة انشاء اللة اللة ايهون عليكم ومابقي شي وتولدون ياللة استحملوا يمكن اتولدون قبلي انا خلاص احس نفسي صرت شجرة عجوز ماقدر امشي ولا اتحرك علي فكرة انا مامشي من كذا بعد متأخرة ولادتي مااقدر امشي بالمرة

ام عزيز
ماشاء اللة الللي مسويتة وايد وايد عجبني وتستاهلين حبيبتي اللة ايهون عليك

ميمو العسولة
توك فاضية تتشرين للبيبي لحقي عمرك احس بيكون وايد متعب عليكي انك تنزلين السوق بس اقول لك احسن علشان الحركة

انجل ايس
شخبارك يالغالية انا عن نفسي البس جلابية خفيفة ومجرد مايودوني علشان اتجهز للولادة ايغيرون لي اهدومي وطول فترة جلستس بالمستشفي اتكون من اليونيفورم للمرضي ممنوع البس حاجة من عندي

سلامي
اللة ايعينك انتي ناقصة للأتلتهاب الحين بس حاولي اتعالجينة بسرعة ماشاء اللة ماباقي لكم شي

ام مريم وشهد
شخبارك يالغالية مشكورة ومقصرتي بس انا ليما الحين ماجربت الدخون متكيسلة وخايفة في نفس الوقت

رنا
شخبارك وشخبارك مع التعب

قطر برايد
هذي اول ولادة لك ياللة اللة ايسهل عليكي انشاء اللة

مادري ياحوامل انا قريت مرة اذا الوحدة مطوفة موعدها تشرب زيت خروع وتولد علي طول بس انا شربتة تغريبا من اسبوعين ذبحني علي الفاضي وبعدين راح الالم وخايفة اجربة وبعد يطلع علي الفاضي اشرايكم استخدمة ولا خلها تيسير من ربنا ؟

يارب اللة يسهل ولادتنا انشاء اللة ويرزقنا بالطفل السليم المعافاة يارب

خليها على الله...

انا مثلج في بنتي الثانية... شربت غرشتين على الفاضي...

يوم بينزل البيبي.. بينزل بدون خروع...


عليج بزوجك... عنده الحل ان شاء الله.. وماتحتاجين طلق صناعي.. لان هو بيعطيج طلق طبيعي..

وبتقولين ام عزوز قالت...

السلام عليكم
شخباركم
انا خلاص نسيت اني في التاسع ولا جني بولد بس على طول تعبانة ومتكيسلة
الحمدلله امي وصلت بالسلامة من السفر والحين عادي لو بولد ما وراي شي

السلام عليكم
شلونكم حوامل عساكم بخير
انا موعدي الاساسي 12\8 بس بروح يوم الخميس عندي موعد و بسوي فحص داخلي و الله كريم

المشكلة اني حاسة بعوار الحين يروح و ايي
بس يا رب ما يطلع طلق بعدني مو جاهزة

يالله يا بنات شدوا حيلكم راح الكثير و ما بقى الا القليل
الله يسهل علينا اجمعين يا رب

هذي الجملة اللي لقيتها...

((( دانة الدنيا حظرت
"......" مكانها نورت)))

والله يهون علينا جميعاً

مرحبا بأمهات اغسطس

اشحالكن

انا يارتكن ههههه ان شاء الله بكون من امهات فبراير الوقت طويل الله يهون علينا


انجل ايز

سألتي عن الجلابيات الخفيفه

اذا كنت في دبي بتلقينهن في سوق الظلام وعند طاهر اللي محله عدال المسيد الكويتي وين سوق عكاظ شي محلاات وايده بتلقين اللي يعيبج


والسموحه

حلوووووووووووووووووووووووووووووووووووووووة يأم عزيز
عجبتني حيل اي واللة ماكو فايدة ياللة اللة الميسر انشاء اللة اللة ايهون علي وعليكم انشاء اللة

اانا مب معاكم بس حبيت اقولكم الله يهون عليكم ويسهل ولادتكم ولا تنسو ادعية الولاده وقراءة سورة مريم والزلزله وسورة البقره باذن الله تسهل عليكم

ولا تنسون تدعون لي ان الله يهون علي اهء اهء ,,,,

هلا والله بالحبايب...

باركولي امس سويت حلاوه وخلاص افتكيت ..انا الحين جاهزه للولاده :)

ام عزيز...ما شاء الله توزيعاتج حلوه :)

ام طيف ورهف...يا قلبي بعدج...الله يسهل عليج..يا خوفي اطول مثلج لاني ما احس باي عوار وباقي على موعدي 9 ايام

ام احمد..حمدالله على سلامه الوالده..ترانا ما نسوى شي من دون امهاتنا :)

عروس كتكوته..حياج الله يارتنا...والله يتمم لج على خير ويسهل عليج حبيبتي...ومشكوره بس منو بيوديني سوق عكاظ يا حسره...في هالحر خلاص ابغي ايلس في بيتي وما اسير مكان...


مطلع الشمس..الله يسهل عليج يالغلا...انتي بعد ادعيلنا